Alban Beqiri tregoi formë të lartë, duke e mposhtur kenianin Boniface Maina.

[Akuamarini]

Boksieri i Kombëtares së Shqipërisë, Alban Beqiri (71 kg), ka shënuar fitoren e parë në kampionatin Botëror, që po mbahet në Beograd.

Beqiri tregoi formë të lartë, duke e mposhtur kenianin Boniface Maina.

Fitore spektakolare e shqiptarit, e cila është treguesi më i mirë për këtë djalosh se është në formë shumë të mirë.

“Urime fitoren e parë në Kampionatin Botëror, kampion”, ka shkruar Sad Bushati, ish boksier i mirënjohur shqiptar.
27 Tetor 2021

[Akuamarini]

2 NËNTOR 2021

E jashtëzakonshme! Boksieri shqiptar, Alban Beqiri ka bërë një tjetër paraqitje fenomenale në Botërorin e Boksit që po mbahet në Serbi, duke arritur të kualifikohet në gjysmëfinale.


Në ndeshjet e mbyllura para pak minutash, Beqiri mposhti në çerekfinale jordanezin Zejad Eashash në duelin e peshave 67-71 kg. Me një boksim të shkëlqyer dhe me një teknikë të jashtëzakonshme si në mbrojtje ashtu edhe në sulm, Beqiri triumfoi me rezultatin 4-1.

Tashmë, minimalisht, boksieri kuqezi ka siguruar medaljen e bronzit, që është një rezultat historik për Shqipërinë. Kjo ishte fitorja e katërt e Alban Beqirit në Botërorin që po mbahet në Beograd.