Partia Demokratike punëson një nga këshilltarët e Donald Trump për fushatën zgjedhore 2025

[Albo]

Opozita shqiptare punëson një nga këshilltarët e Trump ndërsa përforcon imazhin si parti konservatore

Partia Demokratike në opozitë prezantoi të hënën Chris LaCivita, një prej strategëve të fushatës së presidentit amerikan Donald Trump në Tiranë si drejtues të fushatës për zgjedhjet e ardhshme parlamentare, duke përforcuar në këtë mënyrë profilin si parti konservatore.

Nga Gjergj Erebara


Sali Berisha dhe Chris LaCivita në Tiranë më 10 janar 2025. Foto: LSA

Chris LaCivita, një nga këshilltarët për fushatën e zgjedhjeve presidenciale të vitit të kaluar në SHBA, mbërriti në Tiranë këtë të hënë për t’u prezantuar si menaxheri i fushatës së Partisë Demokratike, një lëvizje që duket se premton një PD të profilit konservator dhe populist, një fushë kjo ende e patestuar në politikën shqiptare.

Ngarkuar me temat dhe termilogjitë e fushatës amerikane, La Civita deklaroi në Tiranë se do të ndihmojë Partinë Demokratike “të zgjedhë një kryeministër që është një mik i vërtetë i Shteteve të Bashkuara dhe i cili do të punojë me sukses me Presidentin Trump dhe Shtetet e Bashkuara.”

Ai vijoi më tutje duke e përshkruar kryeministrin aktual “një marionetë të George Soros”, miliarderit filantropist amerikan që është bërë shënjestër e teorive të komplotit gjatë dy dekadave të fundit dhe që njihet për mbështetjen që i jep kauzave liberale.

Në të njëjtën linjë, Berisha shënjestroi Sorosin si “armik të demokracisë” ndërsa prezantoi veten si konservator.

“PD dhe opozita shqiptare, si dhe Shqipëria, ishin vendi i dytë pas SHBA, në të cilën e majta radikale sorosiane, ideologu i saj, armiku i demokracisë, Xhorxh Soros dhe kukulla e tij, Antoni Blinken, gënjeshtar në letrën puçiste të laptopit të famshëm, duke mashtruar kombin e tij dhe botën për interesa politike, këta bënë në Shqipëri eksperimente tragjike,” deklaroi ai në një konferencë të përbashkët për shtyp me LaCivita.

Partia Demokratike u zhvendos drejt konservatorizmit trumpist gradualisht duke filluar nga viti i kaluar, kur u deklarua pro familjes dhe kundër kulturës liberale ndërsa përqafoi tërësisht këtë lloj politike gjatë javëve të fundit duke iu bashkuar fushatës Trump-Musk kundër institucioneve të tilla si USAID, të cilat, kanë shërbyer si degë e diplomacisë amerikane përgjatë shumë dekadave dhe që administrata e re ka vendosur t’i mbyllë.

Krahas deklaratave të karakterit konservator, deputetët e Partisë Demokratike kanë depozituar në Kuvendin e Shqipërisë një projektligj që synon të sanksionojë se në Shqipëri ka vetëm dy gjini. Projektligji gjithsesi rezulton i tepërt pasi në Republikën e Shqipërisë, ligjet aktuale nuk njohin ndonjë gjini tjetër dhe as nuk lejojnë ndryshimin e gjinisë.

BIRN

[SERAFIM DILO]

Duhet ta ken punesuar falas se PD eshte parti qe nuk perdor leket e krimit dhe i vjen keq te prishi leket sepse flet per varferine e popullit !

Ky punesim eshte nje budallik, i sherben Berishes por do i heqi vota Pd. Morali i kesaj historie eshte qe Rama perdor leket i krimit per te blere vota ndersa Berisha i perdor leket e krimit per te blere fajsin amerikane.

[Albo]

Chris LaCivita: Berisha do fitojë, ai është një mik i vërtetë i SHBA dhe Donald Trump. Rama është marionetë e Sorosit

VIDEO

Kryearkitekti i fushatës së Donald Trump, Chris LaCivita, foli pas prezantimit si drejtues i fushatës elektorale të PD.

