Close
Duke shfaqur rezultatin -19 deri 0 prej 1
  1. #1
    i/e regjistruar
    Anëtarësuar
    29-11-2010
    Postime
    16,202

    TKOB në Tiranë: Shkëlqejnë Plácido Domingo & Ermonela Jaho!




    GRAND GALA

    TKOB: Shkëlqejnë, PLACIDO DOMINGO & ERMONELA JAHO !

    16.09.2021


    Çel sërish dyert, pas 5 vite mungese për publikun e gjerë: Teatri Kombëtar i Operas, Baletit dhe Ansamblit Popullor shënoi nisjen e stinës koncertale, mbrëmjen e djeshme. ”Grand Gala"; ngjiti në skenën e rikonceptuar, të ridimensionuar, dy emra të mëdhenj të muzikës klasike në botë. PLACIDO DOMINGO, i cili vjen për herë të parë para publikut shqiptar dhe ERMONELA JAHO, ishin dy të ftuarit VIP, të cilët përuruan teatrin e ri.

    Teatri Kombëtar i Operas, Baletit dhe Ansamblit Popullor është tempulli i artit skenik, muzikor dhe baletit, i vetmi Institucion Kombëtar i këtij lloji në vendin tonë; i krijimit, prodhimit dhe interpretimit të repertorit më të mirë skenik gjithëpërfshirës, Kombëtar e Ndërkombëtar.

    Sopranoja Ermonela Jaho, aktualisht në kulmin e shkëlqimit në skenat më të mëdha botërore, ka interpretuar në skenën e Teatrit të rikonstruktuar Kombëtar të Operas dhe Baletit.

    Nga skena, ku nisi ëndrra e saj, ajo kujtoi fillimet dhe dha një mesazh për këdo që i vë vetes qëllime. Ishte Ermonela Jaho, që ftoi në skenë legjendarin Placido Domingon, i cili mori duartrokitjet e publikut shqiptar.

    “Edhe pse i vogël, por me një pasion dhe dashuri të jashtëzakonshme, këtu filloi ëndrra ime për t’u bërë këngëtare operistike.

    Ashtu si ato breza që na kanë frymëzuar neve, na kanë dhënë këtë shpresë, këtë forcë, uroj që ky teatër dinjitoz të japë të njëjtën shpresë, të njëjtin frymëzim, edhe brezave të rinj. Thuhet që ëndrrat janë të vështira për t’u arritur, por unë e arrita ëndrrën time dhe ëndrra ime fillon pikërisht këtu.

    Sa herë me pedagogët tanë, këngëtarët e bashkëkombasit e mi, që kanë dalë nga kjo skenë, kemi folur e ëndërruar për idhujt tanë.

    Ishte diçka e jashtëzakonshme të kishim qoftë edhe një regjistrim të tyrin dhe pikërisht njëri nga ata idhujt tanë, që nuk ka nevojë për prezantim, këndon në këtë skenë dinjitoze. Me pak fjalë, ftoj në skenë legjendarin PLACIDO DOMINGO”, – tha sopranoja, teksa i la skenën legjendarit spanjoll, i cili, pa dyshim, dhuroi emocione të paharruara.

    TKOBAP mban misionin e ruajtjes dhe zhvillimit të vlerave artistike të teatrit muzikor dhe atij koreografik, folklorit shqiptar dhe botëror, krijimtarinë e re skenike, ngritjen teknike dhe profesionale, larminë e stileve dhe individualiteteve interpretuese dhe krijuese, edukimin e brezave me veprat më të arrira të teatrit muzikor, koreografik e folklorik.



    Konica.al

    https://konica.al/2021/09/tkob-shkel...ermonela-jaho/
    Ndryshuar për herë të fundit nga sirena_adria : 17-09-2021 më 10:31

Tema të Ngjashme

  1. M.Placido: Kam stergjyshe shqiptare
    Nga BARAT në forumin Aktualitete shoqërore
    Përgjigje: 7
    Postimi i Fundit: 14-03-2008, 19:17

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •