Te perndjekurit ne greve urie

[Brari]

........

TIRANE (1 Maj) - Ish të përndjekurit politikë kanë hyrë sot forcërisht në selinë e tyre. Pas protestave, ku i lanë edhe një afat deri në mesditë qeverisë për t'u plotësuar kërkesat e parashtruara, ish të burgosurit hynë forcërisht në selisë e tyre, në përpjekje për të zbatuar vendimin e Gjykatës, që i bën ata pronarë të godinës. Të penguar nga policia, të përndjekurit shpërthyen dyert e selisë dhe "zaptuan" godinën. Prej kohësh ata kanë konflikt me kryetarin e shoqatës Kurt Kola. Kërkesa kryesore e të përndjekurve është, kompensim në lekë nga qeveria, për vitet e punës gjatë kryerjes së dënimit nëpër burgjet e regjimit komunist. Ndërkohë ata kanë njoftuar se në 20 Maj, do të hyjnë në grevë urie, në rast të mosplotësimit të kërkesave të tyre.

ro/anjo (BalkanWeb)


.............


Megjithse nga nje kal burg kane bere mijra Shqiptar per dy llafe goje ne Kohen e PPSH-se perseri burgu nuk i mesoi te dallojne matrapazin nga idealisti.

Studentet e Dhjetorit sic hapen rrugen pluralizmit edhe te burgosurve politike u dhane shancin te organizohen e te kerkojne te drejtat e mohuara e te integrohen denjesisht ne Shqiperine demokratike.

Nuk e di si ndodhi qe nji far matrapazi i neveritshem si Kur Kola i terhoqi per hunde kta njerez te shkaterruar burgjeve, birucave e kanaleve..

Akoma ky mi klubesh e spiun veteran mbi jeton, fiton, tallet e saboton aspiraten e desidenteve shqiptare dhe po i ecen tymi drejt e po rruan me kater duart qeverite demo-socialiste.

Kurt Kola prototipi i Renegatit, aleati i zan Caushve dhe Leart Shytve tallet me ata pleq qyqare..

...

[erzeni]

G55


Mustafa Kërçuku ka mbuluar vjedhjet marramendëse në Institutin e Integrimit të të Përndjekurve Politikë

Shkruan Nazmi Bitri

Ish specialist finance në I.I.P. Politik

- A është Merita Ndreko, këshilltarja e kryeministrit edhe sekserja e tij.

- Miliona lekë të vjedhura të burgosurve dhe të përndjekurve politikë përfundojnë në xhepat e Fatos Nanos dhe ansamblit "Babëzia".

- Asnjëherë shteti i Mustafa Kërçukut e Merita Ndrekos nuk kanë kontrolluar përdorimin e fondeve shtetërtore të shoqatave të të përndjekurve politikë.

- Fatos Klosi urdhëron Mustafa Kërçukun të mbulojë dhe fsheh vjedhjet, pasi ato i kanë përfituar agjentët e tij në Institut.

- Fakti që sipas ligjit nuk është marrë asnjë masë administrative ndaj vjedhjeve legjendare, tregon përfshirjen në to të Simon Mirakës dhe të nëpunësve të tjerë të lartë të shtetit

Letër e Hapur

Z.Simon Mirakaj

Drejtor i Përgjithshëm i Institutit të Integrimit të të Përndjekurve Politikë

Z.Fatos Nano

Kryetar i Këshillit të Ministrave

Z.Ylli Manjani

Sekretar i Përgjithshëm i Këshillit të Ministrave

Z.Tomorr Aliko

Kryetar i Shoqatës Kombëtare të të Përndjekurve Politikë Demokrate

Z.Adem Allci

Kryetar i Komisionit të Integrimit të të Përndjekurve Politikë

Po ju drejtohem juve si Drejtor i Përgjithshëm "de jure" i Institutit, pasi "de facto" është Kurt Kola me Eva Bllacin. Me anë të kësaj letre, do të vë në dijeni të gjitha strukturat dhe organet e lartpërmendura, pasi e shoh se gjendja në këtë institucion ka denigruar në parmasa të papranueshme dhe fajtori kryesor për këtë gjendje për mendimin tim, jeni ju, sa nga paaftësia aq dhe nga pozicionimi negativ i juaji në këtë detyrë.

Z.Drejtor! Ju me datë 26.03.2003 pasdite, më morët në telefon dhe më njoftuat për dy kërkesat me shkrim që të kishin bërë Kurt Kola si Kryetar i Shoqatës Kombëtare të të Përndjekurve Politikë dhe nga Adil Musai i vetëquajtur si Kryetar i Shoqatës së Kulakëve, por që është i shkarkuar nga ky post nga Këshilli Kombëtar i Shoqatës dhe është i dënuar me vendim gjykate të formës së prerë për fallsifikim dokumentash, për të më hequr mua nga detyra si specialist finance në Institut.

Të nesërmen, me datë 27.03.2003 në mëngjes, e biseduam cështjen, se pse i janë xhiruar Shoqatës së Kulakëve shuma që u takonte prej fondit të 1% prej 1.200.000 lekë të papaguara nga viti 2002 dhe, për këtë kanë kërkuar pushimin tim. Ju kujtoj se në këtë rast, unë vetëm sa kisha zbatuar Urdhrin Tuaj të Brendshëm me nr.28..., datë 18.02.2003, megjithatë unë me gjithë dokumentat e rastit më përpara iu drejtova z.Ylvi Selmani, Drejtor i Drejtorisë Juridike në Institut, i cili më tha se unë nuk kisha bërë asnjë shkelje ligjore, kisha zbatuar një Urdhr të Brendshëm të titullarit dhe se vetë ky Urdhër ishte i drejtë. Të njëjtën gjë, më thanë dhe juristët tek Avokati i Popullit dhe tek Kontrolli i Lartë i Shtetit. Lekët ishin xhiruar për llogari të Shoqatës dhe jo të ndonjë individi dhe, Shoqata i zgjidh vetë problemet e saj të brendshme.

Z.Ylvi Selmani, Drejtor i Drejtorisë Juridike, ju ka kërkuar që të jeni i kujdesshëm dhe të mos bëni ndonjë veprim të nxituar, pasi nuk kishte asnjë shkelje ligjore në veprimet e mia. Po të kishte dicka të paligjshme në këtë mes, do të ishte pikërisht urdhri juaj. Ju më thatë mua dhe i kishit thënë dhe z.Ylvi, se nuk kishit ndërmend të më pushonit nga puna vetëm pse kërkonte Kurt Kola dhe Adil Musai.

Po me datë 27.03.2003 pasdite, ju thërret në zyrën e saj Eva Bllaci, megjithëse thuhet se ju jeni Drejtor i Përgjithshëm dhe ajo vetëm Përgjegjëse Personeli nën varësinë tuaj dhe shumë e përfolur në vendin dhe rolin e saj. Çuditërisht, ju tepër i bindur shkoni në zyrën e saj dhe Eva Bllaci në prani dhe të zv/Drejtorit të Përgjithshëm z.Hysen Mushketa, të bën një dush të ftohtë me presione dhe ju aty firmosët shkresën për largimin tim nga puna, të përgatitur nga Eva Bllaci një ditë më parë, me datë 26.03.2003.

Për ironi të veprimeve tuaja, në Urdhrin e largimit tim thuhej se veprimet financiare ndërpriten me datë 26.03.2003, kur ishin orët e pasdites për datën 27.03.2003. Aq më tepër, se duhej të paktën një ditë tjetër të dorëzoja dokumentat e zyrës dhe nuk më ishte thënë se kujt do ja dorëzoja. Por, dhe këtu ishte qëllimi i Eva Bllacit dhe pastaj i juaji, që unë të largohesha pa dorëzuar dokumentacionin e zyrës, në mënyrë që ju të bëni si të doni me këto dokumenta, ashtu si keni bërë deri tani.

