Kur Analisti konspiracionist Arian Curri zbulon `grupin e strukturuar antiamerikan` të drejtuar nga

[pirro2020]

Numri i Konspiracionistëve shqiptarë madje dhe kosovarë është shtuar së tepërmi në këto kohë të turbullta të demokracisë liberale shqiptare në raport me demokracinë liberale të BE dhe atë anglo-amerikane.
Pa dyshim nuk kishte si të ndodhte ndryshe gjatë maturimit në doktor shkencash të z.Arjan Curri, kur së bashku me konspiracionistë të tjerë të zellëshm të politikës shqiptare, po ndriçojnë shoqërinë njerëzore shqiptare me idetë transhendenciale se, në Shqipëri ka një grup siç mund të thonë prokurorët e aftë shqiptarë `të struktuar` të drejtuar dhe nga kush?...nga vetë kryeministri Rama!!!!
Në emisionet e zakonshme të ish deputetes demokrate, tashmë moderatore Top talent në Top Channel (në fakt nuk dihet se përse iku por edhe se kujt krahu demokrat ishte, të atij të Ali-Bashës apo të Usta i Paudhi Berisha), analizat politike amorfe të z. Çani, nxorrën shumë informacione top sekret të nxjerra me shumë inteligjencë nga z.Kreshnik Spahiu (`i krahut të dikurshëm të moderuar islamist`, i Aleancës Kuq e Zi por dikur ish drejtor i Transparency_International_Albania për të zbuluar të korruptuarit, si dhe ish drejtor ekzekutiv i Zyrës për Mbrojtjen e Qytetarëve -ZMQ), nga persona afër Departamentit të shtetit, të cilët shohin si tek z.Spahiu ashtu dhe tek analisti logore-ist z.Çani (por jo fis i kontit Çianno i cili dikur ishte habitur nga zelli i shqiptarëve për të spiunuar falas në favor të ish Kryetarit të Prefekturës në kohën e Façizmit Qazim Mulletja), për egzistencën e një grupi antiamerikan shqiptar që na paska qënë i drejtuar nga vetë Kryeministri shqiptar Edi Rama.
Pra, këta analistë politikë që mund të krahasohen vetëm me analistin e tërbuar antirus Fareed Zaharia të CNN (por në valencë të kundërt), analizuan situatën e errët politike në Shqipërië plot kurthe, korrupsion, e errësirë, ku vepron mbreti Dungeon Master, i cili na sillka vërdallë jo vetëm Shqipërinë por edhe vetë Amerikën, aq sa zëvëndësi i zëvëndësit të sekretarit të shtetit Eskobar (mos e ngatërroni me Pablo Escobarin e famshëm, por se ç`dreqin ka Departamenti i Shtetit amerikan të na sjellë persona me emra që na bëjnë të dyshojmë padashje në konspiracione që shkojnë shumë thellë dhe shumë lart), bisedoi me `Antiamerikanin e tmerrshëm` Rama i cili na paskërkesh korruptuar një drejtues të lartë të FBI në favor të Berishës (?!), por dhe sigurisht për vehten e tij dhe të rusëve, bisedoi me Ilir Metën Kryetarin e Partisë së Lirisë (`së të korruptuarve`), me Ali-Bashën, por nuk bisedoi me Berishën!
Biseda paskërkesh qënë sa e thellë po aq sa dhe e gjërë, dhe sipas informacioneve top-sekret të cilat i dinin vetëm këta tre pafillot, bisedat ishin të njëjta, banale, e të zakonshme përsa i përket shitblerjes së votës, korrupsionit etj,etj, por… sipas Aluzioneve dhe iluzioneve të analistit dhe konspiracionistit Curri, Escobar duhet ti kishte tërhequr veshin Ramës për sigurinë në realizimin sa më të mirë të zgjedhjeve, paskërkesh kritikuar me elokuencën amerikane të zakonshme ku përfshihej edhe zhargoni I filmave amerikanë `**** him` (sharje që lejohet kundër partive rivale) me Kryetarin e Lirisë së Shqipërisë, si dhe i kishte rrahur supet e Ali-Bashës për trimërinë e treguar në zhvatjen e vulës së Partisë më të madhe opozitare, dhe duke mos e takuar, pra, duke ja futur sa krahu partisë pa vulë me në krye Berishën nongratta.
Sipas Analisto-konspiracionistit Curri, problemi politik shqiptar paskërkesh qënë shumë më i turbullt se ç`e dinë shqiptarët, sepse në Shqipëri paska një grup të fshehtë antiparti e anti amerikan, megjithëse shqiptarët janë populli më pro-amerikan në botë, dhe megjithëse vetë SHBA do më shumë se këdo popull tjetër në botë shqiptarët dhe Shqipërinë. Porse ç`po ndodh në kulisat e politikës shqiptare sipas këtij analisti? SHBA paskërkesh qënë e mërzitur sepse Kryeministri Rama sipas `leak` të të dhënave të fundit të cilat rrodhën nga një lojtar amerikan lojrash kompjuterike I zbuluar tashmë nga FBI, doli se Edi Rama qënka kapo i grupit anti-amerikan?!... Grupi mesa duket i `strukturuar antiamerikan` paskërkesh në përbërje jo vetëm Kryeministrin Rama dhe `byronë politike të tij`, por çuditërisht zëvëndësi i tij na paskërkesh qënë Berisha, dhe zëvëndësi i Berishës na qënkërka Meta me miqtë e tij të korruptuar, gjysma e të cilëve janë në burg `padrejtësisht`, dhe plot të tjerë.
