Ndërron jetë poeti Agim Doçi

[Albo]

Ndahet nga jeta Agim Doçi, poeti dhe pena e artë e këngëve të festivaleve



Pas një hemoragjie cerebrale që e la në gjendje të rëndë dy ditë më parë, është ndarë sot nga jeta poeti i mirënjohur Agim Doçi, autori i këngëve fituese të festivaleve. Ndër tekstet e këngëve të tij mbetet i paharruar "Marshi i UÇK".

Mikja dhe bashkëpunëtorja e tij, këngëtarja Myfarete Laze ka shkuar sot në Fb:

"Lamtumirë, lamtumirë Agim Doçi, poeti i mbarë shqiptarisë! O pendë e artë e vargut poetik e të kënduarit në breza! Të kjoftë dheu i lehtë ashtu si të lehtë, të bukur, e bëre jetën tonë, plot shpresë, mençuri, dashuri, patriotizëm, vlera, duke skalitur në mosharresë emrin Agim Doçi. Ashtu si trokite në çdo zemër me vargun tënd të kënduar, lamtumirë Agim Doçi! Ngushëllime, Ngushëllime, se sot të gjithë me dashuri, respekt, të thonë: ‘’ Pushofsh në paqe me Zotin tënd’’

Agim Doçi ishte 76 vjeç. Ceremonia e varrimit do të mbahet nesër në Tiranë me homazhet që nisin në orën 11.

Poeti është arsimuar në Shkodër deri në gjimnaz dhe ka vazhduar më pas studimet e larta në Universitetin Shtetëror të Tiranës në Fakultetin e Inxhinierisë Elektrike.

Ka punuar si inxhinier në Montimet Industriale duke marrë pjesë në shumë objekte të rëndësishme si Fabrika çimentosh, Metalurgjik, Superfosfat Laç, Poligrafik Tiranë etj. Në vitet e fundit të '80 ka punuar pranë Kombinatit të Drurit "Misto Mame" si kryeinxhinier për energjinë. Në 1989 dënohet duke u caktuar të punojë me tre turne në fabriken e letër-kartonit. Përfshihet në lëvizjet e dhjetorit 1990.

Ēshtë autor i shumë teksteve të këngëve shqipëtare, fituesi i mbi 50 çmimeve, ndër to dhe dy herë perfaqësues me tekstet e tij në Eurovizion. Veçohet bashkëpunimi me kompozitorin Edmond Zhulali në shumë këngë të festivaleve në Shqipëri dhe me mbi 100 këngë për luftën e Kosovës. Mund të përmenden kënge shumë të njohura si "Marrshi i UCK-së", "A vritet pafajsia".

Ka botuar disa libra me poezi si 'Hajde dru me pre', 'Rrëzuar mbi vetminë', 'Rituali i kryqëzimit'.



Syri

[Albo]

Kisha shumë vite që kisha vdekur…



Poezi e shkruar nga Agim Doçi.

Kisha shumë vite që kisha vdekur
Erdhën plot njerëz dhe në varrim
Sa fjalë të bukura që kishin gjetur
I kishin shkruar mbi varrin tim…

Sa turp më vinte, sa më peshonte
Rrasa e varrit me ato fjalë.
Ndonëse parajsa nuk më pranonte
Ndoshta dhe shpirti s’më kishte dalë…

Sa isha gjallë më ndenjën ftohtë
Nuk e kuptoja çfarë kisha bërë
Doja nga njerëzit një fjalë të ngrohtë
Vetëm më iku, jeta e tërë…

Tani që s’jam, mos u frikësoni!
Se larg prej jush vendin e gjeta.
Rri kuvendoj me Perëndinë
Ai s’paska frikë nga e vërteta!

Kultplus

[Albo]

Ngushëllime familjes së poetit dhe gjithë art-dashësve shqiptarë. Poeti ishte edhe një anëtar i hershëm i forumit shqiptar, që në fillimet e forumit 20 vjet më parë. Profilin e poetit e gjeni këtu.

I përjetshëm kujtimi!