Për ironi, largimi im motivohej se isha i punësuar brenda periudhës tre-mujore të provës, kur kjo periudhë nuk kishte mbaruar dhe asnjë vërejtje më e vogël nuk më ishte bërë për punën time gjatë kësaj periudhe. Përkundrazi, kisha bërë maksimumin jo vetëm për të kryer detyrat e mia të ditës, por duke punuar dhe jashtë orarit të rikuperoja mangësitë e mbartura në këtë institucion, të cilat i gjeta të shumta. Vec kësaj, të drejtën e vlerësimit të punës sime, e ka Drejtori Ekonomik z.Enver Memisha. Deri tani, nuk keni treguar asgjë tjetër, vetëm se jeni sa kukull në duart e Kurt Kolës, Eva Bllacit apo Hysen Mushketës, aq dhe ortak në veprimet dhe abuzimet e tyre të paligjshme, në vjedhjet dhe shpërdorimet në miliona lekë në dëm të burgosurve dhe përndjekurve politikë, interesat dhe idealet e të cilëve ju i kini tradhëtuar, njësoj si axhat tuaja Kol Bib Miraka dhe Pasuk Miraka.

Si erdha unë specialist i financës në Institut?

Më kishte propozuar Kurt Kola që në shtator 2002 për specialist finance, por ju morët dikë tjetër. Pas 3 muajve, më kërkoi Eva Bllaci dhe më thotë se isha propozuar në kryeministri për drejtor ekonomik në institut. Papritmas largohet "vetë" nga puna specialistja e financës, tani e kuptoj shumë mirë pse 5 vetë brenda 6 muajve ishin detyruar të largoheshin "vetë" nga puna.

Në bisedat me Kurt Kolën dhe sidomos me Eva Bllacin, mua ata më sollën si krahun e tyre për t'u izoluar juve dhe ata të vidhnin lirisht. Do të kisha për vjedhje si person të besuar Semiha Hoxhën, ekonomiste buxhetit në Institut, me urrejtjen ndaj të përndjekurve politikë. Kjo Semiha, ishte informatorja dhe kordinatorja e vepimrve të tyre. Por, unë i njoha menjëherë, u shkëputa nga ata dhe thashë se po të bëhesha shok i tyre, do ta pushkatoja për së dyti babanë tim, të pushkatuar një herë me 1974.

Eva Bllaci me Gjon Hasanin, i shoqi i saj, i cili hap derën e institutit dhe rri gjithë ditën në institut për të kordinuar veprimet e hajdutërisë si dhe zv. drejtori i përgjithshëm Hysen Mushketa dhe Kurt Kola, takohen cdo ditë dhe bëjnë planet e tyre të poshtra. Eva nxjerr në pah miqësinë me këshilltaren e kryeministrit znj.Merita Ndreko dhe ju frikëson ju dhe punonjësit e tjerë në institucion me emrin e saj. Eva më thoshte mua - .... sot pimë kafe me Merita Ndrekon. Enver Memishaj nuk bëhet drejtor ekonomik, do të bëheni ju, por do t'i japim Meritës 700 euro; Seiti Prishta, miu i vjetër i gjirizëve do të bëhet Drejtor i Problemeve Sociale dhe u bë.

Enver Memisha, ekonomist i talentuar, i persekutuar egër nga nëna dhe nga baba, në mënyrë të pamoralshme e hoqët nga puna, hoqët shoferin e Eva Bllacit, Thoma Llukani, makinën e institucionit të cilin tani e përdor i shoqi i Evës për punë private 24 orë dhe tani me hoqët dhe mua. Dhe ju, Simon Mirakaj, ulni kokën dhe rrini i trembur, se mos ju heqin dhe juve dhe firmosni cdo gjë që ju lëshon Eva Bllaci në tavolinë pa guxuar ta lexosh, se cfarë ka shkruar në letrën që ua hedh me arrogancë në tavolinë.

Unë, znj.Merita Ndreko nuk e njoh, por më cudit fakti se si ajo pranon të ketë shoqëri me një femër si Eva Bllaci, këtë grua kaq shumë të përfolur për kësi punësh. Eva Bllaci kujton se është Eva e Adamit, por është Eva e Gjon Hasanit, këtij njeriu të pa moral, këtij hajduti që u rri gjithë ditën si gjel mbi krye punonjësve të Institutit.

