Krijimet e Azem Stroka

[Azem Stroka]

Lefter Çipa Pilurjoti,
Nga ZOTI prapë tek ZOTI...!

Nuk e di si më rrjedh loti,
Një brengë më le në duar,
Do kerkoj pak forcë tek Zoti,
Këto vargje për të shkruar.

Labëri kujen ke vënë,
I ndoqe bijtë nga gjiri,
Kush do ta ndri vargun tëndë,
Këngën që më qante syri.

Kush do ti ngrërë ato vargje,
Se na iku dhe Lefteri,
Iku si pëllumb i paqes,
Plagë që të gjithë na theri.

Lefter Çipa pilurjoti,
Ike si peshku mbi valë,
Te deshi per vete Zoti,
Që ti bëje vargjet palë.

O ikonë e LABËRISË,
Syrin na i le përlotur,
O damar' i trimërisë,
Vargun si e le pa sosur.

Kush ta sosi vargun tënd,
Ai ështe ilaç i rralle,
Qysh do duroj ai vënd,
U tret për bejken e bardhe.

Lefter ike si një lule,
Na le pas plot një thesarë,
Rrënjët në këngë i ngule,
Dhe atje do jesh i gjallë.

Ne sdo të harrojmë kurrë,
Në këngë ikonë do mbetesh,
Do jesh i shënjtë si flamurë,
Dhe ashtu i shënjtë do tretesh.

Duke Shkuar ditë e netë,
E duke ndërruar moti,
Ike si lumi në detë,
Lefter Çipa Pilurjoti...!

Nga Azem Stroka...!