NGA MARRJA NË PYETJE E SHËN MAKSIM Rrëfimtarit
Shenjtori deklaron:
Zoti ynë Jisu Krisht e quan Kishën Katolike,
Kishën e cila ruan lidhjen e vërtetë me depozitimin e Besimit.
Për këtë rrëfim ai thirri të bekuarin Petro
dhe mbi këtë rrëfim tha se do të ndërtojë Kishën e tij.
Megjithatë, do të doja të dija përmbajtjen e rrëfimit tuaj
në të cilin të gjitha Kishat, siç thoni ju,
janë në bashkësi ( kungatën hyjnore ) me ju.
Nëse nuk është kundër të vërtetës,
atëherë as unë nuk do të ndahem prej saj.
Shpëtimi i plotë nuk varet vetëm nga besimi i zemrës,
por edhe nga rrëfimi, siç tha Zoti:
Kushdo që rrëfen për mua përpara njerëzve,
unë do të rrëfej për të përpara Atit tim qiellor.
Për më tepër, Apostulli Pavli na mëson:
Me zemër njeriu beson dhe kjo të çon në shfajësim,
por me gojën e tij rrëfen për shpëtim.
Pra, nëse Zoti, profetët dhe apostujt hyjnorë caktojnë se
si rrëfehet me fjalë misteri i besimit
dhe në këtë mënyrë misteri shpie në shpëtim gjithë botën,
atëherë njerëzit nuk duhet të detyrohen të heshtin,
për sa i përket rrëfimit (të besimi),
për të mos penguar shpëtimin e tyre.
Kur të gjithë njerëzit në Babiloni adhuruan idhujt e artë,
tre fëmijët e shenjtë nuk ranë në gabim.
Ata nuk tërhiqeshin nga të tjerët,
por kujdeseshin që të mos largoheshin nga besimi i vërtetë. Pikërisht në të njëjtën mënyrë,
kur Danieli u hodh në gropën e luanëve,
ai nuk i dënoi ata që iu bindën ligjit të Darit
dhe refuzuan t'i luteshin Perëndisë,
ai preferoi të vdiste sesa të mëkatonte kundër ndërgjegjes së tij,
duke shkelur ligjin e Perëndisë.
Edhe sikur e gjithë bota të hyjë në kungim me Patriarkun,
unë nuk do të jem në kungim me të.
Nga letrat e apostull Shën Pavlit e di se:
Fryma e Shenjtë deklaron se edhe për engjëjt do të ishte mallkim
nëse do të fillonin të predikonin një ungjill tjetër
dhe të futnin një mësim tjetër.
Burimi: ortodossia-la-retta-fede
Krijoni Kontakt