Liqeni prone e qeverise dhe Presidentit Moisiu

[Vinny_T]

DEGJENERIMI I PARKUT KOMBETAR

"Liqeni artificial zonë sigurimsash"
Banorët ankohen për urdhrin e Presidentit Moisiu


--------------------------------------------------------------------------------



TIRANE

Teksa qëndron ulur në atë që ambIentalistët e quanin dikur mushkëria e kryeqytetit, rehatisë, i bën hije një kostum që përgjithësisht është ngjyrë beshë. "Largohuni që këtej!" Fjalia e thënë në mënyrë brutale nga "i veshuri", prish rehatinë. Prej shumë muajsh që kur në rezidencën e Liqenit artificial banon presidenti i ri i Republikës, Alfred Moisiu, parku i madh është kthyer në një zonë ushtarake. Në fillim banorët e përhershëm nuk e kanë kuptuar bashëjetesën e çuditshme me ushtarakët, duke e quajtur momentale, por tani kjo është kthyer në bezdi. Sapo lë pas sheshin "Italia" dhe nisesh drejt rrugës së Pallatit të Brigadave, ende pa u futur në territorin e gjelbërimit, përpara të del një "gardian". "Kaloni në anën tjetër, andej nga Fakulteti Filologjik", u thotë ai vizitorëve që preferojnë të futen në park me makinë. "Në segmentin rrugor që kalon pothuajse për çdo ditë presidenti i Repuplikës së Shqipërisë dhe njerëzit e tjerë të veshur me pushtet, nuk duhet të kalojnë automjete të tjera". Kështu kanë urdhëruar qeveritarët. Urdhri është zbatuar menjëherë nga uniformat blu, madje rrezja e ruajtjes së presidentit arrin deri në zona më të thella. Siguria nuk lejon që në rrugën e rezidencës së presidentit Moisiu të kalojnë madje edhe ata që shëtisin me biçikleta. "Jetoj në Amerikë dhe kam dalë në foto te Shtëpia e Bardhë, ndërsa këtu te ne s'po na lënë të kalojmë as 1 kilometër larg rezidencës, jo vetëm me makinë, por as me biçikletë. A thua se ne mendjen e kemi se si te vrasim presidentin", thotë Ina, një vajzë e re që studion në SHBA. Ndërsa një shoqja e saj shton me të qeshur se "kalecat kanë gjetur punë të mirë, duke ruajtur hijet e pemëve me urdhër të presidentit". Qentë e policisë mbizotërojnë më shumë në këtë zonë. Për banorët që frekuentojnë çdo paradite territorin e Parkut Kombëtar shtimi i rojeve dhe i atyre që stërvisin kafshët besnike janë bërë të bezdisshëm. Nuk kanë mundësi të gjejnë një copë vend për t'u qetësuar. Ndotja e mjedisit është bërë fenomen i pashmangshëm për banorët. "Parku është ndotur tej mase. Edhe këto dy orë që preferojmë t'i kalojmë këtu, nuk kemi ku të ulemi. Kudo ka nevoja qensh që stërviten nga punonjësit e Rendit dhe mbeturina ushqimore të lëna shkel e shko nga vizitorët që vijnë nga rrethet, madje edhe roje që sorrollaten e të bezdisin", tregon Margarita Koxha, e cila kalon dy orë në ditë së bashku me nipërit në ato mjedise. Qentë e policisë janë bërë tmerr i banorëve të kësaj zone. Ata që e kanë vënë re më shumë fenomenin e ri që ka ndodhur këto ditë në park, janë veteranët. "Të vjen keq t'i hedhësh një sy kësaj zone. Duhet të përcaktohet një vend tjetër për stërvitjen e kafshëve, jo këtu. Të duket vetja se je në një zonë sigurimsash", thotë Mehmet Qordja, veteran i luftës Antifashiste Nacionalçlirimtare. Ai shton se një pjesë të liqenit artificial qentë e kufirit dhe të antidrogës, janë stërvitur që në kohën e tyre, por jo që të mbizotërojnë kudo siç bëhet sot. Kështu, kryeqytetasit që duan ta qetësojnë trupin e mendjen në parkun e gjelbëruar të metropolit, duhet të durojnë shoqërinë e ushtarakëve të rinj që zbatojnë detyrën dhe urdhrin e Moisiut, i cili u ka zaptuar një gjë që u përkiste atyre prej shumë vjetësh.


Piktorët e vegjël, "rojet" pa pagesë të presidentit

TIRANE - Pas ankesave të bëra në redaksinë e Gazetës Shqiptare nga banorë të ndryshëm të kryeqytetit, redaksia ka vendosur të ndjekë hap pas hapi problemet që u shkaktojnë banorëve dhe qytetit urdhrat e çuditshëm për të bllokuar kalimin e njerëzve pranë rezidencës. Në mes tyre më pikantët janë piktorët e vegjël të Liceut ata që janë edhe vëzhguesit më të rregullt të hyrje-daljeve në rezidencën presidenciale. Një djalë i ri na thotë me shaka se, në vend që të pikturojë natyrën e qetë, pikturon atë të tërbuarën me ushtarakë e qen. Të rinjve u duket absurd urdhri i presidentit me të cilin ata janë njohur që në fillim. "Edhe ne na ngisnin në fillim kalecat, por më pas mësuan se nuk jemi ne Bin Ladeni, por piktorë", thotë Abi, ndërsa klasa e tij ia plas të qeshurit. "Privatizimi" i liqenit nga qentë me uniforma ka frenuar në një masë të madhe frekuentuesit e kësaj zone. Ata pohojnë se parku është i vetmi vend pushimi që u përket vetëm atyre dhe ata do të jenë "pronarët" e tij


Kete teme e hapa pasi ky nuk eshte i vetmi rast qe qeveritaret abuzojne me pushtetin qe populli u ka dhene per te drejtuar vendin. Ky pushtet duhet marre si nje nder qe iu eshte bere dhe te punojne per te çuar sadopak vendin perpara e jo te shfrytezohet per rehatine e tyre.
Kush ka fenomene te kesaj natyre per te sjelle eshte i mirepritur pasi u be nje kohe e gjate qe populli vetem mbyll gojen dhe po behet mazochist.
Pershendetje

[Brari]

Liqeni andej nga kopshti zologjik e me thelle eshte bere pellemb e bordello.
Per te siguruar biznesin e Bordellisteve te asaj Zone qe po prekej nga niveli i liqenit qe ish rritur nga Shirat, gangsteri dhe kapobanda me nickun Cuni Bales, i punesuar nga Blend Superhajduti Gonxhja, hapi portat e Liqeni dhe permbyti lagjet posht.

Zona ku dikur shtrihej parku Botanik eshte mbushur me pallate dhe ne nje kodrin te bukur ka ngritur Sarajet agjenti i asfalise dhe lideri Socialist e miliarderi i njohur Cac Angjeli.

Gazeta Shqiptare shqetsohet pse ushtari gardes ndalon hyrjen me makina brenda ne Pyllin diku posht pallatit te Brigadave.

Cdo me makine ne ate Pyll dekorativ me vlera natyrore ky qytetari qe qenka revoltuar?
Atje shkohet ne kembe me nji kacile me ushqime dor per dore me gruan dhe femijet dhe ulesh ne bar e kalon nje dit te bukur.
Nuk besoj se i ndalon Alfredi keta njerez.

Ushtari ndalon makinat.

Po kush jane keta me makina?

Mos eshte ndonji profesor i njohur qe ka djersitur 40 vjet te mesoje shkence e kulture Rinise qe shkon aty me Benz dhe ndalohet nga Ushtari?

Joooo..

Ata jane gango milionera qe shkojne aty me vajzat 15 vjece qe i mashtrojne dhe i marrin nga klasat dhe i perdhunojne rrenxave te Liqenit.

Pra mir ben Presidenti qe e ruan Pyllin.

Gazeta Shqiptare nuk e do presidentin..kjo dihet..sepse kur poston Foto te Edit (Rames) dhe Alfredit ben dallime.

