Pse ish komunistet si edmond hoxha vazhdojne dhe ndikojne ne politike..

[John Withers]

Nëse do flisnim për personazhet e komunizmit, me siguri në një fshat të kohës së komunizmit do ishte edhe një familje, e Resmi Hoxhës e cila e përqafoi komunizmin që në momentet e para.

Edhe pse familje me biografi të mirë komuniste, për ti dhënë të kuptojë sistemit te ri diktatorial se në fshatin Lubonjë është një fshatar besnik i këtij regjimi, Resmiu si pjese e grupit komunist të fshatit, në pararojë filloi të bënte edhe detyrën që dinte më mirë, të spiunonte gjithë banorët e fshatit Lubonjë dhe më gjerë për pikëpamjet e tyre ndaj sistemit komunist.

Për bëmat e Resmiut duheshin libra për tu botuar, jo nga ato libra që boton i biri Edmondi për ti pastruar imazhin, por nga viktimat që ai solli. Pse Resmi Hoxha mbante mbiemrin e diktatorit famëkeq Enver Hoxhës, ndihej dyfish i zellshëm për të spiunuar sidomos ata që kishin pikëpamje kundër sistemit komunist dhe atyre me bioagrafi të keq, për ti çuar në gijotinë..

Për mos vajtur më tej tek bëmat e Resmi Hoxhës, sa njerëz ka marrë më qafë duke i spiunuar, duke bërë dëshmitarin e rremë, etj.. pa arsye, por për ti shërbyer diktaturës komuniste, lista do ishte e gjatë, aq sa spiunoi dhe futi me dëshmi të rreme në burg edhe ata njerëz që dikur e kishin ndihmuar që djali i tij Edmondi të futej në shkollë të lartë. Aq sa ai spiunonte edhe motrën e tij, dhe ishte i gatshëm ta fuste edhe atë në burg... zelli i tij më pas do kopjohej nga i biri.

I biri Edmond Hoxha pasi mori bursën, të referuar nga viktimat e të atit të tij, që i burgosi sipas dëshmive të rreme dhe spiunimeve, e adhuronte dhe ishte ushqyer me një besnikëri të skajshme ndaj mënyrës si ai vepronte. Kjo bëri që të rritej në një familje ku intriga dhe inskenimet e pavërteta ndaj njerzve të pafjashëm të fshatit Lubonjë e bëri të kalitur për atje ku do shkonte.

Pasi përfundon studimet si Topograf nga Fakulteti Inxhinieri Miniera në 1987, fillon punë në Minierën e Krastës në Burrel si Topograf apo siç quhej atëhere Kartograf Minierash. Këtu Edmondi vuri në dukje aftësitë e fituara dhe të mësuara nga i ati, dhe për më pak se një vit u bë shefi i departamentit të topografisë në Minierën e Krastës. Kuptohet ishin vitet 1989-90 dhe Edmondi e shiste veten si shef i madh defakto i Minierës së Krastës, pasi intrigat e tij dhe lidhjet si komunist i devotshëm bënë që nga drejtuesit komunist të asaj kohe, ta linin në pozicione që ky të informonte qëndrën për çdo aktivitet të inxhinierëve apo zyrtarëve të tjerë anti komuniste në Minierën e Krastës.

Edmond Hoxha nuk kishte fatin që ta shijonte akoma sistemin diktatorial-komunist, pasi erdhën ndryshimet e viteve 1991, ku Edmondi u rradhit si Demokrat i flaktë dhe mik me të ndjerin Azem Hadjari.
Gjatë kësaj kohe, ai aktivizohet për të organizuar të rinjtë e Burrelit në ndryshimet politike, dhe sigurisht donte që vetë të ishte pararojë..që të ndiqte çdo rrymë politike ngado që të frynte era..

Fillon një fushatë ndërkombtarizimi të vetes së tij, me kompani të huaja dhe organizatat që vinin në Shqipëri për të patur bazat e tyre si GIZ, kompani të huaja që merrnin burimet natyrore të mbetura nga komunizmi dhe puna e qindra mijra njerëzve dhe burgosurve, ky si drejtor ekzekutiv që e quante veten ishte pjesë e këtyre aferave. Deri në vitin 1997 shumë vendburime, miniera etj vazhdonin punën me kapacitet të lartë. Gjatë kësaj kohe ishte shume i përfshirë me organizata vullnetare ndërkombëtare, që në Shqipëri sillnin ndihma, që shumë prej këtyre ndihmave shkonin në llogari të Edmond Hoxhës, dhe jo të njerëzve nevojtarë.

