Krimineli i penduar Nuredin Dumani rrëfen gjithë krimet e kryera dhe lidhjet me pushtetarët

[Albo]

“Pranoje se të duhet, ka lidhje të forta me gjyqtarë dhe prokurorë”- Nuredin Dumani: Biznesmeni Festim Qoli më kërkoi t’ia bëja nderin avokatit

Bashkëpunëtori i SPAK-ut Nuredin Dumani, në dëshminë e tij për aktivitetin e 8 grupeve kriminale në Shqipëri, ka pohuar se biznesmeni në Durrës, Festim Qoli, e kishte kontraktuar për të kryer krime të ndryshme për llogari të tij dhe të avokatit të njohur Alban Bengasi.

Sipas rrëfimit, kur Alban Bengasi i kishte kërkuar Dumanit të vriste gruan e tij, Blerta Bengasi për 120 mijë euro, Qoli i kishte thënë ta pranonte ofertën, pasi avokati i duhej, pasi kishte lidhje të forta me gjyqtarë dhe prokurorë.

Gjithnjë sipas dosjes, Festim Qoli i kishte kërkuar më herët Dumanit të dhunonte Blerta Bengasi, kundrejt pagesës, me porosi të bashkëshortit të saj Alban Bengasi, i cili kërkonte të hakmerrej për shkak të një tradhtie të dyshuar.

Dhunimin e Blerta Bengasit në Tiranë, Qoli donte të bënte si nder për avokatin Alban Bengasi.

Dumani ia kalon ‘porosinë’ Eljo Bitrit, i cili dhunon zonjën Blerta. Meqenëse avokati ishte i pakënaqur me shkallën e dhunimit, pasi donte me patjetër që gruas së tij t’i thyhej këmba ose krahu, ai i kërkon Nuredin Dumanit ta vrasë.

Dumani nuk ka pranuar pasi i janë dukur pak 120 mijë euro për të vrarë një grua, ndërsa Qoli e shtyn të pranojë ofertën, për të ruajtur lidhjet me Alban Bengasin. Sipas rrëfimit të Dumanit, Alban Bengasi do ta ndihmonte Festim Qolin për të përfituar një dëmshpërblim me vlerë 500 mijë euro, pa dëmtimit të kompleksit pas tërmetit.

Por, Alban Bengasi mësohet se ka qenë avokat Festim Qolit për ta shpëtuar nga ndëshkimi penal, kur dyshohej për vrasjen e 36-vjeçarit Elvis Dedaj në 5 qershor të vitin 2012, në Durrës.

Festim Qoli ka qenë i dyshuari kryesor për vrasjen e Elvis Dedajt, me të cilin kishin biznese të përbashkëta dhe i kishte borxh Dedjat 70 mijë euro.

Panorama

[Albo]

Dëshmitarët e SPAK ‘përplasen’ për Bujar Çelën. Dy të vërteta për vrasjen e hasmit të Nuredin Dumanit

Duke iu referuar dëshmisë së Dumanit në lidhje me vrasjen e Bujar Çelës, vëllait të Talo Çelës, mësohet se Dumani i ka thënë Prokurorisë se vendosi t’i vrasë vëllanë Talos, sepse dy ditë më parë, Talo i kishte vrarë shokun e ngushtë, Klevis Kapllanin.

Skedarët e Bashkëngjitur 178445

Pra, Bujar Çela u vra me 17 shtator 2020, ndërsa Klevisi është vrarë me 15 shtator, dy ditë para se të vritej Bujari.

Nga dëshmia e Henrik Hoxhës mësohet se ai kishte marrë porosi për vrasjen e vëllait të Talos disa ditë përpara se sa të vritej Kapllani dhe se Hoxha nuk kishte mundur ta vriste Bujarin, se iu kishte dukur njeri hallexhi.

Si Dumani, ashtu edhe Hoxha flasin për të njëjtën shifër, për të njëjtin çmim, që ishte vendosur për kokën e Bujar Çelës, por në dëshminë e tyre, Dumani thotë se paratë ia ka dhënë Erion Alibej, ndërkohë që Hoxha thotë se paratë ia kishte premtuar Dumani pasi donte ta vriste për hakmarrje ndaj Talos.

DËSHMI TË NDRYSHME PËR TË NJËJTIN RAST

Nuredin Dumani, më datë 15.04.2022, sqaron se: “Në lidhje me vrasjen e Bujar Çelës, të ndodhur në Elbasan, në 17 shtator të 2020, dua të sqaroj se, arsyeja që u vra Bujari ishte se 2 ditë më parë, më datë 15 shtator 2020, u vra miku im, Klevis Kapllani, në Rrogozhinë (dyshoj se ngjarja është kryer nga Talo Çela dhe njëri nga vëllezërit Manhasa). Arsyeja e vrasjes së Kapllanit ishte se kishte dërguar pistoletën në ngjarjen e Ramazanit te servisi i Seit Manhasës, vëllait të autorit. Unë u organizova me Enver Divën dhe me Besmir Xhixhën. Komunikova me Erjon Alibejn dhe i thashë që do të ndërroj objektiv, nuk do t`i bëj atentat Dine Çamit, por do të organizoj vrasjen e vëllait të Talo Çelës, për të marrë hakun e shokun tim. I thash Erjonit do t’u jap çunave 60.000 euro, Enverit dhe Besmirit!

Henrik Hoxha: “Kam për të deklaruar edhe për një vrasje tjetër që më është kërkuar ta kryej nga Nuredin Dumani. Ky i fundit në shtator të 2020- ës më ka kërkuar që të kryej në Elbasan vrasjen e shtetasit Bujar Çela, për shumë 60 mijë euro. Unë fillimisht, pasi mora të dhënat për këtë shtetas, e kam mbikëqyrur për disa ditë, ku i kam fiksuar itinerarin e lëvizjes së tij si taksixhi nëpër qytet, por duke qenë se ky person më është dukur hallexhi, nuk kam qenë i predispozuar për ta bërë dhe e kam shtyrë duke mos e kryer vrasjen e tij.

Në atë moment, Nuredini më ka çuar SMS, duke më thënë se e bëra unë atë ndaj Çelës. Unë në moment kam dyshuar se ai ka vrarë Talon, por në televizor pashë se kishte vrarë Bujar Çelën, që unë nuk e kisha kryer”. Duke pranëvënë këto të dhëna të deklarimeve të dy vrasësve me pagesë, shihet se vetëm shifra është e njëjtë; pra janë hedhur 60 mijë euro për vrasjen e vëllait të Talos, ndërkohë që kërkesa për vrasjen e Bujar Çelës është bërë disa ditë përpara se sa të vritej Klevis Kapllani, që pretendon Dumani në dëshminë e tij. Po ashtu, Dumani thotë se donte ta vriste për hakmarrjen ndaj vrasjes së Kapllanit, pasi dyshonte se e kishte vrarë Talo Çela, por Dumani thotë se paratë për të vrarë Bujar Çelën i kishte paguar Erion Alibej, i cili kishte nisur hakmarrjen për vrasjen e vëllait, xhaxhait dhe të një mikut të tyre, ngjarje që u njoh si masakra e Bradasheshit!

Panorama

[Albo]

“Plumbi i artë”/ SPAK kërkon dosjet e krimeve të Talo Çelës dhe Nuredin Dumanit! Si u ndalua në port vëllai i “të penduarit”, vazhdojnë kërkimet për…


Dëshmia tronditëse e Nuredin Dumanit dhe e Henrik Hoxhës për një mori krimesh të rënda të ndodhura në vendin tonë kanë tronditur së tepërmi jo vetëm për shkak se ka nxjerrë në pah me dhjetëra krime të rënda, por madje edhe për shkakun se kanë dëshmua lidhje me zyrtarë policorë.



