Gjakmarrja

[dallandyshe]

Gjakmarrja nje plage e rrihapur ne trupin tone.

Eshte dukuri nga me te keqijat ;- vetvrasje e kombit tone.
Vrasje qe ndodhin perdite duke u perhapur me shume, len pas shume plage dhe urrejtje, e con vendin ne nje gjendje katastrofe.

C`fare po behet me gjithe keto plage?
Gjakmarrja/analfabetizmi/prostitucioni/droga/sida/ ku po shkohet ?

Shume te keqinja po ndodhin, plus shkatrrime, djegje te natyres pa kriter.
Te keqijat me pare duhet gjetur nga e kane burimin dhe si mund ti shporrim ato?!
Te gjitha te keto plage te cojne vetem ne nje burim ;-varferija, mjerimi i njerezve ne ditet e sotme.
Arsyeja pse gjithe ky mjerim;-politika jo e drejte e pushetit shqiptare.
Nuk e di a kane kohe qe deputetet e Shqiperise te merren me probleme te tilla apo mos u humbet koha kot dhe mundi per te zhvaturr sa me shume per te rrjepur dhe shkatrruar Shqiperine?!
Mbushja e xhepit te tij mire e mire per 5-vjet dhe ikja ne vende piktoreste me klime te pershtatshme per ta, ky eshte qellimi i tyre, mbrapa se cfare len nuk e c`ajne koken!

Gjakmarja si pasoje e varferise ne veri te Shqiperise, mungesa e punesimit te meshkujve te qenit pa pune, pa te ardhura, pa mireqenje i ben te ndjehen te stresuar, gjendje e te jetuarit bosh ne vende te mbyllra, me dimer te eger dhe vere te shkurter, arsyetimet primitive, gjykime te prapambetura,e gjej armikun e vetes tek njeriu i tij, shoku, fqinji,kusheriri, kunati, bashkefshatari dhe pasojat e grindjeve mes vetes per gjera banale te cojne ne skena rrenqethese, si meshkujt jetojne te mbyllur me vite brenda mureve te shtepise pa bere asgje me friken e daljes ne oborr se i pret plumbi i hasmit fqinj ,me rroptimin e femrave per te mbajtur familjaret e saj, i lumtur eshte ajo familje qe ka ndonje te afert lashte shetit, ti mbaj me te holla.

Shkaku i ri hapjes se gjakmarrjes eshte mungesa e ligjit, mungesa e nje sheti te forte qe ne radhe te pare duhet te largoje varferin ketyre njerezve dhe e dyta mos lejimin e "ligjeve te kanunin" i takojne nje periudhe primitive qe mundesoi njerezit qe per hakmarrjen e vrasjes se nje njeriu te familjes te ndalonte vrasjet masive nga urrejta, per nje te vrare vriteshin nje fis i tere.
Mbase "Ligjet e kanunin" kane kufizuar deri diku si me "njerezore" ndalimin e vrasjeve te femrave si dhe hakmarrje nje vrasje me nje dhe me mundesi lejimin e nje fare kohe per vrasesin te bente dicka te mire.(nuk dua te zgjatem ketu).

Per nje shtet te forte, njerzit para ligjit jane te barabarte ndersa ne Shqiperi eshte e kunderta policia dhe gjykatat e korruptuara te paafte per te kapur dhe cuar ne gjykim dhe denim te vrasesit, i lejon te lire duke bere qe keto urrejte hakmarrese ne ditet e sotme jo vetem qe njerzit i ben te taumatizuar (femijet)por nuk kurrsen qe hakmarja te behet duke vrare dhe nje femer, nje femije 11 vjec apo dhe nje bebe disa muash...
Egersia e e njeresve per gjakemarrje eshte shkak i hutimi i njeriut te pambrojtur ndaj shtetit.
E gjithe kjo politike e gjithe kjo gjendje i con njerzit te shikoj me nostalgji te kaluaren e rregjimit komunis.
Por njerzit harojne, nuk kane pse te kene nostalgji se jane po te njejtit njerez qe hypin ne pushtet por rivare, vetem se u mungon xhelati i tyre qe ti mbante si zagare.
Kur grinden dy vete, e peson i treti qe nuk ka faje-populli.