Edi del cdo dite si Engjell me Foto sa nje Veper e Enverit kurse Presidenti cfaqet ne GSH me foto sa nje gjys Shkrepseje.

Prandaj GSH ka cuar hafijet me hap fushat kunder Presidentit sepse Presidenti kte Radhe nuk eshte ish spiun i Ramizit ose i Klosit si i meparshmi.

Qashtu..

[Orku]

Ai lloj sistemi i bllokimit te rruges per aresye sigurie kur kalon presidenti, dhe qe eshte gjeja me normale ne bote, ka te pakten 11 vjet qe aplikohet ... cuditerisht gazeta dhe <> indinjohen pikerisht tani .

[Vinny_T]

Problemi eeshte se ne shqiptaret indinjohemi per komshiun qe nuk na foli apo per dike qe na pa me inat e qe se njfim fare e jemi ne gjendje dhe ti marrrim jeten per kete kurse kur vjen puna per gjera me rendesi qe na pengojne ne jeten e perditeshme, kur vjen puna te kerkojme llogari per voten qe kemi dhene dhe menyren se si perdoret ajo aty ne ngelim dhe dime te diskutojme vetem kafaneve e asnje nuk merr me iniciativen te organizoje diçka per te permiresuar sadopak apo ndrequr ne menyre dhe pse modeste anomalite qe lexojmùe e jetojme ne jeten e perditeshme.
Para disa vitesh kur boksieri i famshem Mike Tyson shkoi ne
Danimarke per tu ndeshur me nje boksier danez i cili ishte kampion ne vendin e tij atehere dhe me fame isha dhe une per pune. Tyson shkoi ne nje palester per tu stervitur dhe aty kishte sigurisht dhe danez te cilet ishin te abonuar dhe Tyson kerkoi te te rezervonte palestren per dy dite ne menyre qe mos ta shqetesonte njeri. Kesaj kerkese te tij pronaret e palestres jo vetem qe nuk ju pergjigjen pozitivisht por dhe shprehen me pas çudine e tyre perse i duhej gjithe palestra dhe se si mund tu pergjigjeshin klienteve te tyre te cilet vinin per dite!
Ne kete palester ishte dhe nje miku im danez i cili qelloi te stervitej ne te njeten kohe me Tyson dhe ne darke kur po hanim me pyeti i çuditur qe perse mbante kaq shume bodyguard Tyson?!
u mundova tja shpjegoj ne menyre te pergjitheshme duke i thene qe eshte figure publike dhe si çdo figure publike nuk do qe ta bezdisin, ka qe i duan dhe te keqen....
Me tha po çfare ka bere se ky eshte vetem sportist pse duhet te ruhet?! Njeriu ruhet vetem kur ka bere gjera te keqia apo ka cenuar interesat te te tjereve dmth nuk eshte clear si njeri!
Tek ne me tha kryeministri nuk mban bodyguard per te shkuar ne pune bilse ka dite qe shkon dhe me biçiklete!
Atehere e kuptova se ketij njeriu nuk kisha se si mund ti shpjegoja me llogjiken time perse i duheshin bodyguard-et Tyson-it.
Ne Shqiperi eshte per tu çuditur qe qeveritare qe nuk kane bere asgje per te miren e vendit, qe lene te lulezoje krrimi, korrupsioni, qe nuk sulmojne as trafikantet e droges, as te klandestineve, as te trafikut te femijeve......te kene frike qe te bllokojne çdo rruge kur kalojne.
Jo vetem qe keta qeveritare spo na rregullojne sadopak jeten e perditeshme po dhe na bezdisin duke na bllokuar qarkullimin çdo dite aty ku kalojne!
Po te shohesh rojet e tyre qe bejne si bisha te egra e shajne kur nuk ndalon makinen kur kalon nje cope ministri te ngrihen nervat.
Si mund te bllokoje Mosiu gjysmen e liqenit pasi ka shpine diku aty?! Le te ruaje baçen e vet po çpune ka me parkun e liqenit?! Parku eshte park nacional dhe i takon te gjithe Shqiptareve, i takon gjysherve, prinderve tane qe e kane ndertuar dhe po jetojne me 7000 leke pension mujor e jo kryeministrave, ministrave apo sekretareve te tyre !
Ne Tirane sot çdo makine qe ka perde shkel hapur rregullat e qarkullimit rrugor, behet rrezik per automobilistet e tjere dhe jeten e tyre dhe nuk ka polic qe te nderhyje se e pushojne direkt nga puna!
Ne France perpara 3 muajsh shoferi i ministrit te brendshem u kap nga nje radar me 205 km/ore ne nje autostrade dhe ju hoq patenta si dhe u denua me nje gjobe te rende nga gjykata civile dhe perseri njerezit nuk ishin dakort me kete denim pasi ju duk me i vogel se duhej te merrte!
Ne Shqiperi nje shofer i thjeshte qe vetem se ka makinen me perde e ben policin e qarkullimit te flasi me vete biles kemi pas raste qe i ka godit dhe me grusht ne mes Tirones perballe presidences 5 shoferi i deputetit gjate vizites se Collin Pawell).
Mjaft me perdorimin e privilegjeve se Tirana 5 rruge ka dhe ato jane per te gjithe e jo vetem per qeveritaret.

