Zhduket Ervis Martinaj, koka e lojrave të fatit në Shqipëri

[Albo]

Shoqëria me vajza VIP dhe policë/ Gabimet me kodet e mafias që sollën zhdukjen e Vis Martinajt



Vijon prej të paktën tre javësh misteri mbi zhdukjen e Ervis Martinajt, personazhit të konsideruar si “Mbreti i Lojërave të Fatit”, i cili mendohet se ka arritur një pasuri prej gati 600 milion euro prej aktiviteteve të ligjshme dhe të paligjshme.

Gazetarët flasin se ka një video kur ai është kapur nga kundërshtarët e tij, teksa i ofron madje atyre 50 milion euro për ta liruar. Artan Hoxha në atë video shihej se Martinaj ishte tortuar, ndërkohë që deri më tani nuk ka një reagim zyrtar as nga policia dhe as nga prokuroria se çfarë ka ndodhur realisht me Martinajn.

Disa nga ekspertët e botës së krimit thanë se Ervis Martinaj, nuk zbatoi rregullat e botës së mafies. Ishte më i ekspozuar seç duhet, donte të ishte gjithmonë në qendër të vëmendjes dhe në vendet më luksoze në Shqipëri.

Cilat janë gabimet me kodet dhe rregullat e mafias që sollën zhdukjen e Vis Martinaj?

Kodi i heshtjes

Omerta është kodeksi i heshtjes i cili i ndalon mafiozët që të tradhtojnë partnerët e tyre tek autoritetet. Dënimi i tradhtisë është vdekja e tradhtarit dhe e familjes së tij.

10 Urdhrat e Shenjta

Në nëntor të vitit 2007, pas arrestimit të Salvatore Lo Picolo (do të sqarojmë më vonë se kush është), policia siçiliane gjeti një dokument që përmbante “Dhjetë Urdhërat” në vendin ku strehohej ai. Ata janë udhërrëfyes si të bëhesh një mafioz i mirë, i respektuar dhe i ndershëm.

Askush nuk duhet ta prezantoje veten drejtpërdrejt para ndonjërit nga miqtë tanë. Duhet të ketë një palë të tretë për ta bërë këtë.

Asnjëherë mos shiko gruan e mikut tënd.

Mos lejo të të shikojnë me policë.

Mos shko nëpër pabe dhe klube.

Të jesh gjithmonë i disponueshëm për Cosa Nostrën është detyrë-edhe nëse gruaja është duke lindur.

Takimet duhet të respektohen plotësisht.

Bashkëshortet duhet të trajtohen me respekt.

Kur pyetesh për ndonjë informacion, duhet të tregohet gjithmonë e vërteta.

Paratë nuk janë të duhura nëse i përkasin të tjerëve apo familjeve të tjera.

Njerëzit të cilët nuk mund të jenë pjesë e mafias, çdokush që ka lidhje të afërta me policinë, çdokush që mban marrëdhënie të paplota me familjen, çdokush që sillet keq dhe nuk i ruan vlerat morale.

Zhdukja e Martinajt është kthyer në një mister të madh, ndërsa duket se çelësi i të gjithë kësaj historie është Efektivi i Forcave Operacionale Jeton Lami, i cili nuk është zbërthyer ende duke dhënë detaje të cunguara mbi lëvizjet e Martinajt në ditët e para të gushtit, pas të cilave më pas nuk ka asnjë gjurmë të tij.

Prokuroria po heton në dy linja sa i përket këtij fakti: Linja e parë lidhet me gjetjen nga kundërshtarët pasi është tradhtuar nga njerëzit e tij dhe mundësinë e vrasjes së Martinajt prej tyre, kurse linja e dytë lidhet me një vetëzhdukje të tij për t’i shpëtuar edhe policisë, por edhe kundërshtarëve, të cilët kohët e fundit i ishin afruar shumë.

Kujtojmë se vetëm disa javë më parë, në mbikalimin pranë Fushë Krujës u ekzekutuan tre persona, njerëz të rrethit të Ervis Martinajt, ku njëri prej tyre ishte djali i xhaxhait të tij, Brilanti. Në të dyja këto pista, prokuroria dyshon se Lami nuk po thotë gjithçka di. Madje, ka dyshime se ky në çdo rast, ky efektiv i Forcave Operacionale të jetë në dijeni si në rastin e mundshëm të kapjes së Martinajt prej kundërshtarëve ashtu edhe nëse është zhdukur vetë.

Denoncimi

Në fillim të gushtit ishte xhaxhai i tij dhe nëna që shkuan në komisariatin e Policisë së Kurbinit duke kërkuar nga policia t’i gjenin të afërmin pasi sipas tyre nuk kishin patur kontakt prej disa ditësh. Ata theksuan në polici, sipas dëshmisë, se mungesa e kontaktit nga Martinaj ishte konstatuar nga një kushëriri i tyre me banim në Dubai. Ai u kishte thënë se nuk fliste prej disa ditësh me Ervis Martinajn.

Pas këtij denoncimi u shtua edhe më tepër dyshimi mbi fatin e tij si edhe zhvillimet e bujshme në fushën e kriminalitetit. Ky denoncim përkon me periudhën kur në Laç iu bë atentat dy personazheve të tjerë, të njohur si persona të grupit të Martinajt. Madje, makina e përdorur prej tyre, një Toyota Land Cruiser e blinduar ishte përdorur shumë shpesh nga Ervis Martinaj duke shtuar dyshimet se objekt i atentatit të Laçit ishte pikërisht ai.

Vrasjet e bujshme

Emri i Ervis Martinajt do të përflitej për herë të parë publikisht pas vrasjes së Elvis Doçit në vitin 2013 në zonën e Komunës së Parisit në Tiranë. Gjithçka ndodhi pas operacionit “Fundi i Marrëzisë” ku në vitin 2013 u vendos bllokimi i lojërave të fatit. Prokuroria dyshoi atëhere se vrasja e ndodhur pak javë më pas në zonën e Komunës së Parisit kishte lidhje me këtë operacion dhe një ndër të dyshuarit ishte pikërisht Martinaj.

“Stacioni” tjetër i bujshëm i Martinajt ishte edhe vrasja e Enton Nikës në Linzë në tetor të vitit 2015. Martinaj ishte i shoqëruar nga Mirsad Kuçana, Emiljano Tasho dhe Bujar Hasani. Pas një debat verbal dhe grushteve, personat që shoqëronin Martinajn qëllojnë ndaj Nikës duke e lënë të vdekur në vend.

Ngjarja tjetër e bujshme ishte masakra e tetorit 2018 në ish-Bllok ku Martinaj u plagos në qafë, ndërkohë që mbeti i vrarë një prej personave që e shoqëronin atë, Fabian Gaccaj. Gjithçka ndodhi pas një sherri me Ervin Matën ku i pranishëm ishte edhe ish-ushtari i Forcave Speciale BOS, Merviol Billo. Ky i fundit është ende në arrati. Që prej kësaj periudhe, Ervis Martinajt i janë vrarë një numër i madh personazhesh që njiheshin si “njerëzit e tij”.

Kush është “Mbreti” tani?

Artan Hoxha tha se përballë Ervis Martinajt janë organizuar disa grupe kriminale, të cilat kanë patur një qëllim të vetëm: Largimin e tij nga “loja” pasi ishte kthyer në një personazh që kishte prishur balancat e marrëdhënieve mes krimit, politikës dhe botës së biznesit.

Hoxha paralajmëroi gjatë intervistës në ABC se grupi në fjalë, i cili ka financa tepër të shëndosha si edhe një grup të armatosur profesionistësh janë ata që do të mbretërojnë gjatë dekadës së ardhshme në fushën e krimit të organizuar.

Sipas tij, ky grup është një “përbindësh” që u krijuar për të hequr qafe Martinajn, ndërkohë që tashmë do të kthehen në një rrezik të madh për vendin pasi kanë gjithçka që iu duhet për të qenë të paprekshëm, qoftë edhe mbështetjen politike, raporton abcnews.al.

Kush e donte të vdekur Ervis Martinajn?

Mësohet se një ndër ndërhyrjet më të forta të Martinajt në këtë trekëndësh ka qenë momenti kur u tentua monopolizimi i tregut ta basteve në Shqipëri, pak vite pas operacionit “Fundi i Marrëzisë” që e goditi rëndë atë në fund të vitit 2013.

Bëhet fjalë sipas Hoxhës për kompaninë “Bast Arena”, në të cilin tentuan të futeshin në lojë një politikan i njohur, i shpallur madje “non grata” nga SHBA-të; një biznesmen i fuqishëm si edhe një i afërmi i një politikani tepër të rendësishëm në vend. Hoxha u shpreh se me ta mësuar këtë, Martianaj kishte kontaktuar me të tre duke iu thënë se duhej të hiqnin dorë nga kjo tentativë për ta nxjerrë atë tërësisht nga loja. “Bast Arena” u mbyll pak muaj më pas sipas Hoxhës.

Largimi nga skena i Ervis Martinajt mund të çojë në një rigjallërim të tentativave për të monopolizuar tregun e basteve në Shqipëri përmes dhënies së ndonjë licence kombëtare.

Voxnews

[Albo]

Ervis Martinaj punësoi ish-Drejtorin e Përgjithshëm të Burgjeve, thotë gazetari



“Ka disa zyrtarë të policisë të cilët e informonin Martinajn. Një nga drejtorët e kompanisë së tij ka qenë ish-Drejtori i Përgjithshëm i Burgjeve në Shqipëri”.

Kështu u shpreh gazetari Flamur Vezaj në një intervistë për “Euronews Albania”, në lidhje me aludimet e fundit se i shumëkërkuari Ervis Martinaj mund të jetë rrëmbyer dhe ekzekutuar.

Sipas Vezajt, zyrtarë të policisë informonin Ervis Martinajn, ndaj shumë operacione për kapjen dhe arrestimin e tij kanë dështuar.

“Ervis Martinaj në aspektin financiar është një ndër personat që kanë krijuar ose kanë akumuluar të ardhura të mëdha nga bastet, nga lojërat e fatit. Në borderotë e tij, ka pasur zyrtarë të lartë të policisë për shkak të mos cënimit të biznesit të tij. Edhe rasti i fundit i arrestimit të oficerit Lami, ishte personi të cilin shteti shqiptar e paguante për të kontrolluar, vëzhguar dhe arrestuar personat në kërkim, ndërsa ai shoqëronte Ervis Martinajn.

Unë mendoj se ka disa zyrtarë të policisë të cilët e informonin Martinajn. Një nga drejtorët e kompanisë së tij ka qenë ish-Drejtori i Përgjithshëm i Burgjeve në Shqipëri. Në listëpagesat e borderosë së tij, ka pasur shumë persona të ndryshëm të cilët e informonin para kohe. Ka disa operacione për arrestimin e tij dhe asnjëherë nuk është arrestuar”, nënvizoi ai.

Gazetari për Vis Martinajn: Oficerja e Interpolit raportonte te armiqtë e tij

Gazetari Flamur Vezaj deklaroi se grupet armike të Ervis Martinajt, kanë investuar shumë financiarisht për kapjen dhe eleminimin e tij.

Në një intervistë për “Euronews Albania”, Vezaj tha se një një oficere e Interpolit kontrollonte sistemin TIMS për lëvizjet hyrje-daljet e Martinajt.

Sipas tij, Martinaj ishte një person shumë i kujdesshëm i cili nuk ekspozohej në vende publikem ku mund të identifikohej apo eleminohej.

“Ervis Martinajn, për më shumë se tre vite nuk e gjenin dot armiqtë e tij, të cilët financiarisht janë shumë të fuqishëm dhe janë disa grupe kriminale. Ai ishte shumë i kujdesshëm për t’u ekspozuar në vende publike apo dhe në vende ku mund të identifikohej apo eleminohej nga grupet armike, të cilat kanë investuar jo pak.

Në Shqipëri, është proceduar një oficere e Interpolit e cila kontrollonte sistemin TIMS për lëvizjet hyrje-daljet e Martinajt për llogari të një grupi kriminal. Ervis Martinaj ishte shumë i kujdesshëm”, theksoi ai.

‘Është shumë dinak’, gazetari: Zhdukja e Ervis Martinajt mund të jetë inskenuar

Gazetari Flamur Vezaj beson se zhdukja e të shumëkërkuarit Ervis Martinaj mund të jetë inskenuar.

Në një intervistë për “Euronews Albania”, Vezaj u shpreh se inskenimi i rrëmbimit, mund të jetë e vetmja mënyrë që të kundërpërgjigjet ndaj armiqve të tij, duke qenë i qetë për disa kohë.

Vezaj deklaroi se Ervis Martinaj është shumë i kujdesshëm, duke mos u ekspozuar personalisht në kryerjen e një krimi, por duke përdorur të tjerë.

“Nuk kemi asnjë rast konkret, një pamje filmike të një institucioni apo të një vendi të ngjarjes ku Ervis Martinaj nuk është rrëmbyer. Deri më tani, jemi thjesht në aludimet se Ervis Martinaj është rrëmbyer. Unë dyshoj, duke njohur Ervis Martinajn si kontigjent kriminal, ai është një person shumë dinak, intrigant, ishte në gjendje të bënte shumë gjëra. Në të gjitha ngjarjet ku është përfshirë për vrasje, Ervis Martinaj ka dalë i pastër ose i papërlyer.

Është një person shumë i kujdesshëm. Anjëherë nuk është ekspozuar vetë me dorën e tij të kryejë një krim, ka përdorur persona të tjerë. Edhe në rastin konkret, mendoj që më shumë është inskenuar ky rrëmbim, sepse e vetmja mënyrë që të kundërpëergjijet ndaj armiqve të tij, është që të lihet i qetë për disa kohë”, theksoi gazetari.

Gazetari: S’ka prova konkrete për zhdukjen apo vrasjen e Ervis Martinajt

Gazetari Flamur Vezaj thotë se ende nuk ka prova konkrete që të faktojnë rrëmbimin apo ekzekutimin e të shumëkërkuarit, Ervis Martinaj.

Në një intervistë për “Euronews Albania”, Vezaj u shpreh se shumë se nuk ka as dëshmitarë, që mund të kenë parë Martinajn duke u rrëmbyer apo ekzekutuar.

Sipas tij, lajmi për zhdukjen e Martinajt është bazuar nga në informacione operative nga zyrtarë të policisë.

“Ajo që unë mendoj dhe gjykoj në bazë të informacioneve që kam, nuk kemi një provë konkrete që Ervis Martinaj mund të jetë rrëmbyer apo është ekzekutuar, apo të ketë një dëshmitar konkret i cili flet për rrëmbim të tillë papo zhdukje. Shumica edhe e kolegëve të mi po bazohen në informacione operative nga zyrtarë të policisë, të cilët kanë filluar të përhapin thënien që Ervis Martinaj është rrëmbyer dhe zhdukur.

Mund të flasim sa të duam me thashethem, por kur nuk kemi një fakt, unë mundohem të rri te fakti. Fakti është që nuk kemi asnjë dëshmitar konkret i cili flet, qoftë në polici apo prokurori, se është parë Ervis Martinaj duke u rrëmbyer”, theksoi ai.

Euronews

[Albo]

Çfarë di agjenti i Martinajt, Prençi: Nëse flet Jeton Lami, ‘tërmet’ në polici



sh-drejtuesi i lartë i policisë së shtetit, Shemsi Prençi thotë se agjenti jeton Lami i arrestuar si personi që shoqëroi Ervis Martinajn është vetëm një nga policët e shumtë që janë vënë në shërbim të krimit.

Në një intervistë për Euronews Albania, Prençi u shpreh se nëse Lami flet dhe tregon çfarë di, do ketë shkarkime në kupolën e policisë së shtetit.

“Me dhjetëra policë bëjnë punë të dyta, edhe në shërbim të krimin, dhe këtë e dinë shefat e tyre që marrin rrogën nga lokalet që lejohen të përdoret drogë. Edhe Rama e di prej pak kohësh tashme se elita e policisë është në shërbim të krimit”, tha Prençi.

Sipas Prençit, Nano duhet të kishte larguar drejtuesit e policisë në qarqet ku janë favorizuar grupet kriminale.

“E ka për detyrë, Nëse i bën presion ministri e lë detyrë. të njëjtën gjë ka bërë edhe unë kur kam qenë në poste të larta drejtuese në policinë e shtetit”, tha Prençi.

Euronews

[Albo]

Dëshmia e agjentit para Gledis Nanos për Ervis Martinajn | 5 zhvillime

‘Zyrtarë në shërbim të Ervis Martinajt’, çfarë dëshmoi agjenti para Gledis Nanos

Gazetari Elton Qyno u shpreh për Euronews Albania se agjenti Jeton Lami dëshmoi para ish-drejtorit të Policisë së Shtetit se Ervis Martinaj ndihmohej edhe nga zyrtarë të lartë të Policisë së Shtetit.

Gazetari nënvizoi se nëse do të kemi një procedim penal për dëshminë e tij, gjysma e drejtuesve të Policisë do të shkarkohen.



Çfarë shkruante Vis Martinaj në mesazhin e fundit, gazetari: E tradhtuan shokët

Gazetari Elton Qyno tregoi për Euronews Albania se para se Ervis Martinaj të zhdukej familja ka pasur kontakte në forma të ndryshme me të.

Ai tha se mesazhi i fundit i Martinajt ka qenë me xhaxhain e tij, më 8 gusht të këtij viti ku i kishte kërkuar të kishin kujdes pasi mund të kishte kontrolle.

“Pas disa minutash nëna e Brilant Martinajt, i ka çuar një mesazh ku e ka pyetur se nga kush duhet të ruheshin. Nga ky moment ai nuk është përgjigjur më dhe familja nuk ka pasur më asnjë kontakt me të në telefon. Kur kanë nisur të kontrollojnë kamerat, kanë konstatuar se zona e Shijakut ka qenë vendi i fundit ku ai është zhdukur”, tha gazetari.

Gazetari tha se familjarët dyshojnë se Ervis Martinaj është tradhtuar nga shokët të cilëve iu besonte verbërisht.

Është zënë në besë sipas tyre. Pikëpyetja më e madhe është se pse nuk po e merr SPAK këtë çështje dhe pse policia s’ka një deklaratë zyrtare”, tha gazetari.

Zhdukja e Vis Martinajt, Qyno: Familja s’e ka hapur mortin, po hetojnë privatisht

Gazetari Elton Qyno tha se familja e Ervis Martinajt nuk ka hapur mortin në emër të djalit të tyre.

Në një intervistë për Euronews Albania ai tha se nga komunikimet me babanë e Martinajt, ai thotë se shpresat se mund të gjendet janë të humbura.

Por nga ana tjetër familja ka nisur një hetim privat lidhur me zhdukjen e të shumëkërkuarit.

“Familja po heton privatisht bashkë me shoqërinë e Ervis Martinajt, kemi edhe hetimin nga prokuroria e Laçit që po heton të njëjtën ngjarje. Familja ka më tepër burime të kontaktit se me cilët persona shoqërohej djali i tyre”, tha Qyno.

Euronews

[Albo]

Ervis Martinaj ka të infiltruar brenda RENEA-s, thotë gazetari Poli Hoxha



Gazetari Poli Hoxha deklaroi se i shumëkërkuari Ervis Martinaj, ka të infiltruar në repartin e forcave speciale të RENEA-s.

Në një intervistë për “Euronews Albania”, Hoxha theksoi se RENEA, por edhe njësia “Fast”, varen nga Drejtori i Përgjithshëm i Policisë dhe sipas tij kanë dashur që këtë t’ia faturojnë Gledis Nanos.

“Është e vërtetë që deri më tani, shërbimi i brendshëm policor, ka zbuluar që në shërbim të Ervis Martinajt nuk ishte vetëm polici i Forcave Operacionale, por ishte një nga ekipet elitë që është krijuar në 2019, “Fast”, me 50 ish komando dhe ish ushtarakë, për gjurmimin, kapjen dhe arrestimin e elementëve shumë të rrezikshëm. Një punë që e ka kryer më parë RENEA.

Rezulton që organizata e Ervis Martinajt, përveç shumë e shumë brenda radhëve të policisë, ka inflitruar edhe brenda RENEA-s, është krimbur edhe reparti special, RENEA. Këto reparte speciale, RENEA, Fasti, varen direkt nga Drejtori i Policisë së Shtetit dhe këtë kanë dashur t’ia faturojnë Gledis Nanos”, nënvizoi Hoxha.

Gledis Nano u shkarkua këtë të mërkurë nga posti i Drejtorit të Përgjithshëm të Policisë.

Lajmi u bë i ditur nga ministri i Brendshëm Bledi Çuçi pas mbledhjes së qeverisë.

Për momentin detyrat e Drejtorit të Përgjithshëm të Policisë, do i ushtrojë nën-Drejtori i Përgjithshëm, Tonin Vocaj.

Euronews

[Albo]

Gazetari: Çështja e Ervis Martinajt, kulmi i përplasjeve mes Gledis Nanos dhe Ramës



Gazetari Poli Hoxha thotë që konfliktet mes ish-Drejtorit të Përgjithshëm të Policisë, Gledis Nano me kryeministrin Edi Rama dhe ministrin e Brendshëm, Bledi Çuçi, kanë nisur para 2-3 muajve.

Në një intervistë për ‘Euronews Albania”, Hoxha u shpreh se përplasja mes tyre, kulmoi me ngjarjet e fundit kriminale, që kishin lidhje me të shumëkërkuarin, Ervis Martinaj.

“Konfliket kanë nisur që para 2-3 muajsh, mes Gledis Nanos dhe Edi Ramës, përmes Bledi Çuçit. Kur është puna për të ndërhyrë, Rama ndërhyn edhe për një shef komisariati. Ka nisur në fillim për transferime. Kohët e fundit ka pasur një konflikt për Neritan Nallbatit, ish drejtori i Durrësit që erdhi në Drejtorinë e Përgjithshme dhe për atë që e zëvendësoi. Kulmi është arritur me ngjarjet e Ervis Martinajt”, theksoi gazetari Hoxha.

Gledis Nano u shkarkua këtë të mërkurë nga posti i Drejtorit të Përgjithshëm të Policisë.

Lajmi u bë i ditur nga ministri i Brendshëm Bledi Çuçi pas mbledhjes së qeverisë.

Për momentin detyrat e Drejtorit të Përgjithshëm të Policisë, do i ushtrojë nën-Drejtori i Përgjithshëm, Tonin Vocaj.

Euronews

[Albo]

Gazetari: Mes policisë dhe SPAK përplasje pas zhdukjes së Ervis Martinajt



Gazetari Ermal Vija tha për Euronews Albania se kohët e fundit mes Policisë së Shtetit dhe Prokurorisë ka pasur një përplasje në distancë, për shkak të operacionit “Plumbi i Artë”.

Vija këtë e tha teksa foli për lajmin e dorëheqjes së kreut të Policisë së ShtetitGledisNano.

“Në fakt ka pasur një fërkim përsa i takon Policisë së Shtetit me prokurorinë në lidhje me operacionin “Plumbi i Artë”, ku Ervis Martinaj aludohet se është zhdukur. Kjo ka sjellë dhe përplasje mes Prokurorisë së Posaçme dhe policisë“, tha ai.

Më tej ai tha se aktualisht Gledis Nano vazhdon të mbajë funksionin e Drejtorit të Përgjithshëm të Policisë së Shtetit.

Euronews

[Albo]

Rama për hetimin e Martinajt: Po dëgjojmë legjenda me luanë, jo u vra, jo s’u vra



Kryeministri Edi Rama i bëri thirrje Policisë së Shtetit të hetojë dhe zbulojë “dilemën” për vrasjen e Ervis Martinajt.

Ai ja delegoi detyrën drejtorit të Ri të Policisë së Shtetit pikërisht gjatë ceremonisë së emërimit të tij, duke i kërkuar gjithashtu që zbulimi i ngjarjes të ishte sa më i shpejtë.

“E papranueshme që me javë të tëra mëngjeset dhe darkat e shqiptarëve, ekran më ekran dhe faqe më faqe janë bërë si një Big Brother i kronikës së zezë. Jo u vra, jo s’u vra ai që ishte i shumëkërkuar nga drejtësia dhe çfarë nuk dëgjojnë njerëzit, lloj-lloj legjendash me luanë, me bamirësa, me oligarkë, shto ujë e shto miell si një serial absurd për një nga figurat më të zeza të botës së krimit shqiptar,” – u shpreh Rama.

Sipas kryeministrit, nëse Martinaj është vrarë, kjo i duhet bërë me dije publikut, e nëse jo duhet kapur për t’u dënuar.

Muhamet Rrumbullaku është emëruar Drejtori i ri i Përgjithshëm i Policisë së Shtetit.

Lajmin e ka bërë të ditur ministri i Brendshëm, Bledi Çuçi pas mbledhjes së qeverisë. Ai tha se Rrumbullaku plotëson të gjitha kushtet për të qenë numri një i policisë.

Euronews

[Albo]

Llabani zbërthen skemën: 300 milion euro investime me paratë e Martinajt në Tiranë



Gazetarja Anduena Llabani, është shprehur se i shumëkërkuari Ervis Martinaj ka investuar 300 milionë euro në ndërtime në Tiranë dhe në Vlorë.

Në emisionin, “Now” në Euronews Albania, Llabani tha se institucionet shqiptare nuk e japin këtë informacion pasi gjysma e policisë paguhen nga këto para.

“Institucionet e huaja ligjzbatuese sjellin informacione që tregojnë që janë 300 milionë euro të investuara në ndërtim në Tiranë dhe në Vlorë, pikërisht me paratë e hedhura nga Ervis Martinaj. Dhe ky informacion u është dhënë institucioneve shqiptare, por u ka ardhur nga jashtë sepse institucionet tona nuk e bëjnë dot këtë gjë, sepse nuk e kanë mundësinë ta japin sepse gjysma e policisë investohet nga ky grup.”- tha ajo.



“Fol me emra”, përplasen gazetarët: Tregoni kë ka paguar Ervis Martinaj

Gazetarët Anduena Llabani dhe Ylli Pata kanë debatuar në lidhje me aktivitetin kriminal të të shumëkërkuarit Ervis Martinaj dhe bashkëpunimin e tij me zyrtarë të policisë.

Të ftuar në emisionin “Now” në “Euronews Albania”, Llabani tha se në telefonin e Martinajt janë gjetur emra të shefave të komisariateve, drejtuesve të policisë, apo edhe të ministrave.

“Edhe institucionet e larta në kupolën e Policisë së Shtetit, nuk kanë mundësi të marrin të dhëna policore nga kolegët e tyre. Nëse kemi dëgjuar emra shefa komisariatesh, po të garantoj që në telefonin e Ervis Martinaj janë gjetur emra drejtorësh, ministrash”, u shpreh ajo.

Ndërsa, Pata theksoi se prej kohësh është thënë se shumë zyrtarë policorë janë paguar prej tij dhe se emrat duhet të bëhen publikë.

“Është folur prej kohësh që kanë marrë paga. Duhet t’i thoni se kush janë. Kush janë ata shefa komisarietesh dhe drejtoresh. Duhet t’i themi”, nënvizoi ai.

Euronews

[Albo]

Misteri për zhdukjen e Ervis Martinajt/ Gazetari Hoxha: Miksoi krimin me politikën! Aleanca që kanë lidhje shumë të fuqishme me autoritet

Historia e Ervis Martinajt vazhdon të mbetet mister. Ende nuk ka asnjë informacion për fatin e tij, që pas lajmeve se ai është zhdukur.



Gazetari i kronikës së zezë, Artan Hoxha thotë se ai nuk ishte një njeri i zakonshëm, pasi sipas gazetarit ai evoluoi botën e krimit dhe krijoi një miksim mes biznesit të ligjshëm dhe atij të paligjshëm me botën politike.

Sipas Hoxhës, edhe pse aleanca e krijuar nga Martinaj ishte e fuqishme, grupi që e ka eliminuar tregoi se ka lidhje më të fuqishme me autoritetet.

“Vis Martinaj është rrëmbyer në momentin që ishte njeriu më i kërkuar në Shqipëri. Aleanca e krimit është një aleancë mes grupeve të fuqishme. Vis Martinaj nuk ishte një personazh i zakonshëm i botës së krimit, ai evoluoi botën e krimit, miksoi biznesin e ligjshëm me atë të paligjshëm, botën politike. Ai bëri një miksim të strukturës së krimit të organizuar në Shqipëri. Aleanca që e ka kryer këtë atentat kanë dëshmuar që kanë lidhje shumë më të fuqishme me autoritet. Tani do të jetë shumë e vështirë të rikthehet kontrolli e rendit dhe sigurisë. Nuk kemi të bëjmë me organizata që merren me krim ordiner, por me organizata që kanë buxhet më të madh se ministria e Brendshme. Sot e kësaj dite ne ende nuk e dimë, autoritete nuk na kanë dhënë asnjë përgjigje se çfarë ka ndodhur”, tha Artan Hoxha për Abc.

ABC

[Albo]

Berisha kërcënon Ramën: Mos kujto se me zhdukjen e Ervis Martinajt i ke mbyllur hesapet e Olsit!

Akoma nuk quhet e mbyllur çështja e Ervis Martinaj. Kryeministri Rama ka kërkuar që Policia e Shtetit të sqarojë nëse është vrarë apo është zhdukur për tu fshehur Ervis Martinaj, “mbreti i lojërave të fatit”.

Por kryetari i PD Sali Berisha, në një takim në qytetin e Përrenjasit, ka folur edhe në lidhje me Ervis Martinaj, personazh i cili prej kohësh rezulton i zhdukur.

Berisha tha se kryeministri Rama kërkoi sqarimin e çështjes së Martinaj, kur tashmë ka kaluar një muaj që nga zhdukja e tij.

Kreu i PD shtoi se pas Ervis Martinaj, me lojërat e fatit qëndron në hije, vëllai i kryeministrit, Olsi Rama.

“Tre ditë më parë, pasi hoqi Drejtorin e Përgjithshëm të Policisë sepse ai ra në një aferë të madhe të vëllait të Ramës me ata call centerat, që po hetohet në botë.

Që të shkarkosh një njeri pa dhënë një motiv, kjo tregon se ti nuk respekton ligjin. Pastaj i mbyllte në fund duke i pyetur, pas 1 muaji që është zhdukur, të më gjendet, sqarohet çështja e Vis Martinit.

Çdo shqiptar e di, që ai ishte biznesmeni në kërkim apo legal/ilegal i lojërave të fatit. Olsi Rama ishte biznesmeni në hije. E dinë të gjithë se kush i lozte bastet, këta të dy ishin. Tani zhduket njeri, hesht një muaj dhe mendon se njerëzit nuk e dinë se i vëllai i tij ishte një njeri që merrej me bastet jo vetëm në Shqipëri, por edhe në Gjermani dhe mendon se në këtë mënyrë i lau duart me zhdukjen e një njeriu”, tha Berisha.

Ervis Martinaj trazon edhe me mungesën e tij politikën, krimin dhe policinë.

Koha Jone

[Albo]

Para zhdukjes lëvizje drejt Kosovës, Policia asnjë version për Ervis Martinajn



“Policia e Shtetit sot nuk di ta thotë akoma, ore u vra apo nuk u vra”. Kështu u shpreh kryeministri Edi Rama për zhdukjen e Ervis Martinajt javën e kaluar.

1 javë më pas Policia e Shtetit, ende nuk e ka një përgjigje për fatin e të shumëkërkuarit Ervis Martinaj.

Në hetime është angazhuar edhe sektori i krimeve të rënda në Drejtorinë e Përgjithshme pasi prokuroria e Kurbinit po e heton çështjen për rrëmbim personi.

E telenovela, ashtu siç e cilësoi kryeministri, me shumë gjasa do të vijojë pasi hetuesit ende nuk kanë gjetur prova konkrete për të dalë në një konkluzion.

Euronews Albania ka siguruar foton dhe të dhëna nga sistemi TIMS, ku para shpalljes në kërkim Martinaj figuron të ketë patur dalje të shpeshta në Kosovë.

Në këtë periudhë në rrugë operative policia disponon të dhëna për udhëtime të tij edhe drejt Spanjës e Austrisë.

Nga ana tjetër ka dyshime se 40-vjeçari mund të ketë përdorur edhe dokumente të falsifikuara.

Paralelisht me pistën e rrëmbimit, policia po heton edhe një inskenim të mundshëm.

Çështja vijon të hetohet nga prokuroria e Kurbinit ndonëse Martinaj kërkohet nga SPAK pasi i shpëtoi operacionit “Plumbi i artë”.

Euronews

[Albo]

Klodiana Lala zbulon detaje të reja nga zhdukja e Ervis Martinajt

Gazetarja Klodiana Lala ka zbuluar detaje të reja nga dosja hetimore në lidhje me çështjen e zhdukjes së të shumëkërkuarit Ervis Martinaj. Lala u shpreh se grupi hetimor ka kërkuar të dhëna në Itali dhe në Maqedoninë e Veriut për të kërkuar indicie që mund të çojnë në zbulimin e fatit të tij.

“Ka të bëjë me disa informacione të reja. Autoritetet kanë kërkuar të dhëna përmes shenjave të gishtërinjve në Romë dhe në Maqedoninë e Veriut. Nuk dihet pse janë drejtuar në këto shtete por janë të dhëna të reja në drejtim të kësaj çështje. Por do të kërkojë një vëmendje të gjatë për të sqaruar këtë ngjarje. Detaji më interesant në atë histori kishte të bënte me një video para se të deklarohej i zhdukur. Unë e kam publikuar atë video për të treguar si një personazh i botës së krimit e sfidonte hapur shtetin në një Durrës të tejmbushur nga turistët dhe një personazh i botës së krimit kishte rekrutuar një punonjës policie”, deklaroi Klodiana Lala në Euronews Albania.

Ajo u shpreh se në sitë po kalohet edhe një person i shumëkërkuar. Person i dyshuar si i përfshirë në disa ngjarje kriminale, i cili dyshohet se ka lidhje me zhdukjen e Martinajt.

“Dosja ka pafund histori. Është gjetur një automjet që dyshohet se përdorej nga Ervis Martinaj. Është një pistë që i drejton hetuesit drejt Kosovës. Në sitë po kalohet edhe një person i shumëkërkuar i përfolur për ngjarje të ndryshme kriminale që dyshohet se mund të jetë i përfshirë në këtë situatë. Kjo është ngjarje që nuk ka vendngjarje. Nuk ka vend rrëmbimi dhe as vend që të bën të dyshosh se kemi të bëjmë me inskenim. Por nga kamerat e fundit ku është parë mund të nisë hetimi i policisë. Në dosje ka një detaj interesant që thotë se të dhënat para se të denonconte xhaxhai humbjen e kontakteve janë marrë nga një burim konfidencial. Ka një detaj tjetër që mund të jetë nxjerrë në pritë Ervis Martinaj nga një femër që është në proces verifikimi”, u shpreh ajo.

Euronews

[Albo]

Artan Hoxha: Ervis Martinaj ishte komshi me kryeministrin, pati konflikt me Gardën



Artan Hoxha ka folur edhe njëherë për zhdukjen e Ervis Martinajt, duke deklaruar se ai u rrëmbye nga një skuadër e cila mbante veshje të ngjashme me ato të forcave speciale.

I ftuar në emisionin “Të Paekspozuarit” në MCN TV, Hoxha tha se Martinaj kishte afrimitet me opozitën dhe Berisha njihte familjen e tij. Ai gjithashtu deklaroi se kryeministrin Rama e ka patur komshi dhe se mes Martinajt dhe Gardës së Republikës ka patur një konflikt pranë vilës së Ramës.

“Martinaj është rrëmbyer nga një grup personash të veshur me uniforma të forcave speciale dhe armatim, automjete të forcave speciale. Prandaj kanë lëvizur lirisht nga vendi ku e kanë marrë.

Nga momenti që ka ndodhur kjo gjë, deri në 24 gusht dhe kam kërkuar përse nuk reagon policia, apo ish kryeministri që ka patur njohje.

Kryeministri Rama e ka patur komshi, ka patur incident Garda me të, që i ka kërkuar të mos kalojë dhe Martinaj është konflikuar me gardën.

Pra nuk kemi të bëjmë me ngjarje të zakonshme.

Ish kryeministri Berisha, që njeh edhe familjen e tij, foli për të ndjerin Martinaj, la të kuptohej se nuk jeton më dhe se ata që e kanë organizuar kanë mbrojtje dhe njohje të pushtetit”, deklaroi ndër të tjera Hoxha.

Koha Jone

[Albo]

Gjykata e shkallës së parë refuzon kontrollin e disa banesave për dosjen “Ervis Martinaj”!

Hetimet për të hedhur dritë mbi fatin e Ervis Martinajt, duhet se po përplasin institucionet. Gazetarja Klodiana Lala raporton për BalkanWeb se Prokuroria e Kurbinit ka kërkuar lejimin e kontrollit të disa banesave në Durrës, por Gjykata e ka rrëzuar.

Gjykata e Kurbinit ka argumentuar rrëzimin e kërkesës me faktin se sipas saj nuk ka prova bindëse. Ndërkohë kërkesa për kontrollin e banesave, u pranua nga gjykata e Apelit Tiranë.

Fati i Ervis Martinajt vijon të mbetet mister që prej datës 3 gusht pas denoncimit të bërë nga familjarët e tij se rezulton i zhdukur, shkruan BW.

Por çudia e gjykatës së shkallës së parë mbetet se si ka mundësi për një dosje kaq të bujshme nuk ka firmosur kontrollin e menjëhershëm siç ka kërkuar Prokuroria? Si mundet të rrëzojnë një kërkesë të tillë apo ju është dhënë kohë që të zhduken gjurmët në këto banesa?

Një hetim nga SPAK ndaj gjyqtarit apo gjyqtarëve që nuk firmosen, duhet bërë!

Si ka mundësi që justifikohet kjo gjykatë se gjoja “nuk ka prova bindëse” nga prokuroria, kur ky organ po heton për një dosje ku janë përfshirë banda kriminale, biznesmenë të fuqishëm, politikanë?


Koha Jone

[Albo]

Xhaxhai i Ervis Martinaj: E sigurtë që e kanë vra Ervisin, por banda e qeverisë të tregojë ku është kufoma!



Në një lidhje telefonike me emisionin “Pa Gjumë” në Report Tv, xhaxhai i Ervis Martinaj është shprehur se është i sigurt që Vis Martinaj e kanë vrarë. Ai akuzon vazhdimisht kryeministrin për vrasjen e tij.

“Ervisit i kanë zhdukur kufomën, e kanë vrarë jam 100 përqind i sigurt. E di kryeministri se ku është. Ai e ka vrarë me bandat e tij. Ai ka interes për bregdetin e jugut”, tha Faik Martinaj.

“Hasmi nuk të zhduk xhenazen”, tha ai për Report Tv.

Nëse mbetet e vertetë se kanë vrarë dhe zhdukur kufomën, kjo në Veri nuk falet. Të mos harrojmë se fisi Martinaj është fis i fortë dhe me shumë miqësi e krushqi dhe nuk e falin këtë që u kanë bërë duke iu zhdukur kufomën.

Me sa duket do ketë hakmarrje të egër e jo me shumë për vrasjen se sa për zhdukjen e kufomës.

“Hasmi nuk të zhduk xhenazen”, tha xhaxhai i Ervis Martinajt.

Koha Jone

[Albo]

INTERVISTA E PLOTË ME FAIK MARTINAJ

Gazetarja: Po diskutojmë për Ulvi Skanën që ka humbur dhe dyshohet se ka lidhje zhdukja e tij me nipin tuaj, Ervis Martinaj. Ju keni deklaruar në polici, keni thënë se mesazhin e fundit jua dërgoi rreth orës 7 të pasdites në 9 Gusht.

Faik Martinaj: Rreth orës 7 e 23 minuta të pasdites, të darkës.

Gazetarja: Çfarë ju shkruante në atë mesazh?

Faik Martinaj: Asgjë. Kurrgjë. Kujdesni nga shtëpia, kaq.

Gazetarja: Thjesht ju përshëndeti?

Faik Martinaj: Ne e dinim, se ne na e ka dhanë mesazhin ky kryeministri i Shqipërisë, fatkeqësi kombëtare, kryekrimineli i kombit shqiptar, Edi Rama na e ka dhënë mesazhin që në fushatën e vitit të kaluar, që i ka thënë se “i them atij drejtorit të basteve” dmth që atëherë na ka kërcënu, se “ia dimë targën e makinës” e kështu dmth. Unë e di zhdukjen e nipit tim, është kryeministri, organizatori është kryeministri Edi Rama me bandat e tij edhe me gjithë oligarkët që i kanë interesat nga bregdeti i jugut. Kryesori, kryekrimineli i zhdukjes së nipit tim. Se hasmi të vret, nuk të zhduk kufomën.

Ndërhyn gazetarja: Zoti Faik! Zoti Faik! Unë kam dëgjuar edhe deklaratat e kryeministrit tonë Edi Rama që shkaktoi drejtorin e policisë se pret nga policia një version zyrtar.

Faik Martinaj: Po se nuk i intereson me e zbulu. Se ishin veglat e tij. Ky ishte iniciatori. Ky ishte organizatori i zhdukjes. Shiko, hasmi të vret, nuk e zhduk kufomën. Këtë, vetëm shteti, një SpiroKolekë i dytë dmth i zhduk kufomat.

Gazetarja: Pra ju besoni se nipi juaj është vrarë?

Faik Martinaj: 100% 100%, e di kryeministri këtë punë

Gazetarja: Për zhdukjen e nipit tuaj ka pasur deklarata nga kryeministri aktual që e ka komentuar, por edhe nga ish-kryeministri Berisha.

Faik Martinaj: Nuk i kam dëgjuar deklarimet e ish-kryeministrit Berisha, por (ndërhyn gazetarja: Dëshironi t’ua them edhe unë) por kam dëgjuar që në zgjedhjet e prillit të vitit të kaluar kam dëgjuar kryekriminelin, kryeministrin aktual, kryekriminelin (ndërhyn prap gazetarja: Zoti Faik!) edhe që ka deklaruar para mijëra mijëra mijëra qyetarëve në mitingje që “unë I them atij drejtorit se ne ia dimë targën e makinës”, pra ne na e ka kallzu që do t’jua zhduk.

Gazetarja: Po të lutëm Zoti Faik! Ju më deklaruar se janë gjashtë banda, ju e dini që nipi juaj…

Faik Martinaj: Bandat e Edi Ramës, ata që kanë zaptu bregdetin e jugut, bandat e Edi Ramës, i din Edi Rama, e din, krimineli e din, kryekrimineli është Edi Rama.

Gazetarja: Nipi juaj është zhdukur që në datën 9 gusht zoti Faik dhe një pjesë e mirë e miqve të tyre, janë vrarë dhe ekzekutuar dhe vetëm para disa kohëve është ekzekutuar edhe familjari juaj Brilant Martinaj. U eleminuan edhe miqtë dhe në fund ai u zhduk.

Faik Martinaj: Të gjitha, të gjitha janë…

Gazetarja: Mendoni se kemi të bëjmë me bandat e tjera që mund të jenë hakmarrë?

Faik Martinaj: Jo, jo, bandat janë të Edi Ramës. Të gjitha këto. Është iniciatori, është ideatori i të gjithave. Skenari është i Edvin Kristaq Rama, krimineli i kombit.

Gazetarja: Por hetuesit po punojnë dhe të marrin në pyetje kundërshtarët e Ervis Martinajt dhe Brilant Martinajt. Ata rezultojnë jashtë fatkeqësisht. Mendoni se shteti i ka eleminuar këto të gjithë ndër vite? Saga e vrasjeve ka nisur në 2018.

Faik Martinaj: Moj motër, Edi Rama i ka qit prej burgut të përjetshëm. Leji ça rrenash fliten. Ky është mjeshtër. Shiko, kundërshtari, hasmi të vret, nuk ka me të zhduk xhenazen.

Gazetarja: Mendoni se është vrarë dhe kufoma është fshehur.

Faik Martinaj: Me porosi të Edi Ramës.

Gazetarja: Me pak fjalë kështu është shprehur edhe ish-kryeministri Sali Berisha.

Faik Martinaj: Kryeministri me gjithë oligarkët e bregdetit.

Gazetarja: Zoti Faik, por çështja është kthyer në politike, kanë folur edhe kryeministri aktual edh eish-kryeministri. Z.Berisha thotë se është vrarë nipi juaj dhe kufoma mbahet peng. Nga ai e keni mësuar këtë?

Faik Martinaj: Jo, jo, jo, jo!

Gazetarja: Po nga e keni mësuar?

Faik Martinaj: Po e di unë se në fushatën e prillit të vitit të kaluar, na ka thënë. Ka dalë në miting dhe e deklaroi: “Unë i them atij drejtorit të basteve…” Po deshe e kam këtu videon ta çoj në ëhatsapp, por deshe ta çoj. “Unë i them atij drejtorit të basteve, betohet, unë ia di targën e makinës, edhe në brimë të miut po u fut, ne do të të gjejmë”. Edhe e gjeti. Ashtu siç deklaroi edhe e bani, e gjeti. Dëgjo motër, hasmi nuk ka interes me të zhduk xhenazen dhe kufomën, mua baba nuk më ka lënë hasmëri me askënd. Kurse ky qafiri i kombit, Edvini (ndërhyn gazetarja: Të jemi pak korrektë se jemi në transmetim direkt) Edi Rama…

Gazetarja ndërhyn sërish: Nuk e mendoni pistën se miqtë e tij u eleminuan dhe ai mund të jetë zhdukur vetë?

Faik Martinaj: Jo moj, ca është zhduk, e ka thënë Edi Rama që në zgjedhjet e kaluara…na ka thënë do t’ju eleminoj…

Ndërhyrn gazetarja: E mendoni këtë pistë? Duhet të presim, se ende nuk është zbardhu, të presim nga policia e shtetit.

Faik Martinaj: Dëgjo! Me gjithë konsoderatën për policinë se unë kam punu ca vite në polici të shtetit, nja dhjetë vite. Me gjithë konsideratën që kam për drejtorin e policisë së shtetit, por nuk e len kush. A e kupton? Nuk e len kush. Se janë të gjithë të kapur nga Edi. Nuk i len ai. E kupton? Ai kundërshtarët politikë…

Ndërhyn gazetari tjetër i Report TV, Sokol Dema: Policia ju ka dhënë një verdikt, një provë përderisa jeni kaq i bindur? Dispononi ndonjë provë?

Faik Martinaj: Prova është Edi Rama, që na ka dhënë deklaratën në fushatën e kaluar. Na ka thënë “edhe në brimë të miut, ne jua dimë targën e makinës”. Ky është ideatori, ky është iniciatori, ky është me bandat e tij, ky është me oligarkët që ka zaptu bregdetin e jugut, janë interesa. Këtë edhe budallai e kupton… por ai ka të drejtë me fol, ne s’kemi të drejtë me fol. Ai të prangos, ai të vret, ai ta zhduk kufomën, ai t’i bën të gjitha. Unë do t’i bëj thirrje nëpërmjet emisionit tuaj: Të paktën xhenazen nxirre, të ketë një varr!

Ndërhyn gazetarja: Vrasjet para se zhdukej Ervisi, vrasjen e Brilant Martinajt dhe të miqve të tyre, me çfarë i lidhni?

Faik Martinaj: Deklarata e Dumanit, erdhi, qitën të gjitha këto pasoja. Dumani prokuror, Dumani i penduar. Dumani burg të përjetshëm, Edvin Rama e nxjerr prej burgut. Si kujtoni ju se nuk kanë lidhje këto punë? Me dosjet e me këto, kush i ka qit prej burgut të përjetshëm? Deklaratat e Dumanit, janë të gjitha këto, por krejt iniciatori është Edi Rama kryeministri kriminel i kombit.

Lapsi

[Albo]

Kercenimi i paralajmeruar i Edi Rames kapur ne video

[Albo]

Darka me policët/ Loja e dyfishtë e Ramës për zhdukjen e Martinajt



Pas darkës që kryeministri Rama u shtroi drejtorëve të policisë, në mediat afër qeverisë qarkulloi lajmi se ai u kishte kërkuar policëve zbulimin e të vërtetës mbi zhdukjen e Ervis Martinajt. Të njëjtën kërkesë, Rama e ka bërë edhe më parë publikisht.

Në shtator të vitit të kaluar i drejtoi këtë pyetje Drejtorit të Përgjithshëm të Policisë, Muhamet Rrumbullakun “Ervis Martinaj është vrarë apo jo?”

Më pas i tha “nëse i kërkuari është vrarë t’i thuhet publikut, nëse jo të gjendet, të kapet t’i dorëzohet Policisë”.

Por a është kryeministri Rama vërtet i interesuar për zbulimin e kësaj ngjarjeje? A ka pasur vërtet qëllim që t’i bëjë presion policëve për të gjetur Martinajn? Nëse sheh në vijimësi lëvizjet e Ramës, rezulton se mes akteve dhe fjalëve, ka kontradikta të mëdha.

1) Shkarkimi i Gledis Nanos pas bisedës me Jeton Lamin

Përpjekja për të gjetur të vërtetën mbi Ervis Martinajn i kushtoi vendin e punës Gledis Nanos, si ish-drejtor i përgjithshëm i policisë së shtetit.

Në bashkëpunim me familjarët e Martinajt, policia e drejtuar nga Gledis Nano gjeti njeriun e vetëm që sot mund të thotë për ku u nis Ervis Martinaj mbrëmjen e 8 Gushtit.

Ky njeri është Jeton Lami. Ish-efektivi i Operacionales që shoqëronte hap pas hapi Martinajn ruante edhe kontaktet dhe pagesat për shefat e korruptuar të policisë. Jeton Lami është njeriu i vetëm që sot mund të thotë se përse i paralajmëroi familjarët e tij Ervis Martinaj me një mesazh ku i thoshte se “do të ketë kontrolle”.

Jeton Lami pranoi të rrëfehej vetëm para Gledis Nanos.

Në këto kushte, nëse do të donte të dinte të vërtetën, kryeministri duhej ta inkurajonte Gledis Nanon në përpjekjet e tij. Në vend të kësaj, Rama urdhëroi shkarkimin e Gledis Nanos nga detyra. Që nga ajo ditë, Jeton Lami ka heshtur.

2) Kontrollet në shtëpitë e Martinajve

Në vend të kërkojë për gjurmët e Ervis Martinajt tek bandat kundërshtare, policia nën drejtimin e Muhamet Rrumbullakut i ka fokusuar kërkimet në shtëpitë e Martinajve.

Kontrollet në shtëpitë e Martinajve në Fushë-Krujë u zhvilluan natën e Krishtlindjeve dhe kjo nxiti menjëherë hamendësimet se 42-vjeçari është gjallë. Disa ditë më parë u zhvilluan kërkime në vilat që Martinaj kishte blerë në Surrel, ku policia gjëti edhe një pasaportë false të tij.

Pra nëse sheh, veprimet e policisë ato janë të orientuara drejt familjarëve të viktimës, jo tek të dyshuarit për rrëmbimin dhe më pas zhdukjen e tij.

3) Darka për policët me “zero rezultate”

Ka një anomali në darkën, që Rama ka shtruar për shefat e policisë, nëse i rikthehemi mesazheve të tij publike për historinë e Martinajt.
Pas kërkesës së kryeministrit për të zbardhur misterin e zhdukjes së Ervis Martinajt, policia ka “zero rezultate”.

Në këtë histori nuk ka asnjë zhvillim. Muhamet Rrumbullaku dhe vartësit e tij nuk kanë mundur të sigurojnë asgjë më shumë nga çfarë arriti Gledis Nano në ditët e para pas denoncimit për zhdukjen.

Pavarësisht “zero rezultateve” Rama ulet me shefat e policisë dhe u shtron darkë, duke konfirmuar bashkëpunimin e ngushtë me ta në të ardhmen.

Në vetvete, darka është një inkurajim, se “zero rezultate” është rezultati që duam.

Lapsi.al

[Albo]

Ish-drejtuesi i lartë i Policisë, Shemsi Prençi: Ervis Martinaj është gjallë!

Ish-drejtues i lartë i Policisë, Shemsi Prençi foli për “zhdukjen” e Ervis Martinajt. Gjatë një interviste në Fax News, Prençi tha se në fillimet e tij Ervis Martinaj nuk ka qenë person i inkriminuar, por një njeri me shkollë dhe i arsimuar në fushën e ekonomisë. Sipas tij, gjithçka ndryshoi me përfshirjen e tij në fushën e lojërave të fatit dhe kjo e implikoi atë në akte të rënda.

Ai u shpreh së ish-biznesmeni është gjallë, ndërsa theksoi se beson që vetë Martinaj të dalë një ditë dhe t’u thotë në sy politikanëve se ai ka blerë sistemin e drejtësisë pasi këtë mundësi ia ka dhënë sistemi i korruptuar i drejtësisë në Shqipëri.

“I kam thënë gjërat për Ervis Martinaj. E kam shprehur me bindje të plotë se Visa Martinaj, ai pasi mbaroi shkollën nuk ishte person i inkriminuar. Por i shkolluar si gjithë shqiptarët e tjerë, në nivelin e menaxhimit të biznesit. Fakti që flasin jo vetëm thashethemet, por edhe dokumentet që një biznes i tillë ka paguar tatimet, ka paguar policët, dhe ai ka qenë i suksesshëm për këtë”, shkruan zjarr.tv në web e tij.

“Pastaj atij i është bërë një luftë e pandershme për ekonominë që kishte vendosur, dhe është zhytur në inkriminim. Kam bindjen se ai është gjallë”, theksoi Shemsi Prençi.

Ervis Martinajt i kanë vrarë shumicën e miqve dhe të grupit të tij e me sa duket ai po përgatitet për supër goditje, gjithnjë nëse i besojmë fjalëve të ish-drejtues të lartë të Policisë, Shemsi Prençi, i cili duhet të ketë informacione.

Koha Jone