23 prilli - Dita Botërore e Librit

[Albo]

Dita Botërore e Librit festohet nga UNESCO çdo vit më 23 prill. Librat janë miqtë, udhëzuesit dhe filozofët tanë më të mirë. 23 prilli është një datë simbolike për letërsinë botërore sepse në këtë datë të vitit 1616 kanë vdekur figurat e mëdha letrare Servantesi, Shekspiri dhe Inca Garcilaso de la Vega. UNESCO thonë se, “Qëllimi ynë është të angazhojmë njerëz në lexim dhe të argëtohen duke e bërë këtë. Si një festim i Ditës Botërore të Librit dhe të Drejtave të Autorit të këtij viti, UNESCO ka krijuar një sfidë “Bookface”.



Çdo vit, UNESCO dhe organizatat ndërkombëtare që përfaqësojnë tre sektorët kryesorë të industrisë së librit; botuesit, shitësit e librave dhe bibliotekat, zgjedhin Kryeqytetin Botëror të Librit për një periudhë një vjeçare. Sipas UNESCO-s, qyteti Tbilisi në Gjeorgji u zgjodh si Kryeqyteti Botëror i Librit për 2021.

Historia

Në 1995, UNESCO vendosi të festojë 23 prillin si Ditën Botërore të Librit, dhe që nga ajo kohë data ka rëndësi në historinë e letërsisë. 23 prilli shënon përvjetorin e vdekjes dhe lindjes së shumë autorëve të tjerë të shquar, si Maurice Druon, Haldor K.Laxness, Vladimir Nabokov, Josep Pla dhe Manuel Mejia Vallejo. Prandaj, u bë e qartë për UNESCO-n të zgjidhte 23 prillin për të festuar ditën e librit në të gjithë botën.

Festimi

Çdo vit, ngjarje të shumta mbahen në këtë ditë, por këtë vit, për shkak Covid-19, shumica e institucioneve arsimore janë të mbyllura për sigurinë e studentëve, mësuesve dhe stafit të tyre. Njerëzit që kalojnë kohë në shtëpi mund të shkarkojnë një libër të mirë përmes internetit dhe të lexojnë libra pozitivë dhe të fitojnë njohuri.

Syri

[sirena_adria]

Dita Ndërkombëtare e Librit

Dita Ndërkombëtare e Librit dhe të drejtave autoriale që është përzgjedhur të jetë 23 prilli, është një datë me kuptim simbolik për letërsinë botërore.

Me këtë datë të vitit 1616, lidhet vdekja e dy kolosëve të letërsisë botërore: Shekspirit në Angli dhe Miguel de Servantes në Spanjë.

I pari konsiderohet si shkrimtari më i madh i të gjitha kohëve dhe vendeve, ndërsa i dyti është autori i veprës më të përkthyer në botë. Kjo datë lidh edhe autorë tjerë në ditën e lindjes a vdekjes së tyre: Inca Garcilaso de la Vega, Maurice Druon, Halldór Kiljan Laxness, Vladimir Nabokov, Josep Pla dhe Manuel Mejia Vallejo.

Kjo datë shënohet në botë që nga viti 2003, ndërsa është përzgjedhur në vitin 1995 me qëllim të kontribuojë në mbarë botë për të drejtat e autorit duke inkurajuar të gjithë, e në veçanti të rinjtë për të zbuluar kënaqësinë e leximit.

Kjo datë është edhe një thirrje për të rritur respektin për kontributet e pazëvendësueshme të autorëve dhe librit në progresin social dhe kulturor të njerëzimit.


https://abcnews.al/dita-nderkombetare-e-librit/

[sirena_adria]

‘Gjurmët e një kulture a qytetërimi që më së shumti i rezistojnë kohës janë librat’- Thënie për Librin

Sot, në botë shënohet Dita Botërore e Librit, shkruan KultPlus.

23 Prilli është shpallur si Dita Botërore e Librit më 15 Nëntor të 1995, me një rezolutë të UNESCO-s, pasi u morën në konsideratë faktet se libri ka qenë, historikisht, instrumenti më i fuqishëm i shpërndarjes së njohurive dhe mjeti më efikas për të siguruar ruajtjen e këtyre njohurive, se çdo nismë për promovimin e librave të rinj është një faktor i pasurimit kulturor etj.

Këto janë disa nga shprehjet më të veçanta për librin:

