Ish-kryeministri Nikolla Gruevski mes 7 personave në listën e zezë të SHBA

[Albo]

Zyra e Departamentit amerikan të Thesarit për Kontrollin e Pasurive të Huaja publikoi të hënën një listë të të sanksionuarve për vepra korrupsioni, në të cilën përfshihen gjithsej shtatë persona nga Ballkani Perëndimor.

Në listën e Departamentit të Thesarit është edhe ish-kryeministri i Maqedonisë së Veriut, Nikolla Gruevski, dhe ish-shefi i Drejtorisë së Sigurisë dhe Kundërzbulimit në këtë vend, Sasho Mijalkov

Nga Bosnje e Hercegovina janë: ish-nënkryetari i Partisë për Veprim Demokratik Asim Sarajliç, dhe ish-kryeprokurorja Gordana Tadiç.

Mes 7 personave të shpallur non grata nga SHBA janë edhe biznesmenët shqiptarë Aqif Rakipi dhe Ylli Ndroqi.

Pas SHBA-ve edhe Britania e Madhe ka nisur politiken e sanksioneve ndaj politikanëve të Ballkanit.

Pre e sanksioneve britanike kanë rënë politikanët serbë të Bosnjës, Millorad Dodik dhe Zhelka Cvijanovic, të etiketuar më parë si non grata nga DASH për shkak të përpjekjeve të tyre për të minuar legjitimitetin e Bosnje-Hercegovinës.

Sanksionet, të cilat përfshijnë ngrirje të aseteve dhe ndalesë në udhëtim, janë të parat kundër zyrtarëve në Bosnje, që bëhen të ditura nga Mbretëria e Bashkuar.

Euronews

[Albo]

Shpalljet ‘non grata’ në Ballkanin Perëndimor, reagon Blinken

Sekretari Amerikan i Shtetit, Antoni Blinken në një reagim për vendimet e fundit të DASH dhe Departamenti i Thesarit për personat ‘non grata’, thotë se SHBA është e vendosur për të marrë masa ndaj personave që pengojnë zhvillimin e Ballkanit Perëndimor.

“Sot DASH dhe Thesari kanë marrë veprime për persona të përcaktuar në Ballkanin Perëndimor për aktivitet destabilizues dhe korruptiv. SHBA dhe partnerët si Mbretëria e Bashkuar do të nxjerrin para përgjegjësisë ata që kërcënojnë stabilitetin e rajonit, progresin dhe integrimin evropian”, shprehet Blinken.

Today the @StateDept and @USTreasury took action to designate actors in the Western Balkans for destabilizing and corrupt activities. The U.S. and partners like the UK are holding accountable those who threaten the region's stability, progress, and European integration.

— Secretary Antony Blinken (@SecBlinken) April 11, 2022

Vendimi më i fundit i DASH dhe Thesarit u bllokon pronat dhe asetet shtatë personave nga Ballkani Perëndimor. Në Shqipëri, vendimi ka prekur dy biznesmenë, Ylli Ndroqi dhe Aqif Rakipi.

Sipas vendimit të Thesarit, ‘krimi i organizuar mbetet një kërcënim domethënës në Shqipëri dhe aktorët kriminalë vazhdojnë të kenë ndikim në politikën shqiptare, duke përdorur para dhe dhunë për të përcjellë mbështetje drejt kandidatëve të preferuar’.

Euronews.al

[Albo]

U shpall non-grata nga SHBA, reagon Gruevski: Kam punuar me nder në interes të shtetit

Pas shpalljes non-grata nga SHBA, ka reaguar ish kryeministri i Maqedonisë së Veriut, Nikolla Gruevski.

Në një reagim në Facebook ai shprehet i keqardhur dhe se arsyet se përse është vendosur në këtë listë janë të pavërteta.

“Më vjen keq për vendimin e Departamentit të Shtetit që u publikua sot a mes tjerash ka të bëj me mua. Arsyet e potencuar për shkak të së cilave jam vendosur në listë, janë informacione të pavërteta të cilat kanë ardhur nga përndjekja shumëvjeçare politike e cila udhëhiqet kundër meje në Maqedoni. Në këtë aspekt, edhe pse nuk kam asnjë pronë në ShBA, ndjej padrejtësi të madhe sepse punova me nder dhe me shumë përgjegjësi duke luftuar për interesat shtetërore dhe nacionale, dhe gjatë kësaj, aq sa munda, u përpoqa të mos rrezikoj interesat e aleatëve të Maqedonisë. Asnjëherë nuk punova për interes personal dhe material. Do të vazhdoj të luftoj në drejtim që të dëshmoj të vërtetën”, shkruan ai.

Balkanweb