Vula e PD…

[Ingenuous]

Vula e PD/ Lubonja: Vendimi i gjykatës ishte i pritshëm



Shkrimtari dhe publicisti Fatos Lubonja ka komentuar vendimin e Gjykatës së Apelit për vulën e Partisë Demokratike. Lubonja thotë se vendimi ishte i pritshëm, teksa shtoi se kemi rrëshqitur në një regjim mono-partiak.

“Me shumë gjasa mendoja se kështu do të ndodhte. Arsyet dihen. Ne bëjmë sikur jemi në një demokraci, por ne kemi rrëshqitur në një regjim me sistem mono partiak. Nuk mund të pritej që drejtësia mund të merrte një vendim ndryshe. Është kapur shteti. Kush shpresonte se do të ndodhet ndryshe, unë vetë gati gati po e them me ironi do të zhgënjehesha.

Ky është një projekt i gjatë i Ramës për të eliminuar opozitën. Kjo është një reformë jo për të bërë drejtësi. Ky është në rrugën e tij për ta dobësuar, pasi nuk mund ta nxjerrë jashtë Kushtetutës. Vetë PD e ka denoncuar herë pas here. Ju kujtohet Basha kur thoshte se “nuk do hyjmë në zgjedhje”? U pa që nuk kishin këllqe dhe vazhduan kështu. Vazhdojnë të bëjnë sikur nuk po i ha ujku, por ujku po i ha.

Janë vetë kontradiktor. Janë për mosbindje civile, protestë paqësore apo revolucion? Këtu për revolucion nuk bëhet fjalë. Është mosbindje civile apo protestë.
Revolucioni është përmbysje me dhunë e elitave në pushtetit, që do të thotë që të marrësh për ***** gjithë ata gjykatës që kanë marrë këtë vendim dhe ti çosh atje ku…. Kështu është pushteti. Në pushtetin proletar i vendosin në burg?”, – tha Lubonja në News 24.

“Rama kërkon të sundojë vendin. Sot të huajt urrejnë më shumë Berishën sesa Ramën. Sa duhet të besojmë ndaj të tjerëve ne? Ka nga ata që thonë kështu, por ata janë danezët, finlandezët e me radhë. E di sa janë shqiptarët? 2.8% thonë që duhet besuar. Vetëm 2.8% thonë se duhet pasur besim te të tjerët.

Logjika e shqiptarëve është “a duhet t’ua fusim të tjerëve?”. Kjo duhet parë në aspektin e ekonomisë, njerëzve që e mbështesim. Një qeveri që pastron paratë e drogës dhe dëbon shqiptarët e ndershëm, çfarë pret ata? Opozita paraqitet si pjesa e mirë e medaljes, por dhe ata janë pjesë e kësaj. Unë them më mirë një bandë sesa 3 banda”, – tha Lubonja. /BW

[Ingenuous]

Vendimi i Gjykatës së apelit për ti rikthyer vulën e opozitës zyrtare një pakice të papërfillshme brenda PD-së nuk është asgjë më shumë se vijimi i politike mbi një vjeçare që synon mbajtjen në këmbë të një plurarizmi fallco. Ai filloi me mbrojtjen e kokës së Lulzim Bashës me forca speciale në  9 janar 2022. Ai vijoi me bashkimin e votave për zgjatjen e mandatit të gjyqtarëve të vettingut, të akuzuar deri në atë kohë si komisarë mavi të rilindjes në sistemin e drejtësisë. Ai u konsolidua me njohjen e Alibeajt si palë nga Lindita Nikolla (ndonëse ky i fundit nuk u votua dot kurrë nga këshilli kombëtar sipas statutit të vet). Ai mori formë me njohjen e tij si ankimues në një proces ku nuk kishte qene palë. Ai u qesharakëzua me negociatat karagjoze për zgjidhjen e gjoja presidentit konsensual. Ai u bë i hapur me kolaboracionizmin parlamentar për të parjashtuar me ligj Ilir Metën nga politika. Ai mori formë me vendimin gjyqsor për të njohur si PD disa fantazma politike pa mbashtetës.

Po çfarë është sot kjo PD me vulë që Rama dhe veglat e tij duan ta shesin si opozitë? Ajo është një konglomerat që në letër ka ende si kryetar Lulzim Bashën, pasi ai megjithëse ka një vit i dorëhequr, mban emrin të regjistruar në gjykatë. Ajo është një mish mash që nuk zgjedh dot lider të ri dhe qëndron me kukull në detyrë. Ajo është një mini grup që nuk ka ende kandidatë për zgjedhjet lokale në Tiranë, Durrës, Elbasan. Pasi askush nga ata deputetë që thonë se i përkasin atij grupi, nuk kanë guximin e Belind Këlliçit apo Luçiano Boçit për të lënë mandatin dhe për tu hedhur në garë. Shkurt ata janë një instrument për të prishur punë.