[Albo]

Ndahet nga jeta në moshën 76-vjeçare poeti i njohur, Agim Doçi



Ndahet nga jeta në moshën 76-vjeçare poeti i njohur, Agim Doçi. Poeti i njohur pësoi pak ditë më parë hemorragji cerebrale në tru, ndërsa për disa ditë qëndroi në spital.

Mësohet se homazhet në nder të Doçit do të mbahen ditën e nesërme në orën 11:00, po ashtu dhe ceremonia e varrimit.

Kush ishte Agim Doçi?

Agim Doçi ka lindur më 9 maj 1948. Është një poet dhe autor këngësh shumë i njohur shqiptar.

Ēshtë arsimuar në Shkodër deri në gjimnaz dhe ka vazhduar më pas studimet e larta në Universitetin Shtetëror të Tiranës në Fakultetin e Inxhinierisë Elektrike.

Ka punuar si inxhinier në Montimet Industriale duke marrë pjesë në shumë objekte të rëndësishme si Fabrika çimentosh, Metalurgjik, Superfosfat Laç, Poligrafik Tiranë etj. Në vitet e fundit të ’80 ka punuar pranë Kombinatit të Drurit “Misto Mame” si kryeinxhinier për energjinë. Në 1989 dënohet duke u caktuar të punojë me tre turne në fabriken e letër-kartonit. Përfshihet në lëvizjet e dhjetorit 1990.

Ēshtë autor i shumë teksteve të këngëve shqipëtare, fituesi i mbi 50 çmimeve, ndër to dhe dy herë perfaqësues me tekstet e tij në Eurovizion. Veçohet bashkëpunimi me kompozitorin Edmond Zhulali në shumë këngë të festivaleve në Shqipëri dhe me mbi 100 këngë për luftën e Kosovës. Mund të përmenden kënge shumë të njohura si “Marrshi i UCK-së”, “A vritet pafajsia”.

Ka botuar disa libra me poezi si ‘Hajde dru me pre’, ‘Rrëzuar mbi vetminë’, ‘Rituali i kryqëzimit’.

Koha Jone

[Albo]

Arti në zi/ Ndahet nga jeta poeti i njohur i këngëve shqipe Agim Doçi, fitues i mbi 50 çmimeve

Poeti, autor i teksteve të mijëra këngëve shqipe mbylli sytë sot në moshën 76-vjeçare në reanimacionin e Shërbimit të Neurologjisë në QSUT. Artisti i poezisë do të jetojë në këngët të cilave u dha jetë.

Tirane- Zemra e Agim Doçit, poetit të talentuar, autorit të teksteve të mijëra këngëve shqipe, të qindra këngëve për Kosovën, që i këndoi pa pushim jetës, atdheut, lirisë, dashurisë dhe njerëzve, pushoi së rrahuri.

Poeti mbylli sytë sot në moshën 76-vjeçare në reanimacionin e Shërbimit të Neurologjisë në QSUT ku ndodhej i shtruar prej 22 qershorit pasi pësoi hemoragji cerebrale.

Burimet nga spitali bëjnë me dije se Doçi u nda nga jeta sot (24 qershor) në mëngjes në orën 06:00 ndërsa ceremonia e varrimit do të mbahet ditën e nesërme në Tiranë, ndërsa homazhet do të zhvillohet në orën 11:00.

Bashkëpunëtorët e tij ishin këngëtarë të njohur të skenës shqiptare Aurela Gaçe, Anjeza Shahini, Parashqevi Simaku, Leonora Jakupi, Myfarete Laze, Bleona Qereti, Albërije Hadërgjonaj, Françesk Radi, Kastriot Tusha, Luiz Ejlli, e shumë e shumë të tjerë.