Edmond Hoxha dhe Zabtimi i Qendrës së Zhvillimit për Persona me Aftësi të Kufizuar në Tiranë.

Gjatë viteve të ndryshimit të sistemit, Edmond Hoxha zapton, "Qendrës së Zhvillimit për Persona me Aftësi të Kufizuar në Tiranë" ose siç quhej Qendra e Handikapatëve ( sot quhen Qendrat e Zhvillimit ). Ai zapton të gjithë godinat që ndodheshin në oborrin e saj ku qëndronin puntorët që punonin dhe linin objektet/veglat e tyre të punës.
Pasi e zabton, ai fillon ndërtimin e shtëpisë aty, dyqani biznes dhe ja lë vëllait të tij, ku e ndihmon të futej polic, ku jetonte bashkë me të atin Resmi Hoxhën.

Duke parë që kjo mënyrë zabtimi funksiononte dhe ishte paproblem për kohën, Edmond Hoxha duke përdorur lidhjet me Azem Hajdarin, privatizon në mënyrë të fshehtë dhe ilegale, që vetëm një komunist i vërtetë di ta bëj, Shtëpinë e Ushtarëve tek Ura Tabakëve. Pa marrë parasysh pronarët legjitim të një ndërtese të vjetër Tiranase, ai me marifetet e veta në tjetërsim dokumentash e bën këtë pronë të vetën.

Shtëpia e Ushtarakëve


Këtë objekt të zabtuar përveç se banon, ai e bën në 1996 qëndër të gjuhëve të huaja dhe profesionale, që ishin në modë asaj kohe, me emrin "Inkus Network" sh.p.k, ku ai ishte themelues, president, drejtor, shef ekzekutiv...etj etj.

Ju do bëni pyetjen si e përvetësoi këtë objekt publik, që priste ti shkonte pronarëve legjitim ? Këtë di ta bëjë vetëm biri i një spiuni, ku i biri u bë më i aftë se i ati.

Kuptohet në 1997 kur Partia Socialiste (ish Parta e Punës) erdhi në pushtet, Edmond Hoxhën e bënë menjëherë Drejtor dhe Shef Ekzekutiv tek Minstria e Punës dhe Çështjeve Sociale, kështu i pëlqenin ta thërisnin. Kuptohet këto ishin tituj për spiunat që përdorte Partia Socialiste ( ish Partia Punës), duke ja ditur bëmat Edmondit, skishin si mos të merrnin njeri besnik ndaj idealit të tyre, vazhdimin e komunizmit në Shqipëri.

Më pas Edmondin e hedhin sa andej këndej për ta përdorur për të marrë informacione dhe supervizuar të gjithë stafin në ministri, sa nga njëri departament, tek tjetri, me kohëzgjatje jo më shumë se 9 muaj.

Disa here si kordinator, sa si shef departamenti, për të mbyllur ca projekte që vetëm Edmondi mund tna flasi për to, dhe më pas si Shef Gabineti të Drejtorit të KESH-it, si këshilltar për energjinë tek Ministria Energjitikës, asaj të Ekonomisë, asaj të Mbrojtjes, në Kryeministri si Këshilltar, etj etj.. mbi 10 lëvizje pune brenda 3 vitesh.

Do thoni ju, po si lëviz njeriu 10 pozicione pune për 3 vjet (1999-2003)? Apo ka diçka që nuk shkon?

Komunistët kanë një parim të Leninit që e aplikojnë edhe sot: BESO, dhe KONTROLLO!

Edmond Hoxhën e përdornin për të kontrolluar (spiunuar), këshilltar medemek.

Me anën dhe sugjerimin e drejtuesve socialist (komunist) në 2003 deri 2004 bëhet pjese edhe si Drejtor Projekti tek Banka Botërore për rreth një vit, kuptohet Banka Botërore sdonte të ndynte duart me Edmondin kur e morrën vesh se kush ishte i vunë shkelmin, por ishin të detyruar që qeverisë së asaj kohe ti bënin edhe ndonjë nder, duke marrë në punë njerëz të sugjeruar prej tyre.

Në 2004 bëhet Sekretar Tek Ministria Arsimit, duke qënë që kishte miqësi me Memushin. Gjatë kësaj kohe Edmondi kupton që Shqipëria do të aderojë në BE, dhe fillon aktivitetin e tij pro BE-së.

