Besim Krasniqi mbi " Programin kombetar te LDK-s"

[Brari]

12.05.2003 - Trepca.net


Programi politik e kombëtar i Dr. Ibrahim Rugovës të jetë themel i mendimit tonë politik !


----------------------------------------------------------------


10 maj 2003 / Shkruan: Besim KRASNIQI

Si njeri intelektual, si ish - i burgosur politik i viteve të 90-ta, si krijues publicistik e analitik dhe i angazhuar politikisht në mënyrë publike për zgjidhjen e çështjes së Kosovës, gjithnjë në bazë të përcaktimeve politike të shumicës së popullit shqiptar të Kosovës, pa pretendime për ndonjë post politik në çfarëdo instance të organizimit institucional të shtetit të Kosovës apo të ndonjë subjekti politik, dhe duke qenë vazhdimisht i preokupuar me rrjedhat politike para, gjatë dhe pas luftës në Kosovë, opinionit tonë të brendshëm dhe të jashtëm, nëpërmes publikimeve të mia, i kam ofruar pikëpamjet e mia politike, për t'i kontribuar drejtë organizimit politik të shqiptarëve në përgjithësi, për realizimin e një qëllimi të përbashkët të shqiptarëve të Kosovës, që siç dihet tashmë është Pavarësia e Kosovës!

Në këtë kontekst, tendencave të ndryshme manipuluese me opinionin tonë të brendshëm dhe të jashtëm të disa individëve të specializuar për propagandë dhe agjitacion si dhe të disa grupeve politiko-ushtarake rreth statusit politik të Kosovës rrespektivisht rreth ardhmërisë politike të shqiptarëve në trojet e veta etnike mendoj se atyre duhet:

- (ri)përsëritur pozicionin politik të dr.Ibrahim Rugovës dhe LDK-së, emra këto me të cilat po shërbehen keqas individë dhe grupe të lartëpërmendura për interesa të ngushta vetiake dhe grupore, e që në fakt nuk kanë për qëllim mbështetjen e interesave politike të qytetarëve shqiptarë të Kosovës dhe trojeve tjera etnike;
- (ri)kristalizuar shkaktarët e armiqësisë së UÇK-së me dr.Rugovën dhe LDK-në;

- (ri)qartësuar pozitën e vështirë të LDK-së në të cilën po e vejnë qarqe të ndryshme individësh dhe grupe ilegale ekstremiste në rrugën e saj drejt realizimit të programit të saj politik;

- si dhe duhet shprehur interesat e armiqve të Kosovës në dështimin e filosofisë politike të dr.Rugovës dhe LDK-së drejt pavarësisë së Kosovës.


LDK-ja i dha Kosovës identitet politik

Themelimi i Lidhjes Demokratike të Kosovës (LDK) dhe zgjedhja e njërit ndër intelektualët e guximshëm të kohës, dr.Ibrahim Rugovës për kryetar të saj, për të gjithë qytetarët e Kosovës së robëruar dhe të shkelur ka qenë akti i parë historik drejt realizimit praktik të programit politik të shqiptarëve të Kosovës për çlirim dhe mëvetësim të Kosovës nga okupimi qindravjeçar serbosllav. Pra, ky akt historik është edhe i ashtuquajturi "fati historik", i cili i priu shqiptarëve të Kosovës drejt faktorizimit politik të shqiptarëve të Kosovës në instancat më të larta ndërkombëtare dhe daljes së emrit të Kosovës nga anonimiteti i pafund, ku e kishte futur politika margjinalizuese e antishqiptare e jugoserbisë titiste e millosheviqjane!

E veçanta e këtij "fati historik" të shqiptarëve të Kosovës është se përkundër ekzistimit të shtetit zyrtar shqiptar "nënës Shqipëri" dhe propagandës trilluese e trumbetuese për kinse interesimin e Tiranës zyrtare për vuajtjet e "vëllezërve të Kosovës", tragjedia, dezintegrimi dhe sakrifikimi i shqiptarëve të Kosovës nuk kishte të ndalur, prandaj edhe themelimi i LDK-së gjeti mbështetjen e shqiptarëve anembanë Kosovës si një lëvizje më e rëndësishme politike e shqiptarëve që nga periudha e Lidhjes së Prizrenit e këndej.
Në anën tjetër, programi i prezentuar politik i LDK-së në kohërat më kritike, i përpiluar nga intelektualët shqiptarë të kohës, kuptohet nën patronatin e dr.Ibrahim Rugovës, ishte program i tillë politik që përputhej decidivisht me vullnetin e shqiptarëve të Kosovës për çlirim dhe ndarje përfundimtare nga shteti artificial jugoserb, dhe se ishte program kombëtar i cili pavarësinë e Kosovës haptazi e vinte në rend të parë, si zgjidhje e cila do t'i kënaqte synimet politike të qytetarëve të Kosovës pas më se tetëdhjetë vite të rënda e plot sakrifica.

Ky program politik e nacionalist është edhe themeli i mendimit politik të shumicës së shqiptarëve të Kosovës, dhe kjo argumentohet me vetë faktin se të gjitha subjektet politike shqiptare në Kosovë pavarësinë e Kosovës e proklamojnë si pika më esenciale e programeve të tyre partiako-politike, edhe pse shumë nga këto subjekte politike opcionin për pavarësinë e Kosovës e përdorin si "alibi" për të mbijetuar në skenën e pluralizmit politik të Kosovës.
Në fund të fundit, cili shqiptar i Kosovës do të pranonte të anëtarësohej në ndonjë parti tjetër politike, nëse ajo parti politike nuk e parasheh pavarësinë e Kosovës si zgjidhje të vetme e të drejtë politike për Kosovën!?

Nuk do të shfrytëzojmë kohën këtu duke i përmenduar meritat politike të LDK-së dhe të dr.Ibrahim Rugovës (edhe pse ndoshta do të duhej ripërsëritur ato merita për hir të disa "harrestarëve" të taborreve tjera politike), por janë pikërisht veprimtarët e LDK-së anembanë botës dhe kryetari i Kosovës dr.Ibrahim Rugova të cilët në mënyrën më dinjitoze artikuluan vullnetin tonë politik brenda kancelarive të politikanëve më të njohur dhe më të fuqishëm të politikës ndërkombëtare, e që në fjalorin politik kjo quhet internacionalizim i çështjes së Kosovës, rëndësinë e së cilës po tentojnë ta zhvlerësojnë kundërshtarët politik të LDK-së për hesape të veta politike.
Me internacionalizimin e çështjes së Kosovës fillon edhe njohja e bashkësisë ndërkombëtare me identitetin politik të Kosovës, identitet ky i humbur nëpër peirudha të rënda kohore për shqiptarët.

Dr.Ibrahim Rugova dhe LDK-ja mbetën edhe sot e kësaj dite sinonim i një politike të urtë, të mençur, largpamëse dhe kombëtare, me të cilën i janë kundërvënë represionit dhe dhunës serbe, pa e përjashtuar asnjëherë mundësinë për rezistencë aktive, por një mundësi e cila nuk është proklamuar asnjëherë publikisht, sepse vetë përcaktimi i LDK-së ishte për një politikë aktive në kuadër të instancave të larta të bashkësisë ndërkombëtare dhe kjo politikë e "butë" apo siç kanë dëshirë ta quajnë kundërshtarët e LDK-së "politikë pacifiste", afronte qendrat ndërkombëtare të vendosjes politike pranë "çështjes së Kosovës"!

Ndërsa, sa i përket përgaditjeve dhe organizimit të rezistencës së armatosur nga ana e LDK-së, do të ishte më e udhës të flasin e të shkruajnë publikisht ata që ishin në kuadër të këtyre organizimeve siç ishin Bujar Bukoshi, Rexhep Gjergji, Anton Kolaj, Jonuz Tërstena, Sheremet Ahmeti, Hajzer Hajzeri, Hafiz Gagica dhe shumë bashkëpuntorë dhe figura tjera politike të LDK-së, në mënyrë që të mos i jepet rasti propagandës majtiste të kritikojë LDK-në me terma bajate sikurse ky për "politikën pacifiste" të LDK-së rreth zgjidhjes së çështjes së Kosovës!


Taborri LPK-ist armiqësoi UÇK-në me LDK-në

Kundërshtari më destruktiv i politikës së dr.Ibrahim Rugovës dhe i LDK-së gjatë tërë periudhës së ekzistimit të LDK-së si subjekt politik i shqiptarëve, brenda dhe jashtë Kosovës u tregua LPK-ja (Lëvizja Popullore e Kosovës), ish-LPRK (Lëvizja Popullore për Republikën e Kosovës), e cila programin e saj politik e mbështeste tek krijimi i Republikës së Kosovës dhe bashkimi i saj me Shqipërinë, por që në fakt, për shkak të ideologjisë enveriste e staliniste të cilën e shprehnin me pankarta dhe fotografi të postulateve të kësaj ideologjie antidemokratike, protestat e tyre nuk nëpër rrugët e shteteve të perëndimit nuk gjetën përkrahjen e qendrave të vendosjes, kështu që edhe efekti i kësaj "veprimtarie" të LPK-së në perëndim le që nuk shkonte në dobi por edhe i bënte dëm çështjes së Kosovës, sepse diplomacia ndërkombëtare nuk e dëshironte edhe një "republikë komuniste" në Ballkan.

LPK-ja tashmë e margjinalizuar nga programi politik dhe veprimtaria aktive politike e LDK-së, e cila vepronte politikisht në Kosovë (më vonë edhe jashtë Kosovës), sikur e harroi Serbinë si shkaktare e dhunës dhe terrorit kundër shqiptarëve dhe iu kthye luftës politike kundër LDK-së dhe liderit të saj dr.Rugovës, i cili ishte njëkohësisht njihej edhe si lider i mbarë shqiptarëve të Kosovës nga shqiptarët e Kosovës dhe bashkësia ndërkombëtare.
Loja e LPK-së dhe simotrave të saja me emrat e lavdishëm të dëshmorëve të Kosovës dhe keqpërdorimi i emrave të tyre për t'a përfocuar imazhin e partisë së caktuar politike apo të liderëve të caktuar politik duhet të marrin fund njëherë e përgjithmonë, sepse asnjë shqiptar nuk i beson më atyre që tentojnë të ngrisin karrierën e tyre politike shumë shpejt dhe në mënyrë jodinjitoze. Aty edhe filloi armiqësia e imponuar e UÇK-së me LDK-në dhe kreun e saj politik, qëllim ky i paraparë me kohë nga LPK-ja e margjinalizuar.

Pastaj, ambiciet e LPK-së për monopol politik dhe pushtet absolut si dhe përfaqsimi i interesave antikombëtare të zyrtarëve të Tiranës nëpërmes saj, janë faktorët primar që ndikuan në armiqësimin e LDK-së dhe të dr.Rugovës me Ushtrinë Çlirimtare të Kosovës (UÇK), një pjesë e së cilës fatkeqësisht udhëhiqej nga eksponentë të lartë të LPK-së, të lidhur ngushtë me "Sigurimin" (anti)shqiptar. "Sigurimi" dhe politika e Tiranës zyrtare e 97-tës i dha përkrahje të plotë LPK-së në reklamimin e saj para opinionit si "Shtab i UÇK-së" dhe në luftë kundër politikës së dr.Rugovës dhe LDK-së, duke i eliminuar edhe fizikisht pikërisht ato figura politiko-ushtarake të UÇK-së që nuk i takonin LPK-së dhe ideologjisë enveriste, por që përfaqsonin interesat e popullit shqiptar të Kosovës brenda UÇK-së.

Viktimë e kësaj lufte politike plotësisht absurde padyshim është edhe koloneli Ahmet Krasniqi, i emëruar nga Bujar Bukoshi si Komandant i Forcave të Armatosura të Republikës së Kosovës, vrasje kjo akoma e pasqaruar nga ana e drejtësisë shqiptare. Ndërsa pallavrave majtiste se kinse "LDK nuk e përkrahu UÇK-në dhe luftën" duhet përkujtuar se sot na bie të dëgjojmë dhe të lexojmë se "UÇK-ja ka dalur nga gjiri i popullit", atëherë dihet se edhe shumica e popullit shqiptar të Kosovës e ka votuar Lidhjen Demokratike të Kosovës në të gjitha zgjedhjet e lira, andaj edhe mund të shprehemi lirisht se LDK-ja e ka përkrahur më së shumti UÇK-në dhe luftën e saj çlirimtare, por ishin struktura të caktuara politike që e futën përçarjen në mes!


Dr.Rugova dhe LDK-ja si "fajtorë kujdestarë"

Pas çlirimit të Kosovës, përveq goditjeve të brendshme që kishte LDK-ja, sikurse ishte rasti i largimit të nxituar të Bujar Bukoshit (ky edhe ashtu politikisht i harxhuar) nga kjo parti politike, LPK-ja "revolucionare" nëpërmes "degëve" të saja politike, të cilat i formoi në mbarë territorin e Kosovës, e që sot ato "degë" politike njihen si "parti të dala nga lufta", me një intensitet më të shtuar vazhdon aktivitetin e saj anti-Rugovë dhe anti-LDK, duke i krijuar procesit të pavarësimit pengesë pas pengese.