“Faleminderit zoti Berisha dhe opozita e bashkuar.

Ne jemi këtu sot sepse duam të ndihmojmë të zgjedhim kryeministër një mik të ngushtë të SHBA dhe që do të bashkëpunojë me sukses me presidentin Trump dhe SHBA-në.

Kryeministri aktual nuk është asgjë më shumë se një marionetë e Xhorxh Sorosit.

Nuk mund të jesh një marionetë e Sorosit dhe të jesh mik i SHBA, thjesht nuk është e mundur.

Familja e Sorosit ka humbur ndikimin në Uashington dhe në mbarë botën.

Dhe vetëm Berisha si një mik i vërtetë prej kohësh i SHBA.

E dini shumë amerikanë në media, në anën e majtë, thanë se Donald Trump nuk mund të fitojë.

Por ai fitoi, pavarësisht nga sulmet nga administrata Biden.

Amerikanë donin më shumë nga qeveria e tyre. Njësoj si amerikanët, edhe shqiptarët duan dhe kanë nevojë për më shumë nga qeveria e tyre.

Këto ngjashmëri na kanë sjellë këtu sepse ne e dimë se Berisha mund të fitojë,” tha ai.

Syri

[Albo]

Chris LaCivita në Tiranë: Një non grata ra dhe një tjetër u ngrit

Nga Alfred Lela

Christopher LaCivita shkroi sot në Tiranë një tregim të shkurtër ala Hemingway. Ai ishte sintetik dhe programatik, si një personazh i shkrimtarit amerikan. A burly presence, siç, me gjasë, do ta përshkruante autori i “Plaku dhe deti” z. LaCivita, ai shpalosi instinktin e pagabuar amerikan të të menduarit dhe të të formuluarit. Duke dhënë, më së pari, një leksion të artë në komunikimin publik: retorika është e duhura vetëm kur shpaloset shkurt dhe shkoqur. Në vetëm gjysmë faqe A4, ai tha ato që donte, duhej dhe dinte të thoshte, duke dhënë, çka është më e rëndësishmja, edhe mesazhet që donte të jepte. Që ishin dy.

Së pari, “ne jemi sot këtu sepse dëshirojmë të zgjedhim një kryeministër [lexo: Berisha] që është një mik i vërtetë i SHBA, i cili do të punojë në mënyrë të suksesshme me presidentin Trump dhe me SHBA”.

Së dyti: “Kryeministri aktual [lexo: Rama] nuk është asgjë më tepër se një kukull e George Soros-it; nuk mund të jesh edhe kukull e Soros dhe mik i SHBA-ve”.

Të dyja këto pika, të shtrydhura për të nxjerrë prej tyre kuptim politik, duan të thonë: Edi Rama bëhet non grata nga ShBA dhe Sali Berishës i hiqet non grata.

Për Partinë Demokratike ky bëhet zhvillimi më i rëndësishëm që nga humbja rraskapitëse në zgjedhjet e vitit 2013. E ardhur në këtë pikë përmes kostove të paimagjinueshme, por edhe rezistencës në prag të heroikes, ky ndryshim fati lidhet sidomos me emrin dhe personazhin e Sali Berishës [audentes Fortuna iuvat]. Sipërfaqja e buzëqeshjes në portretin e Doktorit sot, e gjerë sa ultësira Perëndimore, mbante brenda shpagimin që buron nga e drejta dhe guximi.

Berisha erdhi deri këtu, siç thuhet në Bibël, përmes një pune të denjë dhe të drejtë. Mbijetesa e Partisë Demokratike dhe shpagimi i saj, konturet e të cilit u dukën sot qartë, si te paraqitja e LaCivita ashtu edhe arrestimi i Veliajt, pushon në shpatullat e mijëra demokratëve dhe të dhjetra bashkëpunëtorëve, por sidomos, siç mund do të shkruante, po Hemingway, në këmbënguljen e Doktorit për të bërë përpara si një raging bull.