Themelon qëndrën Albanian Center of Excellence, ku Edmond Hoxha kuptohet është themeluesi, presidenti, drejtori, e etj etj, me adresë tek godina e vjedhur tek Ura Tabakëve.

Gjatë kësaj kohe deri në 2008 merret me studime dhe projekte të thella për integrimin e vendit në BE, dhe studime që po të mos ishin këto, ne me siguri do ishim shumë prapa.

Ju do thoni, si ka mundësi që një spiun i komunizmit, të vazhdojë dhe promovojë kësoj interesi ? Sepse Edmond Hoxha e ka kuptuar mirë nga i ati Resmiu, shko nga fryn era. Ashtu siç bëjnë dhe disa nga shokët e tij.

Në fund të 2008 rregullon dhe mundësinë për tu futur edhe pedagog tek Fakulteti Gjeologji Miniera, ku Edmondi e shet veten për profesor me tituj, dhe me postime në median sociale të njëpasnjëshme. Të thuash që po mos ishte komunisti Edmond, ne do ishim shumë keq.

Me miqtë e tij në qeveri gjatë kësaj kohe Edmond Hoxha merr shumë fonde për projekte për Integrimin në BE, nëpërmjet qendrës Albanian Center of Excellence. Këto fonde sdihet ku kanë shkuar, por për ta vlerësuar atë për ndarjen e drejtë të këtyre fondeve, atë e bëjnë Zv Ministër tek Ministria Integrimit Europian deri në 2013.

Tani ju do thoni pse sna do ne BE-ja? Pse Nuk futemi në BE ?

Sepse po të vendosni komunista dhe spiuna në administratë, dhe drejtues institucionesh ta harroni.

Gjatë kësaj kohe kur kishte pozicione sa nga njeri institucion në tjetrin, interesante është se Edmond Hoxha merrej edhe me fonde për rindërtimin e kishave, apo objekteve të tjera të kultit. Kjo kuptohet pasi liheshin këto objekte të shkatërroheshin, detyronin KOASHin që tiu jepnin fonde në mënyre institucionale, dhe të restauroheshin këto objekte në mënyrëm më mostruoze duke humbur çdo vlerë shpirtërore, arkitektonike, arti etj. Kuptohet që KOASHi për ta mbajtur mirë me institucionet dhe sidomos me një spiun të rrezikshëm si Edmondi, ja u jepnin këto fonde që i administronte Edmondi me shokë.

Çuditërisht Edmondi, nga 2013 filloi të punonte vetëm si pedagog, duke u tërhequr nga aktiviteti i tij në shërbim të idealit të partisë..

Disa thonë po shijon paratë që ka grumbulluar,, disa të tjerë thonë që ska më ato aftësi si spiun dhe nuk i duhet më parisë komuniste...

Në fund të ditës Edmond Resmi Hoxha është i qetë, pasi po merret me plane në shkrim librash historik për babain e tij dhe historinë e jetës së familjes së tij, që ta pastroj nga pluhuri komunist që disa dashakeqës duan tja hedhin.

Prandaj ai ka ndërmarë një fushatë vetë promovimi prej disa vitesh në median sociale etj, por më shumë do duhet të prisni librat e tij që do dalin në botim... deri atëhere...

...BESO DHE KONTROLLO..

[Edmond Hoxha]

Pershendetje!

Rastesisht sot jam informuar per kete shkrim te publikuar ne Faqen e FORUMIT SHQIPTAR.
Me keqardhje konstatoj se ky shkrim eshte i mbushur me shpifje dhe per kete arsye, nese Forumi nuk e pergenjeshtron, do te hap nje Padi Civile dhe Penale ndaj Autorit dhe Administratoreve te kesaj faqeje!

[Neteorm]

Pershendetje!

Rastesisht sot jam informuar per kete shkrim te publikuar ne Faqen e FORUMIT SHQIPTAR.
Me keqardhje konstatoj se ky shkrim eshte i mbushur me shpifje dhe per kete arsye, nese Forumi nuk e pergenjeshtron, do te hap nje Padi Civile dhe Penale ndaj Autorit dhe Administratoreve te kesaj faqeje!

Pëshëndetje.

Nëse lexon rregulloren e forumit, do kuptosh që forumi nuk mban asnjë përgjegjesi mbi materialet që postohen nga anëtarët.

[Edmond Hoxha]

Përshëndetje!

