Close
Duke shfaqur rezultatin -19 deri 0 prej 2
  1. #1
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Avokati zbulon skandalin: Metoda se si mund të jeni zbuluar se për kë keni votuar

    Emri:  lapaj-750x375.jpg

Shikime: 229

Madhësia:  28.1 KB

    Aktivisti Adriatik Lapaj ka ngritur dyshime të forta mbi fshehtësinë e votës në Shqipëri. Sipas tij nëse këto dyshime do të vërtetoheshin atëherë ky do të ishte një tjetër skandal i madh.

    Lapaj ngre dyshime se nëse kryqëzon barkodin e fletës së votimit me numrin korrespondues te pajisja e identifikimit atëherë del emri dhe për ka votuar qytetari.
    Prandaj ai i drejtohet me këtë pyetje institucioneve përgjegjëse, duke shtuar se nëse kjo gjë vërtetohet atëherë nuk kemi pasur zgjedhje të lira.

    Postimi Adriatik Lapaj:

    NJË PYETJE PËR KOMISIONERIN SHTETËROR TË ZGJEDHJEVE

    A ISHTE VOTA E FSHEHTË? Konstatoj se fleta e votimit ka BAR-KOD identifikimi.

    Konstatoj se aparati që bënte identifikimin elektronik të zgjedhësve bën regjistrimin e votuesve sipas radhës së votimit duke i identifikuar ata me numrin që kanë në listat zgjedhore.

    Pyetje:

    Nëse kryqëzohen të dhënat e BAR-KODIT të fletës së votimit që i është dhënë zgjedhësit me numrin korenspondues te paisja e identifikimit të zgjedhësve a del emri i votuesit e për pasojë se për kë ka votuar ai?

    Faleminderit shumë!

    Nëse vërtetohet se del, atëherë zgjedhjet të fshehta nuk kanë qenë…të lira ndoshta!

    P.s është pyetje që do përgjigje.

    Emri:  kod.jpg

Shikime: 192

Madhësia:  65.7 KB
    "Babai i shtetit është Ismail "Qemali", e zbuloi Edvin shkencëtari!"

  2. #2
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Avokati zbulon skandalin: Metoda se si mund të jeni zbuluar se për kë keni votuar

    QR-Kode e fletës të votimit tregon për kë kemi votuar? Kreu i KQZ: Zero shance

    Avokati Adriatik Lapaj, disa ditë më parë u shpreh se ka një mënyrë sesi identifikohen zgjedhësit dhe për kë kanë votuar ata, ç’ka për të do të thotë se zgjedhjet nuk ishin të fshehta. Sipas tij, kjo lidhet me QR-KOD identifikimi që ka pasur çdo fletë votimi. Por sot, Komisioneri Shtetëror i Zgjedhjeve, Ilirjan Celibashi, i ka kthyer një përgjigje të gjatë kësaj akuze.

    Ai thotë se është e vërtetë që QR-Kode është i veçantë për çdo fletë votimi. ”Duke qenë unike, e personalizuar fleta e votimit nuk ka asnjë mundësi që dikush tjetër (i paautorizuar nga KQZ) të jetë “prodhues” i saj. Pra, në kutitë e votimit të jenë vetëm fletët e votimit që janë prodhuar nga KQZ. Ndaj bëhet personalizimi dhe sekretimi i tyre edhe nëpermjet vendosjes së QR-Kod”,-tha Celibashi.

    Nga ana tjetër, Komisioneri Shtetëror i Zgjedhjeve, shprehet se është qartë që në kushtet e zgjedhjes rastësore të bllokut të fletëve të votimit, të dhënies së fletës së votimit të marrë rastësisht nga grumbulli i fletëve të votimit, shkëputur nga blloku, ka zero shans, që të dimë se cilën fletë në radhën e gjithë fletëve ka marrë një votues i caktuar.

    Postimi i plotë

    Duke e falenderuar Adriatik Lapaj për pyetjen e ngritur dhe duke marrë në konsideratë interesin e opinionit publik sqaroj se: Ka ZERO mundësi që ne (kushdo) të marrim dijeni mbi mënyrën e votimit të një votuesi duke lidhur radhën e votimit të tij me leximin e QR-Kode të fletës së votimit (që ky votues ka marrë dhe e ka hedhur në kutin e votimit). Është e vërtetë që QR-Kode është i veçantë për çdo fletë votimi. Kjo bëhet me qëllim që çdo fletë votimi të jetë unike.