“Lamtumirë Lamtumirë, Agim Doçi.
O pendë artë e vargut poetik e të kënduar në breza.
Te kjoftë dheu i lehtë ashtu si të lehtë, të bukur, e bëre jetën tonë , plot shpres, mençuri , dashuri, patriotizëm , vlera , duke skalite në mos harresë emrin Agim Doçi. Ashtu si trokite në çdo zemër me vargun tënd të kënduar . Lamtumirë Agim Doçi” shkruan këngëtarja e njohur Myfarete Laze në një postim në facebook duke shprehur ngushëllime familjarëve të tij ‘’ Pushofsh në paqe me Zotin tënd’’

Agim Doçi ndodhej i shtruar në QSUT prej të shtunës, 22 qershor, pasi kishte mbërritur me urgjencë me ambulancë nga Spitali Bashkiak i Pogradecit ku kishte ndodhur goditja në tru. Ai ishte shtruar në spital në Qendrën Stroke, pasi kishte shfaqur çrregullim të të folurit dhe pamundësi në ruajtjen e ekuilibrit

Suksesi ne Eurovizion
Me vargjet e këngës "Imazhi yt” dhe zërin e këngëtares së talentuar Anjeza Shahini, në vitin 2004 Shqipëria arriti të merrte renditjen më të lartë deri tani në Festivalin europian të këngës. Kënga e kënduar në anglisht, me titull ”The Image Of You” u vlerësua me 106 pikë duke u pozicionuar në vendin e 7 nga 24 vende konkurruese.

Agim Doçi ka shkruar edhe tekstin e një tjetër kënge pjesëmarrëse në Eurovizion, në vitin 2009, e kënduar nga Kejsi Tola me titull “Më merr në ëndërr” e renditur në natën finale në vendin e 17-të.

I këndonte gëzimit dhe jetës

Në festivalet e këngës ishte fitues i mbi 50 çmimeve, krijues i më shumë se 3.000 tekste të këngëve që janë kënduar nëpër festivale i kanë rezistuar kohës dhe vijojnë të dëgjohen dhe sot. I këndonte gëzimit, dashurisë dhe jetës Mes tyre "Nata" e Aurela Gaces, "Loçka jeme" kënduar nga Albërie Hadërgjonaj, 'Ma ke prish gjumin e natës' kënduar nga Sabri Fejzullahu dhe Ledina Çelo. Veçohet bashkëpunimi me kompozitorin Edmond Zhulali në shumë këngë të festivaleve në Shqipëri.

I këndonte dhe Kosvoës e patriotizmit

Ka shkruar dhjetëra këngë patriotike dhe 100 këngë për luftën e Kosovës, ndër të cilat “A vritet pafajësia”, “Ti Shqipëri më jep nder” të kënduar nga Kastriot Tusha dhe Manjola Nallbani, i “Marrshi i UCK-së” kënduar nga Arif Vladi, “A vritet pafajsia” nga Leonora Jakupi.

Inxhinieri elektrik që u bë poet

I lindur më 9 maj 1948 u arsimua në Shkodër deri në gjimnaz dhe ka vazhduar më pas studimet e larta në Universitetin Shtetëror të Tiranës në Fakultetin e Inxhinierisë Elektrike. Ka punuar si inxhinier në Montimet Industriale duke marrë pjesë në shumë objekte të rëndësishme si Fabrika çimentosh, Metalurgjik, Superfosfat Laç, Poligrafik Tiranë etj. Në vitet e fundit të ’80 ka punuar pranë Kombinatit të Drurit “Misto Mame” si kryeinxhinier për energjinë. Në 1989 dënohet duke u caktuar të punojë me tre turne në fabriken e letër-kartonit. Përfshihet në lëvizjet e dhjetorit 1990. Ka botuar disa libra me poezi si ‘Hajde dru me pre’, ‘Rrëzuar mbi vetminë’, ‘Rituali i kryqëzimit’.

Ora 08:33
'Nata', 'Mos ja prishni lumturinë', A vritet pafajësia! Marshi i ' Vargjet e Agim Doçit, poeti i këngëve të bukura që këndohen brez pas brezi
Agim Doci poeti i këngëve të bukura të cilat janë kënduar ndër breza dhe do të vijojnë të këndohen u nda sot nga jeta. Në vargje përdori fjalë të zgjedhura të cilat përcollën emocionin, dashurinë dhe jetën në të gjitha dimensionet e saj.

Të shoqëruara dhe me tingujt muzikorë u bënë këngët më të preferuarat për publikun. U kënduan nga këngëtarë të njohur të skenës shqiptare me të cilët fitoi dhe shumë çmime në festivale.

