Mesele shqiptare

[Hajrush]

EDHE THMIJË KEMI ME JU MARUE
(Liderët në fushatë)
-O milet, hapni sytë edhe veshtë e ngomni mirë shka jam tuj thanë! Qeket here e kemi bash pernime. Tekteri tash, ke qyshë ke, shkoi si shkoi, u ba shka u ba, shau kush shau, rrejti kush rrejti, vjedhi kush vjedhi, kush ma shumë e kush ma pak. Punët nuk na shkuen qyshë patem thanë para dy vjete. I patëm do telashe nermjet veti dhe, kur e pamë se Kosova po shkon kokërrlamsh teposhtë, u nalëm, menuem dhe menihere ja quem kamtë Qeverisë tonë, e rrxuem ne kokërr të shpinës. Ktahen e banëm me pikën e kastit për me pshtue bilem qeta shka ka metë.
Nkoftë qi m’i jepni kokrrat mue edhe qesaj here, ni besë e kini se tetana senet kemi me i qitë n’dyzen, po due me thane kemi m’i nreqë qyshë ma mire.
Kemi me i kapë për fyti, rrencat, dilinxhitë, drogaxhitë, rakixhitë,hajduqtë,shspihunat,tradhëtarët,të cilët për ditë po naj sakatojnë malin tuj pre dru, thue se jav ka lane babagjyshi, kemi m’i zanë me pelë për dore bitevi shitsat e cikrrivijave ne midis shehrit qi kurrnihere nuk pagujnë duli, kemi m’i kap për gushe tetanë ata qi nuk e ngojnë hyqmin.
Pra, si t’i paqllaisim punët me kta qi i përmena, kemi m’i përvjelë mangët menihere me punë të hajrit. Kemi me marue ambulanta, spitale nenkalime, permikalime, trotuare, çerdhe,foshnjore edhe shkolla të shumta.
Papritmas, nga turma u çue zoja Hatmane dhe bërtiti sikurse me megafon:
-Hej, o ti herif qi po folë, se s’po ta di emnin, kqyrem dogrile! Unë po t‘tham maronaj naj shpi të pleqëve, se qyshë pe shoh unë, Kosova shumë shpejtë ka me metë fill me pleq. Masnenaj po thue me marue çerdhe, foshnjore e shkolla. Shka na vyejnë kto sene pa thmijë? Rinia shkuen përjashta.
- Po zonjë, qashtu asht. Mos u gajlo hiq, se me partinë teme kemi me marue edhe thmi.
-Uh, m’i marrsh t’ligat-m’i marrsh!,- u prek fort zoja Hatmane,se i erdhi shumë siklet. Po i bie sikur me thanë,ju kcejmë juve e shtohet mileti
- Mshile gojën pis! Kurrë nuk jav mrrin ymri me na kcye!!!