Mirëpo këtij instrumenti KQZ do i njohi të drejtën për të caktuar komisionerët e ruajtjes së votës anti Rama në zgjedhje. Ajo do i derdhë në llogari financimin që i përket opozitës. Ajo do i vërë në dispozicion kohën televizive të fushatës elektorale. Pra qëllimi i asaj që bëri Gjykata e Apelit është i qartë: të mbajë në këmbë me mjete shteterore, një opozitë pa vota. Pak javë më parë gjatë një interviste në Opinion, kryeministri Rama u pyet nëse atij i dukej normale që të hynte në zgjedhje pa opozitë reale? Çdo kryeministër i përgjegjshëm meret me mend se ç’përgjigje do kishte dhënë. Por Rama i tha ftohtë Fevziut se për këtë se çante kokën dhe se prokupimi i tij qe programi që PS do shpaloste para zgjedhjeve.

Pra mesazhi për gjykatën qe i qartë. Zgjedhjet i bëjmë dhe pa opozitë fare, madje quhet luks po patëm ndonjë krijesë fallco.

Këtë mesazh ka marrë edhe Ilirian Celibashi. Ai do të jetë kryekomisioneri i një palë votimeve ku një pjese të madhe të elektoratit do i hiqet e drejta e përfaqësimit. E gjitha po bëhet me qëllim që grupimi i Berishës ta bojkotojë këtë garë dhe në vend të përsëritet një realitet si ai i vitit 2019 kur kundërshtarë politikë u emëruan Kujtim Gjuzi, Jenisheri dhe ajo deputetja e kërpëratave. Natyrisht ish foltoristët nuk do bojkotojnë se ata janë të dënuar që të luftojnë për të mos u zhdukur. Por ama strategjia mbi një vjeçare e pushtetit i shndërroi zgjedhjet e 14 majit në farsë. Ajo i vrau ato duke i rikthyer në votime. Dhe këtë radhë qëllimin e arriti edhe me ndihmën e bejlerëve butaforikë të grupit Lul-Enkeleid, që pranuan të luajnë si shejtanë budallej, rolin e një opozite fallco.

©Lapsi.al

[Neteorm]

VENDIMI I GJYKATËS SË APELIT TIRANË REFUZON AKTGJYKIMIN E AGRON ZHUKRIT.

Vula e PD-së (përkohësisht) i kthehet grupit të Alibeajt: rrëzohet siç pritej vendimi i Agron Zhukrit që i dha PD-në Berishës.

Gjykata e Apelit ka vendosur të pranojë kërkesën e grupit të Enkelejd Alibeajt, për kthimin e çështjes në Gjykatën e Shkallës së Parë.

Tashmë pritet që Gjykata e Shkallës së Parë të shpallet e paaftë për të ndërhyrë në mosmarrëveshjet e brendshme partiake. Në këtë pikë, rregulloret e partisë, të vendosura siç duhet, mbizotërojnë. Berisha është efektivisht i jashtëm, një disident. Në fakt, duke iu bashkuar grupit së Ilir Metës, për së dyti, ai zyrtarizoi edhe një herë ndarjen e tij nga Partia Demokratike.

Ndërkohë, Vula dhe Selia e PD-së i përkasin grupit Alibeaj. Berisha tashmë u strehuar përfundimisht duke u ribashkuar me ish-kundërshtarin Ilir Meten.

Kush e quan veten demokrat duhet të kthehet në Partinë Demokratike Shqiptare.

( Viktor Mark Daragjati)

[Ingenuous]

Berisha: U bëj thirrje anëtarëve dhe simpatizantë të PD-së të ngrihen në lartësinë e tyre të misionit historik

Kryetari i Partisë Demokratike, Sali Berisha në një deklaratë për mediat nga selia blu, pas vendimit skandaloz të Gjykatës së Apelit që zhduku pluralizmin në Shqipëri, u ka bërë thirrje demokratëve që të ngrihen në lartësinë e misionit të tyre historik.

Pjesë nga deklarata e kreut të PD-së, Sali Berisha:

Në procesin e sotëm dua të informoj shqiptarët se ata të cilët kishin kërkuar zyrtarisht të shpalleshin palë, i thanë gjykatës se nuk kemi qenë palë në proces, por gjykatësit lexuan vendimin e shkruar në zyrën e Edi Ramës dhe anuluan tre ditë, tre ditë pasi e mbajtën 9 muaj, anuluan tre ditë para skadimit të afatit të regjistrimit në zgjedhje, një vendim legjitim, vetëm e vetëm se ishte urdhëruar nga Edi Rama.

