SHBA: Sali Berisha dhe familja e tij shpallen ‘nongrata’

[ilia spiro]

https://youtu.be/K4EGAMXMy4M?t=910
Shiko i nderuar harremin salian dhe perfaqesuesja primo, qe e quan znj. Greta Bardeli (e bashes): "Bordelli" tek minuta 15 rreth...
keto "femra" jane ministret e sales

[Albo]

Berisha ”non-grata”, Escobar: Vendimin e morëm për shkak të korrupsionit që gjetëm



I dërguari i SHBA-së për Ballkanin Perëndimor, zv/ndihmës sekretari i Shtetit, Gabriel Escobar u ka bërë thirrje institucioneve shqiptare që ta shqyrtojnë ”non-gratën” e Sali Berishës, pasi vendimi është i bazuar në fakte dhe prova.

“Vendimi për ta përcaktuar atë ishte një vendim institucional. Nuk ishte një vendim individual dhe nuk ishte një vendim politik. Ishte një vendim që ne e morrëm për shkak të korrupsionit që gjetëm. Unë do t’u bëja thirrje institucioneve në Shqipëri ta shqyrtojnë këtë.

Por dua të them, se ne ende kemi partnerë të mirë në Partinë Demokratike, ne duam që Partia Demokratike të jetë një kontribues i fortë dhe i rëndësishëm i stabilitetit politik në Shqipëri. Unë do t’u bëja thirrje mbështetësve të Partisë Demokratike të mendojnë për imazhin që përcjellin, nëse do të kishin në krye njerëz, që janë përcaktuar nga Sekretari i Shtetit për korrupsion”, tha Escobar për Zërin e Amerikës.

Koha Jone

[Albo]

Sali Berisha i përgjigjet zv/asistent Sekretarit të Shtetit, Gabriel Eskobar

Nga Sali Berisha

Gënjeshtra dhe shpifja sado që të përsëriten, nuk bëhen as më të besueshme, as më të bukura; e kundërta ndodh me to.

Dje, zëvendës asistent sekretari i shtetit, z. Gabriel Eskobar përsëriti shpifjet ndaj meje përmes Zërit të Amerikës, por si gjithmonë, duke mos përcjellë dot qoftë edhe një fakt të vetëm.

Lidhur me këtë sulm theksoj dhe njëherë sa vijon:

Dezignimi i Sali Berishës pa asnjë provë, fakt apo dokument përsëris se është rezultat i lobimit korruptiv mafioz të Edi Ramës dhe protegesë së tij George Soros, si hakmarrje e verbër politike pasi unë në vitin 2017 kam kërkuar shpalljen non grata të George Soros dhe kam kundërshtuar projektet e tij të ndarjes dhe shkëmbimit të territoreve midis Kosovës dhe Serbisë. Gjithashtu, kam kundërshtuar Ballkanin e Hapur si projekt serbo rus, si dhe reformën e drejtësisë, e cila sot ka shndërruar drejtësinë shqiptare në një degë të diskretituar para shqiptarëve të ekzekutivit të vendit.

Shpallja ime non grata 8 vite pasi kisha hequr dorë nga çdo rol udhëheqës dhe vendimmarrës në Partinë Demokratike, por me një autoritet moral mes demokratëve dhe në shoqërinë shqiptare, kishte dhe ka si qëllim kryesor të ndihmohej qeveria e Edi Ramës, e cila është me e korruptuara në Europë, dhe të dëmtohej opozita shqiptare e të përbaltej trashëgimia e saj 30 vjeçare.

Për të gjitha këto, Sali Berisha ka deklaruar në krye të radhës se në momentin kur sekretari i shtetit ose çdo agjenci tjetër e SHBA apo e çdo vendi tjetër mbi tokë, do të paraqesë një provë, dokument të vërtetë të vetëm që fakton akuzën e z. Blinken për korrupsion ndaj tij, ai do të merrte çdo vendim kundër vetes së tij, përfshi këtu largimin përfundimtar nga jeta politike.

Por, ju siguroj se askush dhe asnjë vend në botë nuk kanë dhe nuk do të kenë gjë tjetër përveç shpifjeve dhe trillimeve të mediave të George Soros dhe raporteve me trillime të Edi Ramës.

Meqënëse z. Eskobar në mënyrë të përsëritur u bën thirrje institucioneve shqiptare të krijuara nga reforma sorosiane të hetojnë akuzat ndaj meje; unë i bëj thirrje atij të respektojë minimalisht kërkesat që ju vijnë nga kongresi për të bërë transparencë për këtë vendim të bazuar totalisht mbi shpifje!

Në deklaratën e tij z Eskobar thotë se vendimi nuk ka qenë politik, por në fakt, jo vetëm mungesa e fakteve dhe e transparencës por mbi të gjitha, instrumentalizimi i këtij vendimi është prova më e fortë e substancës, qëllimit madje dhe aktorëve politikë që qëndrojnë pas tij!

Kjo është parë qartë në deklaratat groteske të ambasadores suaj e cila kërcënonte demokratët që mbështesnin Berishën se do të hanin bar!

Tek kërkesa brutale, absurde dhe në dhunim flagrant me sovranitetin e vendit që Sali Berisha të mos futej në parlament!

Tek ndërhyrjet në kundërshtim me Konventën e Vjenës në zhvillimet e brendshme brenda Partisë Demokratike, deri tek thirrjet e hapura ndaj elektoratit se për kë duhet të votojnë, apo presionet ndaj gjykatave për ta bërë shumicën pakicë, të gjitha këto në kundërshtim me sovranitetin e Shqiperisë, ligjet e vendit dhe konventave ndërkombëtare.

Nëse vendimi juaj nuk do të ishte politik, asgjë që ju dhe ambasadorja juaj keni bërë më pas nuk do të kishte qenë e nevojshme, por veprimet tuaja së bashku me mungesën e fakteve dhe transparencën tregoi krejt të kundërtën.

Por, pavarësisht nga këto ndërhyrje dhe ndërhyrjet direkte të Edi Ramës dhe ambasadores Yuri Kim në vendimet e gjykatave kundër PD mbështetja për Sali Berishën dhe Partinë Demokratike tashmë të Rithemeluar mbi bazën e vlerave të saj konservatore është më e madhe se asnjëherë në 9 vitet e fundit, dhe asgjë nuk mund ta ndalojë atë për të shpëtuar Shqipërinë nga regjimi absolutar i Edi Ramës që kontrollon sot të gjitha pushtetet në Shqipëri dhe ka sot, falë mbështetjes së George Soros, 10 përqind me shumë pushtet seç kishte diktatori i fundit komunist në Europë.

Së fundi, dua të sqaroj opinionin se ata që mbështesin Sali Berishën janë burra dhe gra që përmbysën diktaturën, e cila në vend të votave u ofronte bar; janë të rinj dhe të reja që nuk duan të largohen nga Shqipëria. Të gjithë ata nuk pranojnë gënjeshtrën për të vërtetë, shpifjen për realitet dhe as të delegojnë ndërgjegjen e tyre. Ata kane mirënjohje të pakufishme ndaj SHBA për rolin e saj historik në sovranitetin e Shqipërisë dhe të Kosovës, por ata janë patriotë dhe nuk mund të pranojnë kurrë që dikush tjetër përveç qytetarëve shqiptarë të caktojnë deputetet e parlamentit të tyre.

Ata kanë qenë dhe janë pro-amerikanë që besojnë në vlerat e larta të lirisë dhe demokracisë që ndajnë me kombin amerikan.

Demokratët shqiptarë vijnë shumë krenarë për kontributet e tyre në këtë 100 vjetor të marrëdhënieve shqiptaro-amerikane dhe të vendosur të japin dhe më shumë për miqësinë midis dy vendeve tona në 100 vitet që vijnë.

Syri

[ilia spiro]

Kjo ceshtje tashme eshte qarte prej raportit te CIA-s per investimet ruse per pd. Cadra, bojkoti, rremujat, jane pjese e ketyre investimeve nja 500,000 dollare te deklaruara, por sa ka te tjera kjo nuk dihet. Sot financohet dyshja "nacionaliste" sala-like, pjese e 500 milion ne tere evropen. Kjo eshte lufta e putinit per te gjunjezuar perendimin, nepermjet partive te ekstremit te djathte, me shpresen se keto parti jane kunder integrimit evropian dhe BE-se. Eshte pjese e nje lufte "boterore" jo me arme si ne ukrahine, por nepermjet rublave ruse. Kemi te bejme pra me nje lufte mes qyteterimit perendimor dhe barbarise lindore te stepave dhe uraleve, si dhe islamikeve te cmendur te iranit, etj. Dyshja e krijuar jep shprese, sidomos kur therret likja per atdheun dhe kombin, por nuk duhet harruar se "nacionalizmi eshte streha e fundit e maskarenjve" sic ka thene nje i mencur. Po te shikosh thirrjet e fundit jane per dhune, per "rrezimin" e rames per sulm ndaj Kryeministrise, etj. Keto gjera diheshin me kohe, prandaj u shpall non grata familjarisht, gje qe po e vertetojne ngjarjet cdo dite.

[Albo]

E paparë/ BILD-i gjerman boton shkrimin se si Rama përdori FBI-në dhe e fshin pas një ore



Gazeta bulevardeske gjermane Bild botoi shkrimin se si Rama përdori FBI-në dhe e fshiu artikullin pas një ore ndoshta nën ndikimin e të njëjtave linja qē korruptuan dhe agjentin e FBI.

Në artikullin me te ashper te publikuar deri tani për kete skandal Bild shkruante ditën e sotme se Edi Rama ka përdorur ish-agjentin e FBI-së për të shpallur non grata Sali Berishën.

Sipas Bild, Rama ka aktivizuar shefin e kundërzbulimit të zyrës së Nju Jorkut, Charles McGonigal hetuar dhe ndikuar në shpallej non grata të Sali Berishës. Por vetem pas o.ndenji disa ore on line artikulli i zhduk….Lapsi.al i ruajti faksimilet e tij…





Pjesa për Berishën nga shkrimi i Bild:

“FBI-ja hetoi ish-presidentin e Shqipërisë Sali Berisha dhe SHBA e futi atë në një listë të zezë.

Dyshimi: Njeriu i FBI-së, McGonigal, i tërhoqi fijet për llogari të ambientit të Ramës.

Thuhet se McGonigal ka qenë edhe politikisht aktiv në mjedisin e Ramës: njeriu i FBI-së jo vetëm ka marrë ryshfet, por ka iniciuar edhe një hetim të FBI-së ndaj kundërshtarëve politikë të Ramës.

E habitshme: Gjatë kësaj kohe, në SHBA u vendosën hetime dhe barriera hyrjeje për ish-presidentin dhe konkurrentin e Ramës, Sali Berisha. Me sa duket falë edhe McGonigal, i cili kreu hetime për një shtetas amerikan që kishte lobuar për partinë opozitare shqiptare. Shoku i Ramës, Duçka, i cili nuk mund të kontaktohej nga BILD, thuhet se ka ndihmuar në identifikimin e dëshmitarëve në Evropë kur nisi hetimi.” – thuhet për non gratan e Berishës në shkrimin e Bild.


SHKRIMI I PLOTË:

Një shef i korruptuar i FBI-së në Nju Jork, një oligark rus i sanksionuar dhe një aferë ryshfeti shkaktojnë një tërmet ballkanik që arrin deri në Gjermani!

Një thriller i vërtetë politik dhe agjenturor për fondet e dyshimta, seksin, udhëtimet sekrete, miqtë rusë, licencat e naftës dhe politikën e madhe!

Në qendër: Ish-agjenti i FBI-së dhe shefi i kundërzbulimit në policinë federale amerikane, Charles McGonigal dhe një lidhje me Shqipërinë që të çon në pallatin e qeverisë në Tiranë në afërsi të kryeministrit Edi Rama: tek ai miku dhe këshilltari i ngushtë Dorian Duçka. Sipas Duçkës, ai është personi kontaktues i Ramës për politikanët gjermanë! Ai ka kontaktuar edhe politikanë dhe gazetarë në Berlin për vende të tjera. Thuhet se Duçka thjesht i ka dhënë ryshfet njeriut të FBI-së për llogari të qeverisë shqiptare, sipas drejtësisë amerikane.

Ish-agjenti i FBI-së, Charles McGonigal sapo ishte kthyer nga një udhëtim në Sri Lanka në janar, kur ju vunë prangat në aeroportin JFK të Nju Jorkut. Ish-agjenti tani do të gjykohet me akuzat dhe dosjet gjyqësore të cilat janë të vështira!

Sepse njeriu i FBI-së nuk mund të ishte kushdo: McGonigal dikur ishte përfshirë në hetimin e informatorit të “Wikileaks” Chelsea Manning. Ai ndihmoi në kërkimin e një spiuni kinez brenda CIA-s dhe nisi hetimet për lidhjet e dyshuara me Rusinë të ekipit të fushatës së Donald Trump (76) në vitin 2016 (“Operacioni Crossfire Hurricane”).

Në përgjithësi, amerikani është një nga oficerët më të lartë federalë të zbatimit të ligjit që është paditur ndonjëherë.

Kryeministri i Shqipërisë Edi Rama u takua disa herë me agjentin e korruptuar të FBI-së. Pas kësaj ai mori një licencë nafte në Shqipëri dhe para.

Para se të tërhiqej në vitin 2018, alpinisti kishte drejtuar kundërzbulimin në zyrën e FBI-së në Nju Jork: ai supozohej të gjurmonte tradhtarët në radhët e tij dhe të rekrutonte vetë spiunë të mundshëm. Por McGonigal, të paktën sipas gjyqësorit amerikan, me sa duket donte punë fitimprurëse me kohë të pjesshme. Dy aktakuza në gjykatat federale – një në Distriktin Jugor në Nju Jork (pesë akuza), e dyta në Uashington DC (nëntë akuza) – listojnë aktivitetet e tij të supozuara të paligjshme.

Një fije e kuqe kalon nëpër dosje: McGonigal kishte keqpërdorur rolin e tij brenda FBI-së, duke përfshirë kontaktet, për lobim sekret:

Sipas dosjeve dhe raportimeve në media, ai mori detyra me Agron Nezën, një ish-agjent i Stasi-t komunist shqiptar që drejton një kompani në Nju Xhersi dhe këshilltarin dhe mikun e Ramës Dorian Ducka, por nuk i raportoi.

Ai fluturoi në Ballkan disa herë.

Sipas të dhënave të gjykatës, ai është takuar katër herë me Ramën: në Tiranë dhe Nju Jork. Aktakuza i përshkruan “marrëveshjet” në përafërsi: Dikur një takim me Ramën thuhet se ka qenë për çështjen e licencave të naftës. Si Neza ashtu edhe Ducka thuhet se kanë pasur “interesa financiare” në licencim.

Licencat jepen nga shteti shqiptar. Organizuar nga Duçka dhe miq të tjerë të Ramës.

Një gjë është e sigurt, raportoi gjithashtu New York Times , menjëherë pasi McGonigal u takua me Ramën dhe një kompanie e lidhur me njeriun e FBI-së iu dha kontrata për një koncesion nafte.

FBI-ja hetoi ish-presidentin e Shqipërisë Sali Berisha dhe SHBA e futi atë në një listë të zezë. Dyshimi: Njeriu i FBI-së, McGonigal, i tërhoqi fijet në emër të të afërmve të Ramës.

Thuhet se McGonigal është aktivizuar edhe politikisht për mjedisin e Ramës: njeriu i FBI-së jo vetëm ka marrë ryshfet, por ka iniciuar edhe hetime nga FBI kundër kundërshtarëve politikë të Ramës.

Goditëse: Gjatë kësaj kohe janë vendosur hetime dhe ndalim hyrje për ish-Presidentin dhe konkurrentin e Ramës, Sali Berisha në SHBA. Me sa duket falë edhe McGonigal, i cili po hetonte një shtetas amerikan që kishte lobuar për partinë opozitare shqiptare. Shoku i Ramës, Duçka, i cili nuk mund të kontaktohej nga BILD, thuhet se ka ndihmuar në identifikimin e dëshmitarëve në Evropë kur nisi hetimi.

Thuhet se ka pasur lidhje të tjera të dyshimta biznesi në Bosnje-Hercegovinë. Në një moment, i pandehuri u përpoq të organizonte një takim midis një ekzekutivi të lartë farmaceutik dhe një ish-ministri boshnjak të mbrojtjes dhe zyrtarëve të lartë nga delegacioni i SHBA në Kombet e Bashkuara. Bisedimet paraprake u zhvilluan në Gjermani. Sipas aktakuzës, tarifa ishte 500 mijë dollarë, e cila i paguhej paraprakisht kompanisë së Nezës.

Njeriu i FBI-së ka marrë gjithsej 225 mijë dollarë për “fazën ballkanike” të aktiviteteve të tij. Nga cilat arkë kanë ardhur paratë në Shqipëri? Deri tani kjo është ende hapur.

Pasi McGonigal u largua nga FBI, ai punoi për oligarkun rus Oleg Deripaska (pasuria: 1.7 miliardë dollarë), së bashku me të akuzuarin, ish-diplomatin dhe përkthyesin rus Sergei Shestakov, i cili jeton në SHBA. Të dy shkelën sanksionet ndërkombëtare duke lobuar dhe hetuar një rival të Deripaska, thanë prokurorët federalë. Ata thuhet se kanë fshehur pagesat pjesërisht me nënshkrime të falsifikuara nëpërmjet një rrjeti kompanish kuti letrash. Në total, oligarku i aluminit i pagoi 226,370 dollarë. Deripaska është tashmë në listën e sanksioneve të SHBA në 2018.

Në të gjitha këto aktivitete, ish-njeriu i FBI-së do të kishte shkelur ligjet për pastrimin e parave, sanksionet dhe raportimin. Nëse shpallet fajtor, ka një dënim të gjatë me burg.

McGonigal kishte bërë një jetë të dyfishtë edhe privatisht: kur jetonte në Nju Jork, babai i martuar i dy fëmijëve pati një lidhje dashurie me Allison Guerriero për një vit. Ajo tha për aventurierin e “Insajderit”: Një herë, në tetor 2017, ajo u përplas me një çantë plot me para në apartamentin e tij në Park Slope (Bruklin). “Çfarë dreqin është kjo?” e sfidoi ajo. Ai foli për një bast fitues. Në fakt, 80,000 dollarë në para erdhën nga një dorëzim kinematografik në një makinë të parkuar jashtë një restoranti.

Agjenti i FBI-së në atë kohë e gënjeu se po planifikonte një divorc. Pas ndarjes, ajo kapi shishen dhe një herë i shkroi një email të zemëruar kolegut të McGonigal, William Sweeney. Ajo gjithashtu raportoi se McGonigal solli çanta plot me para. Ai pretendoi se kishte vënë bast në ndeshjet e basketbollit për të fituar.

BILD u përpoq të kontaktonte adresën e saj të shtëpisë në Morristown (Nju Xhersi): Sipas kunatit të saj, ajo do të ishte zhvendosur në një hotel. Përmendet edhe pasuria e Nezës në Leonia (afër Nju Jorkut). Zarfet shtrihen para derës dhe nuk ka asnjë gjurmë të dëshmitarit kyç të prokurorisë së bujshme.

Shoku i Ramës, Ducka, ishte kthyer në Tiranë të paktën për një kohë të shkurtër por thuhet se disa herë ishte fshehur në Gjermani. Ai ka ende miq këtu, duke përfshirë politikanë të cilët do të donte t’i ftonte në udhëtimet e banjës në një jaht në Shqipëri ose në një schnitzel në restorantin luksoz Borchardt të Berlinit.

Megjithatë, duke pasur parasysh rrethanat, Duçka, si zakonisht edhe këtë vit, do të vijë në Konferencën e Sigurisë së Mynihut së bashku me këshilltarët Rama dhe politikanë shqiptarë...

Burimi: BILD / Lapsi.al

[Albo]

Richard Grenell: S'kam parë kurrë dosje për Sali Berishën, vendimin e mori Blinken – është shumë partiak!



Njeriu më i fuqishëm në administratën e Donald Trump, Richard Grenell shprehet se ai nuk ka parë kurrë një dokument për Sali Berishën në Departamentin e Shtetit që ta lidhte atë me shpalljen non grata.

Grenell ka mbajtur detyrën e drejtorit të Byrosë Kombëtare. Ai thotë se pavarësisht detyrës së lartë, nuk ka parë asnjë diçka për Sali Berishën dhe partinë konservatore në Shqipëri, Partinë Demokratike.

Në një intervistë për Top Story, Grenell shprehet se vendimin e ka marrë Antony Blinken të cilin e quajti partiak dhe të politizuar.

Ai tha gjithashtu se Blinken nuk i ka dhënë informacione kongresmenëve republikanë, për pyetjet që i kanë dërguar Sekretarit të Shtetit për shpalljen non grata të Berishës.

