Sondazhi: Shqiptarët të painformuar si të votojnë në zgjedhjet lokale

[Albo]

Shqiptarët nuk e dinë rolin dhe funksionin e këshillave bashkiakë



56.5% e shqiptarëve nuk e dinë kush janë dhe çfarë funksioni kanë anëtarët e këshillit bashkiak. Të vënë para një pohimi të pavërtetë: “Këshilli bashkiak përbëhet nga këshilltarët e kryetarit të bashkisë” nga Barometri në Euronews Albania, më shumë se gjysma nuk e kanë kundërshtuar këtë pohim, 28.9% janë dakord, 21.1% nuk e dinë dhe 6.5 janë neutral.

Ndërkohë, 43.5% e kanë kundërshtuar këtë pohim, pasi këshilli bashkiak nuk përbëhet nga këshilltarët personalë të kryetarit të Bashkisë, por nga anëtarë që zgjidhen me votë.

Pavarësisht se këshilli bashkiak votohet për t’i shërbyer dhe për të mbrojtur interesat e qytetarëve, ka pothuajse fare ndërveprim me ta.

91.1% e shqiptarëve nuk kanë takuar kurrë një këshilltar bashkiak si komunitet për ndonjë shqetësim.

85.7% nuk kanë takuar as individualisht një këshilltar të bashkisë për ndonjë shqetësim.

95.3% nuk kanë marrë kurrë pjesë në ndonjë mbledhje të këshillit bashkiak.

Ndërsa 67.7% nuk njohin asnjë anëtar të këshillit bashkiak.

Vëmendja për këtë strukturë ka qenë e vogël edhe në media, pasi 91.5% e shqiptarëve nuk kanë parë kurrë në media live ndonjë mbledhje të këshillit bashkiak.



Euronews

[Albo]

Të rinjtë nuk dinë si votohet në zgjedhjet lokale, gjetjet e Barometrit



Të rinjtë shqiptarë nuk janë të informuar se si votohet në zgjedhjet lokale. Të pyetur nga Barometri në Euronews Albania se sa fletë votimi ka në zgjedhjet lokale, ata që janë përgjigjur ‘nuk e di’ janë më shumë të rinj.

Grupmosha 18-24 vjeç zënë 56.7% të kësaj kategorie, edhe pse kanë të drejtë vote. Ka një diferencë të madhe prej 34,4% mes grupmoshës 18-24 vjeç, që zë vendin më të madh dhe grupmoshës pasuese 25-34 vjeç.

Ndërsa kurba e grupmoshës e atyre që nuk e dinë se sa fletë votimi ka vjen në zbritje kur mosha rritet, diferencë bën vetëm grupmosha 65-75 vjeç e cila zë 20.3% por sërish një shifër shumë më e ulët krahasuar me të rinjtë.

Por të rinjtë janë të painformuar edhe për ata që vendosin për buxhetin vjetor të Bashkisë. Në listën e atyre që janë përgjigjur nuk e di, 44.9% i përkasin grupmoshës 18-24 vjeç pasuar nga grupmosha 35-44 vjeç me 33.7%.

Edhe kur vjen fjala tek ata që vendosin për taksat dhe tarifat, sërish janë të rinjtë ata që janë më pak të informuar. Nga ata që janë përgjigjur nuk e di, grupmosha 18-24 vjeç zë 45.9%, pasuar nga grupmosha 45-54 vjeç me 32.3%, një diferencë prej 13.6%. Ndërsa kurba në vijim vjen vetëm në zbritje.





Euronews

[Albo]

Shqiptarët dinë shumë pak për zgjedhjen e këshillit bashkiak



43.3% e shqiptarëve nuk janë të informuar se si zgjidhen anëtarët e këshillit bashkiak kur votojnë në zgjedhjet lokale. Të pyetur nga Barometri në Euronews Albania, 20.6% e tyre mendojnë se në zgjedhjet lokale ka vetëm një fletë votimi, pra ajo për kryetarin e bashkisë.

Ndërsa 22.7% nuk janë në dijeni se sa fletë votimi ka në zgjedhjet lokale. Vetëm 56.7% e shqiptarëve e dinë që në zgjedhjet lokale ka dy fletë votimi, një për kryetarin e bashkisë dhe një për anëtarët e këshillit bashkiak. Femrat janë më pak të informuara për votimin e këshillit bashkiak. Nga ata që janë të keqinformuar, 22.2% janë femra dhe 19.2% janë meshkuj.

Ndërsa kur e shohim sipas grupmoshave, 45-54 vjeçarët janë përgjigjur gabim duke thënë se ka vetëm një fletë votimi me 25.8%. Grupmosha 65-75 vjeç zë 22.7%, pasuar nga 35-44 vjeç me 22.3%, 55-64 vjeç me 19.6%, 25-34 vjeç me 17.6% dhe grupmosha 18-24 vjeç me 16.2%.

Më shumë se gjysma e shqiptarëve nuk janë të informuar që kryetari i njësisë administrative emërohet nga kryetari i bashkisë. Të vënë para kësaj pyetjeje, 51.7% janë përgjigjur gabim duke thënë që zgjidhet me votë, 18.1% janë përgjigjur nuk e di, dhe vetëm 30.2% e dinë që emërohet nga kryetari.







Euronews