Si rezultat i këtij aktiviteti antikombëtar, dr.Rugova dhe LDK-ja (edhe në liri) i humbi aktivistët e saj të devotshëm për pavarësinë e Kosovës sikurse që ishin Haki Ymeri, Ismet Rraci, Ukë Bytyçi, Smajl Hajdaraj, Enver Maloku, Xhemail Mustafa, Shaban Manaj, Tahir Zemaj, Hasan Zemaj, Azem Delia e shumë aktivistë tjerë politik, por edhe përkrahës të së djathtës shqiptare siç ishin Bekim Kastrati, Besim Dajaku etj. Ndërsa, në kuadër të veprimeve politike, LDK-ja po sfidohet me opsione politike që janë në kundërshtim me të gjitha aktet historike të krijuara me gjak, sikurse janë "Ballkania", "Shpallja e pavarësisë për herë të dytë", "Unioni i Kosovë-Shqipëri", pastaj "Moratoriumi i Pavarësisë së Kosovës" etj. fenomene këto që zbulojnë para opinionit fytyrën e vërtetë "të degëve" të LPK-së, degë këto me emra të modifikuar demagogjikë dhe që tregojnë për faktin se disa parti politike nuk kanë "Program politik kombëtar" por veprojnë sipas sygjerimeve të Tiranës zyrtare dhe sipas tekeve lideriste të liderëve të tyre partiak. Kjo tregon edhe mjerimin adoleshent të liderëve partiak, për mossuksesin e të cilëve dr.Rugova dhe LDK-ja janë "fajtorë kujdestarë"!

Andaj, si përfundim, duhet theksuar se është më se e qartë se duke i bërë dr.Rugovës dhe LDK-së "luftë të pakompromis" politike në emër të kinse "pluralizmit politik", pa zgjedhur forma dhe mjete dhe pa menduar fare mbi barrën e përgjegjësisë historike që bart me vete kjo luftë e shpallur politike, e gjithë kjo shkon në harmoni të plotë me interesat e skenarëve antishqiptarë dhe kundër homogjenizimit të klasës politike të Kosovës në drejtimin politik në të cilin janë nisur, kush më herët e kush më vonë.

Kosova ka nevojë si kurrë për lirinë e mendimit, për shumësi mendimesh, për platforma të shumëllojshme politike, për pluralizmin politik, por asnjë nga ato nuk guxojnë të bien ndesh me "Programin Kombëtar" të filosofisë politike të dr.Rugovës dhe LDK-së, program ky i përgjakur me gjakun e ideatorëve të tij si Fehmi Agani, Adem dhe Hamëz Jashari, Latif Berisha, Gazmend Zajmi, Bajram Kelmendit, Ismet Rracit, Haki Ymerit, Sali Çekut, Ukë Bytyçit, Smajl Hajdarajt si dhe me sakrificat e pashembullta të dr.Ibrahim Rugovës, Mark Krasniqit, Idriz Ajetit, Alush Gashit, Kolë Berishës, Eqrem Kryeziut, Nekibe Kelmendit, Sabri Hamitit, Fadil Kryeziut, Fadil Feratit, Faruk Spahisë, Adem Salihajt, Aqif Shehut, Hysen Gërvallës, Hafiz Gagicës, Donika Gërvallës etj., por secili program i ri politik do të duhet t'a ndihmojë përshpejtimin e procesit të pavarësimit të Kosovës, duke mos rënë në kundërshtim me principet themelore të këtij synimi politik, në mënyrë që në momentin e duhur politik (kjo padyshim varet nga rrethanat e ndryshme politike) të mos dështon ky finalizimi i njohjes së pavarësisë së Kosovës mu për shkak të karrierizmit, liderizmit, inateve partiake që vijnë nga prapaskenat e organizuara antishqiptare.

Në këtë kontekst, nga individë dhe grupe të reja e të vjetra politiko-ushtarake shpresojmë të vetëdijësohen sa më parë dhe t'i bashkangjiten karvanit të pandalshëm dhe të pandërprerë të pavarësisë së Kosovës, sepse nomenklatura politike të cilën e përkrahin ata, ka mbetur peng i "baballarëve" ideologjik dhe i bindjeve të stërvjetruara e kontradiktore kundruall vullnetit të lirë politik të popullit shqiptar të Kosovës.



--------

[Llapi]

PROGRAMI I LIDHJES DEMOKRATIKE TË KOSOVËS

Miratuar në Kuvendin Themelues më 23 dhjetor 1989

Kriza e thellë shoqërore, ekonomike dhe politike, në të cilën gjendemi tash sa kohë para bashkësisë shumëkombëshe hapi shumë dilema që kanë të bëjnë me egzistencen e saj të mëtejshme. Në opcion tashmë janë shumë programe dhe projekte që mtojnë të fitojnëlegjimitet në Jugosllavi. Kjo larmi idesh, propozimesh e deri te programet me profile të qarta politike tregon më së miri se për fatin e Jugosllavisë janë të brengosur dhe të preokupuar të gjithë, dhe se, e ardhmja e saj mund të garantohet po qe se për të angazhohen të gjitha subjektet e saj, pa iu rezervuar askujt e drejta që të flasë apo të vendosë në emër të të tjerëve. Pra, Jugosllavia, duhet kuptuar si interes i secilit, (nga anetaret e LDK-se, vrejtje e imja) ngase ajo është themeluar me vullnetin e lirë të të gjithëve, edhe me vullnetin e popullatës së Kosovës ( per LDK-ne edhe regjimi ushtark i 12 shkurtit 1945 ka qen vullnet i popullit te Kosoves, vrejtje e imja) dhe se për çdo rregullim të ri të federatës është e drejtë imanente që të të vendosin lirisht edhe qytetarët e kosovës.
Fakti që kriza e thellë dhe e gjithanshme që po e rëndon vendin dhe që më fuqimisht e me pasoja më të rënda po shprehet në Kosovë, kërkon kthesa radikale në fushën ekonomike, shoqërore e politike, se ajo mund të përballohet e të tejkalohet vetëm me angazhimin dhe veprimin e të gjitha forcave subjektive e të potencialeve krijuese dhe se ky angazhim nuk është i mundur në kuadër të monizmit politik dhe të monopolit një partiak, ne të nënshkruarit morëm iniciativën që të formojmë: Lidhjen Demokratike të Kosovës si shoqatë për veprim shoqëror-politik e kulturor të gjithë atyre që miratojnë orientimet programore të Lidhjes Demokratike dhe intencat e saj.