Tani zëvëndësi i zëvëndësit të sekretarit të shtetit Escobar, së pari bisedën paradoksalisht e paska bërë me vetë Kryetarin e grupit anti-amerikan(!?) Edi Rama, i cili sipas të dhënave konspirative i ka dhënë fjalën se do japë doërehqjen nga grupi antiamerikan, por Escobari i paskërkesh thënë- jo!! …rri aty.. që të zbulojmë të tjerët se kush janë… Medemek Rama na qënkërkesh bërë si i thonë fjalës . një spiun…. i amerikanëve dhe mesa duket punoka dhe qëndroka në dy karrike: në atë anti amerikane, pra sipas analistit tjetër të famshëm shqiptaro-kosovar Prof.Bytyçi- Rama në njërën nga karriket anti-amerikanë është ulur së bashku me Vuçiçin e rusëve, kurse në karriken tjetër bën sikur është pro-amerikan por edhe pro UÇK, pra, edhe Kripto-proKosovar….????!!!!!
Këto analiza të thella që nxjerrin deduksione po aq të thella dhe të ngjashme me mbrapshtinat e këpucëve të grave drejtuese të shtetit shqiptar, kanë vetëm një fill të hollë (ndoshta me origjinë psikiatrike) atë që z.Curri por dhe të miqve e tij analisto-konspiracionistë të cilët po budallallepsin shoqërinë shqiptare dhe që përpiqen të marrin po aq klikime simpatie sa dhe i madhi Luis Ejëlli.
Ndoshta me kalimin e kohës pas 6 majit të përfundimit të BBVIP2, do t`ja kalojnë jo vetëm Luisit por edhe kryekonspiracionistit anti-global po të Top Channel z.Alfred Cako), pasi ka mbrojtur si asnjë tjetër prift e peshkop (!?), doktoraturën e tij të mbështëtur tek Gregori i Niceas, i njohur si teologu më filozofik i krishterë i viteve 372-395 kur vdiq . Një nga idetë kryesore në veprat e Peshkop Gregorit të Niceas është dallimi mes natyrës imanente dhe transhendente brenda energjive të Zotit. Ai mendon se energjitë hyjnore të pakrijuara ndërhyjnë në sfera të rëndësishme të botës, si njerëzimi, njohja, virtyti dhe historia, deri në fundin e kohërave (gregor of Nicea - Google Search), me pak fjalë edhe nw Shqipwrinw tonw tw molepsur me gomarllëqe të pafund nga këta `koka` të elitës shqiptare…
Kjo ide që e ka gëlltitur z. Curri me të cilën ka mbrojtur doktoraturën, e kombinuar me aftësitë e tij të shprehura në konservatorin e Athinës si tenor dramatik, + cilësitë e tij si “teolog, filozof, avokat”, ku pohon edhe vetë në emisionin e Rudinës se: “mos e thuaj se njerëzit po ta dëgjojnë do fillojnë e do qeshin fare” (Befason Arjan Curri, zbulon talentin e tij të fshehur: Ja pse Arjan Çani nuk e përmend asnjëherë - Aktualitet (sot.com.al)
E përmbledhur, na del se këta analistë të kooptuar e të paguar nëpër tv private shqiptare, jo vetëm janë budallallepsuar vetë dhe auto sugjestionuar, por edhe në fakt po përpiqen të `infektojnë` shoqërinë shqiptare me teori konspirative duke nxirë dhe errësuar çdo gjë të mirë që po ndërtohet në Shqipëri.
Shyqyr Zotit që një pjesë e shqiptarëve nuk i sheh emisionet e para-paguara politike, por të paktën kjo shoqëri e mbetur, po merret me nivelin e Luiz Ejëllit sepse atë nivel ka shumica e shqiptarëve.
Sidoqoftë është më mirë që shumica e shqiptarëve e ka këtë nivel, sesa të `ngjitet` në nivelin e Currëve, të çthurret, e ti lëvizi `zari` i mëndjes, të vrasë trurin, e të shqetësoje veten e familjen me broçkulla tip `Zona e lirë`, zonë e cila është çvendosur dhe nuk di ku të stacionohet në media. Dyshojmë se ish drejtuesit e saj mund të stacionohen në Psikatri ose të mjekohen ambulatorisht në qëndrat e Shëndetit Mendor nëse do të vazhdojnë me këtë intensitet-marrëzinë e tyre mediatike e cila të kujton ardhen në Athinë të St.Pali i cili predikoi fenë e re, por filosofët i thanë Shën Palit: këtë ide na e thuaj njëherë tjetër… dhe u larguan duke e përqeshur.

priftipirro2017@gmail.com