Athina i kerkon Bashkimit Evropian te shpenzoje 300 milione euro me shume per te mbeshtetur Shqiperine, Bosnjen, Kroacine, Maqedonine dhe Serbine e Malin e Zi. Por disa diplomate hezitojne: "Shtetet ballkanike nuk do te ishin ne gjendje te shfrytezonin aq shume para ne menyre te efektshme, dhe nje pjese e madhe e tyre do te shkonin kot per shkak te korrupsionit endemik dhe krimit te organizuar"
Greqia u ka bere thirrje qeverive te tjera te BE-se qe te bien dakord te shpenzojne deri 300 milione euro me shume per te mbeshtetur shtetet ballkanike. Greqia, e cila eshte kryesuese e radhes e BE-se deri ne fund te qershorit, deshiron te shtoje gjasat e shteteve te Ballkanit per t'u pergatitur per anetaresim ne BE. Por sipas korrespondentes se BBC-se ne Bruksel, Oana Lunxhesku ajo gezon perkrahje te kufizuar ne perpjekjet e saj.
Greqia deshrion qe Samiti i radhes i BE-se ne Selanik ne qershor te vere pese shtetet e Ballkanit, Shqiperine, Bosnjen, Kroacine, Maqedonine dhe Serbine e Malin e Zi, ne nje kurs te pakthyeshem drejt anetaresimit ne BE. Per momentin, ato pershkruhen si kandidate potencial. Anetaresimi i dhjete shteteve, kryesisht te Evropes Qendrore ne BE vitin e ardhshem, do te lere 1.8 miliarde euro ne buxhetin vjetor te caktuar nga BE-ja per zgjerim. Greqia deshiron qe 300 milione euro nga shuma e lartepermendur te shfrytezohen per Ballkanin.
Sipas dokumentit grek , kjo do t'i dergoje nje mesazh politik vendeve ne rajon per nevojen per fokusimin e perpjekjeve te tyre drejt plotesimit te kritereve per anetaresim ne BE. Shuma e mbetur prej 1.5 miliarde eurosh do te mund te perdorej per ndihme Irakut apo gjetiu ne bote.
Greqia thote se ndihma e BE-se duhet rifokusuar nga rindertimi pas lufterave ballkanike ne nevojat e zhvillimit, sic eshte lufta kunder papunesise se larte dhe permiresimi i infrastruktures. Sipas dokumentit grek, kjo eshte menyra me e efektshme per nga kostoja per konsolidimin e paqes dhe stabilitetit ne rajon.
Komisioni Evropian pajtohet se ndihma per Ballkanin duhet shtuar, por sugjeron nje shume relativisht modeste prej 70 milione eurosh ne vit. Kjo si shtese shumes prej 4.6 miliarde eurosh qe tashme planifikon te shpenzoje ne rajon midis viteve 2004-2006.
Komisioni sot do te propozoje shfrytezimin e pervojes se zgjerimit per te forcuar lidhjet me Ballkanin - duke futur ne praktike raporte vjetore mbi progresin e cdo shteti, ashtu sic behet per kandidatet ekzistues te BE-se, duke hapur programe per edukim dhe hulumtim, dhe duke derguar me shume eksperte te BE-se, perfshire edhe nga shtetet e reja anetare.
Por, pervec Komisionit Evropian, Italise dhe Austrise, propozimet greke nuk mbeshteten nga shume te tjere ne BE. Diplomatet greke thone se kjo eshte e shtena e pare ne nje lufte te gjate, por e dine se do te jete veshtire te bindin ministrat e financave te BE-se qe te lejojne me shume fonde ne nje kohe kur Evropa kercenohet nga recesioni ekonomik.
Disa diplomate poashtu besojne se shtetet ballkanike thjeshte nuk do te ishin ne gjendje te shfrytezonin aq shume para ne menyre te efektshme, dhe nje pjese e madhe e tyre do te shkonin kot per shkak te korrupsionit endemik dhe krimit te organizuar.
Por zyrtaret greke thone se nje rritje prej vetem shtatedhjete milione eurosh, sic propozon Komisioni Evropian, kurrsesi nuk do te perbente mase kritike per zhvillimin e rajonit. Dokumenti grek ve ne dukje se ndihma e BE-se per Rumanine dhe Bullgarine fqinje qe shpresojne te anetaresohen me 2007 do te rritet per tridhjete perqind midis viteve 2004 - 2006, ndersa ndihma per Ballkanin do te ulet po per kete perqindje.
Nje zhvillim i tille, thote dokumenti grek, nuk keshillohet nga perspektiva e kohezionit dhe stabilitetit rajonal dhe mund te kontribuoje per krijimin e nje vije te re ndarese ne Evropen jug-lindore, perfundon Oana Lunxhesku e BBC-se nga Brukseli.
BBC
Krijoni Kontakt