    Duke qenë unike, e personalizuar fleta e votimit nuk ka asnjë mundësi që dikush tjetër (i paautorizuar nga KQZ) të jetë “prodhues” i saj. Pra, në kutitë e votimit të jenë vetëm fletët e votimit që janë prodhuar nga KQZ. Ndaj bëhet personalizimi dhe sekretimi i tyre edhe nëpermjet vendosjes së QR-Kod.

    Nëse ne dimë (i) radhën e votimit të një votuesi dhe dimë se (ii) cilën nga fletët e votimit ai ka marrë, atëherë po ne kemi mundësi të dimë se cila ka qënë vota i tij. Pra, duhet të plotësohen patjetër këto dy kushte që ne të kemi mundësi të marrim dijeni për kë ka votuar votuesi në fjalë. Ne nuk e dimë kurrësesi dhe nuk nuk kemi mundësi ta dimë se cilën fletë votimit (me cilin QR-Kod) ka marrë votuesi, (apo votuesit) edhe nëse ne dimë radhën e votimit të zgjedhësit. Dhe dijenia për radhën është më e mundur nga vetë anëtarët e komisioneve dhe/ose vëzhguesit në qendrën e votimit se sa nga Pajisja Elektronike e Identifikimit (PEI). Nëse flasim për PEI, ajo nuk shënon radhën e votimit.

    Ndaj për të plotësuar kushtin e parë atë të dijenisë së radhës së votimit të një votuesi nuk “na duhet” PEI. Kjo do të thotë se është pa vend shqetësimi për identifikimin e votës për shkak të përdorimit të PEI. Nga ana tjetër është e pamundur që të kemi plotësimin edhe të kushtit të dytë. Atij të identifikimit të fletës së votimit që i jepet votuesit radhën e të cilit presupozojmë se dimë. Fletët e votimit janë të prodhura në blloqe të ndarë nga njëri-tjetri, të gjithë të njëjtë në sasi dhe në mënyrë paketimi. Në momentin e fillimit të votimit Komisioni i Qendrës së Votimit merr rastësisht njërin nga blloqet me fletë votimi. Nuk ka radhë në zgjedhjen e bllokut të fletëve të votimit.

    Është qartë që në kushtet e zgjedhjes rastësore të bllokut të fletëve të votimit, të dhënies së fletës së votimit të marrë rastësisht nga grumbulli i fletëve të votimit, shkëputur nga blloku, ka ZERO shans, që të dimë se cilën fletë në radhën e gjithë fletëve ka marrë një votues i caktuar. Matematikisht, sikur vetëm një herë të prishet radha (nëse për një moment pranojmë që mundet ta gjejmë radhën e fletëve të votimit), atëherë në asnjë mënyrë nuk do të dimë se kë fletë votimi ka marrë kush.

    Koha Jonë
    "Babai i shtetit është Ismail "Qemali", e zbuloi Edvin shkencëtari!"

Tema të Ngjashme

  1. Përgjigje: 0
    Postimi i Fundit: 28-01-2021, 20:17
  2. Raporti zbulon skandalin, ONM rrëzoi kandidaturat e Fondacionit Soros
    Nga Duke_Of_Arberia në forumin Tema e shtypit të ditës
    Përgjigje: 8
    Postimi i Fundit: 17-01-2018, 07:22
  3. Geri Selenica zbulon mega-skandalin e Skavicës
    Nga Vinjol në forumin Tema e shtypit të ditës
    Përgjigje: 0
    Postimi i Fundit: 28-01-2016, 18:10
  4. Përgjigje: 13
    Postimi i Fundit: 24-01-2009, 12:18
  5. A e keni zbuluar qellimin e jetes tuaj !!?
    Nga AuGuSt_ në forumin Filozofi-psikologji-sociologji
    Përgjigje: 26
    Postimi i Fundit: 03-04-2005, 09:15

Fjalët Kyçe për Temën

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •