Gruaja e Diteve tona

[Brari]

Keshtu ka qene titulli i nje Programi ne Radio Tirana dikur.


Ja dhe Klani c'thote..
-------------------------------
Shofere me minifund

Si po perhapet me shpejtesi sindroma e femres me makine. Ne Tirane por edhe ne rrethet e medha te vendit, nuk perben me cudi "biondja qe parkon mercedezin". Policet thone se ato jane me te rregullta ne qarkullim, ndersa ne autoshkolla shkelqejne. Nje shembull per breznite e shkuara mashkullore ne timon





Policit Maksi Shena, qe nganjehere i bie turni te drejtoje trafikun ne kryqezime nga me te perbindshmit e Tiranes, nuk i kujtohet te kete leshuar kaq shume buzeqeshje ne te kaluaren. Eshte nje gje, qe prej tij para dy vjetesh as qe mund te mendohej. Te gjithe shoferet qe kane ngrene gjoba te pafundme prej tij, sic thone ata "qofte edhe per nje kilometer ne ore me shume", e mbajne mend perhere te ngrysur ne kufijte e nevrikut, me bilbil qe duket sikur i fryn me ndonje pale mushkeri artificiale dhe me doren gati tek blloku i gjobave ne xhepin e brendshem te jelekut ngjyre kanarine.

Mirepo ka ca kohe, qe Maksit kane nisur t'i diktohen ca buzeqeshje ne detyre. Ka nisur te marre nuanca babaxhani, dhe deri diku mund te quhet nje polic i lezetshem. Ja, sapo shikon nje "Punto" te bardhe qe mend perplaset me makinen ne krah, i bie bilbilit, nxjerr gati bllokun e gjobave, por sapo afrohet te shohe se cfare ka brenda makines, nderron mendje sikur ta kene fikur me telekomande, buzeqesh, dhe ben shenje me ate tabelen qe mban perhere ne dore qe trafiku te vazhdoje. "S'te ben zemra t'i gjobisesh, mor po, as t'i shikosh me inat s'te vjen. E kane hallall. Te duket sikur je polic ne Itali", thote Maksi.

E ka fjalen per shoferet e tipit te fundit. "Shoferet" me floke te gjate dhe me manikyr. Me minifund dhe taka; me sakte grate shofere. Nje tendence e re qe ka pushtuar me shpejtesine e etheve te malarjes gjithe kryeqytetin si dhe disa nga qytetet me te medha te vendit. Ato kane fituar mjaft natyrshem zemrat e te gjitheve. Makinat e tyre jane ne cdo rast me te rregullta dhe te mbajtura shume me paster se "koshat ambulante te pleherave", me te cilet udhetojne shumica e meshkujve. Ne komisariatet e policise te thone nje fakt me interes: asnje aksident deri me sot nuk ka pasur per autore ndonje grua, ndersa ne autoshkollat e ndryshme, instruktoret thone plot entuziazem se nuk kane pasur kurre kursante me te zellshem dhe inteligjente se grate dha vajzat.

Femrat ne timon jane nje fenomen, i cili pervec te tjerash, po jep nje goxha kontribut, si ne rastin e policit te zbutur Maks, edhe ne permiresimin racor te gjithe policeve qe drejtojne trafikun, por edhe ne rritjen e edukates se drejtimit te makinave. Sedra mashkullore ngacmohet kur shohin gra qe ngasin makinen te qeta dhe pa shkelur asnje rregull trafiku rrugor dhe ata fillojne si pakuptuar t'i imitojne. E konceptuar per shume kohe si nje planet i dominuar nga burrat, ku sjelljet xhentile ishin thjesht te panevojshme, bota e katerrrotakeve po fiton dimensione te reja me hyrjen e grave ne skene. Madje ashtu sic ndodhi shume kohe me pare me bicikletat, kane nisur te dallohen qartazi tanime edhe disa modele makinash te dizenjuara posacerisht per to.

Ne fakt nje dukuri jo e re, e shfaqur per here te pare qe gjate viteve '60 ne vendin tone, pas dyzete vjetesh "lufte" per t'u marre seriozisht, mund te themi se seksi i dobet ia arriti me ne fund "te licencohet" per te ngare makinen me te drejta te plota edhe ne Shqiperi. Skena me gra qe i japin autove te tyre (ose atyre te burrave) rruges per ne plazh, ose thjesht per te shkuar vizite tek shoqet ne nje lagje tjeter, nuk perbejne me ndonje show te jashtezakonshem neper rruget e Tiranes. "Tani madje, edhe halabaket qe para pak kohesh me te pare nje vajze me makine sajonin lloj- lloj 'akrobacirash' me makinat e tyre per t'i veshtiresuar asaj ecjen, nuk habiten me", thote polic Maksi, si perhere nje vrojtues i tipit te vecante. Gjate gjithe pesedhjetevjecarit komunist, mund te numeroheshin ne te gjithe Republiken aq pak gra ne timon saqe emrat e tyre diheshin permendsh (madje ne nje rast, njeres prej tyre iu kushtua edhe nje drame ne Teatrin Kombetar). Por megjithe tentativat e deshperuara te shtetit te atehershem qe proklamonte me zhurme emancipimin e gruas, nuk u arrit dot kurre gjate asaj kohe ndonje arritje me e madhe sesa pak "shoqe" qe drejtonin taksi, dhe ndonje kolege me kamion pune ose me autobus linjash nderurbane.

"Besoj se e gjithe kjo ka lidhje me hyrjen perfundimtare te kapitalizmit ne konceptin e shqiptareve. Tani kushdo mund te kete nje makine per vete, ashtu sic e do vete, dhe nga ky rregull nuk perjashtohemi as ne femrat", thote Fatma Isai, nje nepunese 32 vjecare e cila vetem pak jave me pare arriti te kualifikohet ne provat per marrjen e patentes per drejtim automjeti. Ajo thote se nuk do ta kishte menduar kurre veten ne kabinen e ndonje Saureli te ngarkim- shkarkimit ne kantieret e Komanit. "Por kur une dhe im shoq vendosem te blejme dy vjet me pare nje makine tonen, atehere nisa te mendoja se nganjehere mund ta drejtoja edhe vete", thote Fatma. Natyrisht, pjesen me te madhe te kohes eshte burri i saj qe qendron ne timon. "Por kur une jam pushim, ndodh qe e coj une ate deri ne zyre dhe femijet ne shkolle. Pastaj shetis vete se eshte me te vertete mjaft interesante", thote ajo duke bere me koke nga nje Renault gri e parkuar aty prane. Makina duket e mbajtur shume mire dhe shkelqen xixe ne diell ngaqe Fatma jo vetem qe e ka lare ne nje lavazh prane lagjes se saj, por sic thote, i ka dhene edhe vete nje dore. Ajo eshte vetem njera nga qindra koleget e saj qe shetisin me makine neper qytet dhe thote se ky fakt e ben te ndihet me e sigurte. "Eshte marrezi te mendosh se nje grua me makine eshte dicka e jashtezakonshme. Jetojme ne vitet 2000 ku distancat jane perhere e me te largeta dhe qytetet me te ngaterruara. Madje mund te themi qe jemi pak te vonuara", thote Fatma. Ajo mendon se megjithate meriten me te madhe ne 'legalizimin' e ketij fenomeni ne shoqerine shqiptare e kane ato qe ajo i quan "grate VIP". "Per cdo gje te re duhen shembuj dhe ne grate kemi shembujt tane, ose le t'i quajme heroinat tona", qesh Fatma ndersa rreshton nje liste te femrave te njohura te cilat me pamjen e tyre ne timon thyen kete tabu ne Shqiperi. Irma Libohova por edhe Rudina Magjistari, dhe Inis Gjoni, dhe Monika Kryemadhi apo Rovena Dilo, jane vetem disa nga ato qe me pas krijuan me mijera "apostuj" te skotes se tyre qe i imitonin.

Nese ka nje vend ku mund te interceptohet denduria reale me te cilen grate tentojne timonin, kjo eshte drejtoria e pergjithshme e sherbimeve te transportit. Cdo dite aty jepen me dhjetera patenta per drejtim automjetesh dhe sic thone zyrtaret e atjeshem, ata nuk kane pare kurre me pare nje numer kaq te madh grash dhe vajzash qe vijne per t'u pajisur me patente. "Eshte nje dukuri qe ka nisur te masivizohet vetem keto dy vitet e fundit", thote nje nga specialistet e drejtorise. Foto Liti, shefi i sektorit te regjistrimit te patentave thote se ai dhe koleget e tij tashme nuk bejne me habi me kete fenomen. "Me pare nuk kishte thuasje asnje grua qe ndiqte kurset e shofereve dhe autoshkollat. Shperthimi i tyre i tanishem vjen ngaqe ato duhet te zevendesojne kohen e humbur", thote ai.

Nga shifrat qe disponon drejtoria perqindja e patentave qe u jane shperndare grave ka ardhur ne rritje nga viti ne vit. Nje vit me pare ato llogariteshin ne rreth 16- 18 % te numrit te pergjithshem. Sivjet ky numer ka arritur ne mbi 22%. Ketu behet fjale per totalin e kandidateve qe vijne per te dhene provat prane kesaj drejtorie. "Mirepo ndonese numri me i madh i atyre qe japin prova eshte meshkuj, duhet pasur parasysh perqindja e kalueshmerise se tyre", thote shefi i sektorit Liti. Sipas tij, femrat jane shume me te pergatitura dhe nese gjate provave te nje edicioni konkurrojne 100 femra dhe 400 meshkuj, kualifikohen dhe marrin patente 80 femra dhe vetem 200 meshkuj. Me keto ritme po i afrohemi me shpejtesi marramendese balancimit gjinor ne drejtimin e makinave. Foto Liti thote se per shembull gjate vitit qe shkoi, u pajisen me patente gjithesej 500 individe, nga te cilet 100 ishin femra.

Ka nje arsye pse grate po perparojne me kaq shpejtesi. Fakti qe behet fjale per nje dukuri qe ka nisur te verehet ne Tirane, Durres e ndoshta ne nje shkalle me te ulet edhe ne Vlore e Fier, le te kuptohet se eshte pikerisht jeta urbane dhe emancipimi kesaj radhe real ai qe u ka hapur atyre dyert e automjeteve. Pervep kesaj, specialistet sjellin si nje arsye te mundshme te shtimit te numrit te grave me makine edhe nje permiresim te ndjeshem te nivelit ekonomik te shume grave dhe te pavaresise se tyre ekonomike nga burrat dhe familja. Adriatik Orhani, i cili drejton nje autoshkolle modeste ne Tirane, thote se ndonese kerkesa e llogarise shtohet dhe natyrisht edhe cmimet e pajisjes me patente jane rritur, kjo nuk i ka penguar, por perkundrazi i ka favorizuar me shume grate qe duan te drejtojne automjete. "Pika e tyre e dobet nuk eshte teoria. Mesojne me nje durim te habitshem, ndersa meshkujt jane shume te pavemendshem ngaqe kujtojne se dine vetvetiu sesi ngitet nje makine", thote Adriatiku i cili ka vite qe merret me kete profesion dhe ka nxjerre ne drite me qindra shofere nga kurset e tij. Edhe ai e ka vene re nje shtim te papritur te numrit te femrave ne autoshkollen e tij. "Ato u bene te zakonshme vetem keto kohet e fundit", konfirmon ai.

Ndonese instruktori thote se ai "heq" paksa me grate qe vijne ne autoshkolle derisa atyre u del frika fillestare kur ulen ne timon, me pas, tregon ai, ato behen mjaft te afta. "I njohin shume mire shenjat dhe ne prova rrezohen shume rralle, ngaqe ne teori pergatiten shume mire, ndryshe nga meshkujt qe boll te hipin ne nje makine dhe kujtojne se e mesuan", thote shpesh here edhe i merzitur Adriatiku. "Nga njera ane me vjen dhe keq qe femrave filloi t'u duhet makina kaq vone. Kam kaq vjet qe jam instruktor dhe tani i kam kaluar te pesedhjetat. Nese ato do te kishin ardhur me shpejt, atehere do t'i kisha kursyer vetes shume lodhje dhe une me siguri qe do te isha plakur me vone", thote me nje seriozitet te habitshem Adriatiku.

Polici Maks nga ana e tij ka nisur te enderroje per nje utopi se te ardhmes kur kryqezimi i rruges ku ka turnin per te mbajtur ne rregull trafikun, te gumezhije nga veturat e grave. Ate dite fatlume ai do te shohe se nuk do te kete me nga ata qe ai i quan "qafleshe te dehur", ose cunake qe ecin zigzag. Ate dite ai do te harroje bllokun e gjobave ne shtepi dhe rrezik te mos t'i duhet me as bilbili. Por fundja, kush nuk ka qejf te enderroje per pushimet?

[Brari]

KLANI

----------------
Rovena Dashuria ime e humbur

Pas nje bashkejetese te gjate me aktorin Imami ka marre vendimin me te rendesishem te jetes se saj: t'i jape fund nje lidhjeje qe nuk mund te vazhdonte me.



Rovena Dilo

Tani ndjehet me e qete se kurre. Prej disa muajsh ka filluar nje jete te re dhe e perditshmja ka ndryshuar. Paradite mund ta hasesh te veshur thjeshte ne lokalin e saj, ndersa mbremjeve ne studion e regjistrimit te albumit te ri. Ndersa Rovena Dilo e kishte menduar edhe me te veshtire ndarjen. Pas nje bashkejetese disa vjecare, dy muaj me pare ajo dhe aktori Artan Imami i kane dhene fund lidhjes se tyre. Tashme Dilo i eshte perkushtuar projekteve te saj artistike, ndersa Imami biznesit te tij te ndertimit. Ajo ka pranuar qe te kaloje ne heshtje gjithcka, kjo ishte edhe kerkesa e Artanit, por braktisja e nje lidhjeje te gjate dhe pubike te dy artisteve nuk mund te filtrohej pa buje ne tymnajen e perheshme te thashethemeve. Pyetjet e te njohurve kurioze, shume prej tyre miq te perbashket te ciftit te artisteve, jane shqetesimi i vetem i ketyre diteve te pasndarjes. Rovena perpiqet te ruaje paktin e heshtjes. Eviton cdo gazetar ne kerkim te skandaleve roze edhe pse tashme Artan Imami ka dhene nje interviste te gjate ne nje te perditshme. Marreveshja e fundit mes te dyve mesa duket eshte shkelur, por megjithate Dilo vazhdon te ruaje paktin per te mos zbuluar aresyet e ndarjes. "E shkuara me bezdis. Nuk dua t'i kthehem me asaj", perserit here pas here Dilo, duke evituar pergjigjen. Pas sjtate vitesh te gjata ne nje histori dashurie me Imamin ajo ka hedhur ne te 30-tat e saj hapin me te rendesishem te jetes. I ka dhene fund kesaj lidhjeje. "Per hir te paragjykimeve apo kushteve financiare, shume femra shqiptare arrijne te bejne nje kompromis per te vazhduar nje lidhje edhe kur e kuptojne se nuk ka me dashuri. Une pata guximin qe te dilja prej saj kur e kuptova se nuk ndjehesha mire", sqaron plot gjeste energjike Rovena. Edhe ajo e kishte shtyre per pak kohe vendimin e saj, por pak muaj me pare e ndjeu se nuk mund te vazhdonte gjate ne kete medyshje. Tashme eshte e sigurte se ka vepruar drejte dhe se nuk mund te ktheje me koken pas, tek e shkuara e bezdisshme. Po aq e sigurte duket kur rrefuzon te pohoje se ka gjetur nje njeri tjeter qe te zere vendin e mbetur bosh ne zemren e saj. "Nuk ka ndonje dashuri tjeter ne jeten time, sic mund te dyshoje ndokush. Tani dua t'i perkushtohem me shume projekteve te mia te punes", siguron Dilo.

Ne te vertete, Rovena i eshte rikthyer se fundi nje tjeter dashurie te vjeter te saj, prezantimit. Kur ishte vetem 19 vjec, imazhi i saj u be i njohur ne ekranin e vogel te Televizionit Shqiptar cdo te premte ne mbremje. Ne krah te Adi Krastes, ne drejtimin e "Mbremjeve Kulturore" aty nga viti 1990, Rovena Dilo fitoi duartrokitjet e para te publikut. "Nuk ishte e lehte te hyje ne ate moshe ne spektaklet e Televizionit", kujton sot Dilo. Por gjimnazistja e re nuk mund ta gezonte per shume kohe kete sukses. Imazhi i prezantueses simpatike u shua shume shpejt ne rruget e kryeqytetit, kur nje vit me pas do te vendosej ne Greqi. Duhej te ndiqte prinderit dhe vellain qe emigruan, duke lene pas karriren televizive. Nuk mund te qendronte e vetme ne Shqiperi. Por ne buzuket greke do te zbulohej nje tjeter talent i prezantueses se TVSH-se, zeri i saj i mrekullueshem. Per tre vite, Rovena luajti me sukses rolin e kengetares ne lokale te ndryshme edhe pse ne vendin e saj nuk njihej aspak si e tille. "Ishte nje periudhe kalimtare. Une kam dashur ta ndertoj gjithmone karrieren ne vendin tim, ku nuk ndjehem e huaj", sqaron Dilo kete zgjedhje te saj. Ne vitin '93, ajo morri pjese per here te pare ne koncertin e pranveres me nje interpretim qe u kthye menjehere ne nje hit te muzikes shqiptare. Pak kohe me vone, kengetarja shqiptare la menjane Greqine per t'u rikthyer ne Tiranen e saj. Aty ku kishte marre edhe duartrokitjet e para e ku do te mbahej mend gjate edhe si kengetarja qe guxoi te perkrahte publikisht Ushtrine Clirimtare te Kosoves perpara fillimit te konfliktit ne Kosove.

Nente vite me pas, ne kulmin e karrieres se saj muzikore, ajo po i rikthehet serish pasionit qe e ngjiti per here te pare ne boten e spektaklit. Prova e pare e kesaj sfide, drejtimi i spektaklit te Telebingos, u kalua me sukses dhe Rovena ka marre nje tjeter propozim per t'u rikthyer ne vjeshte ne sallen e madhe ne Pallatin e Kultures. "Telebingo ishte nje eksperience e re. Eshte krejt ndryshe te kendosh dhe te komunikosh ne skene, por une arrita ta krijoj lidhjen me publikun pas televizorit", shprehet Dilo. Qe prej ketij rikthimi te suksesshem, propozimet e regjisoreve jane shtuar se tepermi. Dy jave me pare, Rovenes iu desh te udhetonte ne Prishtine per te marre pjese jo vetem si kengetare, por edhe prezantuese ne spektaklin e perjavshem te "Royal Bingo", versionit kosovar te Telebingos. Imazhi i saj eshte bere i njohur tashme jo vetem ne Prishtine. Disa prej revistave kosovare i kane kushtuar kopertinen kengetares sipmatike, nderkohe qe dueti i fundit me Pirro Cakon ka kapur majat e klasifikimit te kasetave me te shitura ne vend. Nje sukses qe nuk e ka arritur me pare asnje hit shqiptar. Por ndryshe nga c'mund te mendohet dy kengetaret kane fituar shume pak nga ky sukses i fundit. Nen trysnine e kasetave pirate qe po pushtonin Kosoven, Dilo rrefen me keqardhje se e ka shitur te drejten e autorit vetem per pese mije marka. "Ne keto raste duhen menaxheret. Per te evituar te tilla gabimesh te pafalshme". Megjithate ofertat shpresedhenese te Prishtines nuk kane mbaruar. Gjate muajve te veres, ajo do te marre pjese se bashku me disa kengetare te tjere ne nje turne koncertesh qe do te zhvillohet ne disa qytete kryesore te Kosoves. Ne kreshten e karrieres se saj Rovena nuk ka shume kohe per te humbur. Ajo vete e cileson si momentin deciziv, atehere kur duhet te perqendrohet tek realizimi i projekteve serioze te saj. Njeri prej tyre, me i aferti eshte edhe ai i regjistrimit te albumit te trete te saj. Do te jete nje permbledhje e kengeve me te mira te festivaleve, ato qe i kane faluar shume duatrokitje e cmime, por edhe te hiteve te reja te saj. Ne kete mori spektaklesh e projektesh, Rovenes nuk i ka mbetur shume kohe per te menduar per festivalin e fundvitit. Ndoshta eshte ende heret per te thene me siguri nese do te jete serish nje duet me Pirro Cakon, por e sigurte eshte se Rovena po pergatit surpriza te reja. "Nuk mund te humb asnje minute nga ky momenti i volitshem i karrieres sime. O sot, o kurre", thote e vendosur Dilo, ndersa kerkon ndjese per t'u larguar. Po e therrasin ne skene per provat e kenges qe do te interpretoje ne spektaklin e fundit te Grabockes, "Dua me shume Shqiperine". Ajo me te vertete qe nuk ka shume kohe per te humbur.

[Brari]

------
E megjithatë
Xhoana First Lady

Ja plani per ta bere gruan e re te kryesocialistit Zonje te Pare




Xhoana Nano me ëndrrën në realizim
Gruaja e kryeministrit do të marrë ofiqet e gruas së munguar të numrit Një të shtetit. Ja në cilat raste bëhet Zonjë e Parë. Por asgjë nuk saktësohet në protokoll

Xhoana Nano, Zonja e parë e shtetit. Nuk është një lajthitje e politikës (presidenti i porsazgjedhur nuk ka ndryshuar), por as një realitet i zhvendosur në kohë (5 vjet më vonë, nëse Nano do të merrte mandatin e ardhshëm të kryeministrit të vendit). Aq më pak një ëndërr e djegur e zonjës së bukur të kryetarit të socialistëve. 29-vjeçarja në krah të Nanos do të jetë First Lady, edhe pse jo prej Pallatit të Brigadave. Endrra e Xhoanës për t'u zgjuar Zonjë e Parë nuk do të prishet në mëngjes. Duhen vetëm pak ditë…
Tradicionalisht (sigurisht jo për Shqipërinë, vendi ynë nuk ka precedent) vendin e gruas së presidentit e zë bashkëshortja e kryeministrit. Bëhet ajo First lady kur mungon gruaja e numrit Një të shtetit. Eshtë rasti ynë. Presidenti në pritje është i ve. Kur Moisiu do të hipë në karrigen e të parit të shtetit, do të jetë vënë në korniza qeveria e re. Ka fort gjasa, që, numri Një i Ekzekutivit do të jetë pikërisht kryetari i PS, Fatos Nano. Me një llogari të thjeshtë gruaja e re e kryetarit socialist merr fill ofiqet Zonjës së parë. Ja si funksionon. Sigurisht nuk bëhet fjalë për një "zaptim" të plotë të postit të Zonjës së parë, por njëmend Xhoana do të ketë "pjesën e saj" në përfaqësimin e Shqipërisë. Në aktivitetet e grave që organizohen në vend, ku thirren përfaqësitë e larta të shtetit, në pritjet e ndryshme, në festat e bamirësisë, në ftesat për aktivitetet e fëmijëve; në të gjitha këto, Zonja e Parë bëhet ajo, gruaja e kryeministrit. Por shkohet edhe më tej. Eshtë First Lady edhe nëpër Botë. Aktivitetet që bëhen në vende të ndryshme ku marrin pjesë rregullisht Zonjat e Para të të gjithë Botës, kërkojnë sërish përfaqësinë e zonjës së kryeministrit (në mungesë të gruas së presidentit).
Precedentët nuk mungojnë. Zonja e Parë e Greqisë është "më së shumti" gruaja e kryeministrit helen. Presidenti Stefanopullos është i ve dhe rolin e First Lady e mban gruaja e Kostas Simitis. Zonja Simitis merr pjesë rregullisht në aktivitetet e Zonjave të Para. Madje, nuk janë këto, të vetmet raste kur "ndryshon" Zonja e parë. Përfaqësia e gruas së kryeministrit si First Lady bëhet fakt i kryer edhe kur është vetë gruaja e presidentit. Ndodhte në Turqi në kohën e presidencës së Demirelit. Për shkak të moshës së thyer të Zonjës së Parë, në të gjitha veprimtaritë merrte pjesë gruaja e kryeministrit të atëhershëm, Denktash.




Lidra Meidani, First Lady
në dorëzim të ofiqit Mënyra se si do të funksionojë First lady shqiptare është ende e gjitha për t'u parë. Asgjë nuk është saktësuar në Protokoll. Por pritet të krijohet tradita, për të vënë në shina funksionimin e një Zonje të Parë "ndryshe". Nëse do të ndiqet eksperienca e vendeve të tjera do të kemi "hera-herës" një First Lady. Gruan e kryeministrit. Por Zonjë e Parë mund të bëhet (në disa raste, për të shoqëruar presidentin) edhe vajza e tij. Sakaq për institucionin "Zonjë e Parë" nuk është ndonjë habi. Asgjë nuk ka ecur në bazë të një Protokolli të mirëfilltë në Shqipëri. First Lady ka funksionuar "sipas dëshirës". Nuk ekziston (dhe nuk ka ekzistuar në këto vite) as edhe një zyrë, ku Zonja e Parë të ushtrojë aktivitetin e saj. Ku duhet të ketë pritjet, takimet, punët e një Gruaje të Parë të Shtetit.

Në historinë post-komuniste shqiptare, zonjat e presidentëve (deri më tash dy) kanë zgjedhur vetë të krijojnë udhën për t'u prezantuar. Zonja Berisha, ka qenë thuajse në hije si Grua e Parë (e shtetit). Po kështu aktivitetet ku ajo merrte pjesë në funksionin si First Lady kanë qenë shumë të rralla. Në daljet e pakta në publik, Liria është parë më shpesh në krah të bashkëshortit. Takime të kufizuara. Një Zonjë e Parë e tërhequr. Krejt ndryshe Gruaja e Parë e shtetit ende në fuqi. Zonja Meidani ka qenë shumë më aktive në funksionin e saj si Grua e Parë e Shqipërisë. Takime të rregullta ndërkombëtare, asnjë mungesë në takimet e grave në Shqipëri. E aktivizuar me fëmijët. Rregullisht ndjek Shtëpinë e Foshnjës në periferi të Tiranës. Përpos daljeve në publik, takimet e saj prej Zonje të Parë ka preferuar t'i kryejë në shtëpi. Pas pak (me ardhjen e Moisiut në postin e presidentit), gruaja e parë e Shqipërisë do të mungojë. Për të respektuar traditën, kësaj radhe ndërkombëtare, do të kemi "gati" zonjën e kryeministrit.
Mund të duket një rastësi por disa kanë "guxuar" ta quajnë një ardhje fort të menduar atë të Xhoanës, si një lloj First Lady. Burime të sigurta në stafin e presidentitit Meidani kanë pohuar për Reportazh se kjo ka qenë një arsye jo krejt e pavlerë për mbrujtjen e paktit Nano-Berisha. Atëherë kur shpresat kanë qenë fare të vakëta për Xhoanën që të bëhej Zonjë e parë (Kuko ishte kandidatura e pozitës për president konsensual), është rindezur një dritë. Shumëkush ka vazhduar ta shohë si një dështim të ëndrrës së madhe të 29-vjeçares për t'u bërë gruaja e parë e Shqipërisë. Por jo. Xhoi ka ridalë në skenë. Kandidatura (kësaj radhe e opozitës) për presidenti të mirëkuptimit ka qenë ajo e Alfred Moisiut. Më në fund vendoset. Pranohet presidenti konsensual. Pas euforisë (së justifikuar) për arritjen e kësaj marrëveshjeje, prezantohet presidenti i ri.
Në CV-në e gjeneralit figuron edhe gjendja civile: i ve. Të njëjtat burime pohojnë se kjo ka qenë një prej arsyeve pse Nano i tha "po" propozimit të Opozitës. Duke marrë postin e kreut të ekzekutivit, kryesocialisti ka kënaqur edhe gruan e tij të re. Shumë shpejt (nëse Nano bëhet kryeministër) Xhoana Nanon do ta shohim shpesh të na përfaqësojë brenda dhe jashtë vendit si Zonjë e Parë. Do të "udhëheqë", edhe pse jo nga Pallati i Brigadave.

[katana]

brari te paguajne gje ty keto gazetat/revistat si referues e rektutues i mire qe je? rreklame me te mire se ti si ben kush klanit. lum si ato qe te kane!

[Mina]

Gruas se diteve tona i mungon nje gjethe fiku!

[Mina]

Eva e kishte nga halli.

[Dita]

Mina,

E shkreta gjethe fiku, sa shume gjera i duhet te mbuloje..........apo me mire s'ka nevoje t'i mbuloje fare, kur nuk e duan te zonjat e trupit kete, pse te lodhet ajo.

Eshte bere per t'u ironizuar kjo gjendje e sotshme.
Po mendoj se fajtoret kryesore per kete jane meshkujt qe i duan t'i shohin gati sic i ka bere nena. S'ka mbetur gje per kontaktet intime, intim eshte bere cdo shikim.

Nejse, se po e teproj me ate konservatorizmin qe ka mbetur mberthyer brenda tek une, po edhe meshkujt meritojne ate qe po e ndertojne vete me duar, sipas kokes festen.


Kjo per zhveshjen e femres.

[Brari]

Mina ate gjethen e fikut e ke fjalen si mbules aty perpara tek lulka apo si mjet me qeru ngjala ? Gjithsesi duhen dy gjethe fiku tash per vere.
lol.

Katana degjo moj cuc ne kemi nevoj me degju dhe kuriozitete nga bota e femrave Shqiptare.
Klani shkruan shpesh per Femra me emer. Se i lexojme nuk bejm dem.

Psh. a na gjen material per LIRI RASHEN kengetaren e famshme qe kendon..oj fusha e korabit..

Per Saje poleshin di nje humor..

Ajo kendonte dikur kengen..ma mir n'fshat se ne qytet..
nji dit shkon tek kryetari i Komitetit e ankohet se megjithse punonte prej shum kohesh ne estrad te Qytetit ala nuk i kishin dhan shpi.
kryetari qellon shkodran dhe shkodranet kan humor..dhe ai i thot..
Fol Caje pse ke ardh ktu..
kjo thot kam ardh se dua shpi.
ky i thot posi oj Caje te nap por mbasi ta kendosh ndryshe kangen.
Qysh ta kendoj thot Caja..
ky i thot ..kendoje.. Ma mir ne qytet se ne fshat..lol.


dingi tringiii tingi,,, te dashur degjues ..degjuat..emisionin..gruaja e ditve tona..lol.

[Eni]

uee

po na dalin gocat me konservatore se çunat uee

ncuq, ncuq, ncuq ....

[Mina]

Une e di more Brar qe ju pelqen t`i shihni femrat me gjethe fiku por me shume ju pelqen te vije vjeshta.
Te lutem mos e merr seriozisht!

[Brari]

Ju rrefej Bleonen e re

Ka kenduar per tre vite te gjata neper Evrope per te ndjekur nje enderr te vjeter. Dyzimi mes Tiranes e koncerteve te perjavshme per emigrantet, por edhe kthimi i shumepritur i Bleona Qeretit.



Bleona Qerreti

Per tre vjet me radhe ka ndjekur te njejtin itinerar frenetik mes Kryeqytetit e Rinasit. Aq sa, tashme, nuk mund ta imagjinoje diten e saj pa ate imazhin e pezullt te avionit mes qiellit e tokes. Ne fundin e cdo jave, pas 2 mije kilometrave ne kete gjendje te lodhshme, ate e pret serish pista e betonte e nje aeroporti kryeqyyteti. Shume me e zhurmshme se ajo qe ka lene pas. Emri nuk ka rendesi. Diku ne Europe. Ne mbremje gjithcka eshte gati dhe salla eshte mbushur plot per te pritur Bleona Qerretin, vajzen e ardhur nga Shqiperia e tyre. Pas dy oresh, te gjithe do te dalin nga salla e koncertit me zemren qe u rreh me fort, apo duke mermeritur fjalet e kengeve te vendit te tyre te larget. Shpeshhere edhe me deshiren per t'u kthyer serish te nesermen ne te njejten salle, ku per pak momente do te degjojne serish te kendohet shqip. Ndersa Bleona nuk ka shume kohe per te tilla sentimentalizma. Te nesermen e pret nje tjeter qytet, nje tjeter salle e mbushur perplot dhe e permalluar per kenget e vendit te saj. Prej tre vitesh, kengetarja e veshjeve intriguese ne skenat e festivaleve, ka vendosur te tregoje se nuk eshte vetem nje kukull Barbi. Jeta e saj e ndare mes Tiranes dhe turneve te koncerteve per emigrantet ne Europe, ka ndikuar tashme tek 23-vjecarja Qerreti. "Tani jam nje Bleone krejt tjeter. Kjo eskperience me ka pjekur si nje kengetare profesioniste", thote ajo plot bindje. Per te arritur deri ketu, i eshte dashur te heqe dore nga shume kenaqesi te moshes. Qe nga festat me miqte apo pushimet ne breg te detit, e deri tek nje lidhje e vertete dashurie, per te cilen betohet se nuk ka gjetur kohen e duhur nga nje turne ne tjetrin. Por, a nuk eshte ky brumi i duhur per te qene nje kengetare e vertete profesioniste? Ajo beson se gjithcka nga kjo aventure e saj e fundit ia ka vlejtur. Dhe per t'u treguar te gjitheve "Bleonen e re", ka vendosur qe te rikthehet ne skenen shqiptare me nje turne te gjate koncertesh. "Dua te shlyej borxhin e ketyre viteve te mungeses me publikun shqiptar, por edhe t'u tregoj te gjitheve se nuk kam qene ne Europe per te lare pjata", sqaron ajo kete ide guximtare.

Pergatitjet per kete turne gjigand kane nisur tashme dhe ajo eshte me e stresuar se kurre. Sapo ka mbyllur telefonin celular dhe shpejton te heqe nje vize te kuqe nen emrin e Miri Hotit, kreut te bashkise se Durresit, ne nje liste te ngjeshur emrash te drejtuesve te tjere te qyteteve bregdetare. Bleona duket e lumtur. Mesa duket, edhe bashkia e Durresit i ka dhene viston perfundimare per organizimin e koncertit ne sheshin kryesor te qytetit. Pasi i hedh nje veshtrim te shpejte listes se kryebashkiakeve, ajo largon serish buzeqeshjen e meparshme. Duket se ka ende shume telefonata te tjera per te bere perpara 23 gushtit, dites kur do te startoje turneu i saj recital ne dhjete qytete te ndryshme te vendit. Koncertet do te zhvillohen ne periudhen me te nxehte te pushuesve ne qytetet bregdetare si Durresi, Vlora e Saranda, por edhe ne Shkoder e Kukes, e me pas do te mbyllet me nje mbremje surprizash ne Kryeqytet ne 8 shtator. Gjithcka do te improvizohet ne sheshet kryesore te qyteteve dhe do te jete falas. "Per here te pare, publiku do te kete mundesine te ndjeke nje koncert pa pagese, edhe pse nuk eshte fushate elektorale", thote duke qeshur Qerreti. Pas nje periudhe te gjate pauze, keto koncerte jashte sallave pompoze te festivaleve, do te jene vleresimi me i mire per te. Ndoshta, per kete qellim ajo ka zgjedhur qe te provoje rikthimin e saj pikerisht ne sheshet e rrethinave te kryeqytetit. Aty ku duatrokitjet e publikut jane me te ngrohta dhe te sinqerta se kudo. Por edhe Bleona e ka pritur prej kohesh kete rikthim dhe shpreson se nuk do te zhgenjeje njerezit qe e duatrokiten te paret, kur ajo ishte vetem nje gjimnaziste, qe kerkonte te shkelqente ne boten e madhe te muzikes. Ne sheshet e koncerteve do te jete po ajo Bleone me veshjet e saj provokuese, por kesaj here... edhe nje kengetare me nje karriere te gjate te hedhur pas kraheve. Per tri ore ajo do te kendoje e vetme nje permbledhje te hiteve te saj me te mira ne vite, por edhe do te prezantoje 10 kenget e albumit te fundit "Ik meso si dashurohet", qe sapo ka dale nga dhomat e regjistrimit. Nje album ndryshe nga te meparshmit, per suksesin e te cilit Bleona duket teper optimiste.

Shume prej miqve te saj te pakte ne Kryeqytet, iu ishte dukur nje ide e cmendur. Nje koncert i tille cfilites dhe veresie nuk mund te perceptohej si nje ide e zgjuar ne keto kohera komercialiteti. Por ajo nuk mund te ndalej tashme. Fjalet e te tjereve nuk kane qene asnjehere aq te rendesishme sa per ta frenuar ne bindjet e saj, por tashme qe datat e koncerteve po afrohen, po ndjehet vertet e shqetesuar. I duhet te kontrolloje cdo detaj, sepse, sic perserit here pas here ajo, nuk do te kete nje here te dyte pa kaluar disa vite. "Nje turne i tille nuk mund te behet cdo dite. Ndoshta do te duhen edhe tre vite te tjera, perpara se te kthehem serish me nje repertor dhe me dicka te re per t'i percjelle publikut", sqaron Qerreti. E mesa duken bathet, turneu i ardhshem i saj mund te vonohet edhe me shume se pas 36 muajve te ardhshem. Para disa ditesh, kengetarja Bleona Qerreti i ka shtuar curriculumit te saj edhe diplomimin ne degen e aktrimit ne Akademine e Arteve te Bukura ne Tirane. Por se bashku me perfundimin e kater viteve te gjata te shkolles, ajo ka humbur nje arsye me shume per te qendruar ne Shqiperi. "Gjate ketyre viteve te shkolles, me duhej te isha ne auditor nga e hena deri te enjte dhe ne koncerte ne Europe ne pjesen tjeter te javes. Pas mijera kilometrave rruge, te henen me priste serish shkolla dhe problemet e tjera te se perditshmes", thote Bleona dhe si per te vertetuar gjithcka, kerkon edhe aprovimin e menaxherit te saj, Jeton Dautaj. Kosovari, qe njekohesisht eshte edhe menaxheri i rebeleve te "Elita 5", mund te quhet me plot gojen projektuesi i kesaj aventure te re neper Europe te vajzes se shkathet nga Kryeqyyteti. Ai eshte njeriu qe organizon te gjitha koncertet, por qe ka siguruar, pas nenshkrimit te nje kontrate, edhe te gjitha te drejtat e tjera artistike mbi Bleonen. Pas nje periudhe te shkurter pushimi gjate muajit gusht, kur do te organizohet edhe turneu shqiptar, ate e presin serish koncertet e tjera te emigranteve ne Gjermani, Angli e kudo tjeter ku kane hedhur rrenje shqiptaret. Pas perfundimit te shkolles, do te jete me e veshtire per te bindur menaxherin e saj per t'u kthyer cdo jave ne Tirane. E sigurte, tani per tani, eshte vetem bindja e saj se nuk ka per te jetuar kurre perfundimisht jashte Shqiperise. "Me Shqiperine me lidhin shume gjera e mbi te gjitha, njerezit qe dua me shume, familja ime. Atyre nuk u pelqen te jetojne jashte shtetit dhe une nuk mund te qendroj larg tyre per shume kohe". Ne te vertete, ne Shqiperi do te kthehet gjithnje si nje qytetare modeste e permalluar per vendin dhe njerezit e saj. Mes tingujve orientale te pseudokengetareve qe bucasin nga kasetofonet e makinave e televizioneve periferike, do ta ndjente veten te ndrydhur. Ndersa ajo eshte mesuar tashme me kete ritem te pandalshem te karrieres se saj. Ndodh qe per disa dite e ndjen veten te lodhur dhe shpreson vetem qe te gjeje pak ore te qeta ne krevatin e saj ne Tirane. Por kur zgjohet, cdo gje ka ndryshuar. E kupton se nuk mund te qendroje per shume kohe larg te perditshmes se saj te lodhshme, por edhe admirimit te atij publiku te mbrujtur me mallin per vendin e saj. Dhe keshtu, merr serish edhe njehere ate rrugen e merzitshme te Rinasit.

--klan----

[Brari]

Nëpër rrugët e Tiranës, me historitë e një prej taksisteve të para

Vera, gruaja që u bë shofere kur ishte 15 vjeç


--------------------------------------------------------------------------------

i.sh

Ishte vetëm 13 vjeç e gjysmë kur u largua nga shtëpia për t"i kërkuar një "nder" sekretarit të parë të rrethit të Dibrës. Një bursë për t'u bërë shofere! Në fillim edhe atyre ju duk e dyshimtë dëshira e Verës, por më pas u detyruan të thonë po. Vajza e vogël arriti t'i bind pse duhej të bëhej shofere.

Pa dijeninë e prindërve ajo plotësoi të gjithë dokumentet dhe të mëdhenjtë e rrethit të Dibrës i thanë të bëhej gati se do të vinin ta merrnin në shtator. Dhe ashtu ndodhi një makinë e komitetit të partisë në 1 shtator ndaloi tek këmbët e vajzës që donte të bëhej shofere. Atë ditë edhe prindërit e mësuan të vërtetën. Babai pranoi, nëna u bind. Vera hyri kështu në të parin kurs për femrat shofere në Shqipëri. "Ishim 64 vajzat e para që u bëmë shofere", kujton ajo me të qeshur peripecitë e moshës së njomë. Por telashet nuk mbaruan, pasi kur hyri në shkollë për shkak të moshës së re e futën në një kurs për xhenerike. "Kërkonin të isha e datlindjes '57 po unë isha e '59-s, atëherë i kërkova tim eti që të më bënte një çertifikatë të 59-ës. Ishte kohë e vështirë, po ai e gjeti një të tillë për mua", tregon ajo. Edhe pse çertifikata mbërriti në shkollë me tre muaj vonesë, Vera Elezi u kthye në kursin për shofere. Një vit i paharruar në jetën e saj. Pikërisht në provat përfundimtare thyen krahun. Një mjek popullor Ceni i Shijakut ishte njeriu që i vuri në vend kockën e thyer. Krahu u shërua ndërsa Vera arriti të dalë shkëlqyeshëm në timon. Por edhe kësaj radhe nuk e mori patentën. I kërkuan një tjetër çertifikatë me fotografi. Pikërisht ditën që e dorëzoi një të tillë në Ministrinë e Transporteve u pajis me patentë. U kthye në Dibër ku për 5 vjet punoi si shofere e ushqimores, ndërkohë mbaroi edhe shkollën e natës si edhe kursin e naftës. Prej andej u martua në Tiranë. Punoi për vite me radhë me autobusët e linjave me difekt, që nga Lezha, Kruja, Sanatoriumi. Pastaj e hoqën. Nuk binte në sy për mirë një grua në linja të largëta. I dhanë një taksi ku punoi deri në fillim të viteve '90. Që prej asaj kohe punon taksi privatisht. Në morinë e viteve të tranzicionit është rrezikuar disa herë nga vdekja. Por qesh, nuk beson se ndonjëherë do t'i ndodhi ndonjë gjë e keqe. "Kam bekimin e një qeni që e ushqej, rri tek vendi ku unë parkoj makinën çdo mbrëmje", thotë buzagaz. I vetmi shqe-tësim që ka aktualisht është një gjyq shumë-vjeçar për shtëpinë ku banon. Në vitet '90 shtëpia iu la për banim nga një grek, i cili me dekrete të presidentit la shtetësinë shqiptare, për të mbajtur vetëm atë greke. Ndërkohë që Vera e privatizoi shtëpinë me hipotekë dhe të gjitha letrat e rregullta, greku kur pa që çmimet e shtëpisë u rritën, ndërroi mendje. Gjithsesi ajo shpreson se një ditë edhe ky hall do të marrë fund.

---------
gaz.shqip

[Brari]

nga shekulli
--------------------
Drejtuesit e shoqatës së jetimëve: "Çifti Petalli duhet të dijë për fatin e 6- vjeçarit të zhdukur në '92-në"
Zhdukja e foshnjës e mbylli nënën në psikiatri

ELBASAN- Dhjetë vjet më parë, kur ishte 6 vjeç, është zhdukur në mënyrë misterioze. Që nga ajo kohë, nëna e tij tashmë paciente e spitalit psikiatrik të Elbasanit nuk ka mësuar për fatin e foshnjës së saj. Zhdukja e djalit të Tatjana Tushës u denoncua publikisht atëherë nga drejtuesit e shoqatës kombëtare "Për mbrojtjen e fëmijëve jetimë, biologjikë e socialë", por jo vetëm që nuk u mësua gjë për vite të tëra për fatin e tij, por dhe ata që denoncuan u kërcënuan nga persona e segmente anonimë për të heshtur e për të mbyllur gojën. "E ëma e djalit të zhdukur ishte dhe është anëtare e shoqatës sonë, por sot drama e fëmijës e ka mbyllur në spitalin psikiatrik, ndërsa vuan dhe nga një sëmundje e pashërueshme",- thotë për gazetën "Shekulli" Bajram Avdyli, kryetari i kësaj shoqate. Avdyli thotë se çifti Xhulia dhe Ramiz Petalli, nga Elbasani, të vënë në pranga ditët e fundit nga policia italiane nën akuzën e trafikimit të fëmijëve, nëse nuk kanë gisht në këtë zhdukje, duhet të dinë diçka. Kjo, sipas tij, lidhet me faktin se pjesa më e madhe e fëmijëve të trafikuar nga çifti Petalli, sipas akuzës, janë nga Elbasani. Drama e 42- vjeçares Tatjana Tusha (sot në këtë moshë), për momentin banore e spitalit psikiatrik në Elbasan dhe paciente në gjëndje të rëndë në onkologjik, nis në fillim të vitit 1992. Fryt i një dashurie ilegale (emri i babait nuk u mësua kurrë), foshnja, djalë, fillimisht u sistemua në befotrofin e Vlorës, për t'u transferuar më pas në Elbasan, ku dhe u zhduk në rrethana misterioze. E nëse e ëma, Tushja, përfundoi në spitalin psikiatrik në Elbasan, si pasojë e dramës së dyfishtë, pak kush në fillim, siç pohon Avdyli, u kujtua për krijesën e saj. Në momente ndërgjegjësimi, e ëma e sëmurë kërkonte të kishte pranë djalin së paku, siç shprehej,"vetëm për ta parë një herë!". "Ku nuk u interesuam atëherë,- vazhdon tregimin Avdyli,- ne Vlorë, në Tiranë, në Elbasan, Durrës, përsëri në Vlorë, e ndonëse 6- vjeçari rezultonte fillimisht i regjistruar në befotrofin e qytetit bregdetar, më pas gjurmët zhdukeshin. Kuptuam,- vazhdon më tej ai,- se i mituri kishte rënë pre e trafikantëve për shfrytëzim apo për transplatim organesh, por askush nuk na mbështeti (as strukturat shtetërore), madje u kërcënuam deri me vdekje ne dhe njerëzit e medias që e evidentuan këtë zhdukje në "dritë të diellit". Por drama e Tushajve (të panjeri) do të rëndohej më tej. Mbyllja e nënës në spitalin psikiatrik do të pasohej dhe me një sëmundje të pashërueshme. Ndërkohë, drejtuesit e shoqatës së jetimëve, këto ditë, kanë ngritur edhe një herë zërin për fatin e 6- vjeçarit Tusha. Kanë trokitur në organet shtetërore edhe një herë, kanë bërë edhe apel publik, ndërkohë që, siç shprehet kryetari Avdyli, pyetja e çiftit Petalli ndoshta mund të hedhë dritë mbi fatin e tij.
K.Boriçi

[MEDEA]

brari ti vetem nga ekstremet terhiqesh?????? vera apo bleona...apo ndonje tjeter jane raste te rralla....shiko e bej ca hulumtime ne shtresen e mesme. grate e kesaj shtrese jane maxhoranca e zakonshme....per to cmund te na thuash????

[Estella]

kam qene vetem 13-14 vjet femer dhe babai me ka mesuar makinen ne Shqiperi, teper normale kjo. Ne USA femrat e mesojne makinen qe 14.5 vjet dhe statistikisht ka me shume femra shofere sesa ka meshkuj.
Nejse, Brari e ka me terezi.......ska c'ben, pastaj e terhqein ato histori.

[Brari]

MEDEA shkruaj ti per ate Shtresen e mesme...nuk te ndalon kush.

ESTELLA ai shkrimi per Shoferen nga Fshatrat e PESHKOPISE flet per nji vajze qe pranon te futet ne nji profesion Burrash..
Eshte fjala per vitet 1970.
Ne ate kohe nuk ishte e lehte kjo nisme e kesaj vajze sepse opinioni i asaj kohe i quante KURVA e i poshtronte..
Pra ajo eshte nji heroine ne llojin e saje..Prandaj dhe gazetari e ka nxjerre ne Gazete.
Qe ti ke mesuar Makinen sot nuk perben asgje...
Babi yt eshte marre me biznes e ka ble makine luksoze e ta ka mesuar dhe ty dhe Mamit ne rruget qe benit kur shkoni neper lokale luksoze me harxhu miljonat.
Ka ndryshim goce ..

[Estella]

Ajo ishte thjesht nje menyre per te perulur femren shqiptare. Pse pikerisht e konsideron ate profesion si nje profesion burrash? Ketu eshte pikerisht gabimi si i shkimtarit ashu edhe i te gjithe te tjereve.

[Mina]

Kam degjuar per nje grua qe eshte bojaxhie e shkelqyer!