Albanistan: Edi Rama do të shkojë të dekretojë qeverinë e re tek presidenti i shkarkuar Ilir Meta

[Albo]

Rama e pranon se do t’i shkojë në zyrë presidentit për dekretimin e qeverisë së re: A do të ‘pajtohem’ me Metën? Rrugët tona janë ndarë në mënyrë të pakthyeshme



Kryeministri Edi Rama i ftuar në ‘Opinion’ ka shuar çdo mundësi dhe shpresë për një pajtim me presidentin Ilir Meta. Ai tha se rrugët me Partisë Socialiste dhe presidentit janë ndarë në mënyrë të pakthyeshme.

I pyetur nëse do të shkojë të betohet tek ai edhe nëse gjykata Kushtetuese e shkarkon atë, Rama tha se për sa kohë që është në zyrë do të rrespektoje Kushtetutën.

Blendi Fevziu: Nëse Gjykata Kushtetuese shkarkon presidentin do të shkoni të betoheni?

“Për sa kohë është në zyrë do të rrespektoj Kushtetutën gjithmonë. Nuk jemi zënë ne. Thjesht janë ndarë rrugët mes PS-së dhe Ilir Metës në mënyrë të pakthyeshme për arsyet që janë publike”- tha Rama.



(BalkanWeb)

[Albo]

Mësohet ora, ja kur do të betohet qeveria e re para Presidentit të Republikës

Teksa mëngjesin e sotëm u votua në Kuvend qeveria e re ‘Rama 3’, ditën e nesërme kryeministri Edi Rama dhe kabineti i ri do të betohen te presidenti Ilir Meta.

Lajmi bëhet i ditur për BalkanWeb u bë i ditur nga gazetari Ergys Gjenccaj. Mësohet se ceremonia e betimit do të nisë në orën 10:00, në Presidencë.

Kujtojmë se qeveria “Rama 3” do të përbëhet nga 12 gra e 5 burra bashkë me kryeministrin. Rama dhe ministrat e tij do të betohen te një President që ka marrë ‘vulën’ e shkarkimit nga Kuvendi i vjetër, por jo nga Gjykata Kushtetuese.

Ishte mazhoranca e PS që inicioi shkarkimin e Metës me pretendimin se kishte ndikuar dhe ndërhyrë në zgjedhjet e 25 prillit duke dalë nga statura e Presidentit. Nga ana tjetër Meta e ka dhënë një sinjal dakordësie me qeverinë e re, pasi ka emëruar dekretimin e të gjithë anëtarëve të rinj të kabinetit Rama, nga kryeministri tek ministrat që vijojnë.

(BalkanWeb)