Rishi Sunak zgjidhet kryeministër i Britanisë së Madhe

[Albo]

Rishi Sunak zyrtarisht kryeministër i Britanisë, merr “bekimin” e mbretit Charles



Britania do të ketë sot zyrtarisht një kryeministër të ri. Rishi Sunak u emërua si kryeministër pasi ishte i vetmi kandidat që mori mbështetje nga më shumë se 100 deputetë të Partisë së tij Konservatore.

Sot është një ditë e rëndësishme ceremonish për Sunak. Pasi Truss i dha dorëheqjen e saj mbretit, Rishi Sunak u takua me këtë të fundit për formimin e qeverisë.

Sunak më pas do të shkojë Downing Street, ku do të takohet me bashkëpunëtorët e tij.Rishi Sunak tani është kryeministri i 57-të i Mbretërisë së Bashkuar dhe kryeministri i tretë i zgjedhur gjatë një viti.

Koha Jone

[Albo]

”Është privilegji i jetës sime”, Rishi Sunak flet si kryeministri i ardhshëm i Britanisë




Kryeministri i ardhshëm i Britanisë së Madhe, Rishi Sunak dha një deklaratë për kolegët e deputetëve konservatorë në selinë e Partisë Konservatore në Londër. Përpara se të marrë zyrtarisht postin e tij, Sunak tha se do t’i shërbejë me integritet vendit të tij.

“Betohem se do t’ju shërbej me integritet dhe përulësi. Është privilegji më i madh i jetës sime të jem në gjendje t’i shërbej partisë që dua dhe t’i kthej vendit që i detyrohem kaq shumë”, tha Sunak.

Kryeministri i ardhshëm preku edhe krizën që po përballet vendi i tij, duke theksuar se Britania e Madhe është një vend i mrekullueshëm, por përballet me sfida “të thella” ekonomike.

Sunak tha se është “i përulur dhe i nderuar” që ka mbështetjen e kolegëve të tij deputetë dhe të zgjidhet udhëheqës. Ai shtoi edhe se do të punojë ditë pas dite për vendin, duke bërë thirrje për stabilitet dhe unitet.

Koha Jone

[Albo]

Rishi Sunak bën historinë në Angli



Nga Sali Berisha-

Rishi Sunak bën historinë!
Zgjidhet kryeminister i Mbreterisë së Bashkuar.
Të dashur miq,
Partia Konsevatore e Britanisë së madhe zgjodhi dje për kryeministër të Mbreterisë së Bashkuar njërin prej personaliteteve më të njohur të saj, politikanin dhe ekonomistin e shquar me reputacion botëror, Rishi Sunak.
Zgjedhja e tij dje si kryeministër u krahasua me zgjedhjen e Barack Obamës si president i SHBA sepse prindërit e Sunak janë të dy me origjinë indiane dhe kanë ardhur në Angli nga Afrika Lindore.
Rishi Sunak ishte minister i financave në kabinetin e Boris Johnson dhe pas dorhëqjes së këtij të fundit në shtator, garoi për postin e kryeministrit e Britanisë së Madhe. Por, këtë qëllim e realizoi me shpejtësi pas dorëheqjes së kryeministres Truss.
Me këtë rast, le ti urojmë ne kryeministrit Rishi Sunak suksese të mëdha në udhëheqjen e Partisë Konservatore dhe Mbreterisë së Bashkuar. #sb

[Albo]

Fjalimi i tij i pare si kryeminister:

[Albo]