SPAK: Arrestohet kryebashkiaku i Lushnjës Fatos Tushe, akuza korrupsion

[Neteorm]

Kryebashkiaku i Lushnjës, Fatos Tushe është arrestuar sot nga policia. Lajmi konfirmohet nga burime për ‘BalkanWeb’. Në kuadër të një aksioni masiv antikorrupsioni, të urdhëruar nga SPAK, policia dhe FNSH kanë ‘zbarkuar’ në Ndërmarrjen e Pasurive Publike të këtij qyteti. Mësohet se Tushe akuzohet për veprën penale ‘korrupsion’.

Gazetarja Dorjana Bezat raporton për ‘BalkanWeb’ se policia i ka shkuar në zyrë Tushes dhe pas disa kontrolleve në këtë institucion ai është arrestuar.


Kujtojmë se Fatos Tushe drejton këtë bashki prej 3 mandatesh, ndërsa përfaqëson Partinë Socialiste. Më herët ai bashkë me sekretaren e tij mbetën të plagosur më 31 dhjetor të 2020-ës, pasi në zyrë iu hodh lëndë plasëse.


(BalkanWeb)

[Neteorm]

Detaje nga aksioni i SPAK/ Bashkia e Lushnjes e rrethuar nga FNSH, nxirren në pranga zyrtarët (EMRAT)

Mbi 20 policë po kryejnë kontrollet në zyrat e Bashkisë së Lushnjes, ndërsa Fatos Tushe, kryebashkiaku po merret në pyetje, kur zyrtarët vartës të tij janë nxjerr jasht në pranga.


Bëhet fjalë për drejtorin e pasurive publike. Ndërsa detaje konkrete mbi çfarë bazash po kryhet ky aksion, ende nuk ka, paraprakisht raportohet për korrupsion.


Fatos Tushe ka zhvilluar mëngjesin e sotëm një mbledhje me vartësit e tij dhe sapo ka përfunduar ky takim, në zyrë i zbarkoi policia.

Emrat e personave që janë arrestuar janë si më poshtë:

Flamur Peqini
Xhemal Hasko
Blerta Turuku
Ani Simoni
Andri Mushaj
Margarita Gjermeni
Bujar Murati
Ibrahim Lami
Xhemal Hasko
Gazment Çela

[Albo]

Çfarë po "i ha kokat" e kryebashkiakëve? Kush janë kryetarët e arrestuar, hetuar apo shpallur "të vdekur"



Korrupsioni me tenderat, lidhjet me krimin në të kaluarën apo edhe përplasjet politike vijojnë të hanë “kokat” e kryebashkiakëve në Shqipëri, ndërsa shumë qytete qeverisen nga 'kryetarë' të cilët nuk i kanë votuar.

Aktualisht, bashkia e Vorës, Durrësit, Rrogozhinës dhe Dibrës, janë pa kryetar, ndërsa Shkodra vijon të qeveriset më një “kryetare” të cilës i ka përfunduar mandati dy vite më parë.

Por nuk mbaron me kaq, pasi fati i 2 bashkive të tjera është në diskutim, ndërsa një kryebashkiak nga radhët e PS-së është shpallur “i vdekur” nga Rama, pas përplasjes që pati me këtë të fundit.

Kryebashkiakët e arrestuar, hetuar, dënuar apo shpallur "armiq"

Sagës së qyteteve që mund të mbeten pa kryebashkiakë, së fundi iu shtua edhe Lushnja, ku tenderi për një kanal “mbyti” bashkinë dhe çoi në pranga Fatos Tushen.

Masa është kërkuar nga SPAK, pas një hetimi të nisur në 22 korrik të vitit të shkuar, në tenderat e firmosur prej titullarit socialist që është në detyrë prej 11 vitesh. Me arrestimin e tij, gjasat janë që të marrë fund edhe karriera politike.

Por Tushe nuk është i vetmi në diskutim. Kryebashkiaku i Mallakastrës, Qerim Ismailaj, i cili rezulton i dënuar me 3 vite burg në Greqi, u fal nga KQZ, pasi u vendos të mos i ndërpritej mandati.

