Lulzim Basha jep dorëheqjen

[Ingenuous]

Lulzim Basha jep dorëheqjen

Lulzim Basha ka dhënë dorëheqjen nga drejtimi i Partisë Demokratike. Vendimin e ka komunikuar sot pasdite gjatë një takimi me grupin parlamentar, Kryesinë dhe Kolegjin e Kryetarëve. 

“Fatkeqësisht, përpjekja ime për ta mbajtur PD të bashkuar nuk arriti sukses. Unë dhe shumë demokratë u përballëm me një fushatë sulmesh të pavërteta si rezultat sot Partia Demokratike po përjeton një krizë të thellë. Për këtë arsye dhe për të ndihmuar demokratët të lënë mënjanë ndasitë joparimore, Kam vendosur të hedh një hap pas duke u dorëhequr nga detyra e kryetarit të PD, i vendosur për të ndihmuar për ringritjen dhe bashkimin e demokratëve. Kjo nuk është një tërheqje, por një nxitje më shumë që betejën tonë për një PD të së ardhmes ta bëjmë të gjithë bashkë të zhveshur nga çdo shpifje se kjo që ka ndodhur për karrigen e kryetarit”, tha Basha.
 
Më poshtë fjala e plotë e tij.

Thellimi i krizës që përjetojmë prej vitesh ka për shkak kryesor mungesën e një qeverisje të përgjegjshme dhe të llogaridhënies. 25 prilli ishte një goditje e rëndë për demokratët, për demokracinë dhe për shpresat e shqiptarëve për ndryshim, pas 8 vitesh premtimesh te pambajtura, korrupsion dhe tallje me dhimbjet dhe hallet e njerëzve. Sepse vetem nje qeveri qe vjen si vullnet i njerëzve mund të ngrihet në nivelin e halleve të tyre dhe të kuptoje e ofrojë zgjidhje reale per njerezit.

Nje qeveri e tillë, me program dhe ofertë konkrete u pengua nga masakra zgjedhore që ndali ndryshimin me 25 prill.

Shpresa per tu ringritur përmes një opozite të fortë ka marrë për fat te keq prej afro nje viti po kështu goditje të njëpasnjëshme. Perpjekjeve tona per tu ofruar shqiptarëve nje opozitë të tille, përmes denoncimeve dhe goditjes së korrupsionit qeveritar në komisionet hetimore të aferave korruptive dhe hetimit të 25 prillit i është mbivendosur një luftë e brendshme.

Fatkeqësisht, përpjekja ime për ta mbajtur PD të bashkuar nuk arriti sukses. Unë dhe shume demokratë u përballëm me një fushatë sulmesh te paparimta dhe te pavërteta që krijuan një frymë përcarje, dhe si rezultat sot Partia Demokratike po përjeton një krizë të thellë.

Për këtë arsye dhe për të ndihmuar Partinë Demokratike dhe demokratët të lënë mënjanë ndasitë joparimore, i vetëdijshëm për peshën që mora mbi vete, për atë që e kam quajtur vendimin tim më të vështirë politik, kam vendosur të hedh një hap pas duke u dorëhequr nga detyra e kryetarit të PD, me qëllim dhe i vendosur për të ndihmuar për ringritjen dhe bashkimin e demokratëve dhe Partisë Demokratike si shpresa e vetme për shqiptarët.

Kjo nuk është një tërheqje për rehati personale, por një nxitje më shumë që betejën tonë për një PD të së ardhmes ta bëjmë të gjithë bashkë të zhveshur nga çdo shpifje se kjo që ka ndodhur këto 6 muaj është bërë për karriken e kryetarit.

Ndaj dua sot ti them kujtdo që ka besuar dhe beson se PD duhet të shohë drejt të ardhmes, se unë jam dhe do jem tërësisht i angazhuar krah jush, do jem zëri juaj, nuk do ta braktis kurrë sakrificën tuaj, nuk do lodhem kurrë për t’u shprehur mirënjohjen, për sakrificat, mundin dhe kontributin tuaj, dhe me vendosmëri do bëj gjithçka, që ato të mos shkojnë dëm, por ti japin forcë vizionit tonë për një Parti Demokratike që zgjedh të ardhmen dhe i prin rrugës së shqiptarëve drejt saj.

Kjo do të thotë se unë do të vazhdoj pareshtur e pa u lëkundur të punoj, duke u përkushtuar me mish e me shpirt per këtë ringritje të Partisë Demokratike rreth vlerave, parimeve dhe standarteve tona si demokratë.

Për këtë jam i bindur se ka nevojë që të nisë sa më parë një proces vetëdijësimi, analize, përbashkimi parimor dhe ripërtëritje, e më pas një proces zgjedhor i hapur, transparent, i lirë dhe i drejtë, nga baza në qendër i gjithë lidershipit të PD.

Demokratët janë të lodhur nga konflikti i brendshëm, nga fushatat dhe gjuha denigruese, nga e cila dëmtohet Partia Demokratike dhe Shqipëria dhe përfiton vetëm Edi Rama dhe klika e tij.

Shqipëria meriton dhe do të ketë një Parti Demokratike të fortë, parimore, në krah të njerëzve, në krah të interesit qytetar dhe kombëtar dhe të aleatëve strategjikë, e gatshme per tu përballur dhe për të fituar mbi të keqen që i ka zënë frymën vendit, për të ardhmen e Shqipërisë dhe demokracisë.

Me mirënjohjen më të thellë për të gjithë ata që kanë qëndruar e qëndrojnë për një PD të vlerave kombëtare, qytetare dhe Euro-Atlantike, dua të siguroj të gjithë demokratët, simpatizantët, mbështetësit, dhe votuesit tanë se këtë hap e hedh në funksion të shërimit të plagëve të hapura padrejtësisht në mendjet dhe zemrat e demokratëve.

Me vendosmërinë e pathyeshme për të vazhduar betejën me dhe për demokratët, me dhe për Partinë Demokratike, si e vetmja shpresë për shqiptarët, për të mundur të keqen dhe për të ardhmen e Shqipërisë.

Lapsi.al

[Ingenuous]

Dorëheqja e Lulzim Bashës, kush e merr tani drejtimin e PD-së

Lulzim Basha ka dhënë dorëheqjen nga posti i kryetarit të PD-së, por kush e merr drejtimin e partisë deri në zgjedhjen e kryetarit të ri.

Sipas nenit 46 të statutit të partisë drejtimin e partisë deri në zgjedhjen e kryetarit te ri e merr njëri nga nënkryetarët. Aktualisht të padorëhequr janë Enkelejd Alibeaj dhe Jorida Tabaku. Njëri nga të dy duhet të marrë drejtimin e PD-së.

[Ingenuous]

Dorëheqja e Bashës, reagon Berisha



Sali Berisha ka reaguar pas dorëheqjes së Lulzim Bashës. 

“Bashkimi i demokrateve mbi bazen e kontributeve te tyre eshte perparesia e PD! Te dashur miq, rikthimi tek vota e lire e çdo demokrati dhe njohja e kontributeve te gjithesecilit eshte rruga e vetme qe sjell bashkimin dhe me pas fitoren e PD. Ftoj demokratet dhe demokratët kudo qe jane te punojme se bashku per nje Parti Demokratike me te bashkuar, me te forte, me te hapur. Rrofte Partia Demokratike. Sali Berisha

©LAPSI.al

[Neteorm]

Nese kjo humbje do te lidhet te rishohim edhe nje here Sali Berishen perseri ne krye te Pd-se, Shqiperia ka marre fund si shtet e si popull..

[ATMAN]

Tani e ka rradhen sulltan gazepi surrelit

[Albo]

Lulzim Basha eshte nje burokrat i zoti por nje udheheqes i dobet. Mes dy modeleve ne politiken shqiptare, populizimit te pararendesit te tij Berisha dhe babezise se Edi Rames, ai zgjodhi babezine. Mes besimit te shqiptareve dhe lekut, ai zgjodhi lekun. Dhe ketu e tregoi se ishte nje zorrecpuar qe i ka hyre politikes jo per ti sherbyer nje populli por per te mbushur xhepat/zorren e tij. Karriera e tij politike ka marre fund. Ai e deshtoi testin e udheheqjes. Si shume te tjere para tij, ai mund te sherbeje ne administrate me poste e ofiqe por ai nuk ka aftesi udheheqesi. Dhe ajo qe deshmoi gjykimin e tij te dobet eshte maskarada me ambasaden amerikane dhe shpalljen e Berishes non-grata. Atje tregoi se eshte nje njeri pa dinjitet dhe pa karakter. Ideja se mund te perzesh nga PD njeriun qe e themeloi PD dhe njerin me te votuar ne politiken shqiptare te pluralizmit, se keshtu te thone emisaret e vendeve mike, tregoi se ai vendosi interesat personale para interesave te partise se tij dhe shqiptareve. SHBA nuk do ta shpallte Berishen non-grata pa pelqimin e Lulzim Bashes. Ai eshte koke e kembe i implikuar ne ate histori.

Ne 2011 isha ne Tirane dhe nje i afermi im per Bashen me tha "edhe ai eshte lekist". E njihhte nga koha qe kish qene ne krye te Bashkise Tirane. Nuk desha ta besoja, pasi ne mendjen time, ai i perkiste brezit te ri te shqiptareve te shkolluar ne Perendim, me nje kulture perendimore. I afermi im pati te drejte, une e kisha gabim.

PD do te vije shpejt ne pushtet dhe faktori qe do te ngreje PD do te vije nga jashte Shqiperise. Edi Rama nuk eshte vetem nje zorraxhi me nam, ai eshte edhe pinjolli i George Soros ne Shqiperi e Ballkan. Fati qe pret George Soron, pret edhe Edi Ramen e kompani.

Albo

[Albo]

Pas dorëheqjes së Bashës, hiqen dyert e blinduara në PD (FOTO)



Dorëheqja e kreut të PD-së Lulzim Basha ka pasur me disa vendime në selinë blu. Së fundmi është vendosur që të hiqen dyert e blinduara, ose të përforcuara.

Mësohet se ky vendim është marrë mbrëmjen e djeshme pas kërkesës së disa deputetëve në mbledhjen e grupit parlamentar.

Dyert përforcuese që u vendosën pas rikonstruksionit të godinës, u bënë disa herë temë debati mes foltores së Berishës dhe selisë së PD.

Koha Jone

[Duke_Of_Arberia]

Doreheqja e Bashes thike me dy presje. Perfundimisht ky do mbetet politikani me misionet me te pakuptimta ne bote..