1. Lidhja Demokratike e Kosovës (në tekstin e mëtutjeshëm LDK) angazhohet për reformat ekonomike e shoqërore që synojnë daljen sa më të shpejtë nga kriza dhe zhvillimin më të shpejtë ekonomik të vendit. Për këtë qëllim LDK angazhohet për ekonomi të tregut, forma të ndryshme të pronësisë, për treg modern dhe për përjashtimin e ndërhyrjes jokompetente të politikës në çështjet ekonomike (nga orientimi i pakriter i investimeve e deri te caktimi i kuadrit drejtues në ekonomi), gjë që kishte dhe ka pasoja të dëmshme.
Kosova, përkundër potencialeve njerëzore dhe natyrore, është krahina ekonomikisht më e prapambetur dhe me papunësi më të madhe. Prapambetja ekonomike dhe papunësia janë forma permanente të krizës. Lidhja Demokratike e Kosovës vlerëson se pikërisht prapambetja ekonomike dhe papunësia janë problemet kryesore të Kosovës dhe përpiqet për përballimin dhe tejkalimin e tyre. LDK përpiqet për stimulimin e iniciativave dhe të angazhimeveinvestive, për racionalizimin dhe modernizimin e prodhimit, për rekonstruksione e orientime prodhuese dhe jo për falimentime dhe shuarje të nxituara të organizatave ekonomike; angazhohet për të drejtën e barabartë të secilit në punë varësisht nga aftësitë, angazhohet kundër privilegjeve në këtë lëmë në baza regjionale, kombëtare ose të tjera.
Lidhja Demokratike e Kosovës angazhohet përshfrytëzimin e të gjitha potencialeve dhe mundësive të brendshme për zhvillimin ekonomik të Krahinës; angazhohet për politikë sociale, siç ndodh në të gjitha shtetet moderne dhe për solidaritet të të zhvilluarve ndaj të pazhvilluarve.

2. Lidhja Demokratike e Kosovës angazhohet për një Jugosllavi demokratike, federative, socialiste dhe për reformën e sistemit politik në këtë drejtim.
LDK angazhohet për demokrci, që do të sigurojë barazinë e plotë juridike e politike të të gjithë qytetarëve, të individit, të dinjitetit dhe të pronës së tij, pavarsisht nga përkatësia kombëtare, gjinore apo fetare; angazhohet për shtetin juridik,që respekton kushtetutën dhe ligjin e përjashton arbitraritetin politik dhe pushtet mbajtës. Angazhohet për pluralizëm politik që shpreh strukturat dhe interesat e ndryshme e mundëson garën e koncepcioneve dhe të opcioneve politike të ndryshme
dhe për sistem shumëpartiak, angazhohet për mbrojtjen e plotë dhe zgjërimin e lirive të njeriut e të qytetarit, për të drejten e mendimit dhe të shprehjes së lirë, për lirinë e fjalës, të shtypit e të organizimit politik; angazhohet për gjyqet e pa varura dhe për përjashtimin e varësisë së individit, të ndjekjes dhe të ndëshkimit politik të gjyqtarëve. Lidhja Demokratike e Kosovës angazhohet për zhvillimin e raporteve demokratike në federatë, duke e kuptuar atë si bashkësi të subjekteve të barabarta të republikave dhe të krahinave, si bashkësi të qytetarëve dhe të nacionaliteteve të barabarta. Pra, angazhohet për federatë moderne, e cila do të mundësojë barazinë e nacionaliteteve, të republikave dhe të krahinave, për sistemin parlamentar në bazë të së drejtës së votimit të lirë, të drejtpërdrejtë e të përgjithshëm, për Kuvend Federativ të përbërë nga Dhoma e Republikave dhe e Krahinave, si dhe nga Dhoma e Qytetarëve. Angazhohet për vendosjen me konsensus për të gjitha çështjet e rëndësishme të vendit.
Lidhja Demokratike e Kosovës do të angazhohet për zgjërimin e kanaleve demokratike institucionale, në drejtim të riafirmimit dhe të afirmimit të më tutjeshëm të individualitetit të Kosovës dhe të poztës kushtetuese, duke e kuptuar Kosovën gjithherë si bashkësi të qytetarëve dhe nacionaliteteve të barabarta. Lidhja Demokratike e Kosovës angazhohet për afirmimin e subjektivitetit shoqëror politik e kulturor të shqiptarëve dhe për të drejtën e tyre që, varësisht nga mundësitë që u ofrojnë numri, përqendrimi e shkalla e zhvillimit, në mrrëveshje me popujt me të cilët jetojnë bashkërisht, të shfrytëzojn[ format e kontituimit politik e juridik që do të afirmonon barazinë e tyre.

3. E vetëdijshme për faktin që bashkëpunimi, mirëkuptimi, miqësia dhe solidariteti i popujve janë rezultat dhe frytet më të rëndësishme të civilizimit, kurse grindjet dhe armiqësitë janë ftkeqësi e tyre e madhe, LDK do të angazhohet vendosmërisht për zhvillimin e miqësisë dhe të bashkëpunimit të gjithanshëm të të gjithë popujve në Kosovë, në Jugosllavi dhe në botë.
Barazia e plotë përbën edhe parakushtin qenësor të miqësisë dhe të bashkëpunimit të popujve. Prandaj, LDK përpiqet për barazi të plotë kombëtare në Jugosllavi e në Kosovë. Ajo do të punojë për afirmimin e vetëdijes se Kosova është e gjithë atyre që jetojnë në të:
-se shqiptarët, malazezët, serbët, turqit dhe të tjerët historikisht dhe aktualisht e kanë Kosovën të tyre dhe bashkërisht duhet ta zhvillojnë dhe ta përparojnë;
- sejeta në miqësi është bazë e mirëqenies dhe e lumturisë së popujve;
- se shumësia e kulturave dhe traditave, e kuptuar drejt, është pasuri;
- se bashkëpunimi dhe miqësia e popujve janë të pa mundshme pa njohjen, mirëkuptimin dhe respektimin e kulturave dhe të traditave të qenieve dhe të interesave të njëri-tjetrit.
Lidhja Demokratike e Kosovësdo të luftojë kundër çdo qëndrimi ose pikëpamje të pabarazisë. Ajo veçmas do të angazhohet:
- kundër çdo privilegji ose diskriminimi kombëtar;
- kundër koncepteve mbi popujt autoktonë e shtetformues dhe popujve të prezencës së rastësishme e margjinale;
- kundër çdo shovinizmi dhe hegjemonizmi;
- kundër manipulimeve nacionaliate e burokratike me çështjen kombëtare. Lidhja Demokratike E Kosovës përpiqet për barazinë e plotë të nacionaliteteve në Jugosllavi. Ajo angazhohet për zhvillimin e gjthanshëm kulturor të të gjithëve, për arsimim të plotë në gjuën amtare në të gjitha shkallët e shkollimit; për ruajtjen e pozitës dhe të dinjitetit moral e material të shkollës; për kultivimin e gjuhës amtare dhe barazinë e saj në komunikim publik dhe në administratë; angazhohet për kultivimin e lirë e të barabartë të traditave kulturore e historike,për përdorimin e simboleve kombëtare dhe të kremtimit me dinjitet të festave kombëtare për të drejtën dhe mundësinë që çdo popull të shfrytëzojë rezultatet pozitive të krijimtarisë së vet kulturore dhe shpirtërore kudo që krijohen. në këtë drejtim duhen zhvilluar edhe më tutje institucionet që merren me studimin dhe kultivimin e kulturës, të traditës dhe të shprehjes së lirë të individualitetit kombëtar të të gjithëve në Kosovë dhe Jugosllavi.
4. Lidhja Demokratike e Kosovës përpiqet për të vërtetën për Kosovën, duke luftuar kundër dezinformatave e shpifjeve, kundër përpjekjeve q[ çështjet e sotme të Kosovës të paraqiten e për to të flitet vetëm me terma diskualifikuese, pa u parë ato në tërësinë dhe kompleksitetin e tyre. Ajo është kundër represioneve e rikonstruksioneve si zgjidhje të problemeve, është kundër imponimit të pseudoproblemeve për t'u mbyllur problemet e vërteta,është kundër gjendjeve dhe masve të jashtëzaknshme, kundër izolimeve e kundër proceseve politike si dhe angazhohet për lirimin e të burgosurve politikë. Angazhohet, pra, për dialog kontruktiv e mirëkuptim të ndërsjellë dhe kundër diskualifikimeve dhe etiketimeve të çdo mendimi ose kërkese që ndryshon nga ajo zyrtare e një partie.
5. Lidhja Demokratike e Kosovës do të angazhohet për ruajtjen e mjedisit dhe të burimeve natyrore. Asnjë brez nuk ka të drejtë që pa nikoqirllëk t'i shfrytëzojë ato që duhet t'u takojnë brezave të tjerë.


