Kryeministri i Shqipërisë Edi Rama në qendër të hetimeve të agjentëve të FBI

[Albo]

“Agjentët e FBI-së në pragun e shtëpisë time me foton e kryeministrit të Shqipërisë”



Ish-e dashura e zyrtarit të FBI-së Charles McGonigal ka treguar se në nëntor të vitit 2021 në pragun e shtëpisë së saj u shfaqën dy agjentë të FBI-së, të cilët mbanin me vete foto të kryeministrit të Shqipërisë Edi Rama së bashku me Charles Mcgonigal. Në një rrëfim të detajuar për median amerikane Bussines Insider, Allison Guerriero tregon detaje kompromentuese për ish-të dashurin e saj, i cili u arrestua pasi dyshohet se ka marrë para nga oligarku rus Oleg deripaska dhe nga shqiptaro-amerikani Agron Neza pas vizitave që kishte bërë në Shqipëri.

Agjentët e FBI me foton e Edi Ramës në duar

Allison tregoi se kishte pasur një ndarje të vështirë me McGonigal, i cili e kishte mbajtur me shpresë se do të divorvohej me të shoqen, gjë që nuk ndodhi kurrë.

Pas ndarjes, Allison Guerrero tha se kishte kaluar momente të vështira dhe për t’u hakmarrë i kishte shkruar shefit të zyrës së FBI-së në Neë York, ëil Liam Sëeeney. Në emailet e hakmarrjes, ajo i kërkonte shefit të FBI-së në zyrën e Nju Jork të hetonte për marrëdhëniet mes McGonigal dhe Edi Ramës. Pak kohë më pas, mori një vizitë nga agjentët e FBI-së.

“Pavarësisht, në nëntor 2021, FBI po e hetonte McGonigal. Dy agjentë u shfaqën në derën e Guerriero-s, thotë ajo, i treguan asaj një foto të McGonigal me kryeministrin shqiptar dhe e intervistuan për ndërveprimet e tyre. Ajo gjithashtu mori një thirrje nga juria e madhe që kërkonte të gjitha komunikimet e saj me McGonigal, si dhe informacione për çdo “pagesë ose dhuratë” që ai mund t’i ketë dhënë asaj” shkruan Bussines Insider.

Kuptohet se Edi Rama ka qenë pjesë e hetimit të FBI-së pasi takimet dhe vizitat e McGonigal në Shqipëri nuk u deklaruan asnjëherë, siç e kërkon ligji amerikan. Në anën tjetër, McGonigal e takoi Ramën bashkë me Agron Nezën, që i ka dhënë një shumë të konsiderueshme parash, pasi FBI nisi një hetim në dëm të Lulzim Bashës, kreut të Partisë Demokratike të Shqipërisë.

Materialet e hetimit të FBI dolën nga zyra e kryeministrit të Shqipërisë.

Jeta e luksit e McGonigal në kontradiktë me versionin e parave “borxh”
Shumat e parave që qarkullonte McGonigal kanë qenë të konsiderueshme, sipas rrëfimit të ish të dashurës së tij. Madje në shkrimin e Insider, Allison ka përshkruar me detaje një situatë në lidhje me një sasi parash cash që mbante McGonigal dhe që e ka habitur.

“Një mëngjes në tetor 2017, Allison Guerriero vuri re diçka të pazakontë në dyshemenë e apartamentit të të dashurit të saj në Park Slope, Brooklyn: një çantë plot me para. Atje, pranë këpucëve të tij, ishte një nga ato lloj qesesh që të japin dyqanet e pijeve. Brenda kishte tufa me kartëmonedha, prerje të mëdha të lidhura me shirita gome. Nuk dukej si diçka që ai duhej të mbante me vete. Në fund të fundit, i dashuri i saj, Charles F. McGonigal, mbante një nga postet më të larta dhe më të ndjeshme në FBI.
“Nga dreqin doli kjo?” pyeti ajo.
“Oh, të kujtohet ajo loja e bejsbollit?” u përgjigj McGonigal, sipas kujtimeve të Guerriero. “Vura një bast dhe fitova”.

Gazetarët e Insider raportojnë se ndeshja kur Indians mundën Yankees në dy lojë rresht u zhvilluan në datat 5 dhe 6 Tetor të 2017. Por sipas tyre, data 5 Tetor të 2017 është dita kur McGonigal mori 80 mijë dollarë nga Agron Neza në një makinë të parkuar në një restorant.

Tani Allison nuk beson më se ato para ishin fituar në ndonjë bast.

Versioni i Agron Nezës dhe ai i Charles McGonigal është se ato para (gjithsej 225 mijë dollarë) iu dhanë borxh agjentit të FBI-së. Versionin se ato para janë borxh, e mbështeti edhe kryeministri i Shqipërisë Edi Rama.

Por ky version lëkundet nga rrëfimet e Allison, që tregon se qiraja e McGonigal ishte e ulët, por shpenzimet e tij ishin të larta.

“Ai e kishte joshur Allison në restorante të shtrenjta. I kishte bërë asaj dhurata në para cash – 500 dollarë ose 1000 dollarë – për ditëlindjen e saj dhe për Krishtlindje. Një herë madje kishte bërë shaka se letrat e divorcit me të shoqen do t’ia dhuronte në kornizë për Krishtlindje, por ato letra nuk u firmosën kurrë. Ai e çoi për të parë ndeshjet e hokejit të Neë Jersey në një dhomë private. Ajo kujton se McGonigal një herë dha një kartëmonedhë prej njëqind dollarësh një lypësi në rrugë. “Unë jam pak më mirë se ai. Mund të bëj edhe pa njëqind dollarë” kujton Guerriero fjalët e McGonigal, pasi ajo u shpreh e habitur nga veprimi i tij”. shkruan Insider.

Gazetarët e Insider llogarisin se McGonigal fitonte afërsisht 300,000 deri në 350,000 dollarë në vit, duke përfshirë bonuset vjetore. “Ai tha se duhej të fitonte më shumë para”, shprehet Allison, e cila ishte ende në marrëdhënie me McGonigal kur u largua nga FBI. “Ai kishte dy fëmijë për t’i çuar në kolegj” ka treguar ajo.

Burimi:
Perktheu ne shqip, lapsi.al.

[Albo]

Berisha: Rama po pyetet në një ishull nga FBI!



Pas shumë hamendjeve se ku ndodhet kryeministri Rama, ka ardhur sqarimi nga ish-kryeministri Berisha. Ai e ka gjetur Ramën, ndodhet në një ishull!
Ja se çfarë shkruan Sali Berisha:
Rama në Ishull?? #sb
“Pershendetje Dr, smundja e Rames eshte diplomatike. Njoftimi i Dukes eshte i pa vertet. Rama ka qene prej tre ditesh ne nje ishull ne takim me hetues te FBI por edhe zyrtar te larte.
Atij i eshte kerkuar: 1-te rrefej çdo gje si i penduar i drejtesise rreth lidhjeve te tij me Mc Gonigal si dhe cdo gje rreth oficerit te sherbimeve inteligjente, sigurimit te shtetit Agron Neza dhe superkeshilltarit te tij te erret Dorian Duçka. Rames i eshte kerkuar te deshmoj per lidhjet e tij me Mark Rossinin kontratat direkte me me Lou Bladel paraardhesi i McGonigal ne FBI….”shkruan ndër të tjera Berisha. Me pas përmend edhe Erion Veliaj.

Koha Jone

[Albo]

Zhdukja e Ramës në kulmin e skandalit/ Rrjeti mbushet me MEME



Zhdukja e kryeministrit Rama në kulmin e skandalit të korruptimit të ish-zyrtarit të lartë të FBI-së ka shkaktuar reagime të shumta.

Disa thonë se zhdukja nga ekranet është për shkak se është sëmurë me grip dhe temperaturë. Të tjerë, ku bën pjesë opozita thonë se është zhdukur për të mos dhënë sqarime për skandalin.

Në këtë situatë nuk mungojnë as MEME-t në rrjetet sociale. Më poshtë fijnë edhe disa prej tyre më pikantet në këtë situatë. ©LAPSI.al

[Albo]

Detaje të reja/ Lidhjet e Ramës me paraardhësin e McGonigal në FBI


Nga e majta: McGonigal, Bladel dhe Rama

Dalin detaje të reja nga lidhjet e dyshimta të kryeministrit Edi Rama me zyrtarët e lartë të FBI-së. Ditët e fundit të gjithë kemi mësuar mbi takimet e shpeshta dhe darkat e kreut të qeverisë shqiptare me Charles McGonigal, ish-shefin e kundërzbulimit në FBI-në e Nju Jorkut. Në një prej këtyre rasteve, sipas asaj që zbulohet në dosje, Rama ka darkuar me McGonigal në Uashington ku i pranishëm ka qenë edhe një tjetër ish-zyrtar i FBI, Lou Bladel.

Ai ka qenë paraardhësi i McGonigal në krye të kundërzbulimit të FBI në Nju Jork. Në maj të vitit 2018, një firmë konsulente e quajtur “Ernst&Young” u kontraktua nga qeveria shqiptare. Pas lënies së detyrës Bladel punoi për këtë kompani. Kontrata u firmos (lexo ketu njoftimin e qeverisë) vetëm pak muaj pas takimit me Ramën. Synimi ishte lufta kundër krimit dhe evazionit fiskal.

Më pas emri i Lou Bladel doli në kur diskutohej çështja “Babale” mbi audio-përgjimin e vëllait të ish-ministrit të Brendshëm Fatmir Xhafaj. Sipas mediave ishte pikërisht ai që bëri ekspertizën e zërit. Edhe në atë rast “ekspertiza” i dha të drejtë Ramës se audio ishte e manipuluar dhe se dikush tjetër kishte aktruar zërin e vëllait të Xhafajt.

“Nuk dihet nese eshte paguar apo jo Ernst$Young per marreveshjen dhe nese eshte paguar apo jo Bladel si shef i struktures se posacme, por edhe per angazhimin e tij ne hetime jo-zyrtare si Babalja. Ne rekordet e thesarit nuk ekziston asnje gjurme per ndonje pagese te kryer. Por dihet se ne kryeministri ka patur shume trafik agjentesh dhe ish agjentesh.

Dikush mund te pyese cfare lidhje ka Bladeli me keto qe po ndodhin tani? Shume. Bladel eshte emri nr 4 ne listen e subpoenes se leshuar nga gjykata amerikane ne nentor per aferen ruso-shqiptare McGonigal. Aktualisht ndaj tij nuk ka asnje akuze, por ai eshte pjese e hetimit bashke me Agron Nezen, Thomas Fitzgerald, Donald Aviv dhe dy shtetas bosnjake” – shkruan gazetari Klodian Tomorri në një postim në Facebook.

©LAPSI.al

[Albo]

Meta: McGonigal më shumë se 4 vizita në Shqipëri, takime dhe me njerëz të drejtësisë

Kreu i Partisë së Lirisë Ilir Meta deklaroi sot se ish-zyrtari i FBI-së nuk ka bërë 4 vizita në Shqipëri, por janë shumë të tepër dhe që nuk janë raportuar sipas ligjit në SHBA.

Ai tha se tre porositë e para Edi Rama ia ka dhënë Charles McGonigal për atë vetë, në kohën kur ishte President.

“Jam shumë i nderuar që tre porositë e para që i ka dhënë Edi Rama këtij zotërisë që është ndaluar nga FBI-ja, i ka dhënë kundër presidentit në detyrë në atë kohë Ilir Metës, për të bërë hetime të paligjshme nën autoritetin e FBI-së, për të ndikuar këtu dhe jashtë vendit dhe për të marrë dëshmi të rreme.

Caushaj ka dhënë një pjesë të vogël të së vërtetës që unë e kam ditur.

Nuk janë 4 vizita, aq janë regjistruar për momentin. Nga hetimi do të dalin shumë më tepër vizita të paraportuara sipas ligjit të Shtetit amerikan që kanë qenë në funksion të lojërave të Edi Ramës për të shkatërruar stabilitetin.