Ndër këngëtarët me të cilët bashkëpunoi janë dhe Aurela Gaçe, Parashqevi Simaku, Leonora Jakupi, Myfarete Laze, Anjeza Shahini, kënga e së cilës shkruar nga Doçi 'Dua të jem kujtimi yt', fitoi festivalin e 41-të të RTSH-së dhe u rendit e shtata në Eurovision.

'Marshi i UÇK-së' - Kendon Arif Vladi - Poezi e Agim Doçit

Oj Kosovë o djep lirie
Çdo kulm shpie nji bajarak
UÇK-ëja t'paska hije
Për atdhe po derdhet gjak

Po luftojnë djemtë e Kosovës
Prej Drenice n'mal t'Gjakovës (x2)
Për atdhe lokja m'ka le, për flamurin kuq e zi
Jam ushtar në UÇK do ti sjell vendit liri

ref:

Brez pas brezi në k'to votra
Jam i lashtë sa vet Evropa (x2)
Jo se l'shoj oo asni pllam toke
Dy gisht balle mke fale ti loke

Se k'tu jam dem-baba-dem
Për Kosovë jap shpirtin tem (x2)

Qofsh i pushkës je shqipëtarë
Ta mbrojmë vendin pllambe me pllambe

Se k'tu jam dem baba dem
Për Kosovë jap shpirtin tem

'Nata' – Aurela Gaçe - Poezia Agim Doçi

Deti i frikshem neper nate
Hapesire pa fund nga dhembja
Prisja diten qe te zbardhe
Ne mbreterine me endrra

Po si iku valle?
Nata ish memece...
Pyeta yjet
Pika loti s'di nga rane
Po qanin syte e mi

Klandestinet hapin plage
Ne brigje mbeti dhembja
Neser nene, dje isha vajze
E virgjer hena

Erdh' mengjesi i bardhe
Zgjati doren dhe me mori
Ti u zhduke bashke me naten tende

Ike, ike larg
Nata, nata
Dashurine kafshonte nata
Perpelitem ne vetmi

Por nata...
Dashurine ma mori nata
Nata, nata
Dashurine kafshonte nata
Pjese e nates ish ai

Klandestinet hapin plage
Ne brigje mbeti dhembja
Neser nene, dje isha vajze

E virgjer hena
Erdh' mengjesi i bardhe
Zgjati doren dhe me mori
Ti u zhduke bashke me naten tende
Ike, ike larg

Une e desha si e marre
Deti mori dashurine
S'harrohet nata

(2x)
Miliona ditë i vodhi nata
Deti... nata
Ajo do t'na ndjek pas
Gjithe jeten
Nata, vec nata

Deti i frikshem neper nate
Hapesire pa fund nga dhembja
Prisja diten qe te zbardhe
Ne mbreterine me enderra

Po si iku valle?
Nata ish memece...
Pyeta yjet
Pika loti s'di nga rane
Po qanin syte e mi



'Mos ja Prishni Lumturine' – Kendoi Parashqevi Simaku, poezi e Agim Doçit

Kur një zog,një pëllumb ne shikojmë
duam krahë si ata të fluturojmë
zemra jonë tik e tak kur troket
me zemrat flet

Në çdo stinë kudo janë pranverojnë
dhe në sy ata mbajnë jetën tonë
dashurinë, lumturinë e pafund
me ëndrra shumë

Kanë një botë me ëndrra
janë të vegjël shumë
mos lëndoni nënat
syrin e pagjumë

(2 herë)

Të gjitha do i dhuroja
kaq të lumtur ti shikoja
dhe fëmijët në gjithë globin
anembanë

Mos ja u prishni lumturinë
mos iu prekni dashurinë
askërrkush mos ta provojë
se nënat s'ju lejojnë

Fjala "Nënë" kudo në botë
zgjon në zemra dashurinë
mirëmëngjes jetës i thotë
se nëna e lind njerinë.

Kjo dorë që e tundi djepin
gjithë botën e sundonoooooooooo ooooooo oooooo


A Vritet Pafajsia - Leonora Jakupi - Poezi: Agim Doci

A vritet pafajësia?!
çfarë faji ka Drenica?!
Pse tremben nga fëmija,
që thërret Azem Galica?

