Shqiptarë nga e gjithë bota, artistë, pedagogë, sipërmarrës, studentë, kanë dërguar video-mesazhe ku bëjnë thirrje për protestë masive nesër në Tiranë, në orën 19.00.
Ata i janë bashkuar kauzës së ngritur nga “Fronti për të shpëtuar Shqipërinë”.
I pari i cili do të japë mesazhin e tij, është Daniel Nikolla, profesionist në Britaninë e Madhe.
Syri
Diaspora mbështet 7 Korrikun, Indrit Hoxha: Dega e PD në Romë protestë në shenjë solidarizimi
Indrit Hoxha, Sekretar për Emigracionin dhe Diasporën në Partinë Demokratike ka bërë publik lajmin së demokratët që jetojnë në Romë Itali do të protestojnë me datën 2 korrik në orën 18:00 në piazza Albania Romë
Slogani i kësaj proteste është në mbështetje të protestës që do të mbahet në Tiranë me datë 7 korrik ora 19:00.
Ja postimi i plotë:
PD dega Romë ka vendosur me datë 2 korrik në orën 18:00 në piazza Albania Romë, të protestojë në mbështetje të protestës datës 7 korrik ora 19:00 në Tiranë.
Diaspora do kthehet në mbështetjen më të madhe të Partisë Demokratike dhe opozitës Shqiptare për ndryshimin e regjimit në Shqipëri.
Syri
‘I përjashtuan nga Shqipëria’/ Berisha: Diasporës iu mohua e drejta e votës
Kreu i Partisë Demokratike Sali Berisha ka zhvilluar këtë të shtunë një bashkëbisedim online me shqiptarët e diasporës.
Berisha deklaroi se diaspora ka një rol të rëndësishëm në zhvillimet e vendit ndërsa theksoi se qeveria nuk ka lejuar votën e emigracionit.
"Në rrafshin politik, emigracioni dhe diaspora janë të përjashtuarit e mëdhenjenj nga Shqipëria.
Shqipëria nuk mbyll kufijtë si dikur ndaj emigracionit e diasporës, por ajo nuk ka lejuar votën tuaj, nuk ka vendosur atë bashkëpunim të domosdoshëm për zhvillimin e saj dhe përparimin e shqiptarëve.”-tha Berisha.
Berisha thirrje Diasporës: Jeni ndihmë shumë e madhe për suksesin e kësaj lëvizje! Mos mungoni në 7 korrik!
Kreu i PD Sali Berisha ka zhvilluar këtë të shtunë një bashkëbisedim online me shqiptarët e diasporës ku iu bëri thirrje atyre të bashkohen në protestën e 7 korrikut kundër regjimit të Edi Ramës, ndërsa shtoi se diaspora është ndihmë shumë e madhe për suksesin e kësaj lëvizje.
Kreu i selisë blu garantoi shqiptarët e diasporës se s’do lejojë zgjedhje në Shqipëri pa votën e tyre. Ai u zotua se sot janë në opozitë, por kur nesër të vijnë në pushtet do përdorin potencialet e jashtëzakonshme të shqiptarëve të diasporës.
Ai theksoi se ka marrë fund koha e opozitës së kontrolluar ndërsa shtoi se PD sot është avokate e interesit publik dhe kombëtar të shqiptarëve.
"Tani jemi opozitë e vërtetë. Përpjekjet e jashtëzakonshme që u bënë gjatë 10 muajve të fundit për një opozitë fiktive dhe të kontrolluar kanë marrë fund.
Sot PD është dhe mbetet avokate e interesit publik dhe kombëtar të shqiptarëve. Në kompleksitetin e detyrimeve të saj ne do bëjmë gjithçka për mobilizimin e të gjitha potencialeve tona në Shqipëri dhe jashtë saj, në emigracion, diasporë e kudo.
Beteja jonë s'është e lehtë. Beteja jonë është në një shoqëri në të cilën ky regjim në mënyrë sistematike mbolli frikë.
Në 1 vit 38 mijë shqiptarë u arrestuan për çështje civile që nuk ndodh kund në botë. U arrestuan me qëllim mbjelljen e frikës. Do përmbushim misionin tonë.
Ne llogarisim mbështetjen tuaj që kemi shumë nevojë. Ju sigurojmë se tani në opozitë dhe nesër në pushtet, do bëjmë gjithçka që potencialet tuaja të mund të përdoren nëpërmjet programeve, nëpërmjet bashkëpunimit, në të gjitha fushat e këtij vendi.
Shqipëria ka nevojë jetike për shtetin ligjor. Kemi nevojë për diasporën në protestën e 7 korrikut. Ju jeni një ndihmë shumë e madhe për suksesin e kësaj lëvizje.”-tha Berisha.
Syri
Aktivisti nga Franca i bashkohet protestës në 7 korrik: Të behemi bashkë që të dridhim pushtetarët
Një tjetër aktivist nga Franca, Andi Mustafaj ka dhënë mesazhin e tij drejtuar shqiptarëve.
Syri
Ndryshuar për herë të fundit nga Albo : 06-07-2022 më 12:59
7 korrik/ Aktivistja nga Brukseli: Fëmijët dhe e ardhmja e vendi, arsyeja e parë për të protestuar
Aktivistja tjetër vjen nga Brukseli, Vilma Djala ka dhënë mesazhin e saj për protestën e 7 korrikut.
Syri
Një tjetër aktivist nga ShBA, Akil Memia ka dhënë mesazhin e tij për protestën e 7 korrikut.
Syri
Aktivistja nga Italia, Melisa Braci i është bashkuar protestës së 7 korrikut me mesazhin e saj për kombin shqiptar.
Syri
Protesta e 7 korrikut, gazetari Aulon Kalaja: Ka ardhur koha të bëhemi popull ujk
Syri
Regullat e Postimit
Përgjigju Duke Cituar
Krijoni Kontakt