Masaker ne Velipoje, 4 te vrare dhe 2 te plagosur

**Ingenuous** · 27-06-2021, 06:11

Konflikti për hapësirat në plazh, është qëlluar me më shumë se një armë. Shumë shpejt do kemi të arrestuar

SHKODËR

Pas ngjarjes së rëndë në Velipojë ku mbetën të vrarë katër persona dhe u plagosën dy të tjerë, drejtori i policisë së Shkodrës Niko Brahimaj ka mbërritur në vendngjarje teksa ka dhënë dhe një deklaratë për mediat. Ai tha se vrasja ka ardhur pas një konflikti për hapësirat në plazh, teksa konfirmoi se është qëlluar me më shumë se një armë.

“Rreth orës 00:30 këtu në Velipojë ka ndodhur një ngjarje tepër e rëndë kriminale. Ngjarja ka ndodhur në ambientet e jashtme të hotel Gocaj,ku për shkak të një konflikti me armë të çastit dhe për motive të dobëta, për shkak të ndarjes së pronësisë mbi sipërfaqet me rërë që shfrytëzohen për vendosjen e shzloneve dhe çadrave, si rezultat i këtij konflikti kanë gjetur vdekjen 4 persona dhe janë plagosur 2 persona. policia menjëherë ka marrë masat, ka ardhur në vendngjarje me grup eskpertësh, në vend kanë ardhur dhe drejtuesit më të lartë të Policisë së Shtetit dhe specialistët më të mirë.
Në ngjarje janë përfshirë më shumë se sa një armë, nga personat e konfliktuar. Një armë pistoletë e kemi sekuestruar si provë materiale. Janë sekuestruar një numër pamjesh nga kamerat e sigurisë.
Shumë shpejt do ketë persona të shpallur në kërkim dhe të arrestuar”, deklaroi Brahimaj.

Balkanweb

**Neteorm** · 27-06-2021, 13:42

Mos përcaktimi i hapësirës për shezllonet që u takon bizneseve në Velipojë, nga ana e Ministrisë së Turizmit, ka sjellë vrasjen e 4 personave dhe plagosjen e 2 të tjerëve.

**ATMAN** · 29-06-2021, 15:29

JA KURTHI NË E-ALBANIA QË U KA NGRIT QEVERIA SHQIPTARËVE QË TË VRITEN MES VEDIT PËR ÇADRA DHE SHEZLLONE

Nga Avokati Altin Goxhaj

Pas lajmit të djegies së 50 shezllonave në Dhërmi pas masakrës së Velipojës, u bëra kurioz për të parë proçedurën e pajisjes me liçensë për të marrë parcelë shezllonash nga subjektet privatë..
Më lehtë mund të fitosh tender me ndërtu port privat jahtesh, ndërsa për ata që i kapërcejnë të gjithë pengesat psikopatike, afatet për të apliku deri me vendos shezllonin e parë i bje andej nga Shtatori!
Në fakt qëllimi i vetëm i kësaj proçedure është me ua bo të pamundur aplikuesve pa lidhje partie dhe me i krasit lekët nën dorë fazë pas faze (mbi 10 faza me nga 10 grupe pune “ndërinstitucionale”) qëja marrin njërit dhe ja japin tjetrit duke ndjek parimin si e si me i fut në konflikt aplikuesit duke ua bo nervat kaçurrel..

Natyrisht që edhe rritja e çmimit të lekëve nën dorë fazë pas faze aplikimi, rrit automatikisht çmimin e çadrave por më shumë nga të gjitha kishte të bëjë me mënyrën se si subjektet ende s’kanë marrë përgjigje për aplikimet mgjths kanë pagu dhe lekët, se edhe me dash me të dhënë kuh përgjigje është e pamundur për hkak të psikopatisë burokratike që kanë krijuar.
Kjo digë burokratike e pakalueshme ka prodhu një xhungël sherri dhe shamate poshtë që solli edhe masakrën e Velipojës që e pagoi edhe në mënyrë përfqësuese një djalë jetim 20 vjeçar në ditën e parë të punës!
Por të gjithë ata që e kanë gatuar këtë çorbë shkatërrimtare për turizmin dmth për bukën e gojës të qindra mijë njerëzve që shpresat i kanë në sezonin turistik, nga Edi Rama dhe Erion Braçe, te Blebdi Klosi dhe Ledion Lako (Agjencia e Bregdetit), dhe gjithë ushtria e burokratëve të angazhuar për ta çmëndur dhe më shumë proçesin, kanë kosumuar veprën penale të shpërdorimit të detyrës!

Neni 248

Shpërdorimi i detyrës

Kryerja ose moskryerja me dashje e veprimeve a e mosveprimeve në kundërshtim me ligjin, që përbën mospërmbushje të rregullt të detyrës, nga personi që ushtron funksione publike, kur i kanë sjellë atij ose personave të tjerë përfitime materiale ose jomateriale të padrejta a kanë dëmtuar interesat e ligjshëm të shtetit, të shtetasve dhe të personave të tjerë juridikë, nëse nuk përbën vepër tjetër penale, dënohet me burgim deri në shtatë vjet.
〰️〰️〰️〰️〰️〰️〰️〰️〰️〰️〰️〰️
Pas ngjarjes së rëndë në Velipojë, ku pronarët e dy hoteleve u përplasën me armë për territorin e plazhit dhe ku mbetën 4 të vdekur e disa të plagosur, u kuptua se sherri mes tyre kishte nisur pasi ata nuk kishin marrë përgjigje nga e-Albania.

Sipas Vendimit të Këshillit të Ministrave të dhjetorit 2020, aplikimet në e-Albania duhet të dorëzoheshin nga 17 maji deri 5 qershor 2021. Shumë prej operatorëve turistikë i kanë dorëzuar aplikimet e tyre, me qëllim që të nisin aktivitetin tregtar, pas një situate shumë të vështirë me pandeminë gjatë vitit të kaluar.

Por, siç raportohet nga terreni, një pjesë e këtyre operatorëve ende nuk kanë marrë përgjigje për aplikimet e tyre, duke u detyruar që ose të mos nisin punën, ose të vijojnë atë nën frikën e ndërhyrjes policore. Në këtë situatë ishin edhe bizneset, të cilët u përfshinë në përplasje me armë në Velipojë.

Në mungesë të lejeve, pronarët e hotel “Fantazia” dhe “Gocaj” në bregdetin e Shkodrës, u munduan të zgjidhin vetë situatën, duke përfunduar në përdorimin e armëve dhe përfundimin tragjik.

Tema: Masaker ne Velipoje, 4 te vrare dhe 2 te plagosur

Funksionet e Temës

Masaker ne Velipoje, 4 te vrare dhe 2 te plagosur

Një plazh, tre leje shfrytëzimi/ Velipojë. Konflikti i mori jetën 20 vjeçarit në ditën e parë të pun

Për: Masaker ne Velipoje, 4 te vrare dhe 2 te plagosur

Tema të Ngjashme

Të paktën 59 të vrarë e 527 të plagosur në Las Vegas

Masakër në Elbasan: 3 të vrarë, 8 të plagosur nga 65 plumba

Një polic i vrarë e dy të plagosur.

Masaker: 33 të vrarë në një universitet të Virxhinias

Masakër në Tiranë, 4 të vrarë

Regullat e Postimit

Projekti Albasoul

Komuniteti i Forumit

Rreth Nesh

Kërko

Krijoni Kontakt