Policia e Shtetit vijon kontrolle masive në disa qarqe të vendit, kryesisht Elbasan, Fier, Durrës dhe Lezhë për të bërë të mundur arrestimin e atyre që konsiderohen edhe si kokat e grupeve kriminale, ndërkohë që për të tretën ditë radhazi ata gjenden në Elbasan në kërkim të Talo Çelës dhe të Suel Çelës.

Paralelisht me veprimet policore kanë nisur të veprojnë dhe prokurorët e operacionit të bujshëm, të cilët kanë kërkuar nga Prokuroria e Elbasanit të dorëzojë në duart e SPAK dosjet për ngjarjet në të cilat dyshohet se kanë marrë pjesë Talo Çela dhe Nuredin Dumani, pasi pretendohet të hetohen që të dy si një grup i strukturuar kriminal.

Po dje u bë me dije se në portin e Durrësit, Policia ka ndaluar edhe të vëllanë e Nuredin Dumanit, i cili mësohet se ka qenë duke udhëtuar në drejtim të Italisë. Ndalimi i tij, edhe pse nuk është pjesë e 32 urdhër-arresteve të lëshuar nga SPAK ka ardhur për shkak se në dëshmitë e dy dëshmitarëve, ai del shpeshherë si person që gjendet brenda veprimeve të tyre kriminale dhe gjakësore.

Prokuroria e Posaçme po ashtu mësohet se ka kërkuar të marrë edhe dy dosjet e vrasjeve të nënë e djalë nga Durrësi, dosje të mbyllura për shkak se prokuroria e këtij rrethi nuk mundi 10 vite më parë të hidhte dritë mbi dy vrasjet mizore të ndodhura në harkun e 15 muajve. Kështu, SPAK po vijon hetimet për të dokumentuar të plotë aktivitetin kriminal të një ushtrie me vrasës me pagesë, të cilët kanë lëvizur lirshëm për vendin tonë prej të paktën 11 viteve.

DOSJET NË SPAK

Prej dy javësh, Prokuroria e Posaçme ka tërhequr dosjen e vrasjes së Klevis dhe të Fatmira Dedajt. Ata pasi bënë krahasimet e dëshmive të Nuredin Dumanit me të dhënat e pakta që gjendeshin në dosje u bindën se dëshmia e tij është e saktë dhe madje Prokuroria dhe Policia e Durrësit nuk kishin asnjë të dhënë konkrete për autorë të mundshëm të dy vrasjeve të ndodhura në qershor të 2012- ës dhe në shtatorin e 2013-ës.

Dumani hodhi dritë mbi një prej krimeve më të rënda të ndodhura në një dekadë në vendin tonë, duke ia faturuar atë mikut të tij-armik, Talo Çelës, ndërkohë që janë me dhjetëra krime, vrasje, atentate, grabitje, hedhje në erë me mina të telekomanduara të shtëpive dhe bizneseve dhe deri tek atentati i fundit që iu bë një biznesmeni në Tiranë, i cili ishte shënjestruar të vritej si porosi e Suel Çelës. Por interesante ka qenë dëshmia e mikut të Dumanit, i cili ka marrë edhe porosinë për ta kryer atë vraje bashkë me nipçen e tij, Skerdi Tasin, djalin nga Fieri, i cili duket se është aktiv prej disa vitesh në aktivitetin e vrasjeve me pagesë të disa krerëve e të grupeve kriminale.

Sipas Henrik Hoxhës, u bë me dije se porosia ishte marrë që t‘i vritej djali biznesmenit, por meqë ai jetonte në Maqedoni dhe nuk mund të kapej për t’u vrarë, atëherë duhej t’i vritej i ati, akt që më sa duket Hoxha ka refuzuar ta kryejë, pasi në fakt biznesmeni u zu i vetëm dhe në pritë në mesin e ditës, ashtu siç kryheshin një pjesë e mirë e krimeve gjakatare të këtij grupi kriminal.

Tashmë pritet që dosjet në ngarkim të Talo Çelës dhe të Nuredin Dumanit do të merren nga SPAK nga ku do të nisin edhe hetimet intensive për të mësuar fakte dhe detaje që i implikojnë këta dy persona në të paktën 17 ngjarje të rënda kriminale, që në mos bashkë, kanë funksionuar të veçuar dhe kundër njëri-tjetrit!

Panorama

[Albo]

Kryetari i PD, Sali Berisha i ka bërë thirrje Nuredin Dumanit dhe Besian Xhixhës, që të rrëfehen për lidhjet e krimit me politikën.

Ai ka akuzuar se prokurorë të SPAK kanë mbyllur dosje për akuza të rënda. Ndërsa ka denoncuar gjithashtu se Prokuroria e Posaçme po i fsheh denoncimet e të penduarve të drejtësisë për lidhjet e politikës me bandat e krimit.

“I bëj thirrje Dumanit në emër të asaj që rifiton në vetvete një njeri që rrëfehet, për të shpëtuar shpirtin e tij, i bëj thirrje ta bëjë të plotë, ta lërë me guxim se ka një tendencë absolute censure të rrëfimeve të tij tronditëse, të rrëfimeve që dëshmojnë qartë atë që është thënë çdo ditë nga mediat nga shoqëria, është denoncuar me kohë ata vrisnin përdhunonin se mbyllnin cdo çështje me urdhër nga sipër.

A e dini ju ku shkoi prokurori që mashtroi shqiptarët në mënyrën më të shëmtuar ku është ai? Në SPAK, në SPAK e partisë, kjo do të thotë që SPAK shndërrohet në strofull kriminelësh. Për llogari të kujt gënjeu Alfred Shehu?

Këta mbyllin dosje, banda paguante këta mbyllnin vrasje, njerëz që vriteshin te pragu i shtëpisë e një nga këta është Alfred Shehu.

Ndaj Dumani është fytyra e vërtetë e këtij shteti e kësaj qeverie.

I bëj thirrje dhe Besian Xhixhës, të rrëfehet plotësisht për lidhje politike të deputetëve të ministrave, dyshimin më të madh në hetimin e trajtimin politik që SPAK po i bën cështjes po bën mburojë, e denoncimeve politike në një kohë kur ato dihen. SPAK po i fsheh këto”.

Panorama

[Albo]

Dëshmia e Dumanit për vrasjet me pagesë, SPAK do tërheqë dhe dosjen për grupin e Laçit, i përfshirë dhe…

Një dosje hetimore që flet për vrasjet me pagesë dhe një seri grabitjesh me armë e deri tek kundërvënia me kallashnikov, ndaj një patrulle policie në Rinas, pritet të tërhiqet nga SPAK tek prokuroria e Laçit.

Dëshmia e Nuredin Dumanit, ka hyrë në një fazë të dytë verifikimi, pasi bashkëpuntori i drejtësisë ka folur dhe nxjerrë emra të tjerë në SPAK, çka ka detyruar 3 prokurorët të tërheqin më shumë se 18 dosje nga prokuroritë e rretheve.

Qëllimi është bashkimi me dosjen Nr.75, ku tashmë janë preceduar plot 32 persona, ndërsa vijohet të kryhen veprime hetimore për identifikimin dhe arrestimin e personave të tjerë.

Gjatë këtyre ditëve, SPAK ka shtuar kërkesat dhe interesin ndaj disa procedimeve, që janë rregjistruar në prokurorinë e rretheve, ku një ndër to është dhe çështja penale që flet për tentativën e vrasjes së Alfred Gjokës.

Pikërisht në këtë dosje, është i përfshirë dhe Ilirian Feçi, njeri i afërm i Talo Çelës dhe Nuredin Dumanit, ku së bashku dyshohet se kanë kryer disa grabitje me armë. Feçi qëndron në burg qysh prej Shkurtit 2022 pasi u arrestua gjatë një operacioni të kryer nga prokuroria e Laçit dhe Tiranës.

Mes të arrestuarve të tjerë janë Damjan Lleshaj, Robert Laçi, Erion Mulaj, Ibrahim Difaj dhe në kërkim Shpëtim Kraja.

Ndërsa sipas prokurorisë, personi që ka folur dhe bashkëpunuar me policinë është pikërisht Ibrahim Difaj, i cili ka treguar aktivitetin kriminal të këtij grupi në ngjarjet ku Difaj ka qënë dhe vetë protagonist.

Difaj ka hedhur dritë mbi tentativën e vrasjes së Alfred Gjokës, kundrejt një pagesë prej 20 mijë euro që ishte bërë pikërisht nga personi në kërkim, Shpëtim Kraja.

Bashkëpunëtori ka treguar se plani për vrasjen e Gjokës në muajin Gusht 2021 ka dështuar,pasi objektivi ka reaguar shumë shpejt, duke u larguar me kamjonçinë.

Për më tepër ky grup ku aderonte dhe shoku i Nuredin Dumanit e Talo Çelës, kishte qëlluar me armë zjarri dhe në drejtim të një patrulle policie, ngjarje kjo e ndodhur vitin e kaluar në zonën e Qafë-Kasharit.

Tema

[Albo]

Grupi i laçianëve miq të Nuredin Dumanit dhe Talo Çelës, do të hetohen në SPAK! Dëshmitari tregon si tentuan të eliminonin Alfred Gjokën: U largua me kamionçinë

Dëshmia e Nuredin Dumanit dhe e Henrik Hoxhës, dy vrasësve gjakftohtë dhe të pamëshirë, detyroi SPAK-un të lëshonte 32 urdhërarreste.

Në daljen publike të shefit të kësaj Prokurorie dhe të kryepolicit të vendit u tha se u goditen 8 grupe kriminale, të cilët në shumë episode duket se veprojnë të ndarë vetëm në dy grupe që ndërveprojnë herë kundër njëritjetrit e herë mes vetes për të kryer vrasje me pagesë. Edhe pse që në momentin e operacionit të kryer disa ditë më parë, policia nuk ka mundur të arrestojë asnjë nga 14 personat e kërkuar dhe shumë të rrezikshëm, prokurorët e çështjes po përpiqen të bashkojnë dosjet e tyre që gjenden në disa prokurori rrethesh. Pas marrjes së dosjeve të disa prej vrasjeve të bujshme të cilat patën mbetur pa autor, së fundmi SPAK kërkon edhe dosjen e një grupi që për ta konsiderohet i veçantë.

Bëhet fjalë për ‘bandën’ kriminale të Laçit e cila doli në dëshminë e dy vrasësve të penduar dhe që shpeshherë duke që ka vepruar e vetme, përveçse se kur ka qenë e punësuar prej kapove të Elbasanit. Djemtë e grupit kriminal nga Laçi dolën në skenë në janarin e këtij viti teksa bënë betejë me policinë në mbikalimin e Kasharit ndërsa më vonë, nga dëshmia e një prej të arrestuarve u mor vesh se ata kishin dashur të vrisnin një person. Edhe pse atentati ndaj tij u mor me shaka nga ana e policisë, rezultoi se për vrasjen e tij ishin paguar shuma të majme dhe se personi që tentoi të kryente vrasjen vazhdon të jetë në kërkim sot e asaj dite pa mundur të vihet në pranga.

TËRHEQJA E DOSJES

Një dosje hetimore që flet për vrasjet me pagesë dhe një seri grabitjesh me armë e deri tek kundërvënia me kallashnikov, ndaj një patrulle policie në Rinas, pritet të merret nga SPAK tek Prokuroria e Laçit. Dëshmia e Nuredin Dumanit, ka hyrë në një fazë të dytë verifikimi, pasi bashkëpunëtori i drejtësisë ka folur dhe nxjerrë emra të tjerë në SPAK, çka ka detyruar 3 prokurorët të tërheqin më shumë se 18 dosje nga prokuroritë e rretheve. Qëllimi është bashkimi me dosjen nr.75, ku tashmë janë proceduar plot 32 persona, ndërsa vijohet të kryhen veprime hetimore për identifikimin dhe arrestimin e personave të tjerë.

Gjatë këtyre ditëve, SPAKu ka shtuar kërkesat dhe interesin ndaj disa procedimeve, që janë riregjistruar në prokurorinë e rretheve, ku një ndër to është dhe çështja penale që flet për tentativën e vrasjes së Alfred Gjokës. Pikërisht në këtë dosje, është i përfshirë dhe Ilirian Feçi, njeri i afërm i Talo Çelës dhe Nuredin Dumanit, ku së bashku dyshohet se kanë kryer disa grabitje me armë. Feçi qëndron në burg që prej shkurtit 2022 pasi u arrestua gjatë një operacioni të kryer nga Prokuroria e Laçit dhe Tiranës. Mes të arrestuarve të tjerë janë Damjan Lleshaj, Robert Laçi, Erion Mulaj, Ibrahim Difaj dhe në kërkim Shpëtim Kraja.

Ndërsa sipas Prokurorisë, personi që ka folur dhe bashkëpunuar me Policinë është pikërisht Ibrahim Difaj, i cili ka treguar aktivitetin kriminal të këtij grupi në ngjarjet ku Difaj ka qenë dhe vetë protagonist. Difaj ka hedhur dritë mbi tentativën e vrasjes së Alfred Gjokës, kundrejt një pagesë prej 20 mijë euro që ishte bërë pikërisht nga personi në kërkim, Shpëtim Kraja. Bashkëpunëtori ka treguar se plani për vrasjen e Gjokës në muajin gusht të vitit 2021 ka dështuar, pasi objektivi ka reaguar shumë shpejt, duke u larguar me kamionçinë. Për më tepër ky grup ku aderonte dhe shoku i Nuredin Dumanit e Talo Çelës, kishte qëlluar me armë zjarri dhe në drejtim të një patrulle policie, ngjarje kjo e ndodhur vitin e kaluar në zonën e “Qafë-Kasharit”.

Panorama

[Albo]

Plagosja e Nuredin Dumanit/ Gazetarja: Ka ende një plumb në mushkëri, mjekët thonë se nëse e heq, nuk mbijeton

Gazetarja Klodiana Lala ka deklaruar se i penduari i drejtësisë, Nuredin Dumani, ende ka plumbin në mushkëri pasi mbeti i plagosur gjatë një atentati në Papër të Elbasanit.

E ftuar në emisionin “Opinion”, Lala deklaroi se nëse Dumanit i hiqet plumbi nga mushkëria, atij i rrezikohet jeta.

“Nuredin Dumani ka folur orë të tëra i regjistruar me audio dhe video, sepse duke qenë se plumbi mundi të rrezikojë jetën nga momenti në moment. Dumani e ka plumbi në mushkri dhe nëse plumbi hiqet mjekët thonë se ai nuk mbijeton dot. Kështu që ai do të jetojë me plumbin në mushkri sa të ketë jetën”,-tha Lala.

Nuredin Dumani mbeti i plagosur në Papër të Elbasanit më 29 mars. Fillimisht u njoftua nga policia për BMË-në që u qëllua me breshëri dhe që ishte më targa të vjedhura në qytetin e Durrësit që në prill të vitit 2021.

Pas plagosjes, Nuredim Dumani u fsheh në një pallat 8-katësh në lagjen Apollonia në Fier. Ai fshihej në një banesë në katin e 4, ku bashkëjetonte me një vajzë nga Kosova. Policia u vu në gjurmët e NUredin Dumanit të cilin e arrestoi një ditë më pas.

Panorama

[Albo]

“Po fola, do ju duhet të hapni një burg të ri”/ Gazetarja tregon detaje nga dëshmia e Nuredin Dumanit: Ja qytetet ku SPAK ka fokusuar hetimet

Gazetarja Klodiana Lala ka zbuluar detaje të reja nga dëshmia e të penduarit të drejtësisë, Nuredin Dumanit.

Sipas saj, Lala thotë se ato që janë bërë publike në media, janë vetëm maja e ajsbergut të atyre që ka dëshmuar.

“Unë do flas, por juve ju duhet të hapni një burg të ri. Kjo ka qenë fjalia e parë me të cilën Nuredin Dumani nisi dëshminë. Mjafton të provohen krimet, pasi nuk mund të jenë të lirë. Është pajtuar nga grupe të ndryshme kriminale. Unë jam e prirur të besoj dëshminë e Nuredin Dumanit. Ngjarjet që kemi parë, është vetëm maja e ajsbergut e asaj që ka deklaruar. Prokuroria e Posaçme është e fokusuar në qytetin e Durrësit, ku janë zhvilluar disa ekzekutime mafioze ku janë përfshrië direkt dhe indirekt Nuredin Dumani dhe Henkrik Hoxha.

Është fokusuar në Lezhë, ku mendohet se në vrasjen e Aleksandër Ndokës, ka qenë një grup nga zona e Niklës në Krujë, të cilët kanë pasur një tentativë për të pasur marrëveshje me familjen Ndoka. Pas vrasjes së Aleksandër Ndokës, ka një gjë tjetër. Ka pasur një seri ekzekutimesh të cilat janë dyshuar të lidhura me këtë ngjarje. Ka folur për disa vrasjen në Shkodër ku flet me emra konkrete” – tha Lala.

Panorama

[Albo]

Dëshmia e Nuredin Dumanit, SPAK: Nuk ka deklaruar asnjë të dhënë në lidhje me Presidentin

Prokuroria e Posaçme, SPAK ka reaguar për herë të parë me një sqarim publik pas deklaratave në media të gazetarit Artan Hoxha i cili tha se Nuredin Dumani, i penduari i drejtësisë, ka përmendur dhe emrin e kreut të shtetit Ilir Meta si i përfshirë në një ngjarje.

SPAK në reagimin e saj sqaron se Nuredin Dumani, nuk ka deklaruar asnjë të dhënë në lidhje me Presidentin e Republikës së Shqipërisë.

“Në deklarimet e dhëna në kuadër të procedimit penal nr.75/2022 që po heton Prokuroria e Posaçme, shtetasi nën hetim N.D., nuk ka deklaruar asnjë të dhënë në lidhje me Presidentin e Republikës së Shqipërisë”, thekson SPAK në reagim dhe kërkon nga mediat që të jenë të kujdesshme, të mbajnë në konsideratë ndjeshmërinë e kësaj çështje.



NJOFTIM PËR SHTYP NGA SPAK

Në vijim të interesimit të shtuar të mediave, në lidhje me deklarimin e gazetarit Artan Hoxha për sa i përket të dhënave të pretenduara si të deklaruara nga shtetasi nën hetim N.D. për Presidentin e Republikës së Shqipërisë, të transmetuar në televizionin Kombëtar “Klan”, në emisionin “Opinion” të datës 02.06.2022, sqarojmë opinionin publik se:

Në deklarimet e dhëna në kuadër të procedimit penal nr.75/2022 që po heton Prokuroria e Posaçme, shtetasi nën hetim N.D., nuk ka deklaruar asnjë të dhënë në lidhje me Presidentin e Republikës së Shqipërisë.

Duke marrë shkas nga ky rast, si dhe duke mbajtur në konsideratë edhe trajtimet që i janë bërë deklarimeve të shtetasit N.D. në emisione të ndryshme televizive, ftojmë mediat që të jenë të kujdesshme, të mbajnë në konsideratë ndjeshmërinë e kësaj çështje, të respektojnë viktimat dhe familjarët e tyre, si dhe faktin se çështja është në fazën e hetimit paraprak dhe Gjykata e Posaçme e Shkallës së Parë Për Korrupsionin dhe Krimin e Organizuar referuar nenit 103 të Kodit të Procedurës Penale ka vendosur ndalimin e publikimit të vendimit nr.42 datë 17.05.2022 (me objekt caktimin e masave të sigurimit).

Panorama

[Albo]

A është e besueshme dëshmia e Nuredin Dumanit? Gazetarja Klodiana Lala: I penduari i drejtësisë vendosi të rrëfehej sepse…

Gazetarja Klodiana Lala thotë se i penduari i drejtësisë, Nuredin Dumani, në dëshminë e tij është i besueshëm sepse detajet që ai ka rrëfyer përputhen me ngjarjet e ndodhura.

Sipas gazetares Lala, Dumani “vendosi të rrëfehej se u nxor në pritë dhe u rrezikua nga grupi i tij”.

“Rasti i Dumanit nuk ngjan me asnjë prej këtyre rasteve sepse nuk flet për një grup të caktuar kriminal, por një mori grupesh. Sipas SPAK janë 8 grupe kriminale dhe ai tregon me saktësi si kanë operuar këto grupe, si kontaktonin, shumat për vrasjet, veprimet.

Personalisht jam e prirur ta besoj dëshminë e tij”, thekson ajo.

Deklarata e gazetares Lala në emisionin “Pikat mbi i” në News24:

Dumani vendosi të rrëfehej se u nxor në pritë dhe u rrezikua nga grupi i tij. Ai hezitoi ditët e para, por kur kuptoi se ishte tradhtuar vendosi të flasë. Nuk është rasti i parë, rrëfimi i Adriatik Colit, ose Petrit Liçi që shkatërroi bandën e Aldo Bares.

Rasti i Dumanit nuk ngjan me asnjë prej këtyre rasteve sepse nuk flet për një grup të caktuar kriminal, por një mori grupesh. Sipas SPAK janë 8 grupe kriminale dhe ai tregon me saktësi si kanë operuar këto grupe, si kontaktonin, shumat për vrasjet, veprimet.

Personalisht jam e prirur ta besoj dëshminë e tij. Kemi ngjarjet e Elbasanit ku kemi 2 të penduar të tjerë të drejtësisë. Më përkojnë dhe përputhen shumë qartë nga ato që thotë Dumani.

Ajo që kemi parë deri tani është vetëm maja e ajsbergut. Dumani ka folur për emra konkretë në politikë. Burimet e News24 deklarojnë që ka folur për politikanë të ndryshëm që janë të përfshirë në mënyrë direkte apo indirekte në këtë histori. Nëse SPAK punon me profesionalizëm, kemi një rast konkret që mund të shkëpusë lidhjet e krimit me politikën.

Dumani i ka bërë një nder të madh vendit, duke mos harruar krimet që ka kryer pasi ka folur për emra për të cilët nuk mund të flitej dhe ishin zotër në disa qytete. Për momentin që flasim janë më të stepur dhe në kërkim. I ka futur të dridhurat dhe politikës. Sa herë ka gazetarë që nxjerrin emra, ka fyerje e baltë sepse po përpiqen ta zhbëjnë dëshminë e Dumanit.

Marrim rastin e Fatmira Dedës, ai tregon detaje se si miku i tij me të cilin ishin bërë vëlla gjaku, Festim Qoli, përputhen. Fatmira Deda akuzonte Festim Qolin, po ky është njeriu që më ka vrarë djalin dhe grupi kriminal i shqetësuar nga nëna e viktimës vendosi ta vriste dhe krimi të ngjante si grabitje. Mënyra se si është përshkruar ngjarja në procesverbalin e policisë me atë që ka rrëfyer Nuredin Dumani përputhen.

E njëjta gjë ndodh dhe për krime të tjera. Si vrasja e vëllezërve Haxhiaj në Durrës, etj. Një i penduar nuk është një njeri i kulluar, është një njeri që ka kryer krime, ka qenë brenda grupit dhe ndaj ka marrë statusin e të penduarit, sigurisht në momente të caktuara mund të ketë pasaktësi, por në morinë e

Çështja është ku fillon përfshirja e politikës a do ketë SPAK forcën e duhur për t’i shkuar deri në fund? Sepse shkëndijat e para kanë filluar. Gjëja e parë që thonë është se ky dëshmitar është i pabesueshëm. Në masakrën e Bradasheshit kam disponuar dosjen hetimore dhe i njëjti mekanizëm që shpjegon prokuroria e Elbasanit për këtë ngjarje, të njëjtën gjë zbërthen dhe Nuredin Dumani.

Panorama

[Albo]

Ish-kryeministri Sali Berisha i drejtohet Taulant Ballës në Kuvend: Ke mbi 100 telefonata me Dumanin, si e pagove për të “shpëlarë” tek…

Ish-kryeministri Sali Berisha dekklaroi në Kuvend se qeveria nuk sjell në Parlament marrëveshjet e ekstradimit me vendet e Beneluksit sepse do të ndikonte te ministrat dhe deputetët e maxhorancës.



Ai u shpreh më tej se kreu i grupit parlamentar të Partisë Socialiste Taulant Balla ka pasur kontakt me Nuredin Dumanin të penduarin e drejtësisë.

“Së pari denoncoj qeverinë e cila nuk sjell në Parlament marrëveshjet e ekstradimit me vendet e Beneluxit. Këtë se bën për faktin e vetëm se të paktën 6 ministra dhe shumë deputetë, janë kandidatë për ekstradime.

Së dyti për parafolësin, kam një pyetje. Sa e pagove Nure Dumanit për të shpëlarë tek Manhasët. Kjo do të dalë. Nuk është vetëm kjo. Ai ka mbi 100 telefonata me Dumanin me sharrën, gozhdën dhe bandën e Suel Çelës, Talo Çelës dhe me radhë”, tha Berisha.

Panorama

[Albo]

“Nuredin Dumani ka përmendur presidentin..”- Ilir Meta i përgjigjet Artan Hoxhës: Tellallët e rilindjes kanë hallin e vet

Presidenti Ilir Meta ka reaguar mbrëmjen e sotme në lidhje me deklaratat e bëra në media nga gazetari Artan Hoxha disa ditë më parë, i cili tha se i penduari i drejtësisë Nuredin Dumani ka përmendur dhe emrin e kreut të shtetit Ilir Meta si i përfshirë në një ngjarje.

Meta tha se nuk do të merret me tellallët e rilindjes, ndërsa shtoi se ata që shqetësohen kanë vetëm hallin e tyre.

“Nuk jam këtu për t’u marrë me tellallët e Rilindjes nga Nuredin Dumani, Hasan Hasani. Jam këtu dhe do të jem gjithmonë këtu në Tiranë në Shqipëri, midis jush. Kush shqetësohet nga 25 korriku është në hallin e vet. Por 25 korriku do të vijë”.

Deklaratat e bëra në media u përgënjeshtruan edhe nga Prokuroria e Posaçme anti-korrupsion. SPAK në reagimin e tij sqaroi se Nuredin Dumani, nuk ka deklaruar asnjë të dhënë në lidhje me Presidentin e Republikës së Shqipërisë.

Panorama

[Albo]

Dëshmitë e Dumanit përpara SPAK/ Anila Hoxha: Ka dyshime se policë me uniformë paguhen nga bandat kriminale

Gazetarja Anila Hoxha ka deklaruar se ka dyshime se ka pjesëtarë në strukturat e policisë, të cilët paguhen nga bandat kriminale të trekëndëshit Tiranë-Durrës-Elbasan.

“Menjëherë pas rrjedhjes masive, ka përjashtuar, ka larguar nga veprimet Policinë e Shtetit, në çdo veprim hetimor si këqyrje kamerash e cila nuk bëhet më në prani të policisë, njësoj si u ngarkuan. Do të thotë se ka dyshime se ka njerëz të policisë të veshur me uniforma që mund të jenë të paguar nga bandat kriminale në trekëndëshin Elbasan-Durrës Tiranë. Kryesorja ishte që SPAK u tradhtua pa dashje për paaftësi, policia është distancuar nga kjo. Duhet thënë se ende nuk ka ende një rezultat nga Agjencia e Mbikëqyrjes”, tha Hoxha për ‘Top Story’.

Gjykata e Posaçme vendosi të lejë në burg Nuredin Dumanin dhe Henrik Hoxhajn, të cilët me dëshmitë e tyre arritën të zbërthenin krimet e kryera nga tetë grupe kriminale. 18 persona u arrestuan dhe 14 të tjerë vijojnë ende në kërkim pas mandate-arresteve të kërkuara nga SPAK dhe të aprovuara nga Gjykata e Posaçme, dy ditë më parë.

Mes të kërkuarve janë emra si ai i Suel Çelës, Talo Çelës dhe Florenc Çapja si edhe Ervis Martinajt që dyshohet se siguroi mjete për vrasje.

Pjesëtarë të një grupi kriminal në raste të ndryshme bashkëpunojnë me grupe të cilët janë kundërshtarë të njëri-tjetrit. Hetimi ka nxjerrë në pah se grupet kriminale ishin në gjendje të paguanin shuma të mëdha parash për vrasjen e personave të cilët ata i konsideronin si kundërshtarë.

Duke u bazuar në prova dhe dëshmitë e Nuredin Dumanit dhe të Henrik Hoxhajt, SPAK jo vetëm shkundi pluhurin e 18 dosjeve enigmatike, por pretendon se zbardhi fije grupesh qe kryqëzoheshin mes disa qytetesh. Rrugët e Talo Çelës u ndanë me Nuredin Dumanin në krimin e dyfishtë kundër Dorian Shkozës dhe Anxhelo Avdisë, për të cilin Dumani tregon se bashkëpunoi në vrasje edhe i arrestuari Asllan Plaku. SPAK insiston se zbardhi edhe eliminimin e Bujar Çelës, vëllai i Talo Çelës që dyshohet se u ekzekutua nga Besjan Xhixha, Enver Diva dhe Nuredin Dumani.

Njeriut më të kërkuar në vend dyshohet se ju vendos lëndë plasëse në banesë nga Elio Bitri në vazhdën e këtyre përplasjeve në qytetin e përplasjeve të forta, ku ndërkohë Florenc Çapja nga ana e tij së bashku me mikun e tij Elvis Caushllari dështuan në planin e tyre për të eleminuar një rival si Sokol Sanxhaktari i identifikuar si krahu i Suel Çelës.

Emri i Suel Çelës përmendet nga Dumani si ndërmjetës që e prezantoi me dikë tjetër me kërkesën për të eliminuar Lulzim Mashën, administrator i një shkolle në Tiranë. Ndaj tij u krye atentati i dështuar nga Skerdi Tasi dhe Henrik Hoxhaj. Ervis Martinaj dyshohet nga ana tjetër për sigurim të mjeteve për të vrarë Endrit Doklen, një ngjarje për të cilën super-pagopi Nuredin Dumanin. Ndërkohë që i prangosuri Ardian Ozuni dyshohet se tentoi të vrasë një tjetër eksponent si Filip Gjeloshi. Dhe të gjitha këto ndodhen ne perimetrin Tiranë-Durrës-Elbasan.

Panorama

[Albo]

Operacioni “Plumbi i Artë”, pas dëshmisë së Nuredin Dumanit policia zbarkon në banesën e biznesmenit Xhevdet Troplini

Pak ditë më parë, policia ka kryer kontrolle në banesën e biznesmentit Xhevdet Troplini, i njohur me pseudonimin “Poja”.

Burime bëjnë me dije për gazetaren Klodiana Lala të News 24 se urdhri është dhënë nga Prokuroria e Posaçme në kuadër të operacionit Plumbi i Artë pas dëshmisë së të penduarit të drejtësisë Nuredin Dumani.

Sipas News 24, Troplini ka dhënë dëshminë e tij para oficerëve të policisë, vetëm pak ditë pas operacionit që çoi pas hekurave nëntë persona dhe rëndoi pozitën e nëntë personave të tjerë që ishin të arrestuar.

Troplini ka qenë pjesë e listës së biznesmenëve të gjobitur në Durrës nga Emiljano Shullazi. Emri i tij është lakuar dhe për dy atentate, atë të 2017 ku në Mbikalimin e Sukthit mbetën të vrarë Juxhin Dauti dhe Ervin Dalipaj, si dhe atentatit ndaj kunatit të Lulzim Berishës, Plarent Dervishajt në 2019.

Biznesmeni ka qenë në rrjetën e OFL pasi iu sekuestrua një automjet i blinduar tip ‘Jeep’ por më pas i është rikthyer pasi e kishte me dokumentacion të rregullt.

Panorama

[Albo]

“Nuredin Dumani, një bejtexhi që i tregon mirë historitë”/ Gazetari: Drejtësia të verifikojë dëshmitë, ai ka folur edhe për biznesmenin Troplini. Ja si një makinë do përdorej për atentat

Gazetari i njohur Artan Hoxha e cilësoi të penduarin e drejtësisë Nuredin Dumani si një bejtexhi që i tregon bukur historitë. Hoxha tha se drejtësia duhet të verifikojë dëshminë e tij. Ndërsa shpjegoi se Dumani ka folur dhe për biznesmenin Xhevdet Troplini, banesa e të cilit iu nënshtrua kontrollit policor.

Skedarët e Bashkëngjitur 178446

Gazetari shtoi se ka dyshime se policia po kërkon prova për një ngjarje që lidhet me një makinë që do të përdorej apo është përdorur për një atentat.

“Nuk ka dëshmuar vetëm Dumani. edhe pse jemi marrë më shumë se ata. Ai është më bejtexhi, i tregon më mirë. Enrik Hoxhaj më duket shumë i saktë sprovuar dhe Xhixha. Na duhen gjerat e mëdha, na duhen ato lartë. Nga 2018-ta kur është vrarë, nuk gjej dot një të kalibrit të tij që është vrarë. Tarzani nuk ishte i kalibrit të tij. Edhe Bledar Muçaj nuk është në kalibrin e tij. Ai ka qenë personazh shumë i rëndësishëm që ka lënë gjurmë. Po ndiqja ngjarjet e Vlorës. Në fund të korrikut ndodhi rrëfimi i Elvis Troqes. Hyra në kontakt me të ndjerin Edison Harizaj. Ai ishte ndaluar në Kakavijë. I kishin thënë; hajde me ne se na duhen të plotësojmë ça letra. Ai kishte dhënë deklarim. Ai tha; më morën, por se bëra unë. Nuredim Dumani ka folur për shumë ngjarje. jam i prirur se pavarësisht se çfarë thotë një person për drejtësinë. kam dyshimet e mia. Ai ka folur dhe për këtë ngjarje. Ai ka folur dhe për ngjarje të tjera. Të paktën për një nga ngjarjet që ka folur se implikon personazhin. pse e ka bërë kontrollin policia për Troplinin? Pasi ka marrë deklarimet e Dumanit dhe Xhixhës dhe Hoxhajt, prokuroria ka kërkuar që të gjejë prova mbështetëse. Po të ishte e kundërta, ata do ishin arrestuar. Fakti që s’janë arrestuar, do të thotë se nuk janë të bindur ende. Policia dhe prokuroria kanë shkuar dhe kanë kërkuar prova te Troplini. Në ndryshimet në ligj, ne si gazetar marrim informacione se ky material përbën sekret, nuk duhet ta nxjerrim. Bëhet fjalë për në makinë që është përdorur apo do përdorej për një atentat në kryeqytet. Është çështje që është në hetim. Prokuroria ka dashur që të gjejë prova. dumani në rrëfimin e tij ka folur dhe episode që kanë ndodhur në qytetin e Durrësit, ku ka përfshirë disa emra.”, tha Hoxha.

Sokol Bregu: Nuk është ngjarje nivel Dumani kjo.. Dumani hap zjarr, i bllokohet arma…Është i kujdesshëm, por është shumë larg. Dumani2 mund të ketë…Vrasësi më i madh në Amerikë që kishte bërë 122 vrasje për të gjitha grupe kriminale pas 122vrasjesh u kap…

Ne duhet të mësojmë nga dikush. Amerikanë nuk arritën ta mundin Escobari, i thanë të gjithëve bëhuni bashkë ne do t’ju lëmë rehat…U krijua Los Pepes, ku u grumbulluan 30 dhe e ekzekutuan, kjo është mënyra…Cili vend në botë nuk ka vrasje dhe krime…

Panorama

[Albo]

RENEA zbarkon në Elbasan, kontrolle për kapjen e personave të shpallur në kërkim nga rrëfimi i Nuredin Dumanit

Forcat RENEA kanë zbarkuar këtë të enjte në qytetin Elbasanit me qëllim kapjen e personave të shpallur në kërkim pas operacionit të koduar “Plumbi i artë”.

Skedarët e Bashkëngjitur 178447

Korrespondenti i Panorama.al bën me dije se kontrolle po kryhen në disa banesa dhe biznese private. Deri në këto momente janë shoqëruar në komisariat 10 persona.

Kontrolle po zhvillohen dhe në qytetin e Peqinit ndërkohë që operacioni është ende në vijim.

Kujtojmë se në bazë të rrëfimeve të “serial killerit” Nuredin Dumani janë shpallur në kërkim:

-Eljo (Ervis) Bitri
-Festim Qoli
-Alban Bengasi
-Ervis Martinaj
-Elvin Merlika
-Alket Xhixha
-Marjus (Suel) Lulaj (Çela)
-Agron (Kamber) Mehja
-Aleks Çela alias (Tom Qorri)
-Talo Çela
-Agim Gjini
-Mikael Qosja (Kamami) (Stefo)
-Florenc Çapia
-Abedin Mama (Dine Çami)

Panorama

[Albo]

“Plumbi i artë” rikthen RENEA-n në Elbasan, Talo Çela ‘humb’ gjurmët! Kush janë 14 personat që kërkohen nga policia pas dëshmisë së Dumanit

Operacioni “Plumbi i artë” ka vijuar ditën e sotme në Elbasan ku RENA ka shoqëruar 10 persona mes të cilëve edhe Klement Xhaferri, i shpallur në kërkim si i përfshirë në konfliktin ku u vra Pjerin Xhuvani vitin e kaluar.

Skedarët e Bashkëngjitur 178448

Po duket se edhe këtë herë prangave u kanë shpëtuar bosët e krimit nga Tola Çela dhe Suel Çela. Panoramal.al risjell listën e personave të shpallur në kërkim pas dëshmisë së të penduarve të drejtësisë Nuredim Dumani dhe Henrik Hoxhajt.

Megjithatë do të pritet një komunikatë zyrtare nga ana e policisë së shtetit për mësuar emrat e personave që janë ndaluar sot.

14 personat në kërkim nga operacioni ‘Golden Bullet’

Ervis Martinaj

Florenc Çapja

Talo Çela

Eljo (Ervis) Bitri

Festim Qoli

Alban Bengasi

Elvin Merlika

Alket Xhixha

Marjus (Suel) Lulaj (Çela)

Agron (Kamber) Mehja

Aleks Çela alias (Tom Qorri)

Agim Gjini

Mikael Qosja (Kamami) (Stefo)

Abedin Mama (Dine Çami)

Panorama

[Albo]

Akuzat e Dumanit se ka porositur një vrasje/Ilir Meta: Këto janë histori që vetëm Edi Rama mund ta katandisë jetën politike në këtë nivel

Presidenti Ilir Meta i është përgjigjur akuzave të ditëve të fundit që sipas të cilave kreu i shtetit ka porositur vrasjen e vëllait të ish-deputetit të Partisë Socialiste në qytetin e Lezhës në vitin 2017.

Skedarët e Bashkëngjitur 178449

Sipas Metës këto janë histori që vetëm Edi Rama mund ta katandisë jetën politike në këtë nivel. Duke folur në një intervistë për emisionin ‘Open’ në News 24, Meta ka shpjeguar se ai ka zero interes në këto histori dhe se atë asgjë nuk e ndal pas 24 korrikut.

Pjesë nga intervista:

Po sa i përket akuzave në media, ku SPAK ka dalë dhe i ka përgënjeshtruar në fakt, që një nga të penduarit Dumani ka deklaruar se ju keni porositur një vrasje?

Meta: E dashur Eni këto historitë që nga Durim Bami që e merrte ish-ministri i Edi Ramës në Ministrinë e Brendshme dhe histori të tjera. Këto janë histori që vetëm Edi Rama mund ta katandisë jetën politike në këtë nivel.

Gazetari në fjalë ka thënë që “unë nuk e besoj” dhe se SPAK duhet t’i shikojë mirë këto gjëra sepse ka edhe 2-3 deputetë të tjerë? A jeni interesuar ju

Meta: Unë për këtë çështje kam zero interes. Kam zero interes, nga të gjitha këto çështje asgjë nuk e ndal pas 24 korrikut.

Ka pasur të arrestuar nga partitë politike? A është varur apo i pavarur nga Rilindja

Meta: Ju e dini qëndrimin tim për reformën në drejtësi, që u bë ramaforma.

SPAK-u është i kapur sipas jush?

Opozita ishte pjesë e kapjes së drejtësisë.

Panorama

[Albo]

RENEA rrethon Elbasanin për Talo Çelën, por prangos “gabimisht” Kelmend Xhaferrin. Forcat Speciale në kërkim të “viktimave” të Nuredin Dumanit


Një informacion i lënë në duart e autoriteteve të hetimit se në Elbasan gjenden disa prej personave që janë të kërkuar nga drejtësia për llogari të dëshmisë së Nuredin Dumanit, ka bërë që dje RENEA të rrethonte gjithë zonën.

Skedarët e Bashkëngjitur 178450

Sipas të dhënave, është operuar me dy grupe të mëdha kontrollesh, njëri i dislokuar në Elbasan, kryesisht në zonën e Tregut Industrial dhe tjetri në Peqin.

Të dhënat konfidenciale flasin se informacioni i parë kishte të bënte me vendndodhjen e Suel Çelës dhe të Talo Çelës, por në vazhdën e shoqërimeve të personave të dyshuar, Policia ka hasur edhe në një tjetër emër që për ta do të thoshte shumë.

Bëhet fjalë për Kelmend Xhaferrin, njeriun që u përfshi në konfliktin e përgjakshëm të Elbasanit, 4 ditë para zgjedhjeve të 25 prillit të 2021-shit. I armatosur gjer në dhëmbë, ditën kur u vra Pjerin Xhuvani, ai hapi zjarr mbi furgonin e grupit të “Ruajtjes së votës”.

Ngjarja që tronditi vendin u mbyll me një të arrestuar, autorin e vrasjes së Pjerin Xhuvanit, dhe u tha se në kërkim u shpall Kelmend Xhaferri. Ai vijoi të ishte në kërkim, madje për specialët e RENEA-s ai ishte një i shumëkërkuar i së njëjtës rëndësi me ata për të cilët kishin udhëtuar me plan konkret nga Tirana.

Por ka rezultuar ndryshe. Ai ka rezultuar i larë me drejtësinë, pasi ndaj tij nuk kishte urdhër-arrest dhe edhe ai që kishte ekzistuar më herët, ishte shuar vetëm pak javë më parë. Kështu që Xhaferri është lënë i lirë, ndonëse ende nuk dihet nëse emri i tij është gjëkundi në rrëfimet e të penduarit Nuredin Dumani.

Por emri i Xhaferrit në fakt mungon në listën e personave të kërkuar për llogari të SPAK. Burimet policore tregojnë se Xhaferri ishte duke udhëtuar me makinë në momentin kur i është bërë shenjë të ndalohet nga RENEA dhe më pas është shoqëruar në Polici.

NË KËRKIM TË TALO ÇELËS

Që kur kanë dëshmuar Nuredin Dumani dhe Henrik Hoxha, Policia e Shtetit e ka kthyer qëllim në vetvete arrestimin e Talo Çelës, emri i të cilit është përfshirë nga ish-miku i tij në krime monstruoze.

RENEA dhe grupe FNSH-je, që prej më shumë se një muaji, ushtrojnë kontrolle të panumërta në Elbasan dhe rrethina, në të gjitha pikat ku pretendohet se strehohet Talo Çela, por ende nuk është bërë e mundur të arrestohet.

Policia pretendon se ai nuk ka kaluar kufijtë e vendit, fakt që dyshohet se vlen edhe për disa prej kokave të krimit, që janë të kërkuar për llogari të dëshmisë së të penduarve të drejtësisë.

Në fakt, që në krye të herës kur SPAK nisi operacionet për të sjellë në pranga 20 personat për të cilët kishte lëshuar urdhërarreste, u dyshua për dekonspirim të emrave të dalë nga dëshmia e Dumanit dhe e Hoxhës. Po ashtu, u dyshua se disa prej krerëve të grupeve të fuqishme kriminale që janë pjesë e dosjes “Plumbi i artë” munden të largoheshin jashtë vendi.

Edhe pse Agjencia e Mbikëqyrjes së punës së Policisë ende nuk ka dalë në një përfundim nëse kishte rrjedhje informacioni, ka të dhëna që SPAK ka nisur hetimet për të verifikuar nëse u dekonspirua operacioni i ndërmarrë prej tyre pas sigurimit të dëshmisë së Nuredin Dumanit.

Për Talo Çelën, operacioni i djeshëm shënon tjetër dështim të Policisë, ndonëse në pranga ka rënë një tjetër person i rëndësishëm për autoritetet hetimore, emri i të cilit nuk dihet nëse ka dalë në rrëfimet e shumta të Nuredin Dumanit.

AKUZAT NDAJ TALO ÇELËS

Nuredin Dumani, në të gjithë rrëfimin e tij, kryefjalë të vetën ka rolin e Talo Çelës në të gjithë aktivitetin e tyre të përbashkët kriminal në më shumë se një dekadë. Dumani e ka përfshirë emrin e Talo Çelës në një prej krimeve më të rënda të ndodhura në dekadën e fundit, atë të vrasjes së Fatmira Dedajt, gruas e cila po kërkonte gjurmët e vrasësve të të birit. Referuar dëshmisë së Dumanit, akti i kryer ndaj saj është një nga krimet më horror që ka kryer organizata e tyre kriminale që funksiononte kryesisht në trekëndëshin e vdekjes Tiranë-Durrës-Elbasan!

Të kërkuarit e “Plumbit të artë”

Për këtë operacion të SPAK, u lëshuan 32 urdhërarreste, nga të cilat 18 u ekzekutuan nga policia (prej të cilave 9 masa iu komunikuan personave të arrestuar për vepra të tjera penale), ndërsa 14 janë ende në kërkim.

Më shumë se 12 janë ngjarjet kriminale që mendohet se janë zbardhur nga dëshmia e Nuredin Dumanit pas arrestimit dhe janë goditur 8 grupe kriminale, pasi Dumani dhe Hoxha kanë bashkëpunuar me drejtësinë për të zbardhur krimet, ndër më të rëndat në këto vitet e fundit, ekzekutime mafioze, por edhe urdhra për vrasje, pagesa qindra-mijëra eurosh për ekzekutime dhe grabitje të dhunshme e brutale.

Krimet më të shumta Nuredin Dumani ka rrëfyer se i ka bërë me Talo Çelën, si dy ortakë të njohur me pseudonimet “Lala” dhe “Bubi”, pjesë e të njëjtit grup kriminal, por që shoqëria mes tyre mori fund pas grabitjes në aeroportin e Rinasit, ku u morën miliona euro, ngjarje që në fakt më shumë e kanë sqaruar grupet kriminale se sa Policia dhe prokuroria bashkë.

Për ato para janë shënuar të paktën 5 viktima, ndonëse ende nuk është hedhur dritë plotësisht mbi shkaqet e vrasjeve që pasuan supergrabitjen.

