Atletja Elina Xhengo fiton medaljen e artë në hedhjen e shtizës, përfaqësonte Greqinë

[Albo]

Kampione Europe për Greqinë, shqiptarja Elina Xhengo: Mora mesazhe negative nga grekët



20-vjeçarja Elina Xhengo, e lindur nga prindër shqiptarë, tregon se nuk e ka shijuar tërësisht sukesesin e europianit të Mynihut, ku u shpall Kampione e Europës në hedhje shtize.

Edhe pse ajo përfaqësoi Greqinë dhe valëviti flamurin e vendit fqinjë në europian ku vendosi edhe rekord kontinental si vajza më e re që arrin të fitojë një titull në këtë disiplinë, mesazhet fyese me bazë raciste për shkak të origjinës së saj nuk kanë munguar.

“Kam marrë mesazhe negative sepse jam me origjinë nga Shqipëria. Telefonatën e parë ua bëra prindërve të mi sepse ata kanë besuar shumë dhe e prisnin këtë sukses. Ata e ndiejnë stresin e garimeve të mija dhe kërkojnë që ta largojnë nga unë”.

Në vijim ajo nënvizon se vetëm gjatë muajve të fundit është pajisur me pasaportë greke dhe nuk e dinte nëse do të merrte pjesë në europian, por pavarësisht këtij fakti nuk e ka ndalur stërvitjen.

“Në fshatin ku jetojmë nuk e kam ndier sepse njerëzit na trajtojnë shumë mirë. Jam socializuar mjaft mirë me të gjithë banorët atje. Pas garës kam marrë shumë mesazhe negative për shkak të origjinës. Prindërit kanë qenë shumë të zemëruar me faktin që nuk kisha mundësi të konkurroja në nivele ndërkombëtare për shkak të mungesës së pasaportës”.

[Albo]

VIDEO/ Pritje madhështore, grekët pushtojnë aeroportin për shqiptaren që fitoi medaljen e artë në Europianin e Atletikës


Atletja shqiptare që përfaqëson Greqinë, Elina Xhengo, u shpall kampione në Europianin e Atletikës në Mynih, në garën e hedhjes së shtizës.

Me qindra njerëz e pritën 19-vjeçaren, ku familjar, të afërm, miq edhe shumë të tjerë pushtuan aeroportin “Macedonia”.

Xhengo nuk mundi t’i përmbante dot lotët, teksa u prit si heroinë në Greqi pas atij triumfi të paharrueshëm.



Panorama

[Albo]

U shpall kampione Europe, shqiptaren e presin si heroinë në Greqi (VIDEO)

Skedarët e Bashkëngjitur 178432

Atletja shqiptare që përfaqëson Greqinë, Elina Xhengo, u shpall kampione në Europianin e Atletikës në Mynih, në garën e hedhjes së shtizës.

19-vjeçares shqiptare i rezervuan një pritje shumë të ngrohtë në shtetin fqinj, pasi në aeroportin “Macedonia”, kishin dalë jo vetëm familjarë dhe të afërm, por edhe tifozë të shumtë.

Xhengo nuk mundi t’i përmbante dot lotët, teksa u prit si heroinë në Greqi pas triumfit të madh që arriti.



Koha Jone

[Albo]

Shqiptarja që nderon Greqinë, Elina Xhengo shpallet kampione e Europës: Nëna ime nuk do punojë më pastruese

Atletja shqiptare që ka lindur dhe jeton në Greqi, Elina Xhengo ka shkëlqyer në Kampionatin Europian të Atletikës që po mbahen në Mynih, ku fitoi medalje të artë në hedhje shtize dhe shpallet kampione e Europës.

“Unë kam premtuar se ajo nuk do ta bëjë më këtë punë (për nënën e saj që është pastruese). Se do të arrij në atë pikë me performancën time që të kem mjaftueshëm para për të mos punuar më”.

Ajo ka lindur në Greqi më 2 shtator 2002 dhe prindërit e saj janë emigrantë shqiptarë. Ata luftuan shumë dhe janë krenarë, siç është e gjithë Greqia, për arritjen e madhe të Elinës.

2018 ishte një vit përcaktues. Ajo arriti kufijtë e saj, pasi edhe pse dy vite më parë kishte shënuar një rekord panhelen, nuk mundi të merrte pjesë në asnjë event jashtë Greqisë, pasi nuk kishte shtetësi.

Koha Jone