[StormAngel]

Dje pranë banesës së tij në qytetin e Shkodrës

Vritet pajtuesi i gjaqeve Emin Spahija

Sipas policisë, bëhet fjalë për një vrasje profesionistësh, autorët e së cilës kanë përfituar nga mungesa e energjisë elektrike gjatë natës në Shkodër, për tu larguar në drejtim ende të panjohur. Emin Spahija qe nga viti 1992 ka qenë kryetar i misionit të Lidhjes se Misionareve te Paqes. Gjate viteve te punes se tij, ai ka arritur te pajtojë me qindra familje nga rrethet veriore te vendit, te cilet vuanin prej fenomenit te gjakmarrjes dhe është një figurë e respektuar në qarkun e Shkodrës

SHKODER (9 Gusht) - Eshte vrarë sot prane baneses se tij ne qytetin e Shkodres, një nga figurat me të njohura për pajtimin e gjaqeve, Emin Spahija. Ngjarja ka ndodhur rreth nje ore e gjysem pas mesnate, ndërsa 43 vjecari Emin Spahija kthehej nga një dasëm. Policia e Shkodres, eshte njoftuar rreth orës 5 30 nga një banor i lagjes, se ne afersi te pallateve dykateshe tek shkolla e mesme e gjuhëve të huaja "Shejnaze Juka", gjendej nje person i vdekur. Me te marre njoftimin ne vendngjarje kane shkuar uniformat blu, te cilat gjate verifikimit te kufomes kane indentifikuar shtetasin Emin Spahija, 43 vjeç, i martuar me 1 fëmijë, banues ne lagjen "Ahmet Haxhija", te ketij qyteti. Nje grup hetimor po punon per identifikimin e autoreve te kesaj ngjarjeje, si dhe per motivet e vrasjes. Sipas policisë, bëhet fjalë për një vrasje profesionistësh, autorët e së cilës kanë përfituar nga mungesa e energjisë elektrike gjatë natës në Shkodër, për tu larguar në drejtim ende të panjohur. Policia ka shoqëruar disa persona si të dyshuar për vrasjen, ndërkohë që ka përjashtuar pistën e vrasjes me qëllim grabitjen, pasi pranë trupit të viktimës, është gjetur një aparat kamere, aparati i celularit dhe paratë që kishte me vete. Gjithashtu, në vendin ku është gjetur kufoma nuk ka patur gjak, dhe banorët rreth zonës nuk kanë dëgjuar krisma, fakte këto që shtojnë enigmat në pistat e hetimit. Në vendngjarje policia ka gjetur plumba të vegjel, të dalë nga një pistoletë, tipi i së cilës nuk është identifikuar ende. Emin Spahija qe nga viti 1992 ka qenë kryetar i misionit të Lidhjes se Misionareve te Paqes. Gjate viteve te punes se tij, ai ka arritur te pajtojë me qindra familje nga rrethet veriore te vendit, te cilet vuanin prej fenomenit te gjakmarrjes dhe është një figurë e respektuar në qarkun e Shkodrës

[AgainstAllOdds]

Njerezit qe jane ne gjakmarrje, nuk e marr vesh, ku i gjejne armet??

lol
Kot per kuriozitet , sa kohe ke larg Shqiperise ti mary-anne ?lol
Ne Shqiperi edhe para se te hapeshin depot e armeve ne 97 , kishte tregti armesh qe vinin nga Mali i Zi dhe Bosnja , imagjino masandej kur u hapen ku ne fillim cmimi i tyre ishte rreth 100 dollar lol.
Ne Shqiperi gjen cfaredo armesh qe te dush ti my dear , prej tek pistoleta deri tek 12.7...lol , prej tek kundratanku deri tek bombat C4 me celular ! Prandaj Shqiperia ka kriminalitet aq te madh pasi arme ka cdo lloj njeriu , deri tek i cmenduri apo adoleshenti qe per nji fjale , vjen ta fut plumb se ashtu ka pare neper filma apo ja thote mendja e papjekur !
Pastaj vijne mbrapa problemet e hakmarrjes pasi askush sta fal aq kollaj kur ja vret njeriun e zemres per nji fjale goje..!

