Boks: Florian Marku mbron titullin IBF me nokaut ndaj Jenkins

[Albo]

Florian Marku i jashtëzakonshëm, mbron titullin IBF me nokaut ndaj Jenkins



Një mbrëmje kuqezi, një mbrëmje shqiptare në Newcastle. Florian Marku vijon të bëjë magji në boks dhe sot magjia e tij rrëzoi në ring rivalin e radhës, Chris Jenkins, uellsianin që vinte si rival tepër i fortë.

E tregoi raundi i parë ku Jenkins ishte më agresiv me disa goditje ndaj boksierit tonë ndërsa ky i fundit në raundin e tretë pëson dhe një çarje në vetullën e majtë.

Raundi i katërt bëhet i jashtëzakonshëm me Markun që e fton hapur rivalin dhe pse i gjakosur i jep dy goditje të rënda duke e hedhur në tokë. Gjyqtari ndërhyn duke i dhënë dhe fitoren boksierit kuqezi.

Për Florian Markun tashmë është ndeshja e 12-të si profesionist prej të cilave tani arrin 11 fitore me një barazim ndaj Jamie Stewart.

Një fitore kjo e sotmja që i hap dyer të reja boksierit kuqezi që tashmë mund të kërkojë rival të mëdhenj dhe pse jo atë që kërkon ai prej kohësh, kampionin Conor Benn.

Ora News.

[Albo]

[Albo]

Florian Marku falënderon shqiptarët dhe sfidon dy boksierët e njohur: Më sillni kë të doni!



Florian Marku arriti një fitore të madhe kundër Chris Jenkins duke e hedhur në raundin e katërt. Shqiptari foli pas fitores së tij duke gëzuar të gjithë shqiptarët.

“Së pari dua të falënderoj të gjithë njerëzit kudo që janë. Dua t’i them të gjithë personave që e festojnë muajin e Ramazanit, gëzuar”.

Marku më pas foli dhe në shqip: “Falënderoj nga zemra gjithë shqiptarët”.

“Sot doja t’u tregoja anglezëve se çfarë jam në gjendje të bëj. Doja t’i tregoja të gjithëve se çfarë jam në gjendje të bëj në ring. Mos harroni se jam ende i ri, kam për të mësuar.

Kam vetëm 3 vite si boksier profesionist dhe po mësoj çdo ditë. Unë jap zemrën time kur futem në ring dhe e bërë. E ardhmja? Nuk kam asnjë problem. Më sillni kë të doni dhe unë do e mposht. Amir Khan a je gati? Do të të mposht.

Dua të kem përballë dhe Connor Ben. Këta njerëz më shmangin se kanë frikë nga unë. Në peshën time s’kam asnjë kundërshtar. Do të fitoj ndaj çdokujt që më del përpara. Besojeni apo jo do të jem kampion absolut në boks”, tha Florian Marku.



Koha Jone