Ne kemi punën tonë dhe drejtësinë tonë. Ne kemi dhe drejtësinë e popullit. Këta persona janë takuar dhe me prokurorë, dhe me gjykatës, me njerëz të drejtësisë dhe biznesmenë dhe janë përdorur nga Edi Rama për të bërë shantazhe dhe mashtruar”, tha Meta.

Lapsi

[Albo]

“Rama mund të ketë shkuar tek Soros”/ Berisha: Prapaskenat e çështjes “McGonigal”



Ndërsa deklaroi se Shqipëria do shpërthejë me fuqinë më të madhe politike dhe qytetare sa i takon çështjes se fundit ‘McGonigal’, Sali Berisha u shpreh se Edi Rama është zhdukur prej 48 orësh, duke shtuar se nuk dihet nëse ai ka fluturuar jashtë vendit për të kërkuar ndihmë te George Soros.

“Tirana po zien, një revoltë e thellë ka përfshirë dhe po përfshin qytetarët e Tiranës dhe Shqipërisë.
Një revoltë e cila, pa diskutim do shpërthejë me fuqinë më të madhe politike dhe qytetare për largimin me urgjencë nga skena politike, de facto kryeministrit më të korruptuar të planetit, i cili, ia ka mbathur.

Është zhdukur prej 48 orësh. Ka fluturuar me Ismailin apo jo, këtë nuk kemi asnjë lajm. Është nisur te padrino i tij, Xhorxh Soros për të kërkuar ndihmë, apo gjetiu, nuk kemi asnjë lajm. Sepse në kodin e mafies, lajmet nuk pipëtijnë.”, tha ai.

Berisha deklaroi se Rama rekrutoi me korrupsion Charles Mcgonigal për t’i futur thikë opozitës dhe për të marrë peng kreun e opozitës. Ai shtoi se kjo ngjarje ka revoltuar qytetarët.

“Por, ajo që ka revoltuar në shkallë ekstreme qytetarët shqiptarë, është fakti se Edi Rama ka arritur me fuqinë e tij korruptive të shndërrojë në mburojë korrupsionin ndërkombëtar, në mburojë të pushtetit të tij të korruptuar. Unë kam denoncuar këtu para jush këtë fenomen, ndër më të rrezikshmit, këtë pasojë, këtë fenomen, i cili arrin në formën më kulmore në rastin e regjimit të Edi Ramës.

Paguhet njeriu më i besuar i FBI-së për të sulmuar, për të ndërmarrë veprime, akte kundër opozitës demokratike të një vendi, me qëllimin makabër të marrjes peng të kreut të saj. Kur një akt i tillë kryhet ndaj një zyrtari të atij niveli të një vendi të lirë, përbën krimin më të shëmtuar, të cilët nuk mund të veprojnë kurrë ndaj një vendi tjetër të lirë. SHBA udhëheqin me vlerat, parimet dhe lirinë që ato mbrojnë. Edi Rama rekruton me korrupsion McGonigal për t’i futur thikën opozitës, për të çimentosur pushtetin korruptiv të Edi Ramës.”, tha ai.

Rama ka përdorur edhe paraardhësin e tij kundër opozitës, sipas Sali Berishës.

“McGonigal jo rastëssiht ka zgjedhur Tiranën. Megjithatë unë i bëj thirrje FBI-së dhe Kongresit të SHBA, të hetojnë me seriozitetin më të madh se cilat janë pikat që bashkuan Edi Ramën me McGonigal. kush e solli, kush e rekomandoi, kush qëndron në mes të këtij akti makabër ndaj një vendi partner, ndaj SHBA.

Shtoj këtu se në grupin e personave që hetohen nga pala amerikane është edhe parardhësi i McGonigal, Lou Bladel, i cili ka kontrata të firmosura me qeverinë e Edi Ramës, i cili rezulton të jetë i implikuar direkt, sipas të dhënave, në betejat kundër opozitës. I bëj thirrje edhe njëherë Kongresit të SHBA dhe FBI-së, të hetojnë të gjitha veprimtaritë e McGonigal dhe paraardhësit të tij”, tha Berisha.

Sipas tij, gjykata amerikane e konsideron qeverinë shqiptare një çerdhe korrupsioni.

“Gjithashtu dua të sjell në vëmendjen e madhe se Juria e Madhe e San Françiskos, që ka urdhëruar hetimin e çdo regjistrimi, materiali, dokumenti, personi, përfshi këtu telefonat, emailin, aplikacionet e enkriptuara, mesazhet zanore, midis Charles McGonigal për pikat që vijojnë: Agron Nezës, Tomas Fitzgerald- bashkëpunëtor i McGonigal, Lou Bladel- i kontraktuar nga Edi Rama për veprimtari me pamje të parë policinë, por në fakt kundër opozitës, qeverisë së Republikës së Shqipërisë dhe çdo personi të lidhur me qeverinë e Republikës së Shqipërisë.

Imagjinoni se çfarë çerdheje, çfarë votre korruptive e konsideron gjykata amerikane qeverinë e Shqipërisë, çdo personi të lidhur me qeverinë këtu, përfshi këtu dhe jo vetëm kryeministrin Edi Rama.

Çdo lloj dhurate, pagese për Charles McGonigal nga Agron Neza, Dorian Duçka apo person tjetër i lidhur me qeverinë e Shqipërisë”, u shpreh Sali Berisha.

Lapsi

[Albo]

‘Berisha kukull e Putinit’/ Kreu i PD: Rossini, vartësi dhe ortaku i McGonigal, FOTO me Agron Neza



Kryetari i Partisë Demkratike Sali Berisha ka publikuar një foto të Marko Rossinit, me oficerin e shërbimit inteligjent shqiptar Agron Neza.

‘Rossini i cili ishte vartës në detyrë, por dhe ortak në biznes i Charls McGonigal të cilit Rama në përpjekjen e tij për të shkatërruar opozitën i dërgoi në Madrit gazetarin e tij për t’i marrë intervistë në të cilën ai e quan Berishën kukull të Putinit’, shkruan Berisha në Facebook.