[shkrelim]

Substanca e ketij shkrimi eshte e pavertete andaj e ben edhe tere shkrimin te pavlefshe.
Familja e Major Llesh Marashit nuk eshte nga trungu i Bajraktarit te Shkrleit. Lleshi ka qene nga Zagora kurse Bajraktari i Shkrelit nga Vrithi. Lleshin e kane varre ne litar komunistat, kurse asnje nga anetaret e fmailjes se Vat Marash Dashit (Vates) nuk kane psua ndonje pushkatim apo burgosje, me perjashtim te zevendesit te Bajraktarit, Pjeter Gjokes, qe ka qene i denuar me 101 vjet burg por eshte lirua pas 8 vitesh me nderhyrjen e njeres nga femrat partizane qe ai i kishte mbrojtur nga shoket e vet gjate luftes. Bajraktaret e Shkrelit nuk kane jetua kurre ne Zagore por ne Razem te Vrithit, ne Mal te Brose (afer Ulqinit) dhe ne Reç te Velipojes, ku jetojne e dhe sot e kesaj dite.
Nese dikush deshiron me te dhene per te dy familjet e ndershme dhe fisnike, ju lutem, ju mirepres.
Mark K. Shkreli
(Me origjine nga Dedajt e Shkrelit)

Si u masakrua familja e Marash Vatës
-- nga Dashnor Kaloçi | Gazeta Shqiptare
Historia e njË prej familjeve mE tË dËgjuara në Veriun e Shqipërisë e përmendur dhe nga Fishta në "Lahuta e Malsisë". Si u persekutuan nga regjimi komunist.

