Lutjuni Zotit për shërrimin e Kryepeshkopit Anastas, gjendja e tij shëndetësorë është kritike

[Albo]

E morën me avion special në Athinë, çfarë dihet për shëndetin e Janullatos



Kryepeshkopi Anastas Janullatos është dërguar për mjekim të specializuar në Athinë, për shkak se ka pësuar hemorragji gastrike. Ai është dërguar me avion të Forcave Ajrore drejt Greqisë, ndërsa mesohet se gjendja e tij është vënë nën kontroll.

Transportimin e tij u krye nga një ekip i posaçëm mjekësor i EKAV-it (Shërbimi Kombëtar i Ndihmës së Shpejtë në Greqi).

Kujtojmë se kryepeshkopi u shtrua në një spital privat në kryeqytet më 30 dhjetor për shkak të një viroze sezonale. Mjekët që po kujdesen për të janë të bindur për përmirësimin e tij dhe shprehin optimizëm për shërimin e plotë të tij.

LAPSI

[Albo]

Mediat greke japin detaje për gjendjen e Kryepeshkopit Janullatos



Mediat greke kanë dhënë detaje për gjendjen shëndetësore të Kryepeshkopit të Shqipërisë, Anastas Janullatos. Ai u transportua në Athinë nga Tirana me një avion të Forcave Ajrore dhe po trajtohet në spitalin Evangelismos.

“Protodhema” shkruan se ai u transportua nën mbikëqyrjen e një mjeku dhe dy infermierëve, personel i trajnuar për transportin ajror. Avioni C-27J që transportoi Kryepeshkopin ortodoks nga Tirana, u ul në orën 19:34 në bazën ajrore të Elefsinës.

Anastasi u shtrua më 30 dhjetor në një spital të Tiranës. Në atë kohë ai u konstatua se ishte prekur nga një virus sezonal dhe shtrimi i tij në spital u gjykua i nevojshëm kryesisht për arsye parandaluese, nisur nga mosha (95 vjeç) dhe shëndeti i rënduar.

Por këtë të premte ai ka paraqitur një përkeqësim të konsiderueshëm. Virusi është shndërruar në infeksion dhe sipas informacioneve ai ka përjetuar gjakderdhje në sistemin tretës.

Për këtë shkak u gjykua e domosdoshme që ai të transferohej në Athinë dhe në veçanti në spitalin Evangelismos, ku do të trajtohet në një repart të thjeshtë dhe jo në Repartin e Terapisë Intensiv, siç thuhej fillimisht.

Kryepeshkopi Anastas u shtrua në të njëjtin spital, në nëntor 2020, kur u infektua me koronavirus. Janullatos po u nënshtrohet disa analizave laboratorike. Sipas të njëjtave informacioneve, kryepeshkopi nuk është i intubuar dhe po komunikon me të pranishmit.

LAPSI

[Albo]

NJOFTIM MJEKËSOR
Athinë, 10.01.2025

Tema: Përditësim i gjendjes shëndetësore të Fortlumturisë së Tij, Kryepishkopit të Shqipërisë, z. Anastas
Gjendja shëndetësore e Fortlumturisë së Tij, Kryepiskopit të Shqipërisë, z. Anastas, ka pësuar një përkeqësim të menjëhershëm dhe ai është transferuar në njësinë e kujdesit intensiv, ku ndodhet i intubuar.

Nga administrata e spitalit

KOASH

[Albo]

NJOFTIM MJEKËSOR
Athinë, 10.01.2025
Ora: 18:35


Tema: Përditësimi i gjendjes shëndetësore të Fortlumturisë së Tij, Kryepiskopit të Shqipërisë, z. Anastas.

Fortlumturia e Tij, Kryepiskopi i Shqipërisë, z. Anastas, iu nënshtrua me urgjencë një ndërhyrjeje kirurgjikale për trajtimin e një episodi hemorragjik dhe u transferua përsëri i intubuar në Njësinë e Kujdesit Intensiv.
48 orët e ardhshme konsiderohen si kritike.

Administrata e Spitalit

KOASH

[ilia spiro]

I urojme sherim te shpejte Kryepiskopit, me fuqine e Zotit Krisht

[ilia spiro]

I urojme sherim te shpejte Kryepiskopit, me fuqine e Zotit Krisht

Dhe do rroje 120 vjet, aq sa ka vendosur Perendia per njerezit pas permbytjes se madhe

[ilia spiro]

Dhe do rroje 120 vjet, aq sa ka vendosur Perendia per njerezit pas permbytjes se madhe

Dhe 48 oret kritike kaluan tashme

[Albo]

Kryepeshkopi Anastas në gjendje kritike, Berisha: Të bashkojmë lutjen tonë për shëndetin e shërbëtorit të pakursyer të Zotit



Kreu i PD Sali Berisha ka reaguar në lidhje me gjendjen kritike të kryepeshkopit të Tiranës, Durrësit e Shqipërisë, Anastas Janullatos.

Berisha shprehet se duhet të bashkojmë lutjen tonë me të gjithë besimtarët shqiptarë për shëndetin e një shërbëtori të pakursyer të Zotit, siç e quajti ai kryepeshkopin Anastas.

“Fort lumturia e tij, Kryepeshkopi i Tiranës, Durrësit dhe i gjithë Shqipërisë është në spital, në gjendje kritike. Ju ftoj të bashkojmë lutjen tonë me të gjithë besimtarët ortodoks dhe të gjithë besimtarët shqiptarë, për shëndetin dhe shërimin e këtij shërbëtori të pakursyer të Zotit, që me dashuri dhe përkushtim hyjnor bëri aq shumë në ringjalljen e Kishës Ortodokse Autoqefale të Shqipërisë!”, shkruan Berisha.

Koha Jone

[Albo]

Zv/kryeministrja Balluku viziton në spital në Athinë Kryepeshkopin e Kishës Ortodokse Autoqefale të Shqipërisë, Anastas Janullatos

“Vizitova në Athinë, Hirësinë e tij, Kryepeshkopin e Kishës Ortodokse Autoqefale të Shqipërisë, Anastas Janullatos. Lusim Zotin që gjithçka të shkojë mirë me shëndetin e Hirësisë së tij”- shkruan Belinda Balluku, zv/kryeministre dhe ministre e Infrastrukturës dhe Energjisë.

VIDEO

Koha Jone

[ilia spiro]

Jete te gjate me shendet Kryepiskopit!
Do ngrihet nga shtrati dhe do rroje edhe 25 vjet te tjere