Gjatë kësaj periudhe, kam parë shumë dokumenta të financës të kohëve të fundit, qoftë të kohës së Kurt Kolës si Drejtor i Përgjithshëm, qoftë të kohës suaj. Kurt Kola gjatë kohës së tij, i ka dhënë miliona të konsiderueshme Shoqatës së tij si financime direkte për aktivitetin e Shoqatës, financimin e gazetës së tij, si dhe duke abuzuar me financimin për sponsorizimin e librave dhe rikontruksionin e banesave. Po kështu është financuar dhe Shoqata e Kulakëve dhe asnjëherë nuk është kontrolluar përdorimi i këtyre fondeve të dhëna për Shoqatat. Kurt Kola nuk kishte si t'i kontrollonte, pasi i administronte vetë këto para si Kryetar Shoqate, ose më saktë i vidhte vetë.

Jo vetëm kaq, por Eva Bllaci është dhe dinake. Ajo vetë nuk bën pjesë në Komision po do të komandonte Komisionin e Blerjeve të Vogla deri sa erdha unë. Ku të donte ajo dhe kur të donte ajo bëheshin blerjet, riparimet, jepeshin para për rikonstruksion banesash etj. Dhe ju Simon Miraka, sa e shikoni Eva Bllacin të dukej fytyra e saj si posteri i Enver Hoxhës dhe nga frika apo me ndërgjegje firmosje cdo gjë që thoshte ajo.

Turpi më i madh është kur një laps plumbi është blerë me 40 lekë të reja dhe një vizore kaucuku me 150 lekë të reja, sikur cfarë ishin ato. Eva Bllaci kishte marrë dhe materiale sanitare të banjos dhe i kishte cuar në shtëpi. Shiko se sa hajdute e keqe është ajo dhe ku keni rënë dhe ju me të. Simon Miraka me Eva Bllacin blenë një komplet zyre 20 milion lekë të vjetra nga 5 milion që shiten në treg.

Përsa i përket financimeve për rikonstruksion banesash në bashkëpunim me kryeinspektorin e Elbasanit, i janë dhënë Azem Muzhaqit 350.000 lekë të reja. Për cudi, të gjithë këto përfitues janë nga Elbasani, kryeinspektori është vetë nga Elbasani, Fisi Muzhaqi dhe bredh me benz dhe nuk paska nevojë për rikonstruksion banesash në Tiranë apo rrethet e tjera. Atë ditë që Azem Muzhaqi mori 350.000 lekët e tija, me datën 19.02.2003 Eva Bllaci me Gjon Hasanin, kanë shkuar në Elbasan për të marrë pjesën e tyre, pasi lekët janë dhënë kesh në dorë dhe jo me urdhër xhirim. Edhe ju Simon Miraka morët pjesën tuaj.

Në riparimin e makinave, përsëri ka abuzime. Përse i është bërë remont kapital makinës që mban në dispozicion Eva Bllaci? Përse ajo mban në dispozicion makinën më të mirë të institucionit, kur ajo është Shefe Sektori dhe Drejtorët e Drejtorive janë pa makinë? Riparimi kapital i makinës së saj, ka kushtuar 494.000 lekë të reja, kur nuk kishte plotësuar afatet dhe kushtet për shërbim kapital, kur vazhdimisht janë shpenzuar shuma të konsiderueshme për mirëmbajtjen e saj si me datë 10.06.2002 janë paguar 26.000 lekë të reja (F.H.25), me datë 19.07.2002 janë paguar 77.000 lekë të reja (F.H. 33), tani pa likuiduar dhe riparime 110.000 lekë të reja si dhe 7.500 lekë të reja për bateri etj. Kësaj i thonë vjedhje me të dy duart që edhe Simoni merr racionin e tij.

Po kështu, me kërkesën e saj dhe firmën tënde, u xhvesh komplet benzi me targë TR 96 00 D, i cili ndodhet në parking gjoja me pretekstin se këto pjesë i kaluan benzit tjetër që mban si makinë private pa shofer zv.drejtori i përgjithshëm Hysen Mushketa. Pse duhej bërë kjo, kur të dy makinat kanë qënë të kolauduara dhe në gjendje pune; kur për makinën që mban zv.drejtori, pa përmendur shpenzimet e shumta që janë kryer për mirëmbajtjen dhe riparimet e saj, vetëm në momentin kur e mori zv.drejtori u shpenzuan rreth 166.000 lekë të reja për shërbimin dhe kompletimin e saj. Çfarë nevojash kishte makina e zv.drejtorit të merrte pjesë nga makina tjetër, kur nuk kishin kaluar as një apo dy muaj që ishte riparuar, kompletuar dhe kalauduar, gjoja të merrte motorr dhe shumë pjesë të tjera nga makina tjetër, të paguhen orë jashtë orarit për shoferin Thoma Llukani, plus 166.000 lekë që iu paguan firmës "Xhetani" me U.P. nr.37, datë 04.03.2003, katër goma të reja prej 22.000 lekësh dhe manjeto elektrike prej 3.500 lekësh, në një kohë që goma të reja ishin blerë para 2 muajsh.