Syri

[Albo]

Mediu: LaCivita, një nga arkitektët e fitores së Trump. Forcojmë marrëdhëniet me SHBA-në



Kryetari i PR-së Fatmir Mediu, falënderon strategun amerikan Chris LaCivita për marrjen përsipër të drejtimit të fushatës së opozitës, e kryesuar nga PD. Mediu e cilësoi LaCivitan si një nga arkitektët kryesorë të fitores së Trump dhe një strateg me mbi 30 vite eksperiencë në fushata elektorale të rëndësishme. Sipas tij, ky është një moment kyç për të forcuar marrëdhëniet mes opozitës dhe SHBA-së, si dhe për të rikthyer besimin në procesin zgjedhor në Shqipëri.

Postimi i plotë

Falenderim Chris LaCivita që pranove të drejtosh fushatën e opozitës të kryesuar nga Partia Demokratike. Kënaqësi të punojmë së bashku, për një Shqipëri të Zotit, familjes dhe qytetarëve shqiptar, në mirënjohje të përherëshme për SHBA.

Chris është një nga strategët e fitores së Presidentit Trump, një personalitet i Republikanëve Amerikan me një eksperiencë mbi 30 vjet në fushata të rëndësishme elektorale, por padyshim fitorja e fundit e Trump është dhe kulmi karrierës të Chris LaCivita, Toni Fabrizio dhe vecanërishte gruas së hekurt Susie Wiles tashmë shefja e stafit të Presidentit Trump.

Opozita ka mundësinë me këtë ekip fantastik të shkojë drejt fitores për të ndryshuar Shqipërinë, por kjo kërkon edhe një bashkim opozitar dhe luftë nga cdo anëtar dhe në cdo skaj. Ky është një moment i rëndësishëm për të rikthyer edhe njëherë fuqishëm marëdhëniet më të mira ndërmjet opozitës dhe SHBA, për një Shqipëri të denjë si vend anëtar i NATOs ku zot janë qytetarët dhe jo krimi e korrupsioni.

Krah nesh kundër manipulimit të zgjedhjeve do të jenë miq tanë në kongresin Amerikan dhe parlamentin Europian. Shqiptarët meritojnë qeveri që e vendosin vet me votë dhe jo qeveri që del nga votat e manipuluara nga krimi, korrupsioni dhe patronazhistët.

Koha Jone

[Albo]

Berisha: Chris LaCitiva ua bëri të qartë shqiptarëve, SHBA mbështet Partinë Demokratike



Kreu i PD Sali Berisha tha se ardhja e Chris LaCivita në Shqipëri, personi që drejtoi fushatën e Donald Trump, është një ogur i mirë për shqiptarët.

Berisha u shpreh se Chris LaCivita deklaroi se SHBA-të mbështesin Partinë Demokratike dhe Sali Berishën.

“Chris LaCivita iu bëri të qartë shqiptarëve se Edi Rama do ketë fatin e George Soros dhe se SHBA kanë partner dhe aleat PD-në dhe Sali Berishën.

Ky është një ogur i bardhë për Shqipërinë dhe shqiptarët. Kjo betejë kundër Soros u fitua në SHBA e do fitohet edhe në Shqipëri”, deklaroi Berisha.



Pjesë nga fjala e Berishës:

Të dashur miq, për të gjitha këto, siç e dëgjuat dhe ju dje, nga njëri prej arkitektëve kryesorë të fushatës elektorale dhe fitores së Donald Trump, z. Cristofer LaCivita, Edi Rama është, vlerësohet, cilësohet si kukulla e Xhorxh Sorosit, e armikut numër 1 publik të SHBA-së.

Kryetari i Komitetit Kombëtar Republikan Cris LaCivita i bëri të qartë shqiptarëve dhe komunitetit ndërkombëtar se Edi Rama si kukull e Soros, vetëkuptohet duhet të ketë fatin e tij dhe se SHBA-të, kanë partner dhe aleat Partinë Demokratike dhe Sali Berishën.