E kuptoj që sipas Rregullores ju mund të mos mbani pêrgjegjësi për materialet që publikojnë anëtarët, por ju keni për detyrë që kur dikush fyen dhe shpif për dikë tjetër të ofroni informacion të plotë për autorin e shpifjeve, dhe jo të mbroni atë duke fshehur identitetin e tij nëpĕrmjet faqes tuaj. Per kete arsye edhe njehere ju kerkoj qe ti kerkoni Autorit prova per shpifjet si dhe te ofroni infirmacion per identitetin e tij.

[Edmond Hoxha]

Përshëndetje!
E kuptoj që sipas Rregullores ju mund të mos mbani pêrgjegjësi për materialet që publikojnë anëtarët, por ju keni për detyrë që kur dikush fyen dhe shpif për dikë tjetër të ofroni informacion të plotë për autorin e shpifjeve, dhe jo të mbroni atë duke fshehur identitetin e tij nëpĕrmjet faqes tuaj. Per kete arsye edhe njehere ju kerkoj qe ti kerkoni Autorit prova per shpifjet si dhe te ofroni infirmacion per identitetin e tij.

[SERAFIM DILO]

Ke te drejte kur kerkon identitetin e personit dhe natyrisht dhe provat apo faktet sepse simbas mendimit tend ky pseudonim fyen e shpif... por mbase do ishte me llogjike (brenda mundesive) qe te shpegoje "ti vet" se ku qendojne shpifjet dhe fyerjet etj etj psh ;" "nuk kam qene komunist","nuk kam pasur lidhje me Azem Hajdarin", "nuk jam une une privatizuesi apo dhe pronari i shtepise ushtarake " e me radhe...

(Shtepia ushtarake ma ha mendja se duhet te jete ish "Garnizoni" ).

[Edmond Hoxha]

Ke te drejte kur kerkon identitetin e personit dhe natyrisht dhe provat apo faktet sepse simbas mendimit tend ky pseudonim fyen e shpif... por mbase do ishte me llogjike (brenda mundesive) qe te shpegoje "ti vet" se ku qendojne shpifjet dhe fyerjet etj etj psh ;" "nuk kam qene komunist","nuk kam pasur lidhje me Azem Hajdarin", "nuk jam une une privatizuesi apo dhe pronari i shtepise ushtarake " e me radhe...

(Shtepia ushtarake ma ha mendja se duhet te jete ish "Garnizoni" ).

I nderuar zoti Serafim Dilo!

Së pari; Ju falenderoj për faktin që dikush me emrin e tij të vërtetë është prononcuar dhe me të drejtë, përpara se të arrijë në një konkluzion, kërkon të dijë se si është e vërteta me prova dhe fakte.

Së dyti; Në ndryshim nga autori burracak, unë nuk kam azgjë për të fshehur, as fytyrën, as emrin e as pasurinë, sepse çdo gjë e kam publike dhe transparente dhe si person publik e kam për detyrë të sqaroj çdokënd që ka dyshime, aq më tepër kur përpiqen të njollosin figurën time dhe të familjes time, kështu që me kënaqësi do tju jap informacionin që kërkoni.
Më lejoni tju them qysh në fillim se e vetmja gjë e saktë në atë shkrim janë pozicionet e mia të punës, që me siguri janë marrë nga CV-ja ime e cila është publike. Çdo interpretim tjetër është shpifje dhe e shtrembëruar.
Ashtu si e thashë më lart po ju përgjigjem 3 pyetjeve tuaja direkte. Ndërkohe për të gjitha shpifjet e tjera po pres që burracaku i këtij shkrimi, të marrë guximin, të zbulojë fytyrën dhe të përballet me mua qoftë sy në sy, me prova dhe me fakte qoftë edhe tek organet e drejtësisë.

(1) A kam qënë komunist? Ju sqaroj se unë jam përfshirë në politikë në vitin 1991 si anëtar i Partisë Socialiste dhe më tej në Lëvizjen Socialiste për Integrim. Kjo është e deklaruar, pra unë jam socialist por jo komunist. Çdo njeri ka bindjet e tija politike, ashtu si edhe ju mund të keni tuajat. Nuk mendoj se përbën krim të kesh bindje të majta. Ju ndoshta mendoni ndryshe, unë e respektoj mendimin tuaj dhe ky fakt nuk na bën armiq.

(2) Lidhja me Azem Hajdarin: Nuk e kam njohur dhe nuk e kam takuar asnjëherë Azem Hajdarin. Autori i shkrimit me siguri më ngatërron me ndonjë person tjetër. Nëse unë do isha përkrahës i flaktë tij, siç thotë autori burracak i shkrimit, duhet të isha në rradhët e PD-së , dhe jo në Partinë Socialiste apo jo? Megjithatë nëse autori ka prova që vërtetojnë të kundërtën do t’i prisja me interes.