Shiko cfarë shpenzimesh janë bërë vetëm javët e fundit për makinën e zv.drejtorit dhe, tani duhej të zhvishej dhe një makinë tjetër për hatër të tyre aq më tepër kur të dy makinat në fjalë, kanë qënë në gjendje pune. Po dy makina të tjera tip fiat, pse u zhveshën në parking? Këtë e dinë më së miri Eva Bllaci, me të shoqin Gjon Hasani, zv.drejtori Hysen Mushketa dhe ju z.drejtor i përgjithshëm që nuk e di se në cfarë qoshe të rrethit të tyre të interesave, ata të kanë hedhur dhe rrini me frikë se mos ju largojne nga rrethi i tyre. Me sa shoh, ju nuk e mendoni ekzistencën tuaj jashtë rrethit të tyre, nuk jetoni dot pa drikën e tyre, pra keni shitur trupin dhe shpirtin.

Përdor Eva Bllaci tallona nafte me shumicë për kompensim benzine për makinën e saj dhe nuk pranoi të ta jepte këtë makinë të mirë as zv.drejtorit të përgjithshëm, duke i lënë këtij të fundit një të vjetër; pasi ajo pushoi shoferin tjetër Thoma Llukani, tani paguan shoferin Ilirian Shameti me rrogë dhe dieta pa e prekur timonin me dorë, pasi dietat i merr i shoqi Gjon Hasani; përdor zv.drejtori i përgjithshëm makinën e shtetit tip benz me naftën e shtetit për vajtje dhe ardhje në shtëpinë e tij në Durrës, ndërsa makinën tjetër fuoristradë toyota e mban në dispozicion të tij për lëvizjet në Tiranë.

Sekserë për të kërkuar paratë janë Eva Bllaci, por vecanërisht i shoqi i saj Gjon Hasani që gjëndet përherë në zyrën e saj. Edhe nëpër zyra të tjera të institucionit, qarkullon gjithë ditën Gjon Hasani, duke bërë politikat e kuadrit dhe planet se cfarë të vjedhin dhe si të vjedhin; edhe në zyrën tuaj mund ta gjesh disa herë në ditë Gjon Hasanin z.Drejtor i Përgjithshëm. Të gjitha dokumentat e bëmave të tyre, i kam të regjistruara dhe do ia paraqes gjithë organeve të tjera shtetërore që merren me këtë punë, por fatkeqësisht këtu është dhe përgjegjësia juaj, që jeni bërë ortak me ta.

Por, kush janë Adil Musai apo Kurt Kola që kërkuan të më heqin mua

(vijon)

[Albo]

Ish të burgosurit politikë nuk pranojnë rishqyrtimin e pafajësisë së tyre nga kryexhelati Abdiu

Me 16 qershor, ish të përndjekurit sërish në protesta

Dy shoqatat kombëtare institucionale të të dënuarve politikë nga diktatura, kanë paralajmëruar se do të rinisin protestat në datën 16 qershor në orën 11 para kryeministrisë duke bërë ftesë për të gjithë ish të përndjekurit e Republikës që në këtë datë të paraqiten në shesh dhe të kërkojnë nga kryeministri Nano, ose dëmshpërblimin, ose dorëheqjen e tij. Ndërkohë dje ministri i shtetit Klosi në një takim me përfaqësues të ish të përndjekurve në zyrat e Avokatit të Popullit, u ka kërkuar këtyre të fundit që të caktojnë ekspertë të tyre në grupet e punës së kryeministrisë që merren me këtë problem.