Panorama

[Albo]

U arrestua nga “Plumbi i artë” pas dëshmisë së Nuredin Dumanit, sekuestrohen pasuritë e Gentian Sharrës e babait të tij. I akuzuar dhe për grabitjen në Rinas


Policia e Elbasanit ka ekzekutuar urdhrin e gjykatës së Elbasanit që ka vendosur masën e sekuestros për pasuritë e Gentian Sharrës dhe babait të tij Mustafa Sharrës.



Gentian Sharra u arrestua në kuadër të operacionit “Plumbi i artë”, pas rrëfimit që ka bërë për hetuesit Nuredin Dumani, i penduari i drejtësisë.

Gentian Sharra është i akuzuar për një sërë veprash penale, si dhe për grabitjen e parave në Rinas.

Operacioni i zhvilluar dhe nga forcat speciale RENEA mbrëmjen e të enjtes, 9 qershor, ishte koduar “Illegal assets”.

PASURITE E SEKUESTRUARA

Nga Seksioni për Hetimin e Krimit Ekonomik e Financiar në DVP Elbasan, në zbatim të vendimit të Gjykatës, u sekuestruan:

-1 vilë luksoze në lagjen Katund i Ri, Elbasan, biznes fason dhe tokë arë;

-Truall dhe ndërtesë, me sipërfaqe 120 m2, në lagjen Katund i Ri, Elbasan, në pronesi të Gentian Sharra;

-Tokë arë me sipërfaqe 15680 m2 dhe ndërtesë me sipërfaqe 119.8 m2, në lagjen Katund i Ri, Elbasan, në pronësi të shtetasve Mustafa Sharra dhe Gentian Sharra;

-Tokë arë me sipërfaqe 3533 m2, në lagjen Katund i Ri, Elbasan, në pronësi të Mustafa Sharra dhe Gentian Sharra;

-Pasuri tokë arë me sipërfaqe 4170 m2, në lagjen Katund i Ri, Elbasan, në pronësi të Gentian Sharra;

-Pasuri tokë arë me sipërfaqe 4050 m2, në lagjen Katund i Ri, Elbasan, në pronësi të Mustafa Sharra.

-Pasuri tokë arë me sipërfaqe 3533 m2, truall me sipërfaqe 208.1 m2 dhe ndërtesë, në lagjen Katund i Ri, Elbasan, në pronësi të Gentian Sharra.

-Pasuri tokë arë me sipërfaqe 394 m2, në lagjen Katund i Ri, Elbasan, në pronësi të Mustafa Sharra dhe Gentian Sharra.

Gjithashtu janë sekuestruar 4 automjete në pronësi të shtetasit Gentian Sharra dhe të familjareve të tij.

NJOFTIMI I PLOTE I POLICISE

Drejtori i Drejtorisë Vendore të Policisë Elbasan Ardian Çipa, së bashku me prokurorin e Rrethit Gjyqësor Elbasan Kreshnik Ajazi dhe prokurorin e çështjes Xhelian Seferi, në konferencë për shtyp për finalizimin e operacionit policor të koduar “Illegal assets”.

Operacioni u zhvillua nga Drejtoria Vendore e Policisë Elbasan, nën drejtimin e Prokurorisë pranë Gjykatës së Rrethit Gjyqësor Elbasan, për sekuestrimin e pasurive që rrjedhin nga veprimtaria kriminale.

Sekuestrohen pasuri të ndryshme, me vlerë rreth 5 milionë euro.

Në kuadër të hetimeve pasurore për persona të dyshuar si anëtarë të grupeve kriminale, për pasuri dhe asete që dyshohen se i kanë burimet nga veprimtaria kriminale, bazuar në materialin procedural të referuar nga Drejtoria Vendore e Policisë Elbasan në Prokurorinë e Rrethit Elbasan, gjatë vitit 2021 dhe në vijim, është finalizuar operacioni policor i koduar “Illegal assets” dhe është bërë sekuestrimi i pasurive në emër të shtetasve Gentian Sharra dhe Mustafa Sharra.

-Gentian Sharra, 48 vjeç, banues në Elbasan, i dënuar më parë, me aktivitet kriminal në fushën e trafikimit të lëndëve narkotike, i dyshuar për grabitjen e një sasie të madhe parash në Rinas, si dhe i arrestuar në kuadër të operacionit policor “Golden bullet”.

Me kërkesë të Prokurorisë pranë Gjykatës së Rrethit Gjyqësor Elbasan, në kuadër të veprimeve hetimore, Gjykata e Rrethit Gjyqësor Elbasan, me vendimin e datës 09.06.2022, ka caktuar masën e sigurimit pasuror “Sekuestro”, për pasuritë e paluajtshme dhe të luajtshme në pronësi të shtetasit Gentian Sharra dhe të babait të tij, shtetasit Mustafa Sharra.

Nga Seksioni për Hetimin e Krimit Ekonomik e Financiar në DVP Elbasan, në zbatim të vendimit të Gjykatës, u sekuestruan:

-1 vilë luksoze në lagjen Katund i Ri, Elbasan, biznes fason dhe tokë arë;

-Truall dhe ndërtesë, me sipërfaqe 120 m2, në lagjen Katund i Ri, Elbasan, në pronesi të Gentian Sharra;

-Tokë arë me sipërfaqe 15680 m2 dhe ndërtesë me sipërfaqe 119.8 m2, në lagjen Katund i Ri, Elbasan, në pronësi të shtetasve Mustafa Sharra dhe Gentian Sharra;

-Tokë arë me sipërfaqe 3533 m2, në lagjen Katund i Ri, Elbasan, në pronësi të Mustafa Sharra dhe Gentian Sharra;

-Pasuri tokë arë me sipërfaqe 4170 m2, në lagjen Katund i Ri, Elbasan, në pronësi të Gentian Sharra;

-Pasuri tokë arë me sipërfaqe 4050 m2, në lagjen Katund i Ri, Elbasan, në pronësi të Mustafa Sharra.

-Pasuri tokë arë me sipërfaqe 3533 m2, truall me sipërfaqe 208.1 m2 dhe ndërtesë, në lagjen Katund i Ri, Elbasan, në pronësi të Gentian Sharra.

-Pasuri tokë arë me sipërfaqe 394 m2, në lagjen Katund i Ri, Elbasan, në pronësi të Mustafa Sharra dhe Gentian Sharra.

Gjithashtu janë sekuestruar 4 automjete në pronësi të shtetasit Gentian Sharra dhe të familjareve të tij.

Vijon puna për evidentimin e të gjitha pasurive dhe për dokumentimin e plotë ligjor të tyre, në zbatim të ligjit Nr. 10192, datë 03.12.2009 “Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë”.

Drejtoria Vendore e Policisë Elbasan, në bashkëpunim me Prokurorinë pranë Gjykatës së Rrethit Gjyqësor Elbasan dhe me agjencitë e tjera të zbatimit të ligjit, vijon punën intensive për gjurmimin, evidentimin dhe sekuestrimin e çdo pasurie që rrjedh nga veprimtaria kriminale.

Gjithashtu siguroj qytetarët se strukturat e Policisë së Elbasanit, me mbështetjen e strukturave operacionale në Polciinë e Shtetit, po vijojnë kontrollet në të gjithë qarkun, me qëllim kapjen e personave në kërkim, atyre që qarkullojnë me armë zjarri apo tentojnë të kryejnë veprimtari kriminale në fushën e narkotikëve. Në këtë kuadër u zhvilluan edhe kontrollet e mbasdites së djeshme, nga forcat policore.

Ftoj qytetarët që të mbështesin akoma më shumë strukturat policore dhe ato të zbatimit të ligjit dhe të denoncojnë çdo paligjshmëri në numrin pa pagesë 112 dhe Komisariatin Dixhital, duke iu siguruar anonimat të plotë dhe reagim që menjëhershëm e të panashëm.

Panorama