1. Shoku më besnik kur mbetem vetëm është libri, tek ai gjejë ngushëllimin kur të tjerët më tradhtojnë.
2. Prindërit, që t’i edukojnë mirë fëmijët, duhet t’i rrethojnë me libra.
3. Librat janë thesari i deponuar i botës dhe trashëgimia më me vlerë e gjeneratave dhe popujve.
4. Koleksionimi i librave është në fakt koleksionim i lumturisë.
5. Libri është dritare prej nga ne e shohim botën.
6. Leximi pa meditim është thjesht sikur ngrënia e ushqimit pa marrë frymë (pandërprerë).
7. Lexoje një libër të mirë tre herë sepse është më e dobishme për ty se të lexosh tre libra të mirë. Abbas Akkad
8. Më i rrallë se libri i mirë është lexuesi i mirë.
9. Kush shkruan, lexon dy herë.
10. Gjurmët e një kulture a qytetërimi që më së shumti i rezistojnë kohës janë librat.
11. Më thuaj çfarë lexon të të them se kush je.
12. Krenaria e një tregtari është në mallin që posedon, krenaria e një dijetari në librat që posedon.
13. Libri është shok që nuk të bën hipokrizi, nuk mërzitet duke qëndruar me ty, nuk të qorton nëse e anashkalon dhe nuk të përhap sekretet kurrë.
14. Prapa çdo libri ka një ide e parapa çdo ideje ka një hap përpara.
15. Në përfundim të leximit të një libri të mirë ndihemi sikur po i japim lamtumirën një shoku të çmuar.
16. I urituri nuk ia di vlerën ushqimi pa mos u ngopur më parë. Kështu është puna edhe me lexuesin që lexon librin e parë që i ka rënë në dorë.
17. Proverbat popullor janë libër enciklopedik në të cilin lexon me lehtësi moralin dhe kulturën e një populli.
18. Të mbushësh raftet me libra është më e dobishme se të mbushësh portofolin me para.
19. Edukatorët të thonë: “Lexoje librin që të bën dobi!”, ndërsa unë të them: përfito nga ajo që lexon!
20. Dija është ndër shkaqet më të rëndësishme të lumturisë, andaj bëje librin, mjetin e dijes, shoqërues tëndin të përhershëm.
21. Trupi nuk zhvillohet pa ushqim, po kështu as mendja pa lexim dhe meditim.
22. Dashuria për leximin është mirësi e përshpejtuar për besimtarin në këtë botë.
23. Nuk ka anije si libri që na bartë sa në një vend sa në tjetrin!
24. Dashuria për leximin nënkupton shndërrimin e monotonisë në dëfrim.
35. Libri është drita që na udhëheq drejt qytetërimit.


Përktheu: Dr. Sedat Islami / KultPlus.com

https://www.kultplus.com/libri/400550/

[sirena_adria]

Libri më i vjetër në botë i printuar me makinë ekspozohet në Paris

Vepra më e vjetër e njohur e shtypur në një makinë mekanike u shfaq të mërkurën në Paris për herë të parë në 50 vjet.

“Jikji”, një koleksion i mësimeve budiste, u shtyp në vitin 1377 – rreth 78 vjet përpara se Johannes Gutenberg ta printonte Biblën duke përdorur shtypshkronjën e tij në Gjermani, shkruan zawya.com.

Thesari korean po shfaqet si pjesë e një ekspozite të re në Bibliotekën Kombëtare të Francës (BnF), e cila do të zgjasë deri në korrik.

Meqenëse asnjë shembull i makinerisë koreane nuk ka mbijetuar dhe teknika nuk u përdor gjerësisht në atë kohë, ajo nuk pati ndikimin revolucionar të shtypit sikur Gutenberg.

Kujtojmë se kjo shënon herën e parë që “Jikji” shfaqet publikisht që nga viti 1973, sipas raporteve në shtypin korean.


/ KultPlus.com

https://www.kultplus.com/libri/libri...ohet-ne-paris/

[Albo]

23 Prilli, Dita Botërore e Librit



Dita ndërkombëtar e Librit dhe të drejtave autoriale që është përzgjedhur të jetë 23 prilli, është një datë me kuptim simbolik për letërsinë botërore. Me këtë datë të vitit 1616, lidhet vdekja e dy kolosëve të letërsisë botërore: Shekspirit në Angli dhe Miguel de Servantes në Spanjë. I pari konsiderohet si shkrimtari më i madh i të gjitha kohëve dhe vendeve, ndërsa i dyti është autori i veprës më të përkthyer në botë.

Kjo datë lidh edhe autorë tjerë në ditën e lindjes a vdekjes së tyre: Inca Garcilaso de la Vega, Maurice Druon, Halldór Kiljan Laxness, Vladimir Nabokov, Josep Pla dhe Manuel Mejia Vallejo. Kjo datë shënohet në botë që nga viti 2003, ndërsa është pazgjedhur në vitin 1995 me qëllim të kontribuojë në mbarë botë për të drejtat e autorit duke inkurajuar të gjithë, e në veçanti të rinjtë për të zbuluar kënaqësinë e leximit. Kjo datë është edhe një thirrje për të rritur respektin për kontributet e pazëvendësueshme të autorëve dhe librit në progresin social dhe kulturor të njerëzimit.

Suksesi i librit dhe i të drejtës autoriale varet kryesisht në mbështetjen që duhet marrë nga të gjitha palët e interesuara ku hyjnë autorët e librit, botuesit, mësuesit, bibliotekistët, institucionet publike dhe private, OJQ-të dhe mediat, të cilat mobilizohen në çdo vend. Duke qenë një nga mjetet më të vjetra të komunikimit dhe shpërndarjes, jo vetëm libri që ka ndikim shpirtërore, arsimore dhe kulturore, por ai përfshin edhe aspektet ligjore ekonomike të tregtisë botuese. Dita botërore e librit dhe të drejtës autoriale këtë vit shënohet edhe në Kosovë në bashkëpunimin e organizatave të shoqërisë civile që mbështesin kulturën.

Kjo ditë është një mundësi për të nisur një fushatë të gjerë dhe të qëndrueshme për ngritjen e vetëdijes, duke synuar të mbështesë veprimin e aktorëve lokalë dhe institucioneve në favor të librit dhe të leximit. Ajo bazohet në një qasje pjesëmarrëse dhe në partneritet me profesionistë, aktorët politikë dhe përfituesit që nënkuptohet në nivel kombëtar dhe rajonal.

Balkanweb