Mirëqenia Psikologjike

[sirena_adria]

https://gazetasi.al/si-na-ndikon-vje...ndje-dhe-trup/

Si na ndikon vjeshta në mëndje dhe trup

[sirena_adria]

Si t'i prodhosh vetë hormonet e lumturisë?

Hormonet e lumturisë jo vetëm që rikthejnë ndjesitë pozitive, por mbajnë gjithashtu larg stresin, ankthin dhe gjëndje të tjera të këtij lloji.


Çfarë të bësh për të nxitur prodhimin e Serotoninës, hormonit të lumturisë?

Dëgjo muzikë

Medito

Ec në natyrë

Shkruaj

Ekspozohu në diell


Po për hormonin e kënaqësisë, Dopaminën?

Kujdesu për veten

Përmbush detyrat

Ha ushqim të mirë

Festo për fitoret

Fli gjumë mjaftueshëm


Po për Oksitocinën, hormonin e dashurisë?

Përqafo një njeri të dashur

Puth dikë që do

Bëj bisedat të thella

Luaj me kafshët

Bëj komplimenta


Po për Endorfinën, hormonin e rehtësuesit të stresit dhe dhimbjes?

Qesh

Bëj ushtrime

Ha çokollata

Ha ushqime pikante

Krijo kontakt fizik


TiranaPost.al

https://tiranapost.al/stil-jete/si-t...turise-i528309

[sirena_adria]

Dikush më pyeti se pse sillesha mirë me ata që më bënin keq”. Mesazh që duhet ta lexojnë të gjithë

“Dikush më pyeti se pse sillesha mirë me njerëzit që më bënin keq. Realisht nuk e dija çfarë përgjigje t’i ktheja. Më pas fillova t’i shihja me radhë të gjithë në klasë, pasi e përfundova provimin tim, dhe aty e kuptova arsyen pse. Pashë djalin që tallej me paaftësinë time për të qenë e mirë në matematikë. Qëndronte me kokën mbështetur në bangë dhe dukej i lodhur. Pyeta veten se çfarë problemi mund të kishte në shtëpi që e mbante zgjuar deri natën vonë. U kujtova që kishte mamanë, e cila vuante nga kanceri i gjirit. Pavarësisht gjithë kësaj ngjarjeje, ai duhet të paraqitej edhe në shkollë çdo ditë që të mos humbiste vitin.

Pashë vajzën që nuk e di çfarë problemi kishte me mua, por më shihte tërë kohës gjithë inat. Unë e dija se ajo dhe i dashuri i saj ishin ndarë. Me siguri ai u soll keq me të, dhe ajo mundohej të sillej ashpër me të tjerët për të rënë në sy. Pastaj pashë drejt një vajze tjetër që të gjithë e mendonin të lëvizur, por shumë pak e dinin se kishte prerë damarët për dikë që donte dhe e kishte tradhëtuar.

Hodha sytë drejt një djali që përherë vinte me të njëjtat rroba. Pak veta e dinin se këpucët e tij ishin me vrima. Prindërit e tij në vend të punonin për t’i siguruar kushtet e nevojshme, pinin alkool dhe drogë. Të dy. Dhe ai sëmurej sa herë binte shi, sepse këpucët e tij fusnin ujë.

Pashë edhe një djalë tjetër, të huaj, i cili i është bashkuar së fundmi klasës sonë. Dinte anglisht dhe tani po mëson shqipen. Kushedi sa e vështirë është të mësosh gjithçka nga e para në moshën tonë. E mbi të gjitha të jesh i rrethuar nga një popull me tradita krejtësisht të tjera.

Në fund, pashë mësuesen e klasës. Nuk e kishte më unazën në dorë. Ndoshta arsyeja se pse na jepte përherë e më tepër detyra, ishte për të na bërë më të aftë në jetë, më të aftë nga vetë ajo.

Pra, pashë drejt gjithë këtyre njerëzve dhe kuptova se secili kishte problemet e veta, sfidat e veta dhe gjëja e fundit që doja, ishte t’i shtoja edhe unë një problem më tepër duke u sjellë keq me ta. Të gjithë kemi shumë probleme. Edhe pse dikush mund tëmos i shprehë ato, dijeni se nuk e ka jetën aq të lehtë sa duket”. – Nga interneti, autor anonim.


Publikuar fillimisht te bota.al - Tiranapost.al

https://tiranapost.al/opinion/dikush...-qe-du-i528604

[sirena_adria]

10 Rregullat e Ikigait për një jetë me mirëqenie

Çfarë do të thotë Ikigai?

Ikigai është një koncept japonez që do të thotë 'arsyeja juaj për të qenë'. 'Iki' në japonisht do të thotë 'jetë' dhe 'gai' përshkruan vlerën.

Po cilat janë rregullat për një jetë për të qenë?

1. Qëndroni aktiv; mos dilni në pension.

Ata që heqin dorë nga gjërat që u pëlqejnë të bëjnë, e humbasin qëllimin e tyre në jetë. Ndaj është kaq e rëndësishme të vazhdosh të bësh gjëra me vlerë, të bësh përparim, duke u sjellë bukuri ose dobi të tjerëve, duke ndihmuar dhe duke formësuar botën rreth jush, edhe pasi "zyrtarisht" veprimtaria profesionale ka përfunduar.

2. Merreni ngadalë.

Të jesh me nxitim është në përpjesëtim të zhdrejtë me cilësinë e jetës. Siç thotë shprehja e vjetër, "Ecni ngadalë dhe do të shkosh larg." Kur lëmë pas urgjencën, jeta dhe koha marrin kuptim të ri.

3. Mos e mbush barkun.

"Ngrihu i pangopur nga tavolina", thotë një shprehje. Ha sipas rregullit 80 për qind. Në mënyrë që të qëndrojmë të shëndetshëm më gjatë, duhet të hamë pak më pak se kërkon uria jonë në vend që të mbushim barkun.

4. Rrethojeni veten me miq të mirë.

Miqtë janë ilaçi më i mirë dhe janë aty për të besuar shqetësimet, për të biseduar dhe ndarë histori. Ju ndriçojnë ditën, merrni këshilla, duke argëtoheni.

5. Bëhuni në formë për ditëlindjen tuaj të ardhshme.

Uji është në gjendjen më të mirë kur rrjedh i freskët dhe nuk ngec. Me trupin funksionon njësoj. Plus, stërvitja çliron hormone që na bëjnë të ndihemi të lumtur.

6. Buzëqeshni.

Një qëndrim i gëzuar nuk është vetëm relaksues, por ndihmon për të bërë miq. Nuk duhet të harrojmë kurrë se çfarë privilegji është është të jesh këtu dhe tani në një botë kaq plot me mundësi.

7. Rilidhuni me natyrën.

Edhe pse shumica e njerëzve jetojnë në qytete këto ditë, qeniet njerëzore janë bërë të jenë pjesë e botës natyrore. Duhet t'i kthehemi shpesh për të rimbushur bateritë.

8. Falenderoni.

Paraardhësit tuaj, natyrën, që ju ofron ajrin që thithni dhe ushqimin që hani, për miqtë dhe familjen tuaj, për gjithçka që ju ndriçon ditën dhe ju bën të ndiheni me fat që jeni gjallë. Kaloni një moment çdo ditë duke falënderuar dhe do të shikoni se si lumturia rritet.

9. Jetoni momentin.

Mos u pendoni për të kaluarën dhe mos kini frikë nga e ardhmja. E sotmja është gjithçka që keni. Përfitoni sa më shumë prej saj.

10. Ndiqni ikigai-n tuaj.

Brenda jush ka një pasion, a talent unik që i jep kuptim ditëve tuaja dhe ju shtyn për të dhënë më të mirën nga vetja deri në fund. Zbuloni se cili është ikigai juaj dhe siç thotë Viktor Frankl, është misioni juaj ta zbuloni atë.


Tiranapost.al

https://tiranapost.al/stil-jete/10-r...eqenie-i528693

[sirena_adria]

3 zakone që mund të sabotojnë pa kuptuar shëndetin tuaj mendor

Psikologia Robin Berzin, thotë se është e rëndësishme të gjurmojmë disa zakone të vogla dhe të pavetëdijshme që bëjmë çdo ditë, pasi mund të ndikojnë në mirëqenien mendore.

Kushtojini vëmendje këtyre tre zakoneve më poshtë - që sipas Berzin, mund të sabotojnë fshehurazi shëndetin tuaj mendor:

1. Përdorimi i teknologjisë (sidomos gjatë natës).


Sipas Berzin ekspozimi i dritës blu gjatë natës ka potencialin të sabotojë gjumin tonë, i cili ka efekte në rrjedhën e poshtme për mirëqenien mendore .

“Ne e kemi botën në majë të gishtave, informacionin me prekjen e një butoni, dhe kjo është e mrekullueshme dhe fuqizuese – por gjithashtu ka potencialin të prishë mirëqenien tonë mendore dhe emocionale”, thotë ajo.

2. Mungesa e lëvizjes.

“Ne jemi krijuar si qenie njerëzore për të ndryshuar emocionet përmes lëvizjes”, thotë Berzin. "Trupi është krijuar për ta bërë këtë, dhe kur nuk lëvizni dhe uleni mesatarisht 11 orë në ditë, ju mbani emocionet tuaja." Dhe ato emocione "të ngecura" mund të çojnë në pasoja fizike dhe mendore në trupin tuaj".

3. Alkooli.

Berzin beson se alkooli mund të jetë pjesë e një stili jetese të ekuilibruar, por për sa i përket mirëqenies mendore, është e rëndësishme të pyesni veten: A po pini alkool për t'u ndjerë më mirë, apo po pini alkool për t'u ndjerë edhe më mirë? "Nëse alkooli është metoda juaj për t'u marrë me jetën, kjo mund t'ju tregojë se po e përdorni atë në një mënyrë problematike," vëren Berzin.


Tiranapost.al

https://tiranapost.al/shendeti/3-zak...mendor-i529127

[sirena_adria]

10 gjërat që nuk bëjnë njerëzit e shëndetshëm mendërisht

Shëndeti mendor është po aq i rëndësishëm sa ai fizik. Nëse ndokush nuk ndihet mirë fizikisht, ai është i sëmurë dhe nuk mund të bëjë të gjitha veprimet si të tjerët, e njëjta gjë ndodh edhe me atë që ndihet keq mendërisht, ai nuk ka të gjitha mundësitë të ecë përpara në jetë si ata që janë të sigurt te vetja.

Shpesh dëgjojmë këshillën ‘mendo pozitivisht dhe gjëra të mira do të ndodhin’, fjalë të tilla supozohet ta bëjnë një person të ndihet më mirë për veten e tij dhe ta bëjnë atë të harrojë mendimet e këqija e të jetë i fortë mendërisht.

Shëndeti mendor mund të krahasohet me atë fizik, si për shembull një person që shkon çdo ditë në palestër dhe ha mirë, ka një trup të mirë ose në rastin e shëndetit mendor, një mendje të qetë. Përkundrazi, një person që nuk bën asnjë aktivitet fizik dhe që ha keq, do të ketë trup jo të mirë dhe në rastin e shëndetit mendor ai do të jetë i dobët mendërisht.

Ja 10 gjërat që nuk bëjnë njerëzit e shëndetshëm mendërisht.

1. Nuk ndiejnë keqardhje për veten – Shumë nga problemet e jetës janë të pashmangshme, por të ndiesh keqardhje për veten, kjo është një zgjedhje që mund ta bëjë çdokush. Njerëzit që kanë besim te vetja, nuk ndiejnë keqardhje, por hartojnë plane që të luftojnë problemet dhe t’i zgjidhin ato.

2. Nuk dorëzojnë pushtetin – Fjalë si ‘vjehrra ime më mërzit’ apo ‘shefi im më bën të ndihem keq për veten’ janë tipike të njerëzve që vendosin ta dorëzojnë fuqinë e tyre te të tjerët. Nëse dëshironi të zgjidhni diçka që ju shqetëson, atëherë merrni përgjegjësi të plotë dhe jepini vetes fuqinë për ta zgjidhur problemin.

3. Nuk i tremben ndryshimit – Ndonëse ndihemi më të sigurt të bëjmë gjërat që i njohim më mirë dhe që na bëjnë të ndihemi rehat, njerëzit e shëndetshëm nga aspekti mendor provojnë vazhdimisht gjëra të reja, sepse ata duan të provojnë mundësi të ndryshme për të arritur lumturinë.

4. Nuk humbin energji mbi gjërat që nuk i kontrollojnë dot – Ne shpesh shqetësohemi për shumë gjëra, por një person që është mendërisht i fuqishëm, nuk e humbet energjinë e tij duke pranuar gjëra që janë jashtë kontrollit të tij. Të tillë njerëz të fortë pranojnë atë që nuk e ndryshojnë dot, dhe përpiqen të bëjnë më të mirën për të ndryshuar veten, atëherë kur duhet. Përqendrojeni edhe ju energjinë tuaj te gjërat që ju japin më tepër kënaqësi, në vend të atyre që ju mërzisin.

5. Nuk shqetësohen për të kënaqur të tjerët – Njerëzit e mirë duan t’i kënaqin të gjithë, por kjo është e pamundur. Ata që janë të fortë mendërisht përqendrohen të kënaqin veten dhe të lënë mënjanë dëshirat në ndryshim të të tjerëve. Ata që bëjnë veprime duke u nisur nga ideja e të tjerëve, nuk janë në rregull me sigurinë te vetja.

6. Nuk e kanë problem të marrin rreziqe – Çdo ditë njerëzit bëjnë shumë zgjedhje, por të bësh një zgjedhje që nuk është e sigurt, kjo do guxim të madh, si dhe shumë siguri te vetja. Njerëzit të cilët janë të qetë në mendjen e tyre dhe që ndërmarrin rreziqe me vetëdije, duan të ecin përpara dhe kjo është e vetmja mënyrë. Ata që nuk rrezikojnë dhe tremben, janë tipikë për njerëz të cilët duan të mbeten në ‘shpellën’ e tyre të frikësuar nga çdo gjë.

7. Nuk kapen pas së shkuarës – Çfarë iku, nuk kthehet më. Kjo është diçka që e kanë kuptuar shumë mirë ata që kanë një shëndet të mirë mendor. Të kapesh pas së shkuarës nuk do të thotë se mund ta ndryshosh atë, ndaj bëhuni të fuqishëm dhe ecni përpara drejt së ardhmes.

8. Nuk përsërisin gabimet – Çdokush mëson nga gabimet e tij, por ata që janë të fortë në personalitet dhe në njohjen e vetes, e kuptojnë që gjërat nuk mund të vazhdojnë gjithnjë në të njëjtën mënyrë, ndaj gjejnë rrugë të ndryshme për të arritur aty ku duan.

9. Nuk heqin dorë kur dështojnë – Nëse diçka është e vështirë, atëherë kjo është rruga e duhur. Ata që i kanë ndërtuar ‘muskujt’ e tyre mendorë ashtu si të tjerët në palestër nuk tremben nga vetja dhe nga të tjerët, por ecin përpara me vendosmëri duke parë qëllimin dhe jo rrugën.

10. Nuk frikësohen nga vetmia – Për sa kohë keni veten, keni të gjithë botën. Shpesh njerëzit bëjnë një pakt me djallin dhe e shesin veten e tyre për të qenë të pëlqyeshëm nga të tjerët. Nëse e bëni këtë, kjo do të thotë se jeni të paqëndrueshëm dhe keni nevojë për këshillim. Pranojeni veten dhe mos u trembni nga vetmia.


Ekonomia Online

https://ekonomiaonline.com/gjerat-qe...k-bejne-kurre/

[ATMAN]

Njerëzit e shëndetshëm mendërisht janë ata që shfaqin kujdes dhe vëmendje ndaj mirëqenies së tyre emocionale dhe mendore. Këtu janë 10 gjërat që shpesh nuk bëjnë njerëzit e shëndetshëm mendërisht:

1. **Mospërmbajtja e një rutine të shëndetshme:** Njerëzit që nuk kanë një rutinë të qëndrueshme janë më të prirur të përjetojnë ankth dhe stres, të cilat mund të ndikojnë në shëndetin mendësor.

2. **Izolimi social:** Mungesa e lidhjeve të forta sociale mund të çojë në ndjenjën e vetë-izolimit dhe depresionit.

3. **Mungesa e aktivitetit fizik:** Aktiviteti fizik është shumë i rëndësishëm për shëndetin mendësor, pasi ndihmon në zvogëlimin e stresit dhe rritjen e ndjenjës së lumturisë.

4. **Ushqimi i pakëndshëm:** Dieta e pasur me ushqime të shëndetshme, si fruta, perime, proteina të pasura dhe yndyra të shëndetshme, ka një ndikim të drejtpërdrejtë në shëndetin mendësor.

5. **Konsumimi i substancave të rrezikshme:** Përdorimi i duhanit, alkoolit dhe drogave të tjera mund të dëmtojë shëndetin mendësor dhe të ndikojë në ndjenjat e ankthit dhe depresionit.

6. **Mungesa e gjumit të mirë:** Gjumi i pamjaftueshëm ose i cenuar mund të shkaktojë probleme mendore si stresi, ankthi dhe depresioni.

7. **Mospërmbajtja e kufizimeve të stresit:** Njerëzit që nuk dinë si të menaxhojnë stresin mund të kenë një shëndet mendësor të dobët.

8. **Mospranimi i ndjenjave:** Refuzimi i ndjenjave të vështira ose ndjenjat e thella mund të shkaktojnë tensione dhe konflikte të brendshme, duke dëmtuar shëndetin mendësor.

9. **Mospërmbajtja e qëllimeve dhe ambicieve:** Njerëzit që nuk kanë qëllime të qarta ose ndjenjën e qëllimit mund të ndjehen të humbur dhe të pasigurt, gjë që mund të dëmtojë shëndetin mendësor.

10. **Mungesa e kujdesit ndaj vetes:** Njerëzit që nuk marrin kohë për t'u kujdesur për veten e tyre, përfshirë stresin e tepërt, punën e tepërt, apo mungesën e kohës së relaksimit, mund të vuajnë nga lodhja mendore dhe depresioni.