Ish të përndjekurit kanë denoncuar praktikën e fundit të Nanos, i cili ka çuar para Abdiut kërkesën e interpretimit të nenit 44 që parashikon dëmshpërblimin e ish të përndjekurve. Ministri Klosi është përpjekur që të shfajësohet me argumentin se kërkesa e Nanos ishte kërkuar nga vetë përfaqësues të shoqatave të ish të përndjekurve me qëllim që të hartohej një ligj sa më i mirë dhe i pakontestuar nga qeveritë që do vijnë më pas. Por ish të përndjekurit kanë theksuar se pafajësia që njeh neni 44 i Kushtetutës nuk mund të rigjykohet nga 'gjykatësi famëkeq i diktaturës Fehmi Abdiu'.

[ALBA]

Gjykata Kushtetuese kthen mbrapsht kërkesën e Fatos Nanos për kompensimin e ish të burgosurve politikë

Fatos Nano humbet gjyqin me ish të përndjekurit

Kushtetuesja lë të hapur betejën e të burgosurve. Në një vendim të saj, dje, Gjykata Kushtetuese ka sqaruar se kërkesa e Fatos Nanos nuk mund të shqyrtohet nga kjo gjykatë, pasi është jashtë juridiksionit të saj

Gjykata Kushtetuese u mbylli dje rrugën përpjekjeve të kryeministrit shqiptar Fatos Nano për të shpallur të paligjshme kërkesat e ish të përndjekurve politikë lidhur me kompensimin e tyre për vitet e punës në burgjet e komunizmit dhe kampet e punës së detyruar. Në një sqarim zyrtar që u referohej disa kërkesave për interpretim drejtuar nga Fatos Nano, Gjykata Kushtetuese theksoi se kjo kërkesë nuk mund të shqyrtohet nga kjo gjykatë, pasi është jashtë juridiksionit të saj.

Kryeministri ka kërkuar pranë Gjykatës Kushtetuese, interpretimin e nenit 44 të Kushtetutës, në raport me zbatimin e ligjit nr.7748, datë 29.7.1993, "Për statusin e Ish të Dënuarve dhe të përndjekurve politikë" si dhe të ligjit nr.7514, datë 30.9.1991, "Për pafajësinë, amnistinë dhe rehabilitimin e ish të dënuarve dhe të përndjekurve politikë", si dhe të nenit 57 të Kodit Penal të Republikës së Shqipërisë. Kryeministri kërkoi në sqarimet e tij nëse mund të zbatohet neni 44 i Kushtetutës së Republikës së Shqipërisë, në rastin kur nuk kemi vendime gjyqësore, individuale, për pafajsinë e ish të dënuarve politikë? A mund të zbatohet neni 57 i Kodit Penal në referencë të nenit 44 të Kushtetutës, për rastin e shpërblimit të ish të përndjekurve politikë që nuk i janë nënshtruar një proçesi të rregullt ligjor? A është e bazuar kërkesa e ish të dënuarve politikë, ndërkohë që ligji 7748, datë 29.07.1993, "Për statusin e ish të dënuarve politikë nga sistemi komunist", cakton si afat datën 31.12.1994? A janë vendimet e gjykatave për veprat penale të parashikuara në nenin 1 të ligjit 7514, datë 30.09.2003, "Për pafajsinë, amnistinë dhe rehabilitimin e ish-të dënuarve politikë", në përputhje me përcaktimin kushtetues "akt, veprim ose mosveprim i paligjshëm i organeve shtetërore?

Përgjigjja e Gjykatës Kushtetuese lë të hapur procesin e protestave të ish të përndjekurve dhe të burgosurve politikë. Përgjigjja e Gjykatës Kushtetuese u prit dje me nervozizëm nga zyra e Kryeministrit, e cila në një sqarim publik sulmoi Gjykatën Kushtetuese si të paaftë dhe jokompetente në sqarimet e saj.

Sipas zyrës së Kryeministrit, Gjykata "duhet të na kishte sqaruar se kush është gjykata kompetente".

Zyra e Kryeministrit kritikon Gjykatën për "mosdenjim për ta shqyrtuar këtë çështje në seancë gjyqësore" dhe e konsideron këtë veprim pa "asnjë bazë kushtetuese dhe ligjore".