Tepelenë: Ekzekutohet biznesmeni Çajup Selimi

[Albo]

Ekzekutimi/ Ishte goditur disa herë me leva, Çajup Selimi kishte probleme me konkurencën



Viktima e atentatit të sotëm në Tepelenë nuk ishte një personazh i panjohur për drejtësinë.

Çajup Selimi mësohet se ishte pronar i një biznesi në Tepelenë.

Më herët ai ishte dhunuar disa herë dhe ishte paraqitur në Spitalin e Gjirokastrës si pasojë e plagëve të marra, kjo pasi ishte goditur me mjete të forta nga 2 persona në qendër të qytetit të Tepelenës.

Në dëshminë e tij Selimi në atë kohë tha se e kishin sulmuar me leva hekuri dhe e kishin kërcënuar me thika duke e goditur me grushta.

Selimi nuk dha në dëshminë e tij arsye pse ishte sulmuar.

Çajupi dhe të afërmit e tij treguan për mediat se kjo ishte një situatë e përsëritur, pasi ishte hera e katërt që sulmohej në një mjedis publik, por në asnjë rast nuk ka pasur të ndaluar.

[Albo]

Policia e Gjirokastrës ka dalë në një informacion paraprak lidhur mbi ngjarjen e rëndë të ndodhur këtë mbrëmje në qytetin e Tepelenës, ku mbeti i ekzekutuar shtetasi Çajup Selimi, 45 vjeç. Sipas policisë Selimi ka humbur jetën në spitalin rajonal të Gjirokastrës ndërsa është qëlluar rreth orës 21.15 në qendër të qytetit.

Tepelenë/Informacion paraprak.

Rreth orës 21:15 në qytetin Tepelenës, në lagjen "15 Shtatori", në rrethana ende të paqarta është plagosur me armë zjarri shtetasi Ç.S., rreth 45 vjeç, i cili ka humbur jetën në Spitalin Rajonal Gjirokastër si pasojë e plagëve të marra.

Menjëherë shërbimet e Komisariatit të Policisë Tepelenë dhe Forcat Shqiponja të DVP Gjirokastër kanë shkuar në vendngjarje dhe po krehin zonën për kapjen e autorit.

Ndërkohë janë ngritur disa pika kontrolli në hyrje dhe dalje të qytetit Tepelenë.

Grupi hetimor nën drejtimin e Prokurorisë ndodhet në vendngjarje dhe po punon për identifikimin dhe kapjen e autorit/ve.

Syri