Close
Duke shfaqur rezultatin -19 deri 0 prej 18
  1. #1
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,326
    Postimet në Bllog
    7

    Frika nga votat e emigrantëve: Qeveria Rama pezullon fluturimet në Rinas

    Emri:  dritan-goxhaj.png

Shikime: 202

Madhësia:  418.9 KB

    Shpallja e paaftësisë së kontrollorëve të Albkontronoll në aeroportin e Rinasit ka sjellë pezullimin e fluturimeve në vend. Në një intervistë për FaxNews Dritan Goxhaj, ish pilot dhe ish shef operacioneve të fluturimit ne AAC, thekson se gjendja e krijuar vjen si pasojë e një vendimi absurd të ministres Balluku për shkak të uljes së rrogave të kontrollorëve.

    Sipas Goxhaj pezullimi i punës në kullën e vrojtimit bën të pamundur jo vetëm uljen dhe ngritjen e avionëve në aeroportin e Rinasit, por edhe kalimin e avionëve të tjerë në hapësirën ajërore shqiptare duke i shkaktuar kosto shtetit shqiptar për thyerje të marrëveshjes “One Sky”

    “Jam këtu për të mbështetur veprimin e tyre e cila duhet thënë se nuk është një grevë, por një shpallje e paaftësisë për shkak të heqjes së rrogave me vendim të paligjshëm nga Bordi i Aviacionit dhe ministrja e Infrastrukturës. Kërkesa e dytë është rikthimi në punë i 5 persnave të cilit janë hequr nga puna padrejtësisht dje me një vendim absurd. Këto janë dy kushtet e panegociueshme të kontrollorëve për tu rikthyer në punë.

    Në rast se kontollorët nuk do të shkojnë në punë hapësira ajërore nuk do të jetë e disponueshme për avionët të cilët do të ulen dhe ngrihen në vendin tonë, si dhe do të ketë një bllokim të avionëve që do të kalojnë në hapësirën ajