Ish-Kreu mysliman shqiptar: Erdogani bëri miting politik tek xhamia e Et’hem Beut

[Albo]

Ditën që Presidenti turk Erdogan erdhi në Shqipëri, ai sulmoi publikisht edhe Kominitetin Mysliman Shqiptar si gjoja pjesë e rrjetit terrorist të kundërshtarit të tij politik, Gylien

Ish-kryetari i Komunitetit Mysliman të Shqipërisë, Skënder Bruçaj tha për “Zërin e Amerikës” se mungesa e përfaqësuesve të KMSH-së në inaugurim ishte një turp për protokollin e shtetit shqiptar. Ai thekson gjithashtu se inaugurimi i xhamisë i ngjante më shumë një aktiviteti politik të partisë së presidentit Erdogan, sesa një aktivitet fetar për inaugurimin e një objekti kulti.

“Me thënë të drejtën çdo shqiptar është mirënjohës ndaj Turqisë për ndihmën e dhënë dhe investimet e bëra. Fakti që në inaugurimin e xhamisë së Et’hem Beut, nuk ishte prezent asnjë përfaqësues nga Komuniteti Mysliman, është një akt i shëmtuar.

Unë them që është një turp i protokollit të shtetit shqiptar. Unë besoj se më në vështirësi është ndjerë zoti Edi Rama, se imagjinojeni si një shtëpi, që të vjen një mysafir që të ka ndihmuar dhe ti do ta sejdisësh mirë, po ai ka shumë huqe dhe teka dhe ti e toleron që mysafirin ta përcjellësh.

Më mirë që s’ka qenë prezent Komuniteti Myslim pasi inaugurim xhamie nuk ishte ai. Ishte më tepër një miting politik i organizuar nga partia e Erdoganit, mënyra si të ftuarit kishin ardhur nga Kosova dhe Maqedonia e Veriut, gjithçka. Është për të ardhur keq që një simbolikë fetare, siç është inaugurimi i xhamisë përdoret për axhendën politike të një shteti të huaj”, tha Bruçaj.

Koha Jone

[ilia spiro]

Po atehere pse ja besuat riparimin e xhamise erdoganit?

[Duke_Of_Arberia]

Po atehere pse ja besuat riparimin e xhamise erdoganit?

Ne duhet te kapim thelbin e çeshtjes pa mbajtur njeanshmeri Erdogan apo Gylen.
Inaugurimi i objekteve te kulteve fetare pa prezencen e perfaquesve/teologeve te komuniteteve fetare perkatese eshte absurde. Dhe me kryesorja, ne ate xhami te gjitha ligjeratat jane mbajtur ne gjuhen shqipe. Per here te pare ne historine 200 vjeçare te saj, u be nje ceremoni nga fillimi deri ne fund ne gjuhen turke e me flamuj turq. Xhamia e Ethem Beut eshte mbi te gjitha simbol kombetar, eshte emblema e kryeqytetit, nuk identifikohet as me Stambollin dhe as Ankaran.
Ndaj Shqiperia nuk ka nevoje t’i nenshtrohet tekave te sulltan Erdoganit per disa fonde rinovimi!!!