Grenell: Berishën nuk e kam takuar asnjëherë. Unë dhe shumë konservatorë jemi shumë të shqetësuar me Blinken, është shumë partiak, shumë i politizuar, është e trishtë ajo që i ka bërë DASH-it. Ai shumë herë e tha kam informacione për Berishën, do të vendosim partinë konservatore të Shqipërisë në sanksione dhe shumë njerëz u çuditën. Ne kërkuam prova, i kërkuam DASH-it informacione. Unë isha drejtor në detyrë i Byrosë Kombëtare, unë kisha edhe një rol të dyfishtë si ambasador në Gjermani dhe i dërguar i posaçëm në Ballkan. Si drejtor në detyrë u përfshiva shumë në informacionet në lidhje me Ballkanin dhe mendoj se ekipet e Ballkanit në Uashington ishin shumë mirënjohës. Unë do ta dija diçka të tillë për atë që po ndodhte në Ballkan me partinë konservatore. Nuk e pashë kurrë. Nuk po sugjeroj se nuk ka prova, por unë nuk pashë diçka të tillë. Mendoj se është e rëndësishme që DASH duhet tu përgjigjet anëtarëve të kongresit, t’i informojë në rrethana të klasifikuara nëse është kaq informacion kritik por ata nuk kanë reaguar kurrë dhe mendoj se kjo është një akuzë e rëndë. Kur DASH shkon pas një partie konservatore në një vend tjetër dhe bën këto akuza dhe republikanët e Kongresit thonë ku janë këto prova, ku është ky informacion, na i tregoni edhe ne dhe ata nuk e kanë bërë, ke krijuar një dyshim.

Pyetje: Hetimet për Sali Berishën nisën që në administratën Trump?

Grenell: Unë nuk pashë asgjë të tillë. Anëtarët e Kongresit duhet të informohen. Vendimi qartazi u mor nga zoti Blinken. U detyrohemi anëtarëve të Kongresit që të bëjnë përpjekje dhe të marrin përgjigje.

Syri

[ATMAN]

Deklaratat e Richard Grenell për Antony Blinken dhe shpalljen non grata të Sali Berishës janë subjektive dhe mund të jenë në varësi të qëndrimit politik dhe perceptimit të tij.

Antony Blinken është Sekretari i Shtetit i administratës së Joe Bidenit dhe ka një histori të gjatë në administratën e SHBA-së si një zyrtar i lartë i politikave të jashtme. Është e mundur që Richard Grenell dhe Antony Blinken të kenë qëndrime të ndryshme në lidhje me situatën politike në Shqipëri dhe vendimin për shpalljen non grata të Sali Berishës.

Megjithatë, është e rëndësishme të theksohet se shpallja non grata e Sali Berishës është një vendim i administratës së Joe Bidenit dhe nuk ka lidhje direkte me administratën e Donald Trumpit, në të cilën Grenell ka qenë një figurë e rëndësishme. Gjithashtu, ështëe zakonshme që administratat e reja të ndryshojnë politikat dhe qëndrimet e administratave të mëparshme, dhe kjo mund të shpjegohet me ndryshime në raportet ndërkombëtare dhe situatat politike të reja.

Për sa i përket pyetjeve të kongresmenëve republikanë për shpalljen non grata të Sali Berishës, është e zakonshme që departamentet e shtetit t'i përgjigjen pyetjeve të kongresmenëve, por në disa raste mund të ketë kufizime për publikimin e informacioneve të caktuara për arsye të sigurisë kombëtare ose të shkëmbimit të lirë të ideve me partnerët e tjerë ndërkombëtarë. Kjo nuk do të thotë që kongresmenët nuk do të marrin informacione të nevojshme për të vlerësuar vendimet dhe politikat e administratës së SHBA-së.

Në përgjithësi, situata politike në Shqipëriështë komplekse dhe ka qenë në fokus të vëmendjes së administratave të ndryshme të SHBA-së në vitet e fundit. Vendimi për shpalljen non grata të Sali Berishës u bë pas një viti të tensioneve politike në vend, ku opozita kishte akuzuar qeverinë për manipulim të zgjedhjeve dhe korrupsion. Administrata e Joe Bidenit shpalli Sali Berishën person non grata në prill të vitit 2021, duke i bërë thirrje qeverisë shqiptare të respektojë demokracinë dhe të reformojë sistemin gjyqësor, si dhe për të zbatuar reforma të tjera të nevojshme për integrimin europian dhe transatlantik të Shqipërisë.

Në këtë kontekst, qëndrimet e figurave të ndryshme politike dhe diplomatike ndaj situatës në Shqipëri mund të ndryshojnë, por është e rëndësishme që vendimet dhe politikat e administratave të SHBA-së të jenë të bazuara në vlerat demokratike dhe të drejtat e njeriut, si dhe në interesin e sigurisë kombëtare dhe stabilitetit rajonal.

[Albo]

McGonigal e pranon në gjyq: Kam punuar për të futur njerëzit në listën e sanksioneve të SHBA



Charles McGonigal, ish-agjenti i lartë i FBI-së, doli sërish përpara një gjykate në Nju Jork në lidhje me të ashtuquajturën dosje ruse.

Sipas Inner City Press, ai është shpallur fajtor se ka ndihmuar oligarkun rus, Oleg Deripaska për të shkelur sanksionet amerikane. Po ashtu, ai akuzohet për pastrim parash.

