Zgjedhjet mbaruan, ekzekutimet mafioze sapo filluan

[Albo]

EMRI/ Ekzekutohet i riu në Tiranë



Një person është ekzekutuar me armë zjarri mbrëmjen e sotme në Tiranë.

Viktima është Mehmet Qema 27 vjeç. Ngjarja ka ndodhur në lagjen “5 Maji” në kryeqytet.

Gjatë një konflikti me armë zjarri si pasojë e të shtënave njëri nga personat e përfshirë është plagosur dhe pas disa minutave ta ndërruar jetë.

Tiranë/Informacion paraprak

Më datë 10.05.2021, rreth orës 23:15, në rrugën “5 Maj”, në rrethana ende të paqarta është plagosur me armë zjarri pistoletë, shtetasi M. Q., 27 vjeç, i cili si pasojë e plagëve të marra ka ndërruar jetë në spital.

Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle për kapjen e autorit.

Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.

Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit.

Syri

[Albo]

FOTO/ U qëllua nga një makinë në ecje, ky është biznesmeni Bledar Birçaj i ekzekutuar sot në atentat në Vlorë



VLORË
Gazetari Enrik Mehmeti siguron për “BalkanWeb”, foton e biznesmenit të ekzekutuar mesditën e sotme në Vlorë.

40 vjeçari Bledar Birçaj, pronari i një lokali të njohur në Vlorë, ka humbur jetën pasi u qëllua me breshëri teksa lëvizte me makinën e tij tip “BMË” në lagjen “Hajro Çakërri”.



Gazetari Enrik Mehmeti raportoi për “BalkanWeb” se Birçaj është qëlluar nga një automjet tjetër që ka lëvizur paralelisht me të. Policia e Vlorës ka ngritur disa postblloqe dhe po kreh zonën në kërkim të autorëve, teksa janë sekuestruar dhe pamjet e kamerave të sigurisë.

Ngjarja ndodhi në një kohë me lëvizje të shumta dhe pranë vendit ka objekte dhe biznese me kamera që mund të kenë fiksuar momentin e atentatit që tronditi sot qytetin bregdetar.

(BalkanWeb)

[Albo]

Del video e rëndë, shihni momentin e ekzekutimit të biznesmenit në Vlorë, autorit i bie kallashnikovi nga dora…



Janë publikuar pamjet e tmerrshme të ekzekutimit të biznesmenit Bledar Birçaj, në Vlorë, mesditën e sotme. Në video shihet momenti kur dy autorët dalin nga makina dhe qëllojnë të dy me breshëri drejt makinës, ku udhëtonte shënjestra.

Makina e këtij të fundit ndalon menjëherë, ndërsa autorët fillojnë të qëllojnë, siç shihet nga pamjet e rënda të publikuara nga emisioni “Opinion”.

Video e vrasjes: https://www.dailymotion.com/video/x8174s1

Më pas, këta të fundit largohen, ku siç shihet nga pamjet, njërit prej tyre i bie kallashnikovi dhe kthehet sërish për ta marrë, për t’u larguar pastaj me një makinë gri. Ndërkohë, në këtë moment nga makina e viktimës del pasagjeri, i cili largohet me vrap dhe në panik.

Balkanweb