Çdo gjykatës me integritetin minimal, kur pala tjetër deklaronte se nuk ishte palë në këtë proces, mbyllte procesin dhe nuk vazhdonte më tutje, por ata kishin në sirtar vendimin e shkruar në zyrën e Edi Ramës për të ndëshkuar opozitën politike.

Ky vendim vjen në një kohë kur opozita është e angazhuar në një revolucion demokratik, paqësor, me të cilin ajo është e betuar të përmbysë monizmin e Edi Ramës, është e betuar të ju rikthejë shqiptarëve votën e lirë.

Në këtë kontekst unë i bëj thirrje anëtarëve dhe simpatizantë të PD-së të ngrihen në lartësinë e tyre të misionit historik, misionit të shpëtimi të pluralizmit, demokracisë, të shoqërisë shqiptare dhe Shqipërisë.

Çdo shqiptar sot në shumë se kurrë pret nga guximi ynë, qëndrimi ynë realizimin e këtij misioni.

Lapsi.al

[Ingenuous]

Edhe Belind Këlliçi, kandidat i opozitës për bashkinë e Tiranës ka reaguar pas vendimit të Gjykatës së Apelit që mbrëmjen e së premtes vendosi të kthejë për rigjykim çështjen e vulës dhe logos së Partisë Demokratike. Në një mesazh në rrjetet sociale, Këlliçi shkruan se vendimi u mor nga Rama dhe Veliaj të cilët kanë frikë nga vota.

“U dëshmua që Edi Rama dhe Erion Veliaj po lëvizin çdo gur, çdo instrument që kanë në dorë, për të mos lejuar zgjedhje të lira dhe garë të ndershme. Ata kanë frikë nga ju, nga vota e lirë.

Vendimi tregon se pala tjetër është e dëshpëruar përderisa i duhet që të përdorë marifete të pista për të manipuluar zgjedhjet. Sot u dha një goditje ndaj pluralizmit. Ata kanë frikë nga vullneti i qytetarëve, sepse Veliaj ka lënë pas dore banorët e Tiranës. Kudo që shkoj në qytetin tim, njerëzit janë të bindur se ka ardhur koha për ndryshim.

E dënoj me forcë këtë akt të shëmtuar. Gjithashtu garantoj demokratët dhe qytetarët që kjo pengesë e re nuk do të na ndalojë dot në betejën tonë për votën, për lirinë e zgjedhjes, për kthimin e Bashkisë së Tiranës në shinat e ligjshmërisë dhe në funksion të interesit publik.

Nuk ka pushtet, regjim, nuk ka dhunë e para, që të mund të ndalë vullnetin e qytetarëve dhe banorëve të Tiranës, për ndryshim. Një forcë politike nuk e bën vula. Atë e bën fryma, shpirti dhe njerëzit. Prandaj unë sot jam më i motivuar se kurrë, bashkë me ju më i fortë dhe i vendosur, për t’ia rikthyer Tiranën qytetarëve të saj” – shkruan Belind Këlliçi.

©LAPSI.al.

[Ingenuous]

Mjeshtri Bujar Kapexhiu ka paraqitur përmes karikaturës situatën e fundit politike në vend pas vendimit të Gjykatës së Apelit e cila nën ndikimin e kryeministrit Edi Rama zhbëri vendimin e Gjykatës së Parë e cila njihte Kuvendin e PD të 11 dhjetorit 2021 dhe vendimet e dala prej tij. Persozhet e Kapexhiut janë Enkelejd Alibeaj dhe Edi Rama, ku ky i fundit, duke e lavdëruar, i var në qafë vulën e PD, të cilën do ta përdori në zgjedhjet lokale të 14 majit.

[SERAFIM DILO]

Kjo eshte teme shume interesante sepse tregon asgjen,boshin,nuancat e ngjyres gri. Qe kjo teme tregon diçka eshte e vertete,problemi eshte te gjesh ate diçkane.

Ka qene nje teme e tille edhe ne forumin shqiptar,ne mos gaboj ishte se si do votohej reforma ne drejtesi me dy te tretar apo tre te katertat,muaj e muaj kaluan ne diskutime dhe po te pyesesh sot asnje nuk e di se u votua per tre te katertat apo dy te tretat e pese te gjashtat.

Shqiperia eshte vendi rekordmen ne bote ku diskutohen gjerat qe nuk kane asnje minimum rendesie. PD i ka te gjitha gjerat ne regull e vetmja gje qe i mungon eshte diskutimi mbi vulen ! I ka te gjitha,liderin,njerezit e rinj,idete e reja... i mungon vetem vula !