Si u masakrua familja e Marash Vatës, bajraktarit të Shkrelit Dëshmia e 79 vjeçarit Prek Gjelosh Vata: "Familja jonë që rrjedh prej trungut të bajraktarit tË Shkrelit Marash Vata i cili ka luftuar kundër turqëve dhe serbo-malazezëve, u trajtua në mënyrën më mizore nga komunistët. Pesë burra u pushkatuan, dhjetë të tjerë u dënuan me 126 vjet burg nga të cilat vuajtën 92, shumë u arratisën jashtë vendit dhe i gjithë fisi ynë përfundoi kampeve të internimit"
Dy vëllezërit e mi Vata me Nduen pasi kishin mbaruar akedemitë ushtarake në Itali dhe shërbenin pranë Gardës Mbretërore të Viktor Emanuelit, në vitin 1944 u kthyen në Shqipëri për tu bashkuar me xhaxhanë tonë Llesh Marashin ish-Qarkomandantin e Shkodrës i cili që në 1943 kishte dalë në mal dhe me çetën e tij luftonte kundër italianëve.
Vata me Nduen mbetËn tË vrarË më 19 mars të vitit 1946 gjatë një përpjekje me forcat e Sigurimit ku u rrethuan në shtëpinë e Ibrahim Kupit në qytetin e Krujë, ku u vra dhe i zoti shtëpisë me djalin e tij 12 vjeçar. Po kështu vëllai tjetër Ndoci i cili kishte mbaruar për Teologji në Romë dhe jepte mësim në kolegjin e fretënve në Shkodër, u arrestua në dhjetorin e vitit 1945 dhe u dënua me vdekje i akuzuar si pjestar grupit të seminarsistëve që hodhën trakte në zgjedhjet e 2 dhjetorit të atij viti. Ndocit iu fal jeta dhe bëri 18 vjet burg në Burrel. Po kështu xhaxhai major Llesh Marashi në vitin 1946 u var në mes të qytetit të Shkodrës, pasi ishte organizatori i Kryengritjes së Malësisë së Madhe, kurse nipi Rroku që u kap i gjallë së bashku me të në shpellë, në fillim u dënua me vdekje e më pas përfundoi burgjeve dhe internimeve. Vëllai tjetër Marku që banonte në fshatin Shullaz të Kurbinit, në vitin 1979 u arrestua dhe u dënua me 10 vjet burg i akuzuar se në shtëpi iu gjet një radio-marrse që lidhej me agjenturat e huaja. Nga pjestarët e familjes dhe farefisit tonë që rrjedhim prej trungut të bajraktarit të Shkrelit Marsh Vatës, shumë prej të cilëve ishin diplomuar në Akademitë Ushtarake dhe universitetet e Europës, vetëm unë shpëtova pa u dënuar se kisha dalë partizan. Gjatë periudhës së regjimit komunist familja dhe i gjithë fisi ynë pësoi një tragjedi dhe masakër të vërtetë pasi u pushkatuan katër burra, dhjetë të tjerë u dënuan me 138 vjet burg, nga të cilat vuajtën 92 vjet, shumë u arratisën jashtë vendit dhe pothuaj të gjithë të tjerët deri te brezi i tretë e kaluan të gjithë jetën në kampet e internimeve". Njeriu që flet dhe dëshmon për herë të parë për "Gazetën" është 79 vjeçari Prek Gjelosh Vata, nipi i bajraktarit të Shkrelit Marash Vatës, që ka hyrë në Historinë e Shqipërisë si prijës i malësorëve të Shkrelit në luftrat kundër turqëve e serbëve të cilat janë përshkruar me mjeshtëri nga Padër Gjergj Fishta në "Lahuta e Malcisë" ku ndërmjet të tjerash thuhet:
"Porsi rrfeja në shtërngata / duel prej Shkreli njai Marash Vata / dhe ka msy drejt Dukagjinit / bashk me a't Gjin Pjetrin e Kurbinit /"

Teksa pi duhan me çibukun e tij që s'e shuan kurrë, i ulur aty pranë oxhakut të shtëpisë së vjetër në fshatin Gurëz të Komunës së Fush-Kuqes së Kurbinit (8 km. në perëndim të qytetit të Laçit) ku banon prej më shumë se gjashtëdhjet vjetësh, Prek Gjelosh Vata rri e mendohet për një çast sikur do të thërrasë në kujtesën e tij gjithë të kaluarën e asaj familje që para dyqind e sa vjetësh, e cila është mishëruar në legjendat që janë thënë e shkruar të cilat ai i ka fare të freskëta në memorjen e tij. Po cili është i pari i shtëpisë së Marashvatajve dhe si njihet ai e trungu i familjes së tij në historinë e Shqipërisë dhe çfarë ka shkruar për të Gjergj Fishta në veprën e famëshme "Lahuta e Malcisë"?. Kush ishte Llesh Marashi, majori që ishte diplomuar në Vjenë të Austrisë dhe në kohën e Monarkisë shërbeu si Qarkomandant i Prefekturës së Gjakovës e Shkodrës dhe përse lufta që ai bëri kundër italianëve në krye forcave nacionaliste që komandonte në fshatin Reç të Malësisë së Madhe, për më shumë se 40 vjet iu atribua vetëm partizanëve ? Si e sulmoi ai me forcat e tija të armatosura qytetin e Shkodrës në atë që njihet si Kryengritja e Koplikut dhe si varën Lleshin në mes të Shkodrës pasi e kapën të gjallë në shpellë së bashku me nipin e tij ? Si u arratisën nga Shqipëria dy djemtë e Lleshit, Alfonsi me Alfredin kur nuk ishin më shumë se 12-14 vjeçarë dhe si përfunduan burgjeve e internimeve dy motrat e tyre Albina e Rexhina? Kush e vrau Alfredin (djalin e Lleshit) në Marsejë të Francës në vitin 1979 kur ai ishte duke marrë pjesë në një miting antikomunist që e kishte organizuar mërgata politike shqiptare në Perëndim? Cilët ishin pinjollët e tjerë të familjes së Marash Vatës dhe si përfunduan ata burgjeve e internimeve të regjimit komunist deri në fundin e vitin 1990 së bashku me gratë e fëmijët e tyre?