Por duket se beteja nuk ka përfunduar për PD-në, që ishte edhe ajo që bëri denoncimin, dhe zbuloi se kryebashkiaku kishte fshehur në formularin e dekriminalizmit dënimin që kishte marrë në Greqi.

I paqartë është edhe fati i Dritan Lelit. Kryebashkiaku i Vlorës është futur në një kurs përplasjeje të fortë me kryeministrin Edi Rama, pasi refuzoi të kandidonte për deputet. Në të gjitha takimet që kryeministri zhvillon në Vlorë, Leli është shpallur “non grata”, ndërsa gjatë një inspektimi Rama e quajti të “vdekur”.

Gjithsesi, Leli do vijojë të jetë në krye të bashkisë, por përfaqësimi i qytetarëve tashmë është krisur ndjeshëm.

Hetime ka patur edhe për kryebashkiakun e Tropojës, Rexh Byberi për dhënien e një leje ndërtimi në një zonë të mbrojtur në komunën Margegaj.

Edhe kryebashkiaku i Hasit, Adem Lala ka kaluar në sitën e SPAK, pasi sipas prokurorëve, ai u përfshi në aferën e privatizimit në mënyrë të padrejtë të një aseti publik në bashkinë Has.

Gjithsesi, këta dy të fundit vijojnë detyrën.

Ndërkohë, pak ditë më parë, Gjykata e Posaçme kundër Korrupsionit, dënoi me 1 vit burg për abuzim me detyrën ish-kryetaren e bashkisë Gjirokastër Zamira Rami, në 2021. Zamira Rami u akuzua në dhjetor 2020 nga SPAK se ka shkelur ligjin duke prishur dy prona të ligjshme të dy shtetasve, duke u sjellë atyre një dëm prej rreth 5 milionë e 600 mijë lekësh.

Cilat janë bashkitë pa kryetarë?

Shkodra, Durrësi, Vora, Rrogozhina dhe Dibra janë 5 nga 61 bashkitë, që aktualisht drejtohen nga kryetarë të emëruar dhe jo të zgjedhur nga qytetarët.

Voltana Ademi po mbyll mandatin e dytë në krye të bashkisë Shkodër edhe pse nuk kandidoi në zgjedhjet e fundit lokale. Ndonëse në 2019, shkodranët ia besuan Valdrin Pjetrit drejtimin e bashkisë, ai dha dorëheqjen nga marrja e detyrës, për shkak se u zbulua se ka probleme me ligjin e dekriminalizimit.

Një deklaratë shokuese pak ditë pas tërmetit të 26 nëntorit i kushtoi postin edhe kryetares së bashkisë Durrës, Valbona Sako. Ajo dha dorëheqjen, për t’u zëvendësuar në këtë detyrë nga Emirjana Sako.

Vora vazhdon të drejtohet nga një kryetar i pazgjedhur me votë, ndërsa Agim Kajmaku ndodhet në arrati. Në këtë bashki, pas një kalvari të gjatë emërimesh shkarkimesh e dorëheqjesh të drejtuesve të emëruar të saj, drejtimin e ka marrë Gentian Picari.

Ndarja e papritur nga jeta e kryetarit të Bashkisë Rrogozhinë, Haxhi Memolla, ka bërë që edhe kjo bashki të drejtohet prej disa kohësh nga një kryetar jo i zgjedhur me votë.

Zgjedhjet e 25 prillit i moren kryetarin e Bashkisë edhe Dibrës. Dionis Imeraj e la këtë detyrë për të kandiduar për deputet në zgjedhjet e 25 prillit. Aktualisht kryetar i bashkisë në detyrë është Shkëlqim Murrja. I renditur në vend të tretë në listën e Partisë Socialiste për kandidat për deputet në Dibër, Imeraj ‘u dogj’ pasi PS arriti të merrte vetëm 2 mandate në këtë qark.

Gazeta Shqip

[Albo]

Përgjimet/ Si e ndihmoi biznesmeni fitues i tenderit që fundosi kryebashkiakun e Lushnjes, Tushen



Zbardhet dosja e hetimeve që çuan në pranga kryebashkiakun e Lushnjes, Fatos Tushe dhe Flamur Peqinin, drejtor i Ndërmarrjes së Pasurisë Publike në Bashkinë Lushnjë. Në dokument faktohet bashkëpunimi i Tushes dhe Peqinit në tenderin korruptiv për rehabilitimin e një kanali ujitës.

Nga sa mësohet për të kryer këto punime, në garë janë paraqitur 3 kompani BOE Avduli shpk dhe Bahas shpk, Hastiçi shpk dhe EuroAlb shpk. Në përfundim të afatit të paraqitjes së ofertave, anëtarët e Komisionit të Vlerësimit, Margarita Gjermeni, ekonomiste, Gazmend Çela nëndrejtori dhe Xhemal Hasko përgjegjës i sektorit të ujitje të kullimit, kanë shpallur fituese kompaninë EuroAlb shpk që kishte paraqitur ofertën më të lartë 22.645.35. lekë pa TVSH me administrator Bujar Muratin.

Këtu “hyn në lojë”, kryebashkiaku Tushe dhe drejtori i ndërmarrjes së pasurive publike Flamur Peqini. Nga hetimet rezultoi se edhe pse firma EuroAlb shpk kishte fituar tenderin, punimet dhe përfitimin real të të ardhurave, i kishte realizuar dhe përfituar paratë biznesmeni Ibrahim Lami.

Biznesmeni që mori të gjitha fitimet e tenderit për rehabilitimin kanalit ujitës, Ibrahim Lami, kishte njohje me kryebashkiakun Fatos Tushen. Madje në një nga bisedat rezulton se Lami ka ndërhyrë që vajza e Fatos Tushes të marrë provimin për mjekësi.

Pergjimet:

Fatos Tushe: Si u gdhive, ça po bën?
Ibrahim Lami: Hë si u gdhive ti, ça bën?
Fatos Tushe: Unë nuk erdha dot se fola dhe me atë dhe e lashë javës tjetër, por unë nesër do jemë në Tiranë se ka goca provimin dhe do jem atje, se më morën që në mëngjes këta nga raportimet për këtë tërmetin se u ndje shumë këtu.
Ibrahim Lami: E ngjova, e ngjova, në Lushnje ishte ajo.
Fatos Tushe: Ti ça bën?
Ibrahim Lami: Hiç o hiç, ja piva një kafe me B.. .dhe tha bëjeni mbledhjen vetë se do flas dhe me Fatosin.
Fatos Tushe: E mirë të jetë mirë, a vajti në parlament?

Në bisedën 25/09/2020 njoftohet se shtetasi Ibrahim Lami ndërhyn për një provim që ka vajza e Fatos Tushes.

…Ibrahim Lami për provimin e vajzës së Fatos Tushes: Unë do i them bëje dhe kafen do ta jap pastaj…

Ibrahim Lami: Po është përgatit ajo goca re. Po a është e vështirë…?

*****23: Po nëse është përgatit, është në rregull mos e vrit mendjen….vetëm të mos jetë shumë mbrapa atyre vendeve që futen…po po qe afër, një shtyrje ia japim.

Ibrahim Lami: Eeee jo se nuk do jetë shumë mbrapa.

LAPSI

[Albo]

Tre “B…” e socialistëve të Lushnjës/ Kush është deputeti që fsheh SPAK?



Dosja e SPAK për aferën e korrupsionit në Bashkinë e Lushnjës ka ngjallur kureshtje mbi identitetin e deputetit të shënuar si “B” në dosje. Bëhet fjalë për përgjime në disa momente kyçe të hetimit, kur të arrestuarit kërkonin mbylljen e aferës në Komisionin e Prokurimit Publik.
Lapsi.al ka marrë në konsideratë deputetët socialist të Lushnjës, që mund të jenë të përfshirë në këtë aferë dhe që mund të korrespondojnë me deputetin që SPAK e ka fshehur pas vetëm një shkronje, B…



Deri më tani, Partia Socialiste nuk ka bërë asnjë sqarim se kush është deputeti që ka kontaktuar me biznesmenin Ibrahim Lami për të mbyllur çështjen në Komisionin e Prokurimit Publik.



Dyshimet janë se deputeti i kontaktuar nga biznesmeni Ibrahim Lami të jetë Erjon Braçe. Ish kryetar i Komisionit të Ekonomisë dhe zv.kryeministër, Erjon Braçe është një promovues konstant i punimeve për kanalet vaditëse të Lushnjës, përfshirë edhe atë për të cilin u futën në burg kryebashkiaku Fatos Tushe dhe 6 persona të tjerë. Braçe nuk e ka mohuar të jetë ai personi që u telefonua nga Lami për aferën e kanalit vaditës.



Një tjetër mundësi është që biznesmeni Lami të ketë kontaktuar me të ndjerin Bashkim Fino, ish deputet për një kohë të gjatë në Lushnjë, i kandiduar nga Partia Socialiste. Fino ka pasur një bashkëpunim të gjatë me Fatos Tushen, duke e promovuar si kryetar Bashkie.



Deputeti tjetër i Lusnjës, që mund të jetë në dosje është ai i Bujar Çelës. Me një peshë të vogël politike në Tiranë, vështirë se emri i tij mund të ketë qenë zgjidhja për personat e përfshirë në korrupsion. Megjithatë as Bujar Çela nuk është distancuar deri tani nga kryebashkiaku Tushe dhe zyrtarët e tjerë të Bashkisë që në 4 mandate drejtohej nga PS.

Lapsi

[Albo]

Kodet e SPAK për Lushnjën/ A u implikua Taulant Balla nga të arrestuarit për korrupsion?



Zbardhja e dosjes së korrupsionit në Bashkinë e Lushnjës ka ngritur pikëpyetje të forta mbi integritetin e prokurorëve të SPAK. Në dokumenta vihet re një standart i dyfishtë që është është përdorur për personat e përfshirë në korrupsionin e tenderit për kanalin vaditës.

Kur Komisioni i Prokurorimit Publik nisi verifikimet, zyrtarët e Bashkisë së Lushnjës dhe biznesmenët pranë tyre u alarmuan. Në këtë periudhë nisën telefonatat dhe takimet me deputetët socialistë, por emrat e këtyre që përmenden në dosje janë shkruar me iniciale.

Dyshime të forta bien mbi deputetin Erjon Braçe, i cili mund të jetë kontaktuar nga biznesmenët për t’i ndihmuar në kontaktet me Komisionin e Prokurimit Publik. Megjithatë nuk përjashtohet mundësia që në dosje të jenë shënuar me iniciale edhe deputetë të tjerë socialistë të Lushnjës.

Gjithsesi në dosje shënohet me iniciale edhe një emër tjetër “i fuqishëm”, që sipas të përgjuarve mund ta mbyllë problemin për tre apo katër ditë. Këtë person, prokurorët e kanë shënuar me T… në dosje. Dyshimet janë se personi i shënuar me “T….”, të jetë kreu i grupit parlamentar socialist Taulant Balla, megjithatë një e dhënë e tillë mbetet e pakonfirmuar.

Në faqen 31 të dosjes, shkruhet:

“Aktet njoftojnë se kompania Boe shpka “Avduli” dhe “Bahamas” ka ushtruar në vijim ankim pranë Komisionit të Prokurimit Publik. Për këtë arsye midis shtetasit Fatos Tushe dhe Ibrahim Lami, zvillohet bisedë në datë 5.10.2020, ku kërkohet prej Fatosit që Ibrahimi të ndërhyjë dhe të mbyllet ky problem”.

Biseda:

Ibrahimi: Ai ma nisi, ky Genti ma nisi mua…., ai plehra kishte bërë ankesë atje ai…
Tushe: Po e di unë atë plehrën, po shiko takoje atë njëherë ti thotë T…ta mbylli për punë tre katër ditësh.
Ibrahimi: Ja ti thm B…, tashi, direkt tahsi sa të shkoj…atë mirë e kam Elin…



Ka rezultuar se Komisioneri i Prokurimit Publik pasi ka shqyrtuar dokumentacionin ka vendosur që të mos pranojë ankesën e paraqitur nga BOE “Avdulli” dhe ka lejuar Autoritetin Kontraktor të vijojë me hapat e mëtejshme. Pas këtij vendimi Autoriteti Kontraktor ka lidhur kontratë me me Euro Alb shpk për kryerjen e punimeve të kanalit dhe ka vazhduar procedurën që SPAK e konsideron të korruptuar.

Mbeten të paqarta shkaqet se përse prokurorët e SPAK, për disa persona shkruajnë në dosje të dhënat e plota, ndërsa për disa të tjerë vetëm iniciale. Një shpjegim mund të jetë se personat që kanë rënë në përgjime janë me imunitet dhe SPAK i ka kursyer hetimet për ta, pavarësisht se të arrestuarit i implikojnë me bisedat e tyre.

Lapsi.al

[Albo]

Dosja e Fatos Tushes/ Dalin përgjimet e reja: Unë e qëndisa, kryetari më tha do t’i q* nënën…

Teksa akuzat dhe provat kundër ish-kryetarit të bashkisë së Lushnjes Fatos Tushe u zbuluan dhe gjykata e la pas hekurave, ka mbetur një pyetje pa përgjigje duke krijuar mister, kush është “B”-ja që përmendet në përgjimet e SPAK-ut që ka 11 zyrtarë dhe biznesmenë deri tani nën akuzë.

Në dosje prokuroria i referohet vetëm me inicialin “B” duke mos shkuar më tej, por që kuptohet që zyrtari në fjalë ka jo pak peshë si në Lushnje, por edhe në Tiranë. Biznesmeni Ibrahim Lami i cili u arrestua bashkë me Fatos Tushen thotë se e ka shoqëruar atë për në parlament, abcnews.al zbardhi fragmentin nga dosja që fliste pikërisht për këtë.

Por nuk ishte vetëm një episod në dosje që flitej për zyrtarin e lartë me peshë emri i të cilit fillon me “B”. Abcnews.al publikon një tjetër pjesë nga dosja me përgjimet e SPAK-ut, ku ky personazh lakohet në një tjetër bisedë por sërish me të njëjtën temë, mbyllja e problemeve që mund të hapeshin nga tenderi i kanalit vaditës.

Konkretisht në datë 28 shtator të vitit të kaluar, SPAK ka kapur nga përgjimet një bisedë të zhvilluar mes drejtorit të ndërmarrjeve publike në bashkinë Lushnje Flamur Peqini dhe biznesmenit Ibrahim Lamit në lidhje me ankimimin e paraqitur nga firma “Avduli’ për tenderin e kanalit.

Biseda e zbardhur

Flamur Peqini: Ja çuam përgjigjen që të premten, unë tani, ja qëndisa, ja çova, shohim çfarë do të bëjë ai. Po kush e di tani, ça të them unë.

Ibrahim Lami: Tashi ku ka të drejtë të ankohet ai…A ju vë në dijeni juve ai?

Flamur Peqini: Ankohet aty tani te APP dhe normal na vë në dijeni edhe neve, ai na nis një shkresë dhe ne ai, si rregull nuk bie dakord me përgjigjen ai dhe bën një ankesë te APP

Ibrahim Lami: E marr vesh, e marr vesh. Po si ky ka burrë i poshtër qenka?

Flamur Peqini: Më të poshtër nuk ke ku të gjesh, por hajt ne e bëmë atë që duhet bërë

Ibrahim Lami: A e di ti, çfarë halli kam unë, se dikush aty nga brenda ja ka çuar informacion atij.

Flamur Peqini: Jo nga aty jo, por nga ata lart po.

Ibrahim Lami: Nuk e di se një ja ka çuar. Këtë mbaje për vete se ma tha kryetari mua. Do ta gjejë tha, do ti q* nënën, tha.

Flamur Peqini: E di unë e di. Kam edhe një aludim aty lart, ai që ke folur gjithmonë, ai juristi, jo ky, flas për juristin, jo ky se nuk arrin deri në atë fazë ky.

Ibrahim Lami: Se di jo, mirë është të dali se ai këtu le të hajë veten me dhëmbë se nuk e le, “B…..” këtë herë këtë punë.

Lapsi.al

[Ozzy]

Tushet jane rrace turqish qe na kane ngleur ne kombin tone te mrekullueshem.

[benseven11]

Aty ku eshte pushteti dhe autoriteti,aty eshte edhe korrupsioni.