[Orku]

Viny une e kuptoj llogjiken tende por mendoj se nuk funksionon gjithmone.

Se pari eshte e pavertete se vetem nje njeri qe ka bere keq gjen keq apo eshte i ekspozuar ndaj se keqes. Fama, paraja, politika, interesi, drejtesia jane vetem disa nga gjerat qe mund ti sjellin nje njeriu te ndershem te keqia te pamerituara. Atij shokut tend danez mund t'i kishe kujtuar pa te keq vrasjen e kryeministrit norvegjez qe aplikonte metoda te ngjashme me ate danez nga nje maniak ne deren e nje kinemaje publike.

Raste te tjere te ekzekutimit apo atentateve ndaj politikaneve nuk besoj se ke nevoje te ti rreshtoj une pasi i di vete. Presidenti i republikes eshte kreu i shtetit dhe si i tille i takon te ruhet konform ligjit. Ai eshte personi qe garanton Kushtetuten dhe perfaqeson kombin. Pjesa derrmuese e vendeve te botes i ruajne kryetaret e shteteve te tyre me masa shume te forta sigurie pasi vrasja e tyre pervecse eshte nje akt i rende mund te coje ne destabilizim.

Bllokimi i rruges 10-15 min perpara kalimit te tij eshte nje fenomen krejt normal qe behet konform rregullave dhe ligjeve per sigurimin e personaliteteve.

Persa i perket respektit ndaj ligjit jam dakort me ty qe ne Shqiperi ai eshte nen 0.

[Vinny_T]

Une nuk jam per mos ruajtjtjen e personaliteteve publike se keqberes ka gjithandej por jo te abuzohet me kete gje.
Me ka rene rasti kur kalon nje veture qeveritare e para policet qe shoqerojne eskortin ecin si te çmendur me makina neper rruge dhe me sirena qe shqetesojne dhe stresojne gjithe kembesoret dhe makinat qe jane neper rruge!
Te ecesh me ate shpejtesi rrugeve te Tiranes eshte absurditet pasi rrugeve ka dhe femije te cilet fatkeqesisht nuk kane te njeten koshience si adultet. Atehere largqofte te ndodhe ndonje aksident nga keto veprime e le te pyesim prindet e ketyre femijeve se sa e shtrenjte eshte jeta e nje qeveritari ne krahasim me jeten e femijes se tij?! Pergjigjia eshte e thjeshte besoj. Po ashtu me ligj jeta e nje qytetari nuk eshte me e lire se ajo e nje qeveritari te pakten me njohurine modeste te ligjit shqiptar qe kam une nuk gabohem besoj per kete.
Kur Miterrand erdhi ne fuqi ne France ne vitet 80 hoqi eskorten e tij personale dhe ruajti vetem nje makine per ta shoqeruar.
Shoqerueseve te kesaj makine u kerkoi te ishin sa me diskret kur kalonin neper rruget e Parisit dhe te perdornin sirenat e vetures vetem ne raste ekstreme. Flasim ketu per nje vend si Franca dhe presidenti i saj me te vertete mund te ndihet ne rrezik shume te madh pasi ka pas te beje drejtperdrjet me terrorrizmin me afare shtetesh, me spinazhet e sherbimet sekrete te bllokut sovjetik ne ate kohe....lista eshte e gjate besoj.
Atehere kur flet per nje minister shteti si Sokol Nako, Ben Blushi apo Blendi Klosi ......apo me keq akoma per shoferet e tyre kur kthehen ne shtepi dhe hapin sirenat e askush nuk ngre zerin....me vjen keq po nuk mund ta gelltis kete shperdorim detyre.

[ALBA]

Presidenti Moisiu, dy herë më shumë roje se Meidani


--------------------------------------------------------------------------------



TIRANE

Postblloku me traun e hekurt ka ekzistuar prej kohësh në atë pjesë të rrugës që të çon drejt rezidencës presidenciale. Agjentët civilë e kanë për detyrë ta ruajnë të parin e shtetit në momentet kur hyn ose del nga rezidenca e tij. Me t'u njoftuar për kalimin e Moisiut në atë zonë, rruga "blindohet" nga gjashtë roje, që rrinë në postbllok derisa të kalojë i pari i shtetit". Kështu janë shprehur burime brenda Gardës së Republikës së Shqipërisë. Ata sqarojnë se kur vjen një i huaj, është me ligj të bllokohet e gjithë Tirana dhe nuk i bën përshtypje njeriu, ndërsa bllokimi i liqenit për gjysmë ore është absurde të mendohet si shkaktar i një morie problemesh për qytetarët. Burimet e mësipërme sqarojnë se e vetmja gjë që ndryshon nga presidenti i mëparshëm është se tani është shtuar një postbllok prej dy ushtarësh në njërën prej kthesave të rrugës, në të cilën presidenti Moisiu kalon për të shkuar në rezidencën e tij. Udha që të çon drejt rezidencës presidenciale në momentin që kalon presidenti paiset me gjashtë agjentë civilë. Rojet e presidentit qëndrojnë dy e nga dy në tre kryqëzimet e aksit rrugor. Vetëm kaq. Ndërsa për bllokimin e makinave ata sqarojnë se në atë zonë kalojnë të gjithë makinat me nuse që kanë fletëhyrje nga Bashkia dhe ata që janë pronarë të lokaleve të asaj zone, ndërsa të tjerët pengohen vetëm për momentin. Me të ikur Moisiu nga rezidenca e tij, makinat mund të hyjnë e të dalin sa herë të duan në atë zonë. "Tridhjetë minuta para se presidenti Moisiu të kalojë për në rezidencën te liqeni lajmërohet Garda. Ne si drejtues të ushtarëve të Gardës çojmë në tre postblloqet nga dy civilë ushtarakë të cilët qëndrojnë afro një orë" sqaron I.K. Nuk lë pa përmendur se kur Moisiu kalon natën në rezidencën e parkut kombëtar atëherë ndryshon puna. Agjentët e tij rrinë gjithë ditën, por jo se pengojnë kalimtarët. Bllokojnë vetëm makinat civile që duan të hyjnë për atë moment në territorin e Parkut Kombëtarë. Burimet brenda Gardës pohojnë se kjo lloj metode është përdorur dhe në kohën kur e drejtonte shtetin Meidani. "Në atë kohë qëndronin dy palë roje, ndërsa tani është shtuar dhe një dyshkë e rojeve në kryqëzim, por kjo nuk do të thotë që është bllokuar i gjithë parku", rrëfen I.K., një nga drejtuesit e ushtarëve të Gardës. Ai shton se presidenti Meidani ka jetuar në rezidencën presidenciale për një kohë të gjatë dhe parku as që është bllokuar ndonjëherë.


Dhe ankesat s'kanë të sosur

Po mbushen një javë që Gazeta Shqiptare pasqyron ankesat e invalidëve, veteranëve, familjarëve, spor-tistëve, piktorëve të vegjël e drejtuesve të automjeteve në lidhje me "privatizimin" e parkut kombëtar nga agjentët civilë të presidentit Moisiu. Për gjatë këtyre ditëve ata kanë dorëzuar në mjediset e redaksisë dhjetëra letra në të cilat shkruhen me hollësi ankesat e tyre lidhur me bllokimin e kalimit disa orë para se të kalojë presidenti në atë rrugë. Frekuentuesit e rregullt të asaj zone kërkojnë medoemos që të gjendet një zgjidhje e domosdoshme për problemet e zonës.


ROJET E PRESIDENTEVE NE PARKUN KOMBETAR QE PREJ VITIT 1990

- Në kohën e presidenti Berisha parku ka qenë pothuajse pa asnjë roje. Kanë hyre e dalë lirisht edhe në momentin kur ka kaluar presidenti i asaj kohe. Çdo gjë është bërë formalisht.
- Ndërsa në kohën e Meidanit, president në rrugën që të çon drejt rezidencës presidenciale kanë qëndruar dy postblloqe me nga dy agjentë civilë.
- Me ardhjen e presidenti Moisiu në krye të shtetit numri i rojeve është shtuar. Rruga që të çon drejt rezidencës presidenciale është e pajisur me tre postblloqe me nga dy ushtarë.

[Vinny_T]

Liqeni i lirë vetëm kur rojet bëjnë "punë shtëpie"


--------------------------------------------------------------------------------



TIRANE

Liqeni merr frymë lirisht vetëm kur agjentët civilë të Moisiut bëjnë "punët e shtëpisë" në territoret e Presidencës ose në të Gardës. Grupi i gatshëm i ushtarakëve ka ditë që i "arnon" rrugët e rezidencës së presidentit në parkun kombëtar dhe ato të Presidencës. Presidenti Moisiu ka qëndruar për disa ditë në rezidencën e tij në park me rrugë të boshatisura derisa janë pastruar e rregulluar mjediset e jashtme të Presidencës. Ende nuk ka mbushur 60 ditë që godina e Presidencës është pajisur me rrjetin e telefonisë fikse. Secila prej zyrave të godinës ka në dispozicion një telefon me të cilin komunikon brenda dhe jashtë kryeqytetit. Pajisja me telefon fiks është bërë me urdhër të presidentit Alfred Moisiu. Godina e Presidencës ka qenë e pajisur me telefon fiks, por për shkak të një luhatjeje tensioni të paparashikuar ka marrë flakë i gjithë kablli i telefonëve dhe çdo gjë është bërë shkrumb e hi. Asnjëri nga këshilltarët e presidentit nuk kish guxuar të fliste më parë për këtë defekt. Me të marrë vesh problemin e brendshëm të godinës së Presidencës, Moisiu ka urdhëruar që brenda natës të pajiset e gjithë godina me linjën e telefonisë fikse, të punohen të gjitha lulishtet e brendshme dhe të krasiten e të lyhen me gëlqere të gjitha pemët. Moisiu ka urdhëruar që të gjitha këto punë të bëhen brenda një dite nga ushtarët e Gardës. Urdhri i të parit të shtetit i ka gjetur "gafil" ushtarët e rinj të kryeqytetit. Në atë moment ata kanë qenë nëpër turnet e shërbimit në liqen. Me të marrë vesh urdhrin e Moisiut, Presidenca është "pushtuar" nga 30 ushtarë gardistë, të cilët kanë qenë duke "survejuar" liqenin dhe vendet e tjera ku ishte parashikuar të shkonte presidenti. Gjatë gjithë ditës rruga që të çon drejt rezidencës presidenciale në parkun kombëtarë ka qenë e lirë. Ushtarët e rinj brenda ditës kanë arritur t'i punojnë të gjitha lulishtet që rrethojnë godinën. Njëkohësisht kanë hapur e mbyllur brenda ditës të gjithë kanalin e kabllit së telefonisë fikse. "Ushtarët kanë hequr kabllin e djegur kanë pastruar të gjithë kanalin kanë futur kabllon e ri dhe e kanë mbyllur kanalin", tregon I.S., një nga ushtarët që ka marrë pjesë në "aksionin" për pastrimin dhe gjelbërimin e godinës në të cilën kalon pjesën më të madhe të kohës kreu i shtetit shqipëtar. Ushtarët e rinj shtojnë se atë ditë janë trajtuar shumë mirë nga punonjësit e Presidencës. Madje me këtë rast për ushtarët është shtruar një drekë e këndshme. Pas pune forcat blu kanë shijuar pije dhe ushqime të ndryshme, të përgatitura enkas për ta.

Me duket simpatike ideja e Moisiut qe ushtaret te kontribojne sadopak dhe pse ne menure fizike per ti sherbyer vendit te vet.
Ajo qe me shqeteson me shume eshte fakti qe jemi te udhehequr nga njerez qe fatkeqesisht nuk jane moderne ne perceptimin e gjerave dhe menyres se si duhet te funksionoje nje shtet.
Eshte e turpeshme qe presidenti te merret me keto pune po dhe kur merret gjerat behen mbrapsh!
E para presidenti jeton per dite ne rezidencen e tij dhe eshte çudi qe nje dite me diell ti kete bere pershtypje qe pemet paskan qene te palyera, baçja e paprashitur, bari i paprere....!
Per kete pune duhet te ket nje baçhevan qe kujdeset dhe skane faj ushtaret e gardes qe kryejne sherbimin dhe normalisht jane aty per te siguruar jeten e tij e jo te punojne baçen! (kete gje mund ta kuptoja nqs ndodheshim ne nje gjendje lufte dhe shtetit si funksojne strukturat).
Se dyti si iniciative nuk eshte e keqe nga ana e presidentit pasi dhe ushtria duhet te kontriboje ne permiresimin e jetes se vendit
por ky mesazh do te ishte i tille per popullin dhe ushtrine nqs Moisiu do te kishte kerkuar njehere qe ushtria te marri pjese ne pastrimet nga pleherat neper Tirane , neper parkun e liqenit ku ka shume njerez qe shetisin dhe ka boll ambiente te pista (nje pjese e tyre dhe prej mbeturinave te vete shkolles se qeneve) Te mbetjeve inerte ne plazhin e durresit pas shkaterrimit te shume objekteve pa leje pasi vera ka ardhur dhe populli e turistet do te vershojne plazheve dhe ambjentet jane te qelbura e duket sikur ka rene bomba.
Keto lloj veprimesh do te kishin senc pasi ushtria do te ishte ne sherbim te vendit te vet, te popullit te vet dhe mesa dime te gjithe çdo shtetas i detyrohet vendit te tij nje vit sherbim ushtarak per ti sherbyer shtetit e jo ekslyzivisht drejtueseve te tij per konfortin e tyre personal.
Pershendetje

[Vinny_T]

"Makinat e Moisiut, na mbyti tymi"
Ankohen banorët e sportistët që frekuentojnë Liqenin


--------------------------------------------------------------------------------



TIRANE

Shkojnë për të thithur atë pak ajër të pastër që thuhet se ekziston ende në kodrat e Liqenit Artificial dhe ndeshen me smogun e rëndë të krijuar nga trafiku i makinave që hyjnë e dalin në territorin e gjelbërt duke përfshirë këtu dhe vargun e automjeteve të rezidencës presidenciale. Frekuentuesit e rregullt të Parkut Kombëtar detyrohen të gjejnë rrëzat për të shijuar sadopak flladin e pastër të pranverës. Rrugët bllokohen nga eskorta e makinave të kreut të shtetit ndërsa në kodërzat e gjelbërta njerëzit dynden për të kaluar pakëz kohë të qetë. Sportistët, piktorët e vegjël, invalidët, veteranët, familjarët janë ata që e kanë ndier më shumë rëndimin e ajrit në këtë zonë.
"Kemi 2 vjet që bëjmë stervitje në këtë zonë dhe vetëm tani e ndiejmë që është rënduar ajri. Makinat civile të Gardës, sidomos ato skodat e ziset e vjetra që shkojnë e vijnë të ngarkuar me ushtarë e ndotin më shumë ajrin e liqenit", tregon Agron Veleshnja, traineri i një grupi sportistësh të vegjël të cilët përfshihen në Sport Klub "Partizani". Të njëjtën gjë pohon dhe një grup veteranësh që kalojnë orët e para të mëngjesit pothuajse çdo ditë në park. "Mirë që janë bllokuar makinat civile, por të paktën të kenë një kufi dhe makinat e presidentit se ato hyjnë e dalin pa asnjë lloj problemi. Madje po qëllove në rrugë në atë moment rrezikon të të heqë kokën, sepse drejtuesit e automjeteve i ngasim me shpejtësi", tregon Murat Kalemi njëri nga veteranët e luftës. Sipas tij, Liqeni Artificial do një kujdes të veçantë. Përveç pastrimit të territorit i cili bëhet javë për javë nga punonjësit e Bashkisë ata kërkojnë që të bllokohen të gjitha automjetet e tjera që kanë zgjedhur parkun si parkim modern.
"Mirëse nxori një urdhër presidenti, por ta kishte nxjerrë si duhet. T'i bllokonte të gjithë makinat, edhe të tijat. Na qelbi era e keqe e lëndëve që digjen në motorat e vjetër të automjeteve të vjetra të Gardës". Kështu është shprehur për Gazetën Mehmet Karaj, një i moshuar kryeqytetas i cili e di me pëllëmbë tokën e parkut.
"Më shumë kalojnë makinat e Gardës se sa makinat civile që vijnë për të kaluar kohën këtu. Vetëm në fundjavë vjen ndonjë autobus nga rrethet me fëmijë ose gjimnazistë", shton i moshuari. Invalidët, sportistët janë ata që e ndiejnë më shumë rëndesën e ajrit në zonat që ata i kanë zgjedhur për të forcuar shëndetin e tyre. "Kam dy vjet që jam aksidentuar, mjekët më kanë thënë se kam shpresë se me pak fizkulturë dhe masazh mund të eci me paterica; për këtë kam zgjedhur Parkun Kombëtar. Por edhe këtu nuk po gjej derman. Nuk jap para si në palestra, por më pezdis nga një herë era e keqe e makinave", rrëfen Arben Patria, invalid. 27-vjeçari nuk ka ditë që nuk vjen në zonën e liqenit. Mundohet të ecë vetë sa te njëra pemë, në tjetrën dhe prap ulet. Gjatë katër orëve që invalidi tiranas i kalon në park e shoqërojnë të gjithë makinat e Gardës. "I njoh të gjitha makinat që hyjnë e dalin në rezidencën presidenciale. Kam dalë disa herë në rrugë që të më marrin dhe as që kanë marrë mundimin të hedhin një shikim nga unë. Kalojnë për shtatë pal qejfe dhe as nuk duan t'ia dinë për njerëzit", përfundon invalidi.


Fillon publikimi i ankesave të qytetarëve

Letër ankuese redaksisë së Gazetës
Jam Enkelejda .... nga Tirana. Kam vuajtur nga sëmundja e mbipeshës. Për këtë jam detyruar që të bëj vrap për çdo mëngjes në territorin e vetëm të Tiranës, Liqenin Artificial. E vetmja gjë që më ka bërë shumë përshtypje, madje më është kthyer në fiksim, është eskorta e makinave të presidentit të Republikës Alfred Moisiu. Çdo mëngjes, kur Moisiu ka gdhirë ditën në rezidencën presidenciale, ne detyrohemi ta bëjmë vrapin nëpër kodra e shtigje të vegjël të krijuar nga vetë qytetarët. Agjentët civilë bllokojnë trafikun e makinave që në orët e para të mëngjesit, ndërsa Moisiu kalon për qejfin e tij në orën 11 të drekës. Ç'taksirat kemi ne qytetarët e thjeshtë të kryeqytetit të bredhim kodrave të liqenit vetëm për qejf të kreut të shtetit. Eshtë absurde diçka e tillë. Në qoftëse jepet një urdhër siç është ky i bllokimit të makinave, të zbatohet për të gjithë, jo vetëm për ata që nuk kanë mbështetje. Ju lutem merreni në konsideratë letrën time. Faleminderit.
Enkelejda Mata