Bajraktar i Shkrelit
Origjina e familjes që rrjedh nga trungu i Marash Vatës është nga fshati Zagorë i Shkrelit i Malësisë së Madhe ku edhe sot gjenden rrënojat e kullës së madhe të cilat me prezencën e tyre në atë luginë të bukur ku fillojnë Alpete Veriut, sikur duan të dëshmojnë lavdinë e dikurëshme të saj. Lidhur me të kaluarën e kësaj familje dhe burrat e shquar që ajo nxorri gjatë dy shekujve të fundit, 79 vjeçari Prek Gjelosh Vata dëshmon: "I pari i trungut të familjes sonë ka qenë Vat Marashi djali i Marash Vatës, i cili ka lindur rreth fillimit të viteve 1800 dhe njihet për luftrat e tija kundër Krajlve të Serbisë dhe Malit të Zi. Që në moshë fare të re kur akoma nuk i kishte mbushur akoma 25 vjeç, Vata u bë tmerri i Krajl Nikollës i cili i kishte porositur ushtarët e tij që t'ja sillnin atë të gjallë dhe ai që e sillte do të paguhej me flori. Pas vrasjes së Vat Marashit, nusja e tij nuk u largua nga ajo shtëpi sipas zakonit, por qëndroi aty dhe djalit që i lindi pas tre muajsh i vunë emrin e gjyshit dhe e quajtën Marash. Familja jonë e cila ka qenë e vendosur prej qindra vjetësh në Zagorë të Shkrelit ka pasur një miqësi të ngushtë me familjet e dëgjuara shkodrane të Ded Jakupit, Hodo Beg Sokolit e Gjon Serreqi etj. Ashtu si gjyshi i tij edhe Marash Vata u rrit duke luftuar dhe mbajti bajrakun e Shkrelit të cilën familja jonë e kishte të trashëguar në disa breza dhe në krye të malësorëve ai luftoi kundër turqëve e serbo-malazezëve. Për trimëritë e Marash Vatës dhe urtisinë e tij në kuvendet e burrave ka folur dhe Padër Gjergj Fishta në "Lahutë të Malcisë" ku midis të tjerash në ato kangë që kanë përjetësuar në histori legjendash emrat e burrave që i bënë emër vetit, ai shkruan:
"Porsi rrfeja në shtërngata / duel prej Shkrelit njai Marash Vata / dhe ka msy drejt Dukagjinit / bashkë me a't Gjin Pjetrin e Kurbinit / që për pushkë e për urti / e lan namin të dy në Shqipni ". Po kështu në një kangë tjetër Padër Gjergji flet përsëri për Marash Vatën."E njai tjetri ma përtej /me ato mustakë të mëdhenj / me i prek në shoq që ka bri vedit / nuk asht jo Diomedi / por ashtë bajraktar i Shkrelit / si jaj pyrgu në ball të kështjellit / që se trem as topi e as shpata / ja thonë emrin Marash Vata"