Ky është një zhvillim, një ogur i bardhë për Shqipërinë dhe shqiptarët, sepse një opozitë tjetër sorosiane do ta kishte vidhisur Shqipërinë në honet e historinë, por ju qëndruat, ne qëndruam për ato vlera që qëndron një njeri i lirë. Nuk u mposhtëm, nuk u përkulëm dhe në fund kjo betejë u fitua në SHBA dhe do të fitohet edhe në Shqipëri.

Ju jeni dëshmitarë që pas deklaratave të kryetarit të Komitetit Kombëtar Republikan Cris LaCivita, në zyrat e padrinos së Shqipërisë, El Chapos apo Toto Rinës, ka rënë tërmet.

Skena e shkallmimit që patë dje në mëngjes, është përsëritur disa herë gjatë ditës. Kjo është e vërteta.

Pardje prokuroria speciale arrestoi një nga hajdutët me të këqijn, një person që për ligësitë e tij ka patur kufi vetëm Edi Ramën, Erion Veliajn.

Përpëlitjet e Ramës nga dje gjer sot për të mbajtur rreth vetes anëtarë të organizatës kriminale dhe të tjerë, kanë të bëjnë para së gjithash dhe mbi të gjitha me mesazhet që u dhanë në Rogner. Ai është kukull e Soros.

Ato mesazhe e detyrojnë atë të betohet për pastërtinë e Velicës, e cila të dashur qytetarë dhe qytetare, ka abuzuar dhe shpërdoruar, vjedhur në atë mënyre më paratë tuaja, saqë bazohet sipas medieve ndërkombëtare, vetëm me bashkëshorten e Asadit. Vetëm asaj ju numëruan dhe rezultoi me 1 mln euro garderobë.

Asadi kur iku në Rusi, ajo mori dhe garderobën dhe i rezultoi 1 mln euro. Ndërkohë që Velicës, për të cilën Edi Rama ka nga mëngjesi në darkë që betohet për pastërtinë, ndershmërinë e saj, i numërohen 867 mijë euro, fatura blerje online. Blerje online që kanë një çmim më të shtrenjtë se dyqanet.

Të gjitha të dorëzuara në doganë, me fatura doganash. Shikoni ku i zhyt ky rilindësit e tjerë. Në mbrojtje të një akti të paimagjinueshëm.

(Balkanweb)

[Albo]

Intervista e Çim Peka me Chris LaCivita

[ilia spiro]

Konsulenti amerikan LaCivita i përzjedhur nga PD për fushatë, njeriu perfekt për një shpifës si Sali Berisha

Chris LaCivita është i njohur më shumë për shpifjet e tij elektorale sesa për strategjitë e tij te mencura. Kryevepra e shpifjeve e Chris LaCivita-s, për të cilën ai vazhdon të jetë i famshëm, daton në vitin 2004.
Konsulenti amerikan LaCivita i përzjedhur nga PD për fushatë, njeriu perfekt për një shpifës si Sali BerishaSali Berisha dhe Chris LaCivita


Berisha dhe Partia Demokratike tregojnë arrogancë dhe siguri pas njoftimit të rekrutimit në fushatën e tyre elektorale të Chris LaCivita-s, një ish-marins që ka qenë pjesë e stafit të fushatës elektorale të presidentit Donald Trump. Por, më shumë sesa për rolin e tij të fundit në politikën e Partisë Republikane, Chris LaCivita është i njohur në shtypin amerikan për metodat e tij pa skrupuj, të bazuara në shpifje, që ai i ka përdorur në strategjitë e tij elektorale. Nga ky këndvështrim, LaCivita është aleati perfekt për Sali Berishën, i cili, megjithatë, nuk ka nevojë për këshillat e askujt për organizimin e shpifjeve sistematike ndaj kundërshtarëve politikë, një teknikë në të cilën është i pakonkurrueshëm, edhe pse deri më tani është treguar një teknikë e dështuar.

Kryevepra e shpifjeve e Chris LaCivita-s, për të cilën ai vazhdon të jetë i famshëm, daton në vitin 2004, kur demokrati John Kerry sfidoi republikanin George W. Bush në zgjedhjet presidenciale në Shtetet e Bashkuara. LaCivita organizoi Swift Boat Veterans for Truth, një organizatë politike e krijuar ekskluzivisht për të kundërshtuar fushatën e Kerry-t. Duke qenë një grup formalisht i pavarur, ai kishte lejen ligjore për të mbledhur fonde dhe për të shpenzuar pa kufizime, me kusht që të mos koordinonte aktivitetet e tij me një fushatë presidenciale. Me fjalë të tjera, teknikisht nuk ishte i lidhur me sfiduesin republikan të Kerry-t, presidentin në detyrë George W. Bush, edhe pse në fakt punonte për të.

Organizata e LaCivita-s mblodhi dhjetëra miliona dollarë, të cilat më pas i shpenzoi për një seri reklamash televizive, me të cilat shpifte kundër Kerry-t, duke tentuar të rrëzonte strategjinë e tij, sipas së cilës fakti që ai ishte një veteran lufte e bënte të besueshëm. Shpifja e krijuar dhe e përhapur nëpërmjet reklamave sugjeronte se Kerry kishte gënjyer për të kaluarën e tij ushtarake. Grupi financoi një libër (Unfit for Command) dhe disa reklama televizive, në të cilat disa veteranë vinin në dyshim heroizmin e Kerry-t në Vietnam.

Paratë e lobimit të Chris LaCivita mister, Berisha tregon formën por jo shifrën
"Ato akuza sot konsiderohen gjerësisht të rreme," shkruan media amerikane. "Dokumentet ushtarake të bëra publike nga fushata e Kerry-t konfirmonin pretendimet e tij për pjesëmarrjen në luftime. Për më tepër, ndërsa shumica e veteranëve të swift boats që dolën kundër tij nuk kishin shërbyer drejtpërdrejt me të, ata që kishin qenë në të vërtetë pranë tij e mbështetën publikisht versionin e tij të ngjarjeve."

Në një intervistë të vitit 2018 për Fresh Air, Kerry deklaroi se kritikët e tij "thjesht i kishin sajuar gjërat nga hiçi". Sipas CNN, gjatë fushatës elektorale të Donald Trump, LaCivita përdori të njëjtën teknikë kundër guvernatorit të Minnesotës, Tim Walz, duke vënë në dyshim të kaluarën e tij ushtarake.

Pra, Chris LaCivita është i njohur më shumë për shpifjet e tij elektorale sesa për strategjitë e tij te mencura. Kontributi që ai do të japë në fushatën e Sali Berishës pritet të ndjekë të njëjtën linjë agresive dhe shpifëse, të cilën Berisha e përdor prej vitesh. Problemi që lind ka të bëjë me koston: kush do ta paguajë Chris LaCivita-n, i cili për pjesëmarrjen e tij në fushatën elektorale të Donald Trump ka fituar gati 20 milionë dollarë? Cila do të jetë fatura që ai do t’i dërgojë Partisë Demokratike? Për këtë çështje, Berisha dhe PD ende nuk kanë ofruar transparencë, ndërsa për të kuptuar ndikimin që këshillat e LaCivita-s do të kenë në strategjitë elektorale të Berishës, mjafton të presim vetëm disa javë.

[ilia spiro]

non grata kujton se shqiptaret do te kompleksohen na ky civita, vetem pse eshte amerikan dhe keshilltar i Trump, ne nje kohe qe thuhet se vete ky e ka sikterisur
nuk jane budallenj shqiptaret te genjehen nga nje mafioz mashtrues ordiner si ky qe ia tregon surrati se c`moster eshte, ,,,por me saliun shkon per mrekulli
ne 1992 na nxorren nje mashtrues tjeter nje xhon mcgou per te shpifur lidhur me arin shqiptar,....,
nje gje eshte e sigurt shqiptaret jane tashme aq te emancipuar sa ti largohen mashtruesve

[ilia spiro]

SPAK duhet te hetoje parate me te ciat paguhet ky keshilltari nga i ka gjetur non grata, te hetoje parate e saliut qe ja ka vjedhur shqiptareve dhe paguan monstrat mashtruese ordinere