Shteti policor: Qeveria lejon SPAK, SHISH dhe BKH të kontrollojnë llogaritë bankare të shqiptarëve

[Albo]

S’ka më sekrete/ SPAK mund të shohë llogaritë bankare të të gjithëve



Qeveria ka miratuar vendimin për “rregullat e aksesit të subjekteve të interesuara në bazën e të dhënave të Regjistrit Qendror të llogarive bankare”, ku i lejon SPAK-ut, BKH-së, SHISH-it dhe disa institucioneve të tjera që të kenë akses të plotë në llogaritë e qytetarëve.

Sipas këtij vendimi, Drejtoria e Përgjithshme e Parandalimit të Pastrimit të Parave; Prokuroria e Juridiksionit të Përgjithshëm; Prokuroria e Posaçme Kundër Korrupsionit dhe Krimit të Organizuar; Drejtoria e Përgjithshme e Policisë së Shtetit; Byroja Kombëtare e Hetimit dhe Shërbimi Informativ i Shtetit kanë akses të plotë, të menjëhershëm dhe të pafiltruar në të dhënat e regjistrit, nëpërmjet përdoruesve të autorizuar prej tyre.

Gjithashtu të drejtë të plotë për t’u futur në Regjistrin Qendror të llogarive bankare kanë edhe Inspektorati i Lartë i Deklarimit dhe Kontrollit të Pasurive dhe Konfliktit të Interesave, Drejtoria e Përgjithshme e Tatimeve, Drejtoritë e taksave dhe të tarifave pranë njësive të vetëqeverisjes vendore dhe Drejtoria e Përgjithshme të Doganave, që nëpërmjet përdoruesve të aurorizuar prej tyre kanë akses të plotë, të menjëhershëm dhe të pafiltruar në të dhënat e regjistrit.

Lapsi

[Albo]

Në çdo vend të botës së qytetëruar, që një agjenci policore apo hetimi te marri të dhënat e llogarive private bankare të qytetarit, duhet që te paraqitet në gjykatë dhe të bindi gjykatësin, se ka prova të mjaftueshme se personi privat X është duke shkelur ligjet e atij vendi. Dhe vetëm pasi gjykatësi i jep lejen agjensisë përkatëse, ata e marrin vendimin e gjykatës e shkojnë e trokasin ne derën e bankës private që të tërheqin informacionin bankar të llogarisë së qytetarit në fjalë.

Kurse në Shqipërinë e Edi Ramës, me një të rënë të lapsit, kryeministri piktor, i hap të gjitha llogaritë bankare të gjithë qytetarëve të atij vendi, për agjensitë hetuese e sekrete te vendit. Shqiptarët që nga ky moment nuk janë më qytetarë, janë bujkrobër të Edi Ramës. Qytetari ka të drejta te lindura që i mbron me ligj. Bujkrobi nuk ka asnjë të drejtë, bën vetëm ashtu sic i thotë "pronari".

Albo