Shkollohen në Evropë
Po si rrodhën më tej ngjarjet në familjen e bajraktarit të Shkrelit Marash Vata dhe gjashtë djemëve të tij? Lidhur me këtë Prek Gjelosh Vata dëshmon: "Marashi u martua shumë i ri që në moshën 18 vjeçare dhe nga ajo martesë atij i lindën 12 fëmijë, gjashtë djem e gjashtë vajza. Djemtë e tij u quajtën Rrok, Kanto, Pjetër, Gjelosh, Gjek dhe Llesh. Tre djemtë Kanti, Gjeka dhe Lleshi pasi mbaruan kolegjin e fretënve në qytetin e Shkodrës, erdhën në Tiranë dhe përfunduan shkollën mbretërore të plotësimit të oficerëve. Pasi ata të tre u diplomuan me rezultate të lartë në atë shkollë ushtarake, fituan nga një bursë shtetërore nga qeveria e Mbretit Zog dhe vazhduan më tej studimet pranë Akademisë Ushtarake në Vjenë të cilën e mbaruan me rezultate të larta dhe u diplomuan e u titulluan si oficerë. Po kështu edhe djali tjetër Rroku pasi mbaroi kolegjin e fretënve në Shkodër, vazhdoi studimet universitare në Romë për Teologji dhe më pas erdhi në Shqipëri ku shërbeu si frat në disa krahina të Veriut. Dy djemtë e tjerë Pjetri me Gjeloshin nuk vazhduan shkollat por qëndruan në shtëpi në fshatin Zagorë duke administruar atë pasuri që kishte familja, ndonëse Pjetri kishte gradën e kapitenit si oficer në rezervë" kujton Prek Gjelosh Vata lidhur me shkollimin e tre djemve të Marash Vatës në Akademinë Ushtarake të Vjenës, si dhe të Rrokut që u diplomua në Teologji.

Në mbrojtje të Zogut
Po cili ishte fati i tre djemve të Marash Vatës të cilët u shkolluan dhe u diplomuan në Akademinë Ushtarake të Vjenës në Austri? Lidhur me këtë 79 vjeçari Prek Gjelosh Vata dëshmon: "Nga gjashtë djemtë e bajraktarit të Shkrelit Marash Vata, dy prej tyre Kanto dhe Rroku vdiqën në vitet '30. Kant Marashi pasi u diplomua si ushtarak në Vjenë, u kthye në Shqipëri dhe u emërua si oficer i xhandarmërisë Mbretërore në Malsinë e Madhe. Sipas disa dëshmive Kanto u vra aty rreth vitit 1934 nga një vrasës me pagesë të cilin e kishin shtyrë disa persona me bindje të majta dhe përkrahës të KONARE (Komiteti Nacional-Revolucionar) që drejtohej nga Fan Noli qëndra e të cilëve ishte në Gjenevë të Zvicrës. Kjo vrasje erdhi pasi Kanto kishte bërë me ta një debat të ashpër duke u sharë Leninin dhe Bashkimin Sovjetik, për të cilët ishte shprehur "Kolera që do të skllavëroj Shqipërinë".
-- marre nga Gazeta Shqiptare

[anahi]

un mendoj se gjakmarrja nuk dyet te ekzistoj sepse jemi ne demokraci dhe jo ne kuhen e xhaxhit enver hoxha qe shyqyr ka vdekur me perpara se tani shqiperia do te kishte permbytur me kohe .poshte enveri lart demokracia

[shpresa-gazi]

Me pelqen tema............gjakmarrja ne ditet e sotme nuk haset me vetem ne raste te rralla ne ndonje vend te pa shkolluar dhe te mbetur mrapa..mendoj se perderisa falen zoti pse te mos fal dhe njeriu.........

["QAFË THANË"]

Kënga ime me këtë temë:

Gjakmarrja kërcënuese

Jam fshehur në një kullë para gjakmarrjes
Unë ose mund të fshihem ose të vdes
Tani duhet të paguaj për gjithçka me gjak
Unë ndjek këtë parim të vjetër "gjak për gjak

Unë jam ende duke ikur nga gjakmarrja
E gjithë kjo u shkaktua nga hakmarrja
Unë paguaj një taksë mizore për gjakun e derdhur
Unë ende ndihem fajtor për gjakun e derdhur

Unë duhet të respektoj traditat e vjetra shqiptare
Kam derdhut gjak dhe tani duhet të paguaj për të
Unë duhet të ndjek të gjitha parimet e Kanunit
Unë duhet të respektoj parimet e Lekë Dukagjinit