(3) Godina e Ish Degës Ushtarake: Më lejoni t’iu informoj se si është e vërteta. Godina e Ish Degës Ushtarake, (që ndodhet tek Ura e Tabakëve, jo ish Garnizoni), është një Godinë dy katëshe që është privatizuar me Vendim Nr.869 dt.23.11.1994 të Komisionit të Kthimit dhe Kompensimit të Pronave ish Pronarëve, në emër të ish Pronarit të ligjshëm Suad Erebara dhe një pjesë e saj është privatizuar nga 3 ish oficerë që punonin në Degën Ushtarake. Në vitin 2000 Suad Erebara ja shet pjesën e tij, z. Mustafa Serezi dhe më pas unë ja kam blerë z. Serezi. Pra nuk kam lidhje me asnjë lloj privatizimi, por si çdokush edhe unë kam blerë një pronë brenda të gjitha ligjeve dhe rregullave në fuqi. Ndoshta edhe në këtë rast autori gabimisht më ngatërron me persona të tjerë që kanë privatizuar këtë godinë. Ndërkohë në pjesën tjetër të Godinës vazhdojnë të jetojnë familjet e ish oficerëve të Degës Ushtarake dhe aktualisht ish Pronari Suad Erebara është komshi me mua, jeton në shtëpinë ngjitur dhe mund të konfirmojë çdo fjalë timen.

Të nderuar Administratorë të Forumit!
I nderuar Z.Serafim Dilo!

Edhe njëherë po ju sqaroj se për shkak të funksioneve te mia publike pasuria ime është e deklaruar çdo vit, çdo gjë është publike dhe lehtësisht e verifikueshme, kështu që e keni shumë të thjeshtë të provoni ato që them unë, pra mund të përdorni shprehjen e autorit burracak “beso dhe kontrollo”, por në këtë rast kontrollin duhet ta bëni me burracakun e mjerë që fshihet në gjirin tuaj duke e ndotur misionin fisnik të Forumit tuaj të nderuar.

Në vazhdim edhe të kërkesave të mia të mëparshme edhe njëherë po ju kërkoj Administratorëve të kësaj faqeje të japin infomacionin për autorin, ti kërkojnë atij provat, ashtu siç i solla unë dhe së bashku, ose të më vini mua me shpatulla mbas murit, ose t’i tregoni vendin një njeriu të mjerë që meriton vetëm përbuzje dhe përballje me drejtësinë për veprimin e tij.

Së fundi, duke besuar që edhe autori mund të jetë keqinformuar, i bëj thirrje që të reflektojë, të bëhet burrë, të tregojë fytyrën e tij të vërtetë dhe ose të nxjerrë prova, ose të tërheqë shkrimin që ka bërë.
Edhe njëherë ju përshëndes, jam i hapur për çdo interes tjetër që mund të keni lidhur me mua dhe pres reagimin tuaj etik dhe profesional.

Me respekt!

Edmond Hoxha

[SERAFIM DILO]

Faleminderit per pergjigjen, per mirsjelljen dhe kohen e kushtuar. Pergjigje e kulturuar,permbushese persa i perket shpegimit te ngjarjeve dhe shpresoj edhe te akuzave. Mendoj se mjafton nje pergjigje e tille (si ne kete rast qe shpegon nje te vertete) per te zmontuar çdo lloj dyshimi,shpifje apo trillimi.

(Ne fakt ke te drejte ndertesa nuk quhej Garnizoni por quhej Gjendja Ushtarake apo diçka e tille ) Edhe njehere faleminderit dhe pershendetje.

[Edmond Hoxha]

Faleminderit per pergjigjen, per mirsjelljen dhe kohen e kushtuar. Pergjigje e kulturuar,permbushese persa i perket shpegimit te ngjarjeve dhe shpresoj edhe te akuzave. Mendoj se mjafton nje pergjigje e tille (si ne kete rast qe shpegon nje te vertete) per te zmontuar çdo lloj dyshimi,shpifje apo trillimi.

(Ne fakt ke te drejte ndertesa nuk quhej Garnizoni por quhej Gjendja Ushtarake apo diçka e tille ) Edhe njehere faleminderit dhe pershendetje.

Edhe unë ju përshëndes, ju falenderoj dhe ju uroj gjithë të mirat kudo që të jeni.