'Rreziku Anglo- Amerikan' per... Berishen

[pirro2020]

`Rreziku Anglo-Amerikan per`…. Berishën
Kanë kaluar shumë vite që nga viti 1982 kur diktatori Enver Hoxha botoi librin me kujtime `Rreziku Anglo-Amerikan për Shqipërinë`.
Çuditërisht sot pas 40 vitesh përsëri ky `rrezik anglo-amerikan` ka kapur Berishën, dhe nuk se është rastësi. Gjithmonë ky rrezik qenka i pranishëm tek udhëheqësit me natyrë diktatoriale të cilët në një farë mënyre me politikat e tyre bien ndesh me politikën gjeo-politike të anglo-amerikanëve. Deri më sot, të gjithë diktatorët dhe shtetet që kanë kundërshtuar gjeopolitikën anglo-amerikanë, e kanë humbur betejën.
Cilësimi `non gratta` i ish presidentit dhe ish kryeministrit Berisha edhe nga anglezët pas `non-gratta` të SHBA mbetet një ogur i keq për të ardhmen e politikanit më të përfolur shqiptar
Po ato faktorë për të cilat shkroi diktatori Enver Hoxha në librin e tij të kujtimeve me shtatë kapituj ku mbizotërojnë akuzat kundër anglo-amerikanëve dhe dështimet e tyre ndaj Shqipërisë komuniste të asaj kohe ku ` pasqyrohet dështimi i përpjekjeve të imperialistëve anglezë për të krijuar një qeveri reaksionare në mërgim rreth Zogut, si dhe për të shpëtuar nga demaskimi e shpartallimi reaksionin e brendshëm në vend; premtimet e rreme për ndihma e armë, të cilat kurrë nuk u plotësuan; demaskimi i veprimtarisë së tyre agjenturore, si dhe i veprimeve të tjera armiqësore kundër popullit shqiptar dne Lëvizjes ANÇ`, - po këto faktorë mbizotërojnë në apologjinë e Berishës me të vetmin ndryshim se Berisha ka patur një flirt shumë të bukur me SHBA-në e Rajersonit dhe kryeministrat anglezë të kohës së tij, por djallëzitë e fshehta gjatë flirtit tani po japin paasojat e tyre në drejtim të ish-komunistit të vendosur të asaj kohe dhe të demokratit radikalist të kohës sonë.
Akuzat e anglo-amerikanëve ndaj Berishes janë ato për korrupsion ai vetë dhe familja e tij. Megjithë përpjekjet e Berishës për tu çfajësuar herë duke akuzuar Blinken me një pretendim për ta hedhur në gjyq në Francë, e herë duke i dërguar letër sekretarit të punëve të brëndëshme të Mbretërisë së Bashkuar për të publikuar akuzat që i kanë ngritur, nuk do të pinë ujë.
Sidoqoftë për këtë problem më kujtohet thënia e një plaku nga Vlora në kohën e Diktaturës, kur bisedonim për ngjarjet politike në Shqipëri veçanërisht për (vetë)vrasjen e Mehmet Shehut, plaku pas çdo pyetje i përgjigjej me një pyetje kuptimplotë:… `ç`thotë inglizi? Shikoni dhe veproni sipas përgjigjeve që jep inglizi për ngjarjet. Mos dëgjoni të tjerët`…. Dhe mesa duket paska patur të drejte. Fuqia Anglo amerikane në ditët e sotme Akoma është më e forta dhe ajo drejton botën.
Anglo-amerikanët kanë patur dhe kanë sistemin demokratik më real dhe më të përshtatshëm në kohët kur jetojmë, dhe kjo tip demokracia u është servirur të gjithë botës së ditëve të sotme me hir apo me pahir. Është e vërtetë se sistemi kapitalist nuk është sistemi i përkryer, por nuk ka system tjetër më të mirë. Sistemi komunist dështoi, dhe sistemi kinez i variantit të komunizmit: `një vënd dy sisteme` që ka patur sukses në Kinë duhet parë në periudhën afat gjatë se sa do të mbijetojë. Lenini u shpreh për sistemin komunist dhe atë kapitalist se.. `sistemi më i mirë do të jetë ai që ka rentabilitetin më të mirë`.
Këto filosofi të marksizëm leninizmit ka zbatuar dhe Berisha gjatë qëndrimit të tij në pushtet dhe për fat të keq nuk u adaptua me kapitalizmin e vertetë dhe demokracinë e vertetë, por zbatoi metoda të sistemit komunist në sistemin e ri ku hyri Shqipëria. Këto metoda të vjetra i shkaktuan dështimin në drejtimin e tij si udhëheqës i vëndit. Ai akoma edhe sot e kësaj dite zbaton taktikat enveriste për të sulmuar kundërshtarin kur thotë se nuk ka opozitar por ka armik?! Dhe se ashtu siç insistonte diktatori Enver Hoxha kur spjegonte se.. `armikun duhet ta sulmosh në çdo drejtim dhe në çdo veprim të tij edhe kur bën mirë edhe kur bën keq…`. Këtë taktikë radikaliste ka ndjekur Berisha gjatë kësaj kohe: o me mua o kundër meje.
Kjo ka shkaktuar konfliktet e mëdha në Shqipëri pas viteve `90, ku Partitë kanë qëndruar në llogore në vënd që të bashkëpunonin, dhe kanë hedhur e pritur akuza monstruoze kundër njëra tjetrës.
Kjo bëhej edhe për shkak që të mbulonin korrupsionin me të cilin pasuroheshin në fshehtësi. Por këto afera nëse në Shqipëri nuk janë dënuar deri tani, nuk u kanë shpëtuar anglo-amerikanëve kur bëhet fjalë kur këto afera kanë penguar diplomacinë e tyre.
Shpresojmë që akuzat e anglo-amerikanëve të jenë të sakta, sepse sa për drejtësinë shqiptare, përfshi dhe Vettingun, apo dhe prokurorët e SPAK-ut, Shqipëria nuk mund të dalë dot nga bataku i korrupsionit, mitmarrjes, rrushfetit, dhe i tangërllëqeve fshatareske në politikën shqiptare.

priftipirro2017@gmail.com

[ATMAN]

Ish-kryeministri i Shqipërisë, Sali Berisha, ka deklaruar se autoritetet britanike kanë marrë vendimin për moslejimin e hyrjes së tij në Britaninë e Madhe, "për lidhje të qarta me grupe të krimit të organizuar dhe kriminelë dhe për korrupsion", raporton Anadolu Agency (AA).

Në një konferencë për mediat nga selia e Partisë Demokratike të Shqipërisë, Berisha tha se si arsye i është komunikuar për "lidhje të qarta me grupe të krimit të organizuar dhe kriminelë të cilët kanë paraqitur një rrezik për sigurinë publike në Shqipëri dhe në Mbretërinë e Bashkuar, si dhe për korrupsion".

Duke i mohor akuzat, Berisha ka shtuar se ndonëse ashtu si thotë ky vendim, është konfidencial dhe ndonëse përfaqësuesit e Britanisë në Tiranë kanë deklaruar se nuk do të publikojnë emrat, ai ka marrë vendimin t’a bëjë publik për qytetarët shqiptarë.

"Ky vendim është në vazhdën e shpifjeve për interesa të të njëjtit grup, që ka sponsorizuar edhe vendimin e sekretarit Blinken (Sekretari amerikan i Shtetit, Antony Blinken), të bazuar në shpifje dhe lobimin korruptiv të Edi Ramës dhe multimiliardierit George Soros. Unë kam qenë në dijeni të përpjekjeve të diplomatëve të Departamentit të Shtetit, që partnerët ndërkombëtarë t’i bashkëngjiten vendimit të tyre, absolutisht pa asnjë bazë, me qëllim rritjen e presionit ndaj meje dhe justifikimin e vendimit të tyre bazuar në shpifje", ka deklaruar Berisha.

Berisha ka shtuar se fton autoritetet britanike të dorëzojnë pranë organeve të drejtësisë të vendit të tyre, dhe pranë organeve të drejtësisë në Shqipëri, "çdo fakt, provë apo dokument që disponojnë, ata ose kushdo tjetër, për akuzat që kanë ngritur kundër meje".

Ndërkohë, në një njoftim në rrjetet sociale, Ambasada e Britanisë në Tiranë ka theksuar se këtë javë Mbretëria e Bashkuar ndërmori veprime frenuese ndaj disa individëve shqiptarë me lidhje të publikuara gjerësisht dhe të dokumentuara me krimin dhe korrupsionin.

Kujtojmë se më 19 maj 2021 Ambasada e SHBA-së në Shqipëri njoftoi vendimin e sekretarit amerikan të Shtetit, Antony Blinken, për shpalljen e ish-kryeministrit të Shqipërisë, Sali Berisha, si person i papërshtatshëm për të hyrë në SHBA për "veprimet korruptive dhe minim të demokracinë në Shqipëri".

Pas shpalljes së Berishës "non grata" nga SHBA-ja, ish-kryetari i Partisë Demokratike (PD), Lulzim Basha, vendosi të përjashtojë nga grupi parlamentar i kësaj partie ish-kryeministrin Berisha, vendim që shkaktoi përplasje brenda PD-së, duke krijuar dy grupime brenda saj.

burimi : aa.com.tr

[ATMAN]

Sali Berisha i ka dërguar një letër ambasadorit Sir Alastair King-Smith, një ditë pasi deklaroi se është shpallur “non grata” nga Britania e Madhe.

Letra e Sali Berishës dërguar ambasadorit britanik në Tiranë:

Letër e hapur drejtuar Ambasadorit te Mbreterise se Bashkuar ne Tirane, Sir Alastair King-Smith.

Shkelqesia Juaj!

Dje, ambasda e Mbreterise se Bashkuar ne Tirane qe ju drejtoni reagoi ndaj deklarates time per shpalljen non grata nga autoritetet e vendit tuaj. Ne mungese te fakteve, ne vend te ndjeses publike, ne kete reagim mbrohen shpifjet vulgare te letres ne emer te sekretarit te brendeshem ne te cilen une akuzohem per korrupsion dmth perdorimin e pushtetit per pasurimin tim dhe te rrethit tim per te cilat nuk keni sjelle dhe nuk do te mund te sillni kurre asnje prove dhe fakt te vetem per arsyen e thjeshte se nuk ekzistojne.

E vetmja gje konkrete qe permendet ne ate leter per korrupsionin eshte shtetasi britanik Damir Fazlic, ish keshilltari im elektoral ne ekipin e BGR ne zgjedhjet e vitit 2005, te cilin sipas letres, une e kam pasuruar dhe mbrojtur kur ndaj tij dolen prova inkriminuese.

Ne fakt, 14 vite me pare, prokuroria shqiptare e hetoi sipermarresin ne fjale per nje kohe te gjate duke nxjerre perfundimin se nuk kish mundur te provonte asnje nga shkeljet e pretenduara per te. Me lejoni te theksoj se e gjithe historia lidhet me sjelljen e kapitalit privat te Fazlic per investim direkt, dhe jo per lidhje me tendera apo kontrata publike. Per me teper, gjate 9 viteve qe prej largimit tim nga qeveria, nese do to kish pasur shkelje, prokuroria ka pasur mundesi te hetonte perseri, por asnjehere nje gje e tille nuk eshte bere per faktin e thjeshte se hetimi i pare, ndonese i plote e i thelluar, nuk gjeti asgje te jashteligjshme.

Ndaj, deshiroj t’ju pyes, a eshte i denuar ne vendin tuaj z. Fazlic, dhe nese jo, si mundet jurisprudenca dhe etatizmi shembullor britanik, te transferoje barren e nje fajesie te paqene nga nje subjekt i Madherise se Saj, tek nje subjekt i nje juridiksioni sovran si ai i Shqiperise?

Nese Fazlic eshte i lire nga barra e fajit ne vendin tuaj, si mund te perdoret faji i bashkepunimit me te ne nje domain tjeter ligjor dhe institucional?!

Absurde, per te thene me te pakten!

Nese Shkelqesia Juaj ka prova inkriminuese per shtetasin tuaj, ligji ju detyron t’i dergoni ato para drejtesise shqiptare ose angleze dhe jo te tirrni shpifje publike pa sjelle asnje argument.

E gjej tendencioz dhe absurd perdorimin per akuza ndaj meje te emrit te nje qytetari britanik i cili nuk ka qene kurre i denuar ne vendin tim, dhe ne dijenine time, as ne vendin tuaj, dhe qe nuk ka perfituar kurre as dhe nje cent nga qeveria ime, e per me teper, pas largimit tim nga pushteti ka vijuar te beje investime te rendesishme ne Shqiperi.

burimi : nacionale.com

[Albo]

Kucedra ka tre koke. Vetem dy koket e para i jane ckermitur Berishes: Washingtoni D.C dhe Londra. Presim ne ditet ne vazhdim qe Kucedra te nxjerri edhe koken e trete te saj, Vatikanin.

I forte doli ky Berisha, per bese. Po cuditen gjithe komunistet e socialistet e Shqiperise. Ia ka friken edhe gjithe bota, e jo me Edi Rama. Kaq i pushtetshem eshte ky Berisha? Te tille pushtet nuk gezonte as kur ishte president e kryeminister, e jo me sot qe eshte pensionist.

Kucedres ia prishen strofkullen ne Ukraine dhe do te ndertoje nje strofkull te re mes maleve te Shqiperise. Keto plane i prish politikani i vetem qe nuk e kane blere dot apo korruptuar, Sali Berisha. I vetmi qe denoncon krimet e pushtetareve dhe i gatshem te nxjerri te verteten ne shesh. Armiku me i madh ne kohen qe jetojme eshte e verteta.

Miqte e Sorosit i ckermiten Berishes, kurse miqte e Trumpit zbarkojne ne Tirane per te bere gati fundin tragjik te Haxhi Qamilit te shekullit te XXI qe do te behet Kurban, sic ia vuri emrin edhe librit te tij. Nese nuk e dini, Haxhi Qamili ishte ysmeqari i Esat Pashe Toptanit. Bente ligjin ne Shqiperi kur Esati bridhte ne Evrope. Kur Esati u kthye ne Tirane, ne cifligun e tij, e thirri ysmeqarin e tij, e hipi mbi nje gomar, i vuri nje litar ne fyt te lidhur tek pema, dhe i ra me shkelm bythes se gomarit. Thone qe vendi se ku e vari eshte tek Ura e Lanes sot ne Tirane. Pyesni djalin e adoptuar te Toptaneve, Fejvziun per me shume.

Albo