McGonigal kërkoi përpara gjykatës që të mos bëjë burg për krimin e kryer.

“Kam pranuar të mbledh informacione nga burime të hapura për një konkurrent biznesi të Oleg Deripaskës, në përpjekje për ta futur atë në listën e sanksioneve të SHBA. E dija që ishte gabim. Dua t’ju falënderoj që më trajtuat me drejtësi,” tha McGonigal me zë të thyer.

Vendimi për këtë dosje pritet të jepet më 14 dhjetor.

Ndërkohë më vonë pritet të jepet edhe vendimi për të ashtuquajturën dosje shqiptare të McGonigal.

Edhe për këtë dosje, McGonigal ka pranuar të gjithë pikat e saj, çka nënkupton se ai ka implikuar të gjithë personat që dalin në aktpadi.

Personi më i rëndësishëm është kryeministri Edi Rama, që shfaqet plot 14 herë në këtë aktpadi.

Syri

[Albo]

Gazeta e madhe amerikane: Fushata kundër Berishës u orkestrua nga Soros-Blinken-Kim-Rama



Gazeta e madhe amerikane, ‘Boston Herald’ publikoi një koment të analistit të njohur, Peter Lucas, ku thuhet se fushata kundër liderit të opozitës, Sali Berisha, u orkestrua nga Soros-Blinken-Rama-Kim. Autori shkruan se edhe vizita e Blinken në Tiranë, synonte të eklipsonte skandalin Rama-McGonigal. Më poshtë shkrimi i plotë:

Nga Peter Lucas

Ishte më shumë se një rastësi.

Ndërsa Sekretari i Shtetit, Antony Blinken ishte në Tiranë duke lavdëruar kryeministrin shqiptar, Edi Rama, javën e kaluar, një agjent i turpëruar i FBI-së, me lidhje me Ramën, u dënua me burg për akuzat e ryshfetit.

Ish-kryeagjenti i FBI-së, Charles McGonigal, 55 vjec, dikur kreu i zyrës së kundërzbulimit të FBI-së në Nju Jork, u dënua me dy vjet burg të premten e kaluar pasi u deklarua fajtor për marrjen e një pagese prej 225 mijë dollarësh në para të thata.

Paratë erdhën nga një ish-agjent i inteligjencës shqiptare, Agron Neza, tani shtetas amerikan, i cili mori pjesë në takimet me McGonigal dhe Ramën, si në Uashington, ashtu edhe në Tiranë.

Dënimi u shtohet katër viteve që McGonigal do vuajë për komplot për të shkelur sanksionet ndaj Rusisë, duke bashkëpunuar me rusin Oleg Deripaska, të cilin e kishte hetuar dikur.

McGonigal, i cili pranoi se kishte një lidhje të vazhdueshme me Ramën, u takua fshehurazi me Ramën dhe Nezën në disa raste.

Në një takim në Tiranë më 9 shtator 2017, për të cilin FBI nuk dinte asgjë, McGonigal diskutoi ndër të tjera me Ramën edhe për kontratat e shpimit të fushave të naftës. Madje McGonigal i dhuroi Ramës një kapele bejsbolli të FBI-së.

Menjëherë pas kësaj, McGonigal dyshohet se ka pranuar paratë në disa pagesa nga Neza gjatë takimeve në Nju Jork. Nuk është bërë e qartë se çfarë bëri McGonigal në këmbim të parave.

Rama ka mohuar çdo keqbërje. Dhe ai nuk është vënë nën hetim as në SHBA dhe sigurisht as në Shqipëri, të cilën ai e kontrollon.

Ajo vizitë e shtatorit ishte një nga disa udhëtime që McGonigal bëri në Shqipëri, një vend i vogël ish-komunist ku korrupsioni politik dhe pastrimi i parave nga droga janë të zakonshme.

Arrestimi i McGonigal shkaktoi një stuhi zjarri politik në Shqipëri. Megjithatë, Rama, kreu i Partisë Socialiste, ka mundur ta kapërcejë stuhinë.

Ai është ndihmuar nga Blinken, ambasada e SHBA dhe Departamenti i Shtetit, të cilët vazhdojnë ta mbështesin atë, ndërsa godasin kundërshtarin kryesor politik të Ramës, ish-kryeministrin Sali Berisha të Partisë Demokratike të qendrës së djathtë.

Berisha, 79 vjeç, që kërkon një rikthim politik, kandidon kundër Ramës në vitin 2025.

Blinken është zhytur gjer në grykë në politikën shqiptare, gjë që mund të rrjedhë nga sulmet e mëparshme të Berishës ndaj George Soros, një mik i familjes Blinken, i cili ka kërkuar të ndikojë në politikën shqiptare dhe sistemin e saj të drejtësisë.

Ambasadorja e Blinken në Shqipëri, Yuri Kim, u hodh në politikën shqiptare siç nuk ka bërë kurrë asnjë zyrtar tjetër amerikan. Ajo u përpoq të nxirrte Berishën nga Partia Demokratike, të cilën ai e themeloi pas rënies së komunizmit. Duke dështuar në këtë, ajo u përpoq ta largonte atë si deputet.

Blinken më herët i bëri një favor të madh Ramës, kur e ndaloi Berishën, dikur i preferuari i Departamentit të Shtetit, të hynte në SHBA. Ai e shpalli Berishën si person non-grata për ‘akte korruptive’ të paspecifikuara që dyshohet se kanë ndodhur kur Berisha ishte në pushtet 8 vjet më herët.

Së fundmi, Rama në dhjetor e vendosi Berishën në arrest shtëpie për korrupsionin e dyshuar të një marrëveshje toke 15 vjet më parë.

Berisha, kreu i parë i zgjedhur popullor i Shqipërisë pas rënies së komunizmit, shërbeu si president nga viti 1992-1997 dhe përsëri si kryeministër nga viti 2005-2013.

Ndalesa e shkurtër e Blinken në Tiranë, gjatë rrugës për në Konferencën e Sigurisë të Mynihut, shërbeu si një shpërqendrim i madh për marrëdhënien McGonigal/Rama dhe dënimin e McGonigal. Rama mirënjohës e priti Blinken sikur të ishte kryetar shteti.

Vizita simbolizonte gjithashtu miratimin e Blinken për vendimin e Ramës për të arrestuar Berishën dhe për të gjymtuar fushatën e tij.

‘Zyrtarët e korruptuar po mbajnë përgjegjësi,’ u tha Blinken gazetarëve shqiptarë, duke treguar se ai kishte parasysh Berishën, jo McGonigal apo ndonjë tjetër në Shqipëri.

Ndërkohë Berisha flet çdo natë nga ballkoni i banesës së tij në Tiranë për mbështetësit që mblidhen në rrugën poshtë.

Ashtu si Joe Biden, Edi Rama me ndihmën e Blinken po sigurohet që kundërshtari i tij të bëjë fushatë nga qelia e burgut. Politika në Shqipëri është fisnore, e poshtër dhe hakmarrëse, ashtu si në Amerikë.

Berisha nuk është shenjt me siguri, por as Rama. Shenjtorja e fundit shqiptare ishte Nënë Tereza dhe ajo mori trenin e fundit për në bregdet.

Pyetja pa përgjigje është: Nga erdhi pagesa prej 225 mijë dollarësh për McGonigal dhe për çfarë shërbente?


Burimi: Boston Herald

[Albo]

Këshilli i Ambasadorëve Amerikan/Philip Hughes: Berishës duhej t’i jepej nga DASH faktet për “nongrata” dhe të ballafaqohej me to



Këshilli i Ambasadorëve Amerikan ka botuar këto ditë një raport pas vizitës fakt-mbledhëse në Shqipëri, Kosovë dhe Maqedoninë e Veriut. Në një intervistë për Zërin e Amerikës, ambasadori Philip Hughes, përfaqësuesi i këtij grupi që mbledh rreth vetes ambasadorë jo të karrierës, thotë se këto tre shtete të Ballkanit kanë bërë përparim të jashtëzakonshëm, por ato vazhdojnë të përballen me sfida nga ndërhyrjet politike të fqinjëve të tyre apo në rastin e Shqipërisë nga kriminaliteti dhe korrupsioni dhe mungesa e një demokracie të mirëfilltë. Zoti Hughes po ashtu foli për vendimin e Shteteve të Bashkuara për ta shpallur person non-grata ish Presidentin e Shqipërisë, Sali Berisha.

Zëri i Amerikës: Këshilli i Ambasadorëve amerikanë, ishte për një vizitë fakt-mbledhëse në Shqipëri, Kosovë dhe Maqedoni të Veriut. Cilat janë gjetjet tuaja?

Philip Hughes: Na ka bërë përshtypje të thellë përparimi që Maqedonia e Veriut dhe Kosova kanë bërë që nga shpallja e pavarësisë së tyre dhe përparimin që ka bërë Shqipëria, që nga përmbysja e regjimit brutal të Enver Hoxhës dhe rilindja si shtet demokratik. Njëkohësisht, na bëri përshtypje ndikimi i madh i fqinjëve në politikat e këtyre tre shteteve – rolin e madh që Serbia luan në skenën politike të Kosovës, rolin e madh që Bullgaria luan në skenën politike të Maqedonisë së Veriut dhe Shqipëria e cila, siç e kuptuam, ka detyrim kushtetues të përkujdeset për mirëqenien e shqiptarëve jashtë kufijve të saj. U befasuam me aspiratën e këtyre shteteve për t’u bërë pjesëmarrës të plotë të komunitetit Euro-Atlantik dhe përparimit që kanë bërë për të realizuar këto qëllime. Njëkohësisht, në secilin rast, ato kanë pengesa për integrim në BE dhe në rastin e Kosovës edhe në NATO. Në rastin e Shqipërisë, çështjet e korrupsionit dhe kriminalitetit në njërën anë dhe problemet me një qeverisje të mirëfilltë demokratike nga anën tjetër, janë pengesa të shkaktuara nga vetë klasa politike e , Shqipërisë, që ky vend duhet t’i tejkalojë.

Zëri i Amerikës: Duke patur parasysh këto sfida, si duhet të angazhohen hartuesit e politikave amerikane me rajonin?

Philip Hughes: Duhet të provojmë të vazhdojmë dialogun e ngushtë me të gjitha palët në rajon dhe natyrisht ta vazhdojmë praninë e forcave amerikane atje. Ne vizituam Kampin Bondsteel dhe jemi thellësisht të impresionuar me profesionalizmin e ushtrisë tonë dhe kontributin që ajo jep në rajon… Nxisim qeverinë e Shqipërisë që të vazhdojë përpjekjet për të tejkaluar dy sfidat që i përmenda. Është vështirë për një qeveri që ka avantazhet siç i ka qeveria e Kryeministrit Rama, avantazhet e krijuara për shkak të bojkotimit të zgjedhjeve të mëparshme nga Partia Demokratike, që ka një pozitë të tillë komanduese në aspektin elektoral, të nxisë garë të vërtetë demokratike dhe t’i japë hapësirë palës tjetër. Mungesa e garës së vërtetë demokratike do të shndërrohet në pengesë për Shqipërinë nga ata që hezitojnë ta pranojnë vendin në Bashkimin Evropian për arsye të ndryshme dhe nuk u duhen dhënë arsye të tjera.

Zëri i Amerikës: Një nga çështjet kundërthënëse të viteve të fundit është vendimi i qeverisë së Shteteve të Bashkuara për të shpallur ish Presidentin e Shqipërisë Sali Berisha, persona non-grata. Në raport e konsideroni këtë vendim të padrejtë. A mund të na shpjegoni përse?

Philip Hughes: Kjo që thoni është paksa një lexim i gabuar i asaj që ne po përpiqemi të themi në raport. Është vështirë të gjykojmë rastin e Sali Berishës, sepse nuk kemi qasje tek faktet. Nuk e dimë se çfarë dëshmish i janë paraqitur Departamentit të Shtetit, apo çfarë provash kishte Sekretari Blinken kur bëri përcaktimin. Ajo që po përpiqemi të themi në raportin tonë, ajo që po përpiqemi të nënvizojmë, është se ky mund të jetë një rast, ku një nga ligjet tona po praktikohet në mënyrë shumë të përgjithshme, pa vëmendjen e duhur të Kongresit, duke sjellë pasoja të padëshiruara. Kjo është situatë në kundërshtim me traditat tona ligjore në Shtete të Bashkuara, ku njerëzit duhet të kenë qasje ndaj dëshmisë kundër tyre, në mënyrë që të kenë mundësinë për të kundërshtuar provat dhe të argumentojnë për të mbrojtur veten. Dhe kjo nuk është e mundur me mënyrën se si këto rregullore për shpalljen (non-grata) janë hartuar. Ajo që u përpoqëm të theksojmë është se kemi të bëjmë me diçka që bie ndesh me traditat ligjore amerikane dhe ndoshta duhet shqyrtuar. Ndoshta ka qenë e padrejtë, nuk e di, sepse nuk i kam faktet për rastin e Sali Berishës. Por është e sigurt se ai nuk ka qasje ndaj fakteve dhe nuk ka patur mundësinë që të mbrohet nga shpallja e vendimit apo të argumentojë në mbrojtje të vetes. Kjo nuk është mënyra se si ne i bëjmë gjërat në aspektin ligjor, në përgjithësi në SHBA, ndonëse ai natyrisht është shtetas i huaj.

Zëri i Amerikës: Shpallja, megjithatë, është mbështetur në një ligj të Kongresit, si një mjet politik për të luftuar korrupsionin dhe përcaktimet publike kanë filluar në vitin 2018 me prokurorin Adriatik Llalla. Dua t’iu pyes për kornizën kohore të këtij vendimi, sepse ju thoni se është vendim i administratës së Presidentit Biden, i Sekretarit Blinken. A mund të ketë filluar procedura nga administrata e mëparshme?

Philip Hughes: Qeveria amerikane, para zgjedhjes së Presidentit Biden më 2020, mund të ketë patur prova apo të dhëna nga Shqipëria, nuk e di. Ambasada u tregua e gatshme të na takonte por nuk na dhanë asnjë informacion, nuk hynë në asnjë nga faktet e rëndësishme që çuan te vendimi. Prandaj nuk e di se kur qeveria amerikane mund t’i ketë siguruar fillimisht të dhënat që mund të kenë çuar në vendimin e Sekretarit Blinken. Të gjitha diskutimet u përqëndruan në vendimet e marra gjatë administratës së Presidentit Biden.

Zëri i Amerikës: Dhe së fundmi, sa i rëndësishëm mbetet rajoni i Ballkanit?

Philip Hughes: Mendoj se mbetet shumë i rëndësishëm, sepse është një rajon që po bën përparim demokratik dhe ekonomik. Shpresoj që edhe Kosova një ditë të kalojë pragun dhe të anëtarësohet jo vetëm në BE, por në NATO për ta plotësuar praninë e aleancës në këtë pjesë të botës. Por nga përvoja ime, Shteteve të Bashkuara shpesh u duhet të përballen me çështje urgjente, dhe kjo shkakton vonesa në trajtimin e çështjeve të tjera të rëndësishme. Gjatë viteve ’90, konfliktet në Ballkan ishin kriza të menjëhershme. Tani ato nuk janë të tilla, por mund të bëhen sërish pjesë e një krize të menjëhershme, nëse konflikti në Ukrainë ka një përfundim të keq për ukrainasit, ose nëse Rusia vazhdon agresionin, apo në rastin ekstrem, synon të vërë në provë Nenin 5 të traktatit të NATO-s, në përpjekje për të thyer aleancën. Prandaj ky rajon duhet të ketë vëmendje politike të vazhdueshme dhe përparësi nga Shtetet e Bashkuara.

VOA