Shqipëri: Zbarkojnë ushtarët amerikanë për stërvitjen ushtarake Defender Europe 21

[Albo]

Më shumë ushtarë amerikanë po mbërrijnë në Shqipëri për stërvitjen më të madhe ushtarake



Më shumë ushtarë amerikanë po mbërrijnë në Shqipëri për nisjen e stërvitjes “Defender Europe 21”, stërvitjes më të madhe ushtarake në Ballkanin Perëndimor që përfshin 26 vende pjesëmarrëse.

Ambasada e SHBA-së shprehet se “gjatë stërvitjes ushtarët do trajnohen së bashku në të gjithë Shqipërinë dhe Europën për të kryer operacione të ndryshme, duke filluar nga luftimet e simuluara e deri te ndihma humanitare”.
Stërvitja “Defender Europe 21” zhvillohet në kuadër të bashkëpunimit me palën amerikane dhe është në vazhdën e partneritetit të fortë strategjik që vendi ynë ka me SHBA-në, në fushën e sigurisë dhe mbrojtjes.

Komanda e Ushtrisë Amerikane në Europë (USAEUR) do të drejtojë paketën e stërvitjeve të koduar “Defender Europe 21” dhe pjesë e kësaj pakete do të jetë pjesëmarrja e forcave të vendeve aleate dhe partnere, si: Kanadaja, Bosnjë dhe Hercegovina, Kroacia, Greqia, Kosova, Mali i Zi, Maqedonia e Veriut, Britania e Madhe, Çekia, Hungaria, Rumania, Bullgaria, Gjeorgjia, Turqia etj.



Koha Jone

[Albo]

Defender-Europe 21: 28 mijë ushtarë stërvitje në Shqipëri



Shqipëria do të ketë një rol kyç në një prej trajnimeve më të mëdha ushtarake që Shtetet e Bashkuara do të organizojnë në partneritet me 26 kombe aleate të NATO-s.

Fjala është për Defender 2021, një ushtrim i rëndësisë së lartë që do të ketë të përfshirë 28 mijë ushtarë. Drejtori i Marëdhënieve me publikun në ushtrinë e ShBA-së për Europën dhe Afrikën, Kolonel Joseph Scrocca, dha detaje në një takim virtual me gazetarët.

“Defender-Europe 21 do të ushtrojë aftësitë e komandës për të integruar 28 mijë ushtarë amerikanë e aleatë që vijnë nga 26 kombë, përfshirë Shqipërinë.

Ora News