Në Prishtinë, më 23 dhjetor 1989.

Marrë nga libri Ç'THONË DHE Ç'KËRKOJNË KOSOVARËT faqe122 deri 126 botuar në gusht 1990 Tiranë.


**********************************************
BRARI
Pa lexoje ket programin e LDK-se perime e jo ata qfar duhet te jet siq ka dasht ta shof autori i keti shkrimi i gjori Besim!

Vetem lexoje njinjiher se sa jan mundue te gjoret ta mbroin nji Jugosllavi te pshurrt me nder me than!

[Llapi]

Ja psh.edhe disa pjes te programit te LDK-se


Në Programin e LDK-së të nënshkruar
nga Ibrahim Rugova, më 4
gusht 1990, në fillim të pikës se
dytë shkruan: “Lidhja
Demokratike e Kosovës
angazhohet për Jugosllavi
demokratike, federative ose
konfederative dhe për reformën
e sistemit politik në këtë
drejtim”.
*************

Ose shiqone se qfar teksti e pat pregadit LDK-ja per
referendumin me 1991 per "Pamvarsi" qe aq shum thirret ne te!

*************

“A jeni për Rezolutën e
Kuvendit të Republikës së
Kosovës për shpalljen e
Kosovës si shtet Sovran dhe të
pavarur me të drejtë për pjesëmarrje
konstituive në lidhjen e shteteve
– republikave sovrane (në
Jugosllavi)?
“PO” “JO”

[Brari]

LLapi.. programet e LDK ne 1989 kur Kosova ish nen tanket Serbe jane shume here ma te perparume e ma te guximshme se Moratoriumi qe ti Me Thaqin po na tregoni sot me 2003-shin.

Pra 15 vjet ma pare LDK ka kerkue ate qe Populli e kish andrrue e athere ti mor LLAP me Komisaret e tu ishit dashuru ne Kolkozet Ruse.


LLap a ti ka prue Njomza me Hashimin do EURO qe i paten teprue pi Hotellit Te Sllovenise me qense Lima shkoj ne Hag para kohe e me ato pare blej ti do gazeta Epoka e medicin..
Llap nuk ka me shkue populli nen Serbi edhe pse ki qef ti me Thaqin e Jakupin...e ilir Meten.

[Llapi]

BRARI
Ka nis me te hup rruga per oborr krejt!
Po a per me mbet nen serrbi paskum lufte ne ore burr !!
Po a ta merr menja ty me te vertet qe ne qe luftuam kem qef me shkue populli nen serbi siq po thuati ore njeri!

BRARI
Kur nuk ke argumente e nuk din me mier eshte me hesht se me shkarravit qfar paske ber ti ore burr i botes.

[Arb]

Postuar më parë nga Llapi
BRARI

Po a per me mbet nen serrbi paskum lufte ne ore burr !!
Po a ta merr menja ty me te vertet qe ne qe luftuam kem qef me shkue populli nen serbi siq po thuati ore njeri!

Llapi,

Nje thenje e popullit thote, "Aty ku ka tym, nuk ka zjarr."

Kjo thenje me ben te besoj gjithnje qe e gjitha qe beni dhe keni bere eshte asgje me teper se tym.

Jo vetem ti ketu ne Forum, por edhe kur ne jeten e perditshme takoj njerez te sojit tend, te gjithe jeni te njejte, vetem me "tymin' merreni.


Ti Llapi, vazhdo e nderroje programin e LDK-se, program i cili ju prishi shume planet e juaja famekeqe.

Tash te ka ardh koha te ulerosh, nderroje sido qe ta do mendja dhe te konvenon. Na keni gjete vertete te gjore.

[Llapi]

ARB

Po qfar programi ndrrova une ore njeri?!
Qe nuk ke dasht te dish se qfar programi ka LDK-ja une nuk te kam faj aspak!!!

[skajkingdom]

Unë mendoja se thënia popullore është pikërisht "Ku ka tym, ka edhe zjarr"...

[Brari]

Dr. Ibrahim Rugova dhe LDK-ja – emra historik që u prijnë shqiptarëve drejt pavarësisë së Kosovës


----------------------------------------------

25 maj 2003 / Shkruan : Besim KRASNIQI

Edhe përkundër asaj se faktet historike dhe ato më të reja mbi meritat politike të dr.Rugovës dhe LDK-së rreth zgjidhjes së drejtë të çështjes së Kosovës nuk do të mund të përfshiheshin në një artikull apo në një libër të vetëm, por meqë disa provokatorë, bile edhe mjeranë politikë e inatçorë të cilët kërkojnë " qime në vezë ", me qëllim jo për t'u marrë me ta, por me dëshirë që lexuesit tonë t'i japim disa sqarime rreth reagimit të z.Brahim Halimit në shkrimin tim botuar në gazetën kombëtare "Bota sot" si dhe në faqe elektronike të "Trepça.net" të datës 20.05.2003 me titull: "Programi politik e kombëtar i Dr. Rugovës të jetë themel i mendimit tonë politik", po i kthehemi temës në fjalë për t'i përshkruar edhe njëherë faktet tona mbi atdhetarizmin dhe largpamësinë e deritanishme politike të dr.Rugovës dhe mbi rëndësinë historike të formimit dhe aktivitetit politik e kombëtar të Lidhjes Demokratike të Kosovës në arritjen e cakut politik të shqiptarëve - Pavarësisë së Kosovës. Andaj, për nxitjen e shtjellimit të mëtejmë të kësaj teme, e "falënderoj" reaguesin dhe të gjithë ata që qëndrojnë pas "reagimit" të tij spekulativ dhe sipas të gjitha gjasave qëllimkeq.


Në kohën e represionit serbosllav në Kosovë, i cili ishte në rritje e sipër, si dhe me anë të eliminimit të atyre pak të drejtave kulturore dhe juridike që i kishin shqiptarët (suspendimi i dhunshëm i statusit federal të Kosovës nga ana regjimit fashizoid të Serbisë) shqiptarëve të Kosovës do t'iu imponohet një veprim i pashtyeshëm politik.

Në ato kushte të rënda robërie, intelektualë të njohur të kohës inicuan dhe themeluan Lidhjen Demokratike të Kosovës, që sipas idesë së atëhershme do të shërbente, ndër të tjera, edhe për mbajtjen e drejtpeshimit politik të shqiptarëve, të cilët deri në atë kohë vepronin mjaft të përçarë në grupe të vogla (të dashuruara marrëzisht në diktatorin Enver Hoxha dhe "bashkim-vëllazërimin" me jugosllavët), por vazhdimisht të dekonspiruara nga vetë anëtarët e atyre grupeve, të cilat veprime ishin pa ndonjë ndikim efektiv në sferën dhe rrjedhat e politikës vendore dhe asaj ndërkombëtare kundrejtë çështjes së Kosovës. Identiteti politik i Kosovës i asaj kohe mund të përshkruhet kështu: autonomia e shkatërruar e Kosovës, veprimtaria e grupeve të vogla marksiste-leniniste, veprimtaria e disa të vetëquajturëve "liderë politikë", e që në të vërtetë ishin bijë të komunistëve projugosllavë, të cilët përmes subjekteve të tyre (UJDI-t, etj.) proklamonin akoma bashkim-vëllazërimin si zgjidhje reale politike për shqiptarët e Kosovës, gjë që përputhej plotësisht me politikën antishqiptare të Serbisë okupatore. Pra, mund të themi lirshëm se Kosova ishte në rrugë të sigurtë drejt futjes së plotë dhe përfundimtare të saj brenda tutelës së politikës gllabëruese serbosllave dhe sllavizimit të saj përfundimtar!

Duke qenë vazhdimisht në rrjedhat politike që vendosnin përfundimisht mbi fatin e ardhshëm politik të Kosovës, intelektualët e Kosovës nuk qëndruan për asnjë moment indiferentë, por përkundrazi iu qasen nismës së lartëpërmendur politike, duke e zgjedhur kolegun e tyre të fushës së letërsisë dr.Ibrahim Rugovën për kryetar të Lëvizjes gjithëpopullore me emrin Lidhja Demokratike e Kosovës, edhe pse më parë ky post udhëheqës iu kishte ofruar disa "akademikëve të pavarur " të cilët për shkaqe "intelektuale" e kishin refuzuar këtë post, por edhe për shkaqe të ruajtjes së privilegjeve që i gëzonin në shoqërinë e atëherëshme kosovare.


Kjo është njëra nga sakrificat personale të dr.Rugovës i cili jo vetëm që pranoi një rol të vështirë udhëheqës kur kihen parasysh rrethanat e rrezikshme të kohës kur bëhëj rrënimi me tankse të autonomisë së Kosovës (1989/90), por edhe mëtej u mbeti besnik parimeve, programit politik të LDK-së si dhe deklaratave të tij për realizimin e aspiratës së shqiptarëve të Kosovës për shtet të pavarur, fillimisht për Republikën e Kosovës si shtet përbërës i konfederatës asimetrike që diskutohej në atë kohë, e mëpastaj pas mbajtjes së Referendumit të vitit 1991 të ndërtimit të opcionit për pavarësinë e plotë të Kosovës nga ato kombinime politike të cilat për fat nuk u realizuan kurrë.

Nëse i rilexojmë dhe rikujtojmë deklaratat e disa liderëve të vetëquajtur politikë të Kosovës, do të hasim në deklarata vazhdimisht konfuze, të papërgjegjshme, labile dhe të ndryshueshme nga njëra-tjetra nga frika, sikurse thotë populli " nuk u rrahte kurrë sakica në një vend ", të cilat jo vetëm që i sillnin dëm proceseve politike në vijim por me qasjet e tyre të mbrapshta i ngrisnin tensionet politike brenda skenës politike të Kosovës. Këto devijime të tyre politike dhe mospërkrahja e tyre e opsionit të LDK-së e bëjnë dr.Rugovën edhe më të pranueshëm politikisht për dallim nga këta politikanë të cilët i ndërronin mendimet dhe opcionet e tyre më shpesh se këmishat e veta.

Në kohën e shtetrrethimit ushtarak të Kosovës nga ana e Serbisë, filloi edhe përzënia e shqiptarëve nga vendet e tyre të punës; nga Radiotelevizioni i Kosovës, nga Rilindja, nga arsimi i fillorë, i mesëm dhe ai i lartë shkollor, nga fabrikat dhe uzinat e mëdha etj., ku vetëm brenda 6 muajve u hudhën në rrugë mbi 130 punëtorë , e ç'është më e rëndësishme për t'u theksuar është se me këto përjashtime nga puna u arrit edhe shkatërrimi i forcave policore të Kosovës, ku shumica ishin shqiptarë të Kosovës, që konsideroheshin si mbrojtja e vetme e qytetarëve civilë të Kosovës në rast të eskalimit të dhunës me përmasa të mëdha, sikurse edhe ndodhi në vitin famëkeq të 1998-tës.

Në anën tjetër shqiptarët e Kosovës ballafaqoheshin me një armatë policësh dhe ushtarësh të armatosur deri në dhëmbë, e përzier edhe me polici dhe ushtri sllovene, boshnjake, kroate e maqedonase, dhe me një përkrahje minimale nga ana e bashkësisë ndërkombëtare rreth " çështjes së Kosovës ", gjë që i ka shtyrë padyshim udhëheqësit e LDK-së (për shumë vite ishte Lëvizje gjithëpopullore) të përcaktohen vendosmërisht për rezistencë aktive, por për momentin vetëm me mjete politike paqësore. Kjo është edhe filosofia e mençurisë së madhe të kreut të LDK-së, e cila skenarët e përgatitura serbe për shkatërrimin e Kosovës do t'i largojë në drejtim të pjesëve veriore të ish-Jugosllavisë, duke iu shmangur kështu ballafaqimit ushtarak me një ushtri kriminale shumë më të përgaditur se ajo në anën shqiptare.

Të gjithë ekspertët politikë dhe ushtarakë janë unik në qëndrimin se po të fillonte në ato vite lufta e hapur midis shqiptarëve dhe serbëve, Kosova sot nuk do të numëronte më shumë se 200 mijë shqiptarë, ngase për një luftë të tillë me armikun ata nuk ishin të përgatitur pothuajse fare, por as rrethanat politike në Shqipëri nuk ishin më të mira, për të mos folur fare për ato në arenën ndërkombëtare të cilat ishin në disfavor të plotë për shaiptarët.

Pra, që këtu fillon zanafilla e largpamësisë politike dhe ushtarake e Dr.Rugovës dhe udhëheqësve politikë dhe kombëtarë shqiptarë të atyre viteve, ngase detyrë mbi detyrat në ato kohëra shumë të vështirë okupuse ishte ruajtja fizike e qenjës shqiptare në Kosovë. Në aspektin politik, Dr.Rugova dhe LDK-ja vazhduan rrugën tashmë të nisur politike, duke ua përgaditur terrenin politik shpalljes së akteve më të rëndësishme politike siç ishin Deklarata Kushtetuese me 2 korrik dhe Kushtetuta e Kaçanikut me 7 shtator 1990, pastaj krijimi i sistemit paralel në disa fusha shumë të rëndësishme; Qeveria e Kosovës me disa ministri të saj, Këshilli për arsim, Këshilli për Financa, për Kulturë, Sport, Këshilli ndërpartiakë në nivel të hapësirës etnike Kosovë-Maqedoni, kryetar i të cilit ishte Dr. Rugova, etj.

Mëpastaj, internacionalizimi i çështjes së Kosovës dhe format tjera të organizimeve politike dhe administrative së pari për të mbijetuar, por edhe për të krijuar shtetin e pavarur të Kosovës nga politika okupuese serbe, gjë që këto veprime ishin themelet e para të shtetit të ri dhe të pavarur të Kosovës i cili është ende në ndërtim e sipër. Nën moton e vërtetë (jo demagogjike) për lirinë, demokracinë dhe demokratizimin e Kosovës dr.Rugova dhe LDK-ja nxunë miq dhe përkrahës të mëdhenjë të politikës së tyre paqësore nga qendrat kryesore të vendosjes (SHBA-të dhe aleatet e saj) frutet e së cilës politikë po i shijojnë edhe vetë kundërshtarët më të sëmurë politikë të dr.Rugovës dhe të politikës së tij largpamëse, deshtën apo nuk deshtën t'i pranojnë këto fakte të gjalla. Në vazhdën e veprimtarisë politike të dr.Rugovës dhe LDK-së ishin edhe zgjedhjet politike të 24 majit 1992 të mbajtura në bashkëpunim me subjektet tjera politike, me ç'rast qytetarët shqiptarë të Kosovës zgjodhën pothuajse me aklamacion për president të tyre Dr. Ibrahim Rugovën si dhe institucionet e para të shtetit të Kosovës të cilat më vonë u njohën edhe joformalisht nga ana e shumë subjekteve ndërkombëtare.

Padyshim se veprimtaria e institucioneve të pavarura të Kosovës ishte tejet e kufizuar për shkak të dhunës dhe represionit serbosllav, mirëpo në kuptimin politik karshi bashkësisë ndërkombëtare, ato institucione shprehnin vetëvetiu dëshirën dhe vullnetin e madh për një rend demokratik në Kosovë (" Ishte me rëndësi të mbahen ato zgjedhje për të pasur një rend demokratik në Kosovë… " - dr.Ibrahim Rugova), për çka edhe u arrit tërheqja e vëmendjes që bashkësia ndërkombëtare të merrej në mënyrë më aktive me çështjen e Kosovës si çështje në vete dhe jo si çështje e "brendshme e Serbisë".

Do të kishim lënë zbrazëtirë të madhe këtu në qoftëse nuk do t'a kishim theksuar faktin se gjatë tërë periudhës së ekzistimit të LDK-së si parti politike shqiptare, represioni serbosllav ndaj aktivistëve të LDK-së veçanërisht ndaj atyre që kishin përgatitje të lartë intelektuale nuk ka patur të ndalur, duke filluar që nga burgosjet, maltretimet, rrahjet e deri tek vrasjet fizike, fakt ky tani i harruar nga kundërshtarët e Dr.Rugovës dhe të LDK-së. Po të bënin politikë paqësore "pasive", siç trillojnë tani me paturpësi disa mohues të kësaj Lëvizjeje, a thua a do të pësonin aq shumë vuajtje dhe maltretime anëtarët e LDK-së në atë kohë nga regjimi kriminal serbë, apo qëllimisht i harrojnë ata këto fakte?!?!

Falë simpatisë së SHBA-ve ndaj politikës së dr.Rugovës, në Prishtinë u hap e para Zyra e SHBA-ve si dhe Zyra e Bashkimit Europian (1996), që në fjalorin diplomatik kjo nënkuptonte vendosjen e parë të kontakteve të drejtëpërdrejta të shtetit të Kosovës me bashkësinë ndërkombëtare dhe kjo pa e pyetur Serbinë. Me këtë shihej qartë se politika paqësore aktive e Dr.Rugovës bëri që qendrat ndërkombëtare të vendosjes të merren me çështjen e Kosovës si një çështje politike që kërkon zgjidhje të drejtë dhe në dobi të shqiptarëve të Kosovës, dhe jo sipas kutit të propagandës së egër serbosllave, ndërsa atyre që dëshirojnë të njihen me ndonjë nga vendimet e dr.Rugovës dhe LDK-së në periudhat e viteve 1990-1991, po ua rikujtojmë " Deklaratën me Tri Opcione " të përgaditur nga Dr.Rugova dhe LDK-ja, e përkrahur pastaj edhe nga partitë tjera politike të Kosovës, partitë politike të shqiptarëve në Maqedoni, në Mal të Zi, dokument ky i cili parashihte tri opcionet e mundshme politike për statusin politik të Kosovës, që do të zbatoheshin varësisht situatave të mëtejme politike në Ballkan.

Askush me mend të shëndosha në kokë nuk e mohon rolin dhe kontributin e luftëtarëve të lirisë të cilët u rreshtuan në Ushtrinë Çlirimtare të Kosovës (UÇK), askush nuk mund të luaj me gjakun dhe sakrificën e atyre të cilët ranë dëshmorë dhe u flijuan për çlirimin dhe pavarësinë e Kosovës, askush nuk mund t'i mohojë meritat e luftës sonë çlirimtare, vlerat dhe shejtësinë e saj dhe shpirtërave të mijëra dëshmorëve të kombit, në njërën, por askush nuk mund dhe nuk guxon që t'i përvetësojë këto rezultate dhe këto vlera, askush nga të gjallët, pa marrë parasysh kontributin e tij individual në luftë apo në ndonjë formë tjetër, nuk mund të posedojë "tapinë" dhe monopol mbi këto vlera dhe lirinë e Kosovës të fituar me aq shumë vuajtje dhe sakrifica, askush nuk ka të drejtë që të flasë në emër të luftës dhe vlerave të saj, pa marrë parasysh rolin që ka luajtur para dhe gjatë luftës, në anën tjetër, sepse atë e ka bërë vetë populli, e kanë bërë dhe udhëhequr bijtë më të ndritur të kombit shqiptar, vetë burrat dhe trimat më të mirë të Kosovës dhe trojeve tjera etnike me të vetmin qëllim: çlirimin dhe pavarësinë e Kosovës.

Asnjë nga heronjët dhe dëshmorët e kombit nuk kanë shkuar në luftë që ta luftojnë armikun në emër të ideologjive partiake ose për interesa tjera politike, ngase që të gjithë kanë vdekur për idealet më të larta kombëtare siç është liria, pavarësia dhe bashkimi i kombit, prandaj nuk jemi pajtuar dhe as kurrë nuk do të pajtohemi me ata të cilët sot haptazi dhe me perfiditet po manipulojnë me ndjenjat dhe aspiratat e kombit shqiptar në Kosovë, me ata të cilët në mënyrë të paskrupullt përvetësuan dhe vunë monopol të egër mbi vlerat e luftës dhe sakrificën e mijëra dëshmorëve, amanetin e të cilëve e kemi kuptuar si vlerë gjithëkombëtare, por edhe obligim intelektual që të mos heshtim ndaj porosive të tyre atdhetare.

Ata të cilët sot pa ia nda thirren në këto vlera vetëm sa për t'i luftuar kundërshtarët e tyre politikë janë sipas mendimit tonë provokatorë dhe përçarësit më të mëdhenjë brenda politikës shqiptare të cilët pikëpamjet e veta politike i konsiderojnë si të vetmet që bëjnë zgjidhjen e kauzës sonë kombëtare pa e patur aftësinë dhe guximin intelektual që t'i pranojnë më me urtësi politike dhe intelektuale mendimet e të tjerëve, qoftë edhe ato me të cilat nuk pajtohesh. Mospajtimin e disa kundërshtarëve të mendimeve dhe shkrimeve të mia e kam kuptuar dhe do ta marrë gjithnjë si vlerë e pluralizmit politikë, por vetëm deri në atë masë sa ato mospajtime të mos i tejkalojnë kufijtë e tolerancës njerëzore dhe kombëtare, ngase të drejtën për ta shfaqur publikisht mendimin rreth pikëpamjeve dhe bindjeve politike nuk dëshiroj t'ia mohoj askujt, por as që pranoj që dikush tjetër të m'i mohoj këto të drejta, mbase patriotizmi, atdhetarizmi dhe përkushtimi kombëtarë i secilit prej nesh, para se të jenë obligime intelektuale, janë ndjenja shpirtërore të njeriut që ai i ka ndaj kombit dhe atdheut me të cilat nuk duhet lozur kohë e pa kohë dhe vend e pavend.

[&Mitrovicalia&]

E te kisha me dit se ky llapi q'ka kish shkru e shkretu tish kon ne mundesi te formoj partin ne vitet 1989.Llapi po haron qe e vetmja parti politike shqipetare ne ate kohe ka qen LDK deri sa njerzit e llapit dhe te levizjes u shtyhshin ne rend me mar "Socialen" dhe duke kendu kanga patriotike neper hajma ne gjermani hahahaha

[Llapi]

E te kisha me dit se ky llapi q'ka kish shkru e shkretu tish kon ne mundesi te formoj partin ne vitet 1989.Llapi po haron qe e vetmja parti politike shqipetare ne ate kohe ka qen LDK deri sa njerzit e llapit dhe te levizjes u shtyhshin ne rend me mar "Socialen" dhe duke kendu kanga patriotike neper hajma ne gjermani hahahaha

ik more pirdhu ti e ldk-ja e coftakut
ju ka gjue historia ne burllog juve
edhe vet i keni kontribue ju
se nji parti e themeluar nga ish LKJ UDB-eja KOSi e OZNA
eshte dasht ta dini qe nuk ka ardhmeri
se jemi ne shekullin e 21 te balit
e jo ne vitet e 50 te titos e rugovnes

[shalja1]

E te kisha me dit se ky llapi q'ka kish shkru e shkretu tish kon ne mundesi te formoj partin ne vitet 1989.Llapi po haron qe e vetmja parti politike shqipetare ne ate kohe ka qen LDK deri sa njerzit e llapit dhe te levizjes u shtyhshin ne rend me mar "Socialen" dhe duke kendu kanga patriotike neper hajma ne gjermani hahahaha

e vetmja qader qe i ka mbulue te gjith kopshtin zoo e dihet qe ne kopshte ka edhe ca njrz 1982 eshte formuar lpk pa serbi pa platform sllave e pa qadra te lakejve tito mutist qe per nje dite duke hyr ne ldk u bene patriot dhe ran ne bela pa vra njeri formuan deg e rrema ne diaspor me vjedhe popullin e kosoves po populli kur e kapi pushken ldk bluejshiime se e dinin rrenen e tyre ata e perqafuan levizjen perulese se ma leht pasuroheshin duke u ber vazal te shkaut dhe duke ia mbushur hamarin shkaut nuk kan qen te gjith ka pase edhe patriot ne mes tyre po patriotat i shkel paraja e hajdutve e sa per demaqin eshte nji njeri qe eshte ne historin e shqiptarve kembe kryq nese e mohoni keni plotesisht gabim se nese ka motor makina ateher kosova e kishte demaqin e jo titen e juej qe ua flliqi gjuhen

[&Mitrovicalia&]

po po lpk eshte formu, or ku eshte formu a!, neper barakat e puntorve nga kosova e gjermani.LDK-ja eshte formu ne kosove e jo neper barakat e gjermanis.LPK-ja, ka qen parti komuniste ne ilegalitet, e evropa atehere nuk ka deshte edhe nje shtet komunist ma shum ne gjirin e vete por ajo deshti atehere nje shtet demokratik...e ti Llapi u pirdhsh gon atje kah je dal...idiot.

[shalja1]

LLapi.. programet e LDK ne 1989 kur Kosova ish nen tanket Serbe jane shume here ma te perparume e ma te guximshme se Moratoriumi qe ti Me Thaqin po na tregoni sot me 2003-shin.

Pra 15 vjet ma pare LDK ka kerkue ate qe Populli e kish andrrue e athere ti mor LLAP me Komisaret e tu ishit dashuru ne Kolkozet Ruse.


LLap a ti ka prue Njomza me Hashimin do EURO qe i paten teprue pi Hotellit Te Sllovenise me qense Lima shkoj ne Hag para kohe e me ato pare blej ti do gazeta Epoka e medicin..
Llap nuk ka me shkue populli nen Serbi edhe pse ki qef ti me Thaqin e Jakupin...e ilir Meten.

Ju jemi mirnjohes juve dhe te gjith minoritarve per kontributin tuaj per politiken tuaj fjetur ne bark dhe prapanicen nga shkau keni punu per kosove qe ta shporrni serbin rate duke e nenshtruar dinjitetin dhe vlerat kombetare para nje shkaut te ndyr dhe duke perqafuar stoicizmin e labilshkavellve ... vrani bani qa doni preni se na rrime e promovuat frigen i dhat popullit dyert e azilit e tani u bete bashke me pdk qe deri dje e shajshi ju e doni vetem hyqymetin o sheherli apo minoriet gabel edhe aak me ardh ju prap me ta beheni edhe pacolli prap se ju jeni hijenat e ndyra minoritet mullat