Basha premton Statusin e Gazetarit: Do i japim fund censurës dhe presionit

[Albo]

Kryetari i Partisë Demokratike, Lulzim Basha ka deklaruar pasditen e sotme nga takimi me të rinjtë e fshatit Vilë- Bashtovë (Kavajë ) se, Partia Demokratike do të bëjë të mundur statusin e gazetarit me të ardhur në krye të qeverisjes.

Basha tha se kjo do të shmangë censurën dhe ushtrimin e presionit, pasi kushdo që do të marrë mundimin të dhunojë verbalisht gazetarët do të përballet me saksione të rënda.

“Ne kemi nisur punën dhe do të bëjmë të mundur statusin e gazetarit. Ky status do t’i japë fund censurës për gazetarin. Do të mundësojmë përmes një kulture të re…Asnjë nuk mund të dhunojë verbalisht gazetarët dhe gazetaret, ose përndryshe do të përballet me sanksione të rënda.

Do të vendosim në mirëfunksionim televizionin shtetëror, i cili paguhet me taksat tuaja. Jo më kot gazetarët quhen pushteti i katërt dhe nga qeveria e kryeministrit të ardhshëm prisni dhe do të meritoni trajtimet që kanë gazetarët evropianë”, – u shpreh Basha.



MAPO