Postimi i plotë:

Ky është Marko Rossini me oficerin e shërbimit inteligjent shqiptar Agron Neza.

Rossini i cili ishte vartës në detyrë, por dhe ortak në biznes i Charls McGonigal të cilit Rama në përpjekjen e tij për të shkatërruar opozitën i dërgoi në Madrit gazetarin e tij për t’i marrë intervistë në të cilën ai e quan Berishën kukull të Putinit.

https://fb.watch/ikKWau9Agu/

Agron Neza është personi që në 2017 i dha McGonigal 225 mijë dollar. Ai ka shoqëruar Edi Ramën në të gjithë udhëtimet e tij në Shqipëri dhe në të gjitha takimet e tij të fshehta me kreun e kundërzbulimit të FBI. Kurse Rossini është arrestuar nga FBI për korrupsion nga Guvernatori i Porta Rikës.

In this photo: Marko Rossini with Agron Neza.

Marco Rossini, is a subordinate of McGonigal but also shareholder in his company in Albania. In his efforts to destroy the opposition Rama sent to Madrid a TV crew close to him to intervieë Rossini. He claimed in that paid for intervieë that Sali Berisha is a puppet of Putin.

https://fb.watch/ikKWau9Agu/

McGonigal and Rossini were handsomely paid by Rama to destroy the Albanian oposition.

Agron Neza is a former Sigurimi operative (intelligence officer of the Albanian Security police), the man who gave 225 K USD to McGonigal.

Neza accompanied McGonigal in all his secret meetings ëith Prime Minister Rama.




Syri

[Albo]

SYRI TV/ Skandali Rama-McGonigal: Agron Neza ishte i ftuar nderi i qeverisë në ngjarjen e rëndësishme

Video: https://www.youtube.com/watch?v=oxTldDmssy8

Pavarësisht se kryeministri Edi Rama u mundua ta largonte veten nga kontaktet me ish-agjentin e Sigurimit Agron Neza, ky i fundit ka qenë i ftuar nderi i qeverise shqiptare në momente shumë të rëndësishme, siç ishte edhe ceremonia me rastin e fillimit të mandatit të Shqipërisë si anëtare e Këshillit të Sigurimit të OKB-së. Agron Neza është një ndër personat kyç në aferën që përfshin kryeministrin e Shqipërisë Edi Rama dhe ish-shefin e kundërzbulimit të FBI-së Charles Mcgonigal. Në aktakuzën e Departamentit të Drejtësisë, Agron Neza përshkruhet si Personi A, i cili i ka dhënë 225 mijë dollarë ish-drejtuesit të lartë të FBI-së, Charls McGonigal për të lobuar kundër opozitës shqiptare

Ish-agjenti i Sigurimit të Shtetit, Agron Neza, një shqiptaro-amerikan me banim në Nju Xhersi, është një nder personat kyç në aferën që përfshin kryeministrin e Shqipërisë, Edi Rama dhe ish-shefin e kundërzbulimit të FBI-së, Charles McGonigal.

Në aktakuzën e Departamentit të Drejtësisë, Agron Neza përshkruhet si Personi A, i cili i ka dhënë 225 mijë dollarë ish-drejtuesit të lartë të FBI-së, mes të tjerash që ky i fundit të hapë një hetim në SHBA në lidhje me një lobues që ka lobuar “për një parti të ndryshme me atë të kryeministrit shqiptar”. Agron Neza ka shoqëruar McGonigal në vizitat e tij në Shqipëri dhe Kosovë e po ashtu ka marrë pjesë në takimet që zyrtari i FBI-së ka zhvilluar me kryeministrin Edi Rama.

Në daljen e tij të parë publike për këtë çështje, kryeministri Rama u mundua ta largonte veten nga njohja me Agron Nezën, me të cilin tha se nuk kishte pasur asnjë komunikim, dhe u përpoq që emrin e tij ta atashonte me Partinë Demokratike.

Por faktet tregojnë të kundërtën e asaj që thotë kryeministri Rama. Ish-sigurimsi Agron Neza, personi që i ka dorëzuar 225 mijë dollarë Charles McGonigal, ka qenë i ftuar nderi i qeverisë shqiptare në momentet nga më të rëndësishme për Shqipërinë.

Më 15 shkurt të vitit 2022, Agron Neza shfaqet në ceremoninë me rastin e fillimit të mandatit të Shqipërisë si anëtare e Këshillit të Sigurimit të OKB-se, ku folësi kryesor ishte kryeministri Edi Rama. Siç e shihni në pamjet e publikuara nga vetë kryeministri Rama, Agron Neza është në rreshtin e parë të të ftuarve.

Po kështu Agron Neza është i afërt me zyrtarë të tjerë të lartë të Partisë Socialiste dhe përfaqësues të kësaj partie në pushtetin vendor. Ai është shfaqur në krah të Sekretarit të Përgjithshëm të Partisë Socialiste, Damian Gjiknuri dhe kryetarit socialist të bashkisë së Tropojës, Rexh Byberi me 23 shtator të vitit 2021, në ceremoninë e dhënies së medaljes “Mirënjohja e Tropojës”, Charles Mcgonigal.

Agron Neza dhe Charles Mcgonigal shfaqen edhe në një darkë miqësore me kryetarin e bashkisë së Kukësit Safet Gjici, edhe ky përfaqesues i Partisë Socialiste.



Syri

[Albo]

Perla e Dylgjerit: ‘Po me Lucën nuk ka ngrënë ky Peshku i Madh i FBI-së?’



Ish-zyrtari i lartë i FBI, Charles McGonigal, jo vetëm që kishte lidhje të ngushta me kryeministrin shqiptar, Edi Rama, por ai e kishte Shqipërinë si shtëpinë e tij.

Dashnorja e tij e zemëruar, e cila e denoncoi te FBI, thotë se ai bënte vizita në mënyrë intensive në Shqipëri.

Përveçse është dekoruar nga një kryebashkiak i Edi Ramës, ai ishte fotografuar duke ngrënë darkë me kryebashkiakun tjetër të Edi Ramës, Safet Gjicin.