Drenica lind veç trima
ju i lini fëmijët jetima.
Është një komb që don liri,
dhe Kosova është Shqipëri!

Qielli digjet, toka varet
po ku je Adem Jashari?!
Na vranë babën,e na vran motren
Na përzunë,na dogjën votren.

(Refreni, 2 herë)
Mos ma prek ti shkja Drenicën
Se kam gjallë Azem Galicën
Mos ma prek trollin shqiptar

Mijëra vjet,jam vetë e parë
Dhe loti vjen tek gjaku
Dhe gjaku vjen tek loti
Ja foshnjet po i vrasin
Po kullat jo nuk lozin.

Drenica lind veç trima
ju i lini fëmijët jetima.
Është një komb që don liri,
dhe Kosova është Shqipëri!

Qielli digjet, toka varet
po ku je Adem Jashari?!
Na vranë babën,e na vran motren
Na përzunë,na dogjën votren.

Refreni,2 herë

Mos ma prek ti shkja Drenicën
Se kam gjallë Azem Galicën
Mos ma prek trollin shqiptar
Mijëra vjet,jam vetë e pare


Dua të jem imazhi yt - Këndon Anjeza Shahini, Poezi nga Agim Doçi

Më rrodhën lotët nga sytë e shpirtit
Ky mall i çmendur më torturoi
Më mirë në kryq, në vend të Krishtit
Sesa i vetëm…veç të gjalloj.

Ky shpirt i brishtë që preket lehtë
Nga fjalë e rëndë dhe xhelozia
Më prishi punë gjithmonë në jetë
Më bëri sterrë ditët e mia…

Po çfarë kanë njerëzit që egërsohen?
E çfarë kërkojnë më shumë nga unë?
Ata që s’mund të dashurohen
Përse nuk ikin…por prishin punë.

Më dhemb gjithë trupi, më dhemb gjithçka
Sa fort më dhemb sot gjoksi im…
Kjo botë e madhe plot vende ka!
Po dhembja ime nuk gjen shërim…

Unë them të iki, t’i lë të gjitha !
Të marr me vehte veç mallin tim.
Ta bëj qivur, të shkoj nga isha
Atje i vetëm…dhe në harrim…

Pastaj të kthehem pas qindra motesh
Kur bota ndoshta do ketë ndryshuar
Të lyp lëmoshë në mes metropolesh…
Si shpirt i brishtë…dhe i dashuruar.

Të marr imazhin e asaj që dua
Të shkoj tek bliri me gjel të egër…
Të vij pas meje, ajo me mua
Dhe të këndojmë këngën e vjetër…

“Dua të bëhem paksa e krisur,
Dua të bëhem dhe lot tek syt’
Dua të bëhem dhe gjumë i prishur,
Dua të bëhem imazhi i yt…”

Shqiptarja

[Lisiani]

Ngushellime familjareve dhe miqve, i qofte dheu i lehte poetit tone te madh. E lexova Çun Lajçin, Rama nuk kish ba asnje organizim per me i ba homazh, marre i kofte atij pro-serbi,

[Kryeplaku]

Ngushellime familjareve dhe miqve, i qofte dheu i lehte poetit tone te madh. E lexova Çun Lajçin, Rama nuk kish ba asnje organizim per me i ba homazh, marre i kofte atij pro-serbi,

Ramen e ka votuar populli lebero-shqiptar dhe le ta gezojne sa malet. Mese normale qe Rama nuk do t'i bente homazhe njeriut qe e akuzonte per vrasjen aksidentale te te atit. Por Agim Doci nuk ishte as i pari dhe as i fundit qe akuzonte pushtetin per vdekjen e babait ne Republiken e Vampiristanit. Kishte te tjere plot qe lane jeten ne gropat dhe rruget e Vampiristanit, nga punimet e kryebashkiakut Rama dhe shokut te atehershem Koco Kokedhima. Shume nga keta viktima shfaqeshin ne gazetat e Kokedhimes dhe Adrian Thanos si njerez qe vrisnin veten duke vene koken tek rrotat e skavatorit ose duke u hedhur me koke ne ndonje grope a pusete!!!

Ky eshte Vampiristani, ky eshte populli yne "legjendar" qe ka zgjedhur te udhehiqet per 110 vite rresht nga klanet hajduto-komuniste lebere.

I lehte i qofte dheu Agimit! Ne kete forum ka shkelqyer po aq shume, sa edhe ne festivalet e kenges ne Shqiperi. Shume ngushellime familjes!

[skender76]

Me ka ardh keq kur e mora vesh.
Kam pas shum simpati per Agimin.
Do na mungoje!

Qoft mire me Zotin!

[Albo]

‘Gjysëm të persekutuar dhe gjysëm të dashuruarit e sistemit’/ Motra e Agim Doçit rrëfen jetën e poetit në A Show

VIDEO

E ftuar në A Show, Teuta Doçi, e motra e të ndjerit Agim Doçi, ka folur për rrugëtimin e poetit rebel që nga lindja, rritja dhe deri në shuarjen e tij nëpëmjet fotografive ndër vite.

Teuta Doçi u ndal te karakteri rebel i poetit, teksa shuajti kureshtjen e moderatorit Krasta se a futej në vathën e kujdesit Agim Doçi, duke theksuar se rebelizmin dhe thepat i kishte në shoqëri në familje e në studio më shumë.

Një tjetër moment i panjohur për publikun ishte edhe origjina e familjes Doçi, ku sipas të motrës së poetit, Shkodra ishte kryeqyteti i Shqipërisë për familjen e saj.

‘Ne jemi mirditorë me origjinë por nga një malësi e Gjakovës që ka qënë pjesë e Shqipërisë është një histori e jashtëzakonshme e fisit tonë shumë të madh me shumë degë dhe me një histori shumë të çuditshme, gjysëm të persekutuar dhe gjysëm të dashuruarit e sistemit’, u shpreh zonja Doçi.

Intervista në studio:

Krasta: Kam pasur një lloj shqetësimit në raport me sa e mundur apo e pamundur ka qënë, që një rreth bisedë tavolinë transmetim, të mos plaste një bombë çfarë do për ngjarje dhe njerëz. Kjo ka ndodhur edhe në familje, ka pasur një lloj shqetësimi që nuk futej në vathë të kujdesit Agim Doçi?

Teuta Doçi: Agim Doçi ishte rebel në natyrë dhe këtë rebelizmin e tij këto thepat i kishte në shoqëri në familje sepse në studio i kishte shumë, por edhe në familje dhe ia falnin shumë sepse ai ishte edhe njeri që bënte shumë për njerëzit, pra duke bërë shumë kur kishte këto acarimet dhe gërthitjet e tij ati i faleshin.

Krasta: Foto e parë është kur ti nuk kishe lindur akoma. Këta janë prindërit e Agim Doçit dhe të tutë.

Teuta Doçi: Prindërit tanë kjo foto është bërë në Shkodër. Familja ime ka jetuar vitet më të bukura të treguara prej tyre se unë Shkodrën nuk e kam jetuar, në Shkodër. Për ta Shkodra ishte kryeqyteti i Shqipërisë. Dashuria dhe miqësia e tyre përkthehej gjithmonë me Shkodrën prandaj në shtëpinë tonë është folur shkodrançe. Nëna ime ishte kolonjare që fliste shkodrançe. Agimi i ngjante nënës por më vonë ka marrë edhe nga babai, nga Doçët.

Krasta: Nga vinin Doçët?

Teuta Doçi: Ne jemi mirditorë me origjinë por nga një malësi e Gjakovës që ka qënë pjesë e Shqipërisë është një histori e jashtëzakonshme e fisit tonë shumë të madh me shumë degë dhe me një histori shumë të çuditshme, gjysëm të persekutuar dhe gjysëm të dashuruarit e sistemit.

Krasta: Cili nga këta zonja dhe zotërinj ishin të goditur nga sistemi?

Teuta Doçi: I godituri i sistemit ishin të gjithë anëtarët e familjes së babait tim me përjashtim të tij që ishte më i vogli i vëllezërve dhe ra në kontakt me idetë e atëhershme të komunistëve dhe u ndiku që 16-vjeç kur ishte në shkollë në Golem.

Syri