Gazetari Ylli Dylgjeri ka reaguar me një ‘perlë’ pas këtij lajmi.

POSTIMI I PLOTE

Reforma: U bë në Shqipëri e pëlciti në FBI!

Po me Lucën nuk e paska ngrënë një peshk ky Peshku i Madh i FBI-së? Vetëm gica ha ky?

Por gjithsesi duhet vlerësuar. Ishte i planifikuar. Se e filloi "peshkimin" nga lart, Kosovë, Mal i Zi, Tropojë, Kukës, Shkodër... e po zbriste në Jug.

Po ç’e do?

Fati i zi. Nuk ishte e thënë. Çfarë të bën dashnorja, nuk ta bën senatorja! Ia theu grepin.

Thonë se e fillonte darkën me pyetjen: A dini anglisht?

Gicat në kor përgjigjeshin: Ca me gojë e ca me gisht!

Ok- u thoshte: Happy New Year!

Po s’e gëzoi Vitin e Ri... Reforma Kim në drejtësi triumfoi. Reformë vizionare.

U bë në Shqipëri dhe pëlciti në FBI!

Big fish! Urime.


Syri

[Albo]

Media e njohur: McGonigal dhe Rossini ortakë biznesi në Shqipëri. Sulmuan Berishën me porosi të Ramës!



Media e njohur amerikane TPM zbardh të tjera detaje nga skandali Rama-McGonigal.

Ish-shefi i kundërzbulimit të FBI në Neë York, Charles McGonigal është marrë i pandehur nga drejtësia amerikane për shkelje të sanksioneve amerikane ndaj oligarkëve rusë, njerëz pranë Vladimir Putin dhe ryshfetin 225 mijë dollarë që ka marrë nga Edi Rama.

Sipas aktakuzës amerikane janë katër takime të McGonigal me Edi Ramën të cilën ish-shefi i FBI nuk i ka deklaruar. Personi A dhe Personi B, përkatësisht Agron Neza dhe Dorian Duçka kanë qenë sekserët e Edi Ramës të cilët i kanë dorëzuar shumat e dollarëve McGonigal.

Rama e ka paguar njeriun e rëndësishëm të FBI për të lobuar kundër opozitës shqiptare dhe Partisë Demokratike në SHBA. Ky skandal i përmasave galopante dhe i pangjarë në 32 vite, ka tronditur opinionin publik shqiptar si dhe përbën një minim të marrëdhënieve dypalëshe Shqipëri-SHBA. Jo vetëm në Shqipëri, por edhe në SHBA e mediat europiane, lajm i ditës është çështja Rama-McGonigal.

Një ditë më parë, mediat amerikane hodhën dritë duke zbuluar se kishte qenë ish e dashura e McGonigal e cila ishte bërë shkak për nisjen e hetimeve ndaj ish-shefit të FBI. Ajo kishte identifikuar Edi Ramën si të lidhur me McGonigal, duke ndihmuar hetimet amerikane për veprimtarinë e dyshimtë të dyshes në fjalë.

Ndërsa ditën e sotme, është një tjetër media amerikane, TPM, e cila raporton se McGonigal nuk ka qenë i vetëm në veprimtarinë antiligjore nga Shqipëria në SHBA. Një tjetër ish-agjent gjithashtu i FBI, ka bashkëpunuar me të, teksa hapën biznes në Tiranë, ndërsa në SHBA lobonin të dy kundër Partisë Demokratike.

Mark Rossini, ortak në biznes i McGonigal, pasi në Tiranë ata kanë patur aksione te LawOffice&Investigation, një fimë ligjore e hapur në vitin 2019 bashkë me Shefqet Dizdarin, në mënyrë të vazhdueshme ka mbajtur qëndrim për çështjet e brendshme politike të vendit, duke i konsideruar kundërshtarët politikë të Edi Ramës si pro-rusë.

Madje, në një status në Twitter, Rossini e ka quajtur kryetarin e Partisë Demokratike, Sali Berisha si pro-Putin. Sulmet ndaj Sali Berishës janë bërë me porosi direkte nga Edi Rama. Dy ish-agjentët e FBI kanë patur për mision të dëmtojnë politikisht Partinë Demokratike dhe drejtuesit e saj.

Nuk mungojnë as takimet e Rossinit me Agron Nezën, personi që dyshohet se i ka dhënë McGonigal pagesën cash prej 225 mijë dollarë.

Edhe kryeministri Edi Rama ka patur takime të rregullta jo vetëm me McGonigal, por edhe me Marko Rossinin, takime të cilat i ka pranuar publikisht, por duke i justifikuar si në kuadrin e bashkëpunimit dhe partneritetit për çështje të ndryshme.

Mirëpo, ajo që po zbulohet dita-ditës është se vetëm takime në interes të shtetit, luftës kundër krimit, korrupsionit apo fenomeneve të tjera, nuk kanë qenë - por në fakt kemi të bëjmë me pazare korruptive të Edi Ramës ndaj ish-zyrtarëve të FBI, të cilët i shërbenin kryeministrit duke i goditur kundërshtarët politikë.

Syri

[Albo]

Firma shqiptare e lidh McGonagol me një tjetër ish-agjent të diskredituar



Ish-zyrtari i lartë i FBI-së Charles McGonigal është partner në një firmë shqiptare së bashku me një tjetër ish-agjent të diskredituar të FBI-së, sipas materialeve të siguruara nga siti Talking Points Memo (TPM).

Dokumentet e një korporate shqiptare lidhin McGonigal me Mark Rossini, një figurë pompoze që u largua nga FBI mes akuzave skandaloze më 2008 dhe që aktualisht përballet me akuza të tjera për ryshfete në një padi federale të gushtit 2022 në Porto Riko.

Lidhja e biznesit e paraportuar më parë e lidh McGonigal me një tjetër ish-agjent me profil të ngjashëm: një drejtues i lartë në Byro me përvojë në antiterrorizëm dhe kundërzbulim, dhe që duket se është angazhuar në biznes me një sërë klientësh të huaj që i bëjnë me dhimbje koke autoritetet, pas largimit nga agjencia ligjzbatuese.

Gazetarët shqiptarë kanë publikuar një seri artikujsh që nga shtatori 2022, duke theksuar praninë e McGonigal në kompani, të cilën ata e lidhin me industrinë e naftës në vend.

Prokurorët e akuzuan McGonigal këtë javë në padi të veçanta federale në Washington e Manhattan për fshehjen e parave që mori nga një ish-punonjës i inteligjencës shqiptare, gjithsej 225,000 dollarë, dhe për punën që kreu për të ndihmuar në shmangien e sanksioneve amerikane nga oligarku rus Oleg Deripaska, dikur pagues i ish-menaxherit të fushatës së Donald Trump, Paul Manafort.

Dokumenti i korporatës shqiptare e lidh McGonigal me botën e errët që e çoi Rossinin në jo vetëm një, por dy përplasje me ligjzbatuesit federalë. Prokurorët federalë akuzuan Rossinin në gusht 2022 për përfshirje në një skemë ryshfeti që përfshin ish-guvernatorin e Porto Rikos. Kjo erdhi 14 vjet pas skandalit të parë të Rossinit, që përfshiu aktoren Linda Fiorentino dhe fiksuesin e famshëm të Hollywoodit, Anthony Pellicano, duke u bërë shpejt pré e tabloidëve.

“Kjo gjë thjesht shkel parimet bazë se pse i futesh kësaj pune, ose përqendrimin në misionin që ke në shërbim të Qeverisë së SHBA dhe publikut amerikan”, tha për TPM Javed Ali, një analist ekspert në pension i FBI-së dhe ish-drejtor i lartë kundër terrorizmit në Këshillin e Sigurisë Kombëtare, i pyetur për akuzat. “Këto janë ato lloj gjërash që, në një nivel vërtet idealist, duhet të të motivojnë për të bërë punën. Por ajo që po shohim është një nga shembujt më të keq të dikujt që abuzon me postin dhe përpiqet ta shfrytëzojë atë për qëllime të tjera”.

Ray Batvinis, ish-agjent mbikëqyrës për FBI-në dhe ish-instruktor i kursit të kundërzbulimit në akademinë e FBI-së, tha se Byroja tani me siguri po merret me hetimin e shkallës së dëmit që ka shkaktuar McGonigal.

“FBI duhet të jetë e shqetësuar për ato çka mund të ketë shitur ai”, tha për TPM. “Ai kishte akses – ai di nga pak për çdo gjë që FBI bën në gjithë vendin, por ai ka shumë informacion për atë që bëjnë edhe agjencitë e tjera të inteligjencës”.

TPM siguroi dokumentet nga QKB dhe pagoi një përkthyes për përkthimin në anglisht.

TPM nuk ishte në gjendje të verifikonte se cili ishte qëllimi i Lawoffice & Investigation përtej përshkrimit që ofronte vetë në regjistrin e QKB-së se është një zyrë ligjore që bën edhe investigime.

Lidhjet e McGonigal me firmën shqiptare nxjerrin në pah një kastë personazhesh që duket se janë të lidhur me serinë e ngjarjeve që mendohet se çuan në paditë e ngritura kundër tij.

Regjistrimi i Lawoffice & Investigation tregon katër partnerë: McGonigal, Rossini, Agron Neza dhe Shefqet Dizari.

Postime në median sociale tregojnë Rossinin në një fotografi të vitit 2014 me Nezën, vite përpara përfshirjes së McGonigal, sipas prokurorëve. Rossini ka bërë ‘check’ në Facebook në Tiranë, kryeqyteti i Shqipërisë, në shkurt 2019.



Gjatë gjithë vitit 2019, Rossini fliste hapur për çështje të brendshme politike në Shqipëri, duke i cilësuar partitë që kundërshtonin kryeministrin e vendit si pro-ruse.

Rossini, Neza dhe Dizdari nuk përmenden dhe nuk janë akuzuar për ndonjë shkelje në dy aktakuzat e McGonigal. Rossini dhe avokatët e tij nuk iu përgjigjën kërkesave të shumta për koment nga TPM. As Neza e Dizdari nuk u përgjigjën.

Rekordet e QKB i janë bashkëngjitur artikullit.





Retrospektivë e shpejtë në Hollywood

Historia e rënies së Rossinit nga FBI fillon në fund të viteve 2000.

Një agjent yll i FBI-së, i cili ndihmoi në gjurmimin e Al-Kaedës përpara 11 Shtatorit, Rossini kaloi vite duke luajtur një rol të madh në përpjekjen për të reformuar agjencinë për trajtimin e terrorizmin.

Rossini, i cili ishte i ngarkuar me detyrë përkohësisht në qendrën antiterrorizëm të CIA-s në kohën e sulmeve, nuk ishte pa përvojë me detyra sensitive. Më pas, në vitin 2006, mes një divorci të ashpër, Rossini filloi të takohej me një aktoren e “Men in black”, Linda Fiorentino.

“Ishte si një flutur nate në shtyllën e dritave”, tha Jeff Stein, kryeredaktor i Spytalk dhe mik i vjetër i Rossinit, për marrëdhënien.

Fiorentino kishte mik një fiksues të Los Angeles, Anthony Pellicano, të cilin New York Post e quajti “Hollywood Hitman” për aftësitë e tij të çuditshme si dedektiv privat.

Gjithçka u shemb për Pellicanon më 2006, kur prokurorët federalë e goditën atë me një aktakuzë prej 110 pikash për akses të paligjshëm në dosjet e policisë në Los Angeles e Beverly Hills, dhe për përgjimin e dyshuar të telefonit të Sylvester Stallones.

Gjërat u bënë më të çuditshme.

Befas, avokatët e Pellicanos paraqitën materiale të brendshme të FBI-së për të provuar se prokurorët se nuk ia kishin bërë të ditura provat mbrojtjes. Fillimisht, ishte e paqartë se si i kishin siguruar ato materiale.

Gjurmët të çonin te Rossini. Doli se Rossini ia kishte kaluar të dhënat e FBI-së Fiorentinos, e cila ia dha përcolli mbrojtjes së Pellicanos.

“Kur dokumenti që ai i dha asaj doli në gjyqin e Pellicanos, Departamenti i Drejtësisë pyeste se si ishte e mundur”, kujton Stein, miku i Rossinit dhe shkrimtari i Spytalk. “Por nuk mund të hysh e të dalësh nga këta skedarë pa rënë në kurth, kështu që mendimi se mund t’ia dilte pa u lagur ishte vërtet budallallëk. Por, nuk thonë kot që dashuria është e verbër”.

Çështja Pellicano e rrëzoi Rossinin, duke e detyruar të largohej nga FBI mes akuzave për akses të paligjshëm në kompjuterët e Byrosë. Rossini u dënua përfundimisht me një vit provë, por ky ishte fundi i karrierës së tij 17-vjeçare në agjencitë ligjzbatuese federale.

Pellicano përfundimisht u shpall fajtor në gjyq për më shumë se 70 akuza, përfshirë shantazh, përgjim dhe mashtrim. Ai u dënua me 15 vjet burg, përpara se të lirohej më 2019.

Stein tha për TPM se pas skandalit Rossinit i duheshin pará për të vazhduar me jetën luksoze.

“I pëlqente jeta luksoze, por ajo kushton”, thotë Stein. “Ndaj ra pré e përfshirjes me njerëzit e gabuar, për shkak se i duheshin pará”.

me të cilët said. “So he was prey to getting involved with people he shouldn’t be involved with, because he needed the money.”


Në Porto Riko
Ecim me shpejtësi përpara, drejt gushtit 2022.

Prokurorët federalë e akuzuan Rossinin për konspiracion, marrje ryshfeti për programet federale dhe mashtrim të shërbimeve të ndershme lidhur me përfshirjen në një skemë ryshfeti që përfshin guvernatorin e Porto Rikos.

Sipas akuzave, drejtuesit e një banke që këshillonte Rossini, premtuan të financonin fushatën e rizgjedhjes së guvernatorit të Porto Rikos më 2020, në këmbim të emërimit nga ana e tyre kreun e komisionit të inspektimit bankar të ishullit, i cili po reviziononte huadhënësin.

Rossini deklaroi se ishte i pafajshëm.

Stein e përshkroi atë si një “histori e trishtë”.

“Ai duhej të siguronte jetesën. Dhe ylli i tij ishte njollosur keq nga ajo që ndodhi në FBI”, tha Stein. “Nuk është se do të pajtohej nga ndonjë nga kompanitë në Fortune 500”.


Paditja e McGonigal

Atëherë, si përfundoi Rossini partner në një firmë shqiptare? Dhe si u bë McGonigal nga agjent i lartë i FBI-së partner në të njëjtën firmë me Rossinin?

Dy aktakuzat përshkruajnë një pjesë të asaj që prokurorët besojnë se është udhëtimi i McGonigal.

Në gusht 2017, McGonigal dyshohet se i kërkoi para një ish-punonjësi të zbulimit shqiptar, të referuar si Personi A.

Nga përshkrimi i bërë në aktakuzë sugjerohet se personi është Neza, një nga ortakët në firmën me Rossinin. Në shtator 2022, Business Insider publikoi një fletëthirrje të lëshuar nga hetimi i McGonigal, ku përmendej Neza. Neza u citua këtë javë në median shqiptare të ketë pranuar se i ka dhënë paratë McGonigal-it, por ka mohuar ndonjë shkelje të kryer me të.

Batvinis, ish-zyrtari i kundërzbulimit të FBI-së, i tha TPM se shumë raste të ngjashme që ka hetuar janë të motivuara “thjesht nga lakmia”.

“Diçka e shtyu atë ta pranonte këtë ose të kërkonte shqiptarët për të marrë pará”, tha ai për McGonigal. “Nuk do të gjeni asgjë ekzotike këtu – ndoshta është po aq e mërzitshme sa një krizë e moshës së mesme”.

McGonigal supozohet se udhëtoi në Shqipëri me Nezën në shtator 2017, ku u takua me kryeministrin e Shqipërisë dhe, sipas FBI-së, i kërkoi qeverisë shqiptare “të jetë e kujdesshme në lidhje me dhënien e licencave për shpimin në fusha naftëmbajtëse në Shqipëri kompanive me pronësi ruse”.

“Personi A dhe personi B kishin të dy interesa financiar në vendimet e Qeverisë së Shqipërisë për dhënien e licencave të shpimit në fushat naftëmbajtëse”, thuhet në aktakuzë.

Lawoffice & Investigation, firma shqiptare në të cilën McGonigal shfaqet si ortak me Nezën dhe Rossinin, liston si ortak edhe një avokat shqiptar të quajtur Shefqet Dizdari.

Dizdari nuk iu përgjigj kërkesës së TPM për koment. Një firmë me bazë në Zvicër – Terraoil Swiss – që e përshkruan veten si një “prodhues shqiptar i naftës në tokë” thotë në faqen e saj të internetit se Dizdari kontrollon një të tretën e aksioneve të saj.

Natyra e saktë e skemës në të cilën dyshohet se ishte përfshirë McGonigal mbetet e paqartë nga aktakuza. Lawoffice & Investigation u “pezullua” në nëntor 2019, sipas të dhënave të QKB.

Prokurorët thanë se McGonigal e fshehu shtrirjen e punës së tij me shqiptarët deri pas daljes në pension nga Byroja në shtator 2018. Para kësaj, personi që përputhej me përshkrimin e Nezës dyshohet se i dha atij 225,000 dollarë cash. Aktakuza e lë të paqartë nëse ishte pagesë apo borxh që McGonigal do ta kthente.

McGonigal dyshohet edhe se ka hapur një hetim të FBI-së për një lobist që ishte punësuar nga një parti politike e ndryshme nga ajo e kryeministrit të Shqipërisë. Lobisti, sipas prokurorëve, është shtetas amerikan.

E paqartë është edhe se kur u përfshi Rossini në firmë. Në një postim në Facebook të dhjetorit 2014, Rossini u shfaq në një foto me Nezën.

Vitet e fundit edhe Rossini ka filluar të flasë për Shqipërinë.

Më qartë, Rossini ka mbajtur qëndrime për politikën e brendshme të vendit, duke akuzuar kundërshtarët e kryeministrit për lidhje me qeverinë ruse.



Ai ka folur shpesh kundër partive opozitare shqiptare pas vizitës së tij atje në shkurt 2019.

Nuk është e qartë nëse kjo lidhje me punën e tij me Lawoffice & Investigation.

Syri

[Albo]

“Nuk kam shkëmbyer letra”- Rama flet për njohjen me Agron Nezën dhe Dorian Duçkën



Kryeministri Edi Rama ka folur për herë të parë në lidhje me njohjet e tij me ish-zyrtarët shqiptarë Agron Neza dhe Dorian Duçka, të cilët implikohen në dosjen e ish-agjentit të kundërzbulimit të FBI-së, Charles McGonigal.

Rama tha se Agron Nezën e ka takuar vetëm në prani të ish-zyrtarit të FBI-së dhe nuk ka pasur asnjë lidhje me të apo të ketë shkëmbyer letra.

Për sa i përket Dorian Duçkës, Rama tha se njeh pasi ka mbajtur postin e zëvendësministrit të Energjitikës në vitin 2013 dhe më pas ka punuar për të si këshilltar pa pagesë.

“Fola për zotin AgronN i cili e përsëris vjen nga Lëvizja Demokratike, shumë i afërt i të ndjerit Azem Hajdari, fis me Besnik Mustafajn, njerëz të nderuar, të cilIn nuk e kam njohur më përpara asnjëherë, nuk kam shkëmbyer as letra, as interesa dhe asnjë gjë tjetër dhe e kam takuar vetëm në prani të zyrtarit të FBI-së. Personi tjetër ka qenë zv.ministër i Energjitikës në koalicionin e vitit 2013 dhe më pas ka punuar për një farë kohe për mua pa pagesë”, tha Rama.

Kujtojmë se ish-zyrtari i lartë i FBI-së akuzohet se ka marrë 225 mijë dollarë ish-punonjësi i shërbimeve sekrete të Shqipërisë, Agron Neza, si dhe ka zhvilluar një sërë takimesh me biznesmenë dhe politikanë në Shqipëri, Kosovë dhe Bosnje, por pa i raportuar ato sipas rregullave. Ndër personat të cilët Mcgonigal akuzohet se ka mbajtur takime të fshehta është dhe kryeministri Rama.

Euronews

[Albo]

“Kam qenë me grip, kujdes nga flama”, Rama paralajmëron politika të reja mbështetëse: Rishikim të pagës minimale



Kryeministri Edi Rama e ka nisur këtë javë me një komunikim me qytetarët në ‘Facebook’ ku ka njoftuar se do të ndërmerren disa hapa nga qeveria sa i takon pagës minimale, sidomos të punonjësve në sektorin privat. Po ashtu ai ka treguar se ka qenë me grip, ndërsa e cilëson ‘flamë’.

“Përshëndetje! Një javë të mbarë! Bëni kujdes me këtë flamën që është vërdallë se e hoqa vetë dhe realisht s’të bën për burrë, kur thonë tironsit. Se kam ndalur komunikimin me skuadrën time për financat, duke nisur nga taksat minimale dhe pagat e disa kategori të veçanta të burimeve njerëzore, mbështetja me strehim e mjekëve, ushtarakeve e policëve që kanë familje të re dhe pakoja tjetër e pensionistëve në pranverë, nga rindarja e taksës së jashtëzakonshme mbi eksportuesit e mëdhenj të energjisë. Na vjen mirë që pakoja e madhe ka lehtësuar ndjeshëm 1 mln përfituesit e saj, çka vihet re dhe nga rritja e konsumit. Por duhet akoma, duke nisur nga paga minimale në sektorin privat, sidomos ata në prodhim, që duhet të paguhen më shumë dhe sa më parë. Se shpejti do e vendosim me qeverinë dhe më pas do jua bëjmë me dije këto politika që e thellojnë më tej profilin e kësaj qeveri që është e shumicës dhe jo e disave. Edhe një herë, javë të mbarë dhe më të mirat për ju.”, tha ai.

Balkanweb

[пеперутка16]

Super. Korrupsion kudo.

[Albo]

Balla: Edhe unë e kam takuar McGonigal, ja për çfarë kemi biseduar



Kreu i Grupit Parlamentar të Partisë Socialiste, Taulant Balla, tha këtë të hënë se edhe ai personalisht e ka takuar Charles McGonigal.

Gjatë një deklarate të mbajtur nga selia e Kuvendit këtë të hënë, Balla tha se takimi mes tij dhe ish-zyrtarit të FBI-së ka qenë një takim institucional në kohën që ky i fundit ka qenë në detyrë.

Ai tha se biseda ishte e fokusuar në funksionin e marrëdhënieve të shkëlyera mes FBI-së dhe autoriteteve shqiptare.

“Shikoni e para është që zyrtari ka ardhur në cilësinë e tij si zyrtar i shtetit Amerikan dhe patjetër që edhe unë e kam takuar, ku kemi diskutuar në funksion të marrëdhënieve të shkëlqyera mes strukturave të SHBA-ve dhe Shqipërisë. Dhe kur të vjen një kërkesë për të takuar një zyrtarë të këtij niveli, askush nuk do t’i thoshte jo.

Kanë qenë takime të një niveli bashkëpunimi sa kohë ka qenë në detyrë. Nuk e kam takuar kur nuk ka qenë në detyrë.

I them çdo qytetari shqiptar që në këtë histori nuk ka çështje. Është një bisedë që lidhet në kuadrin e një takimi njohës apo ndarje eksperience, pasi nuk ka sot një strukturë më të organizuar në botë në lidhje me korrupsionin, sulmet kibernetike dhe çdo krim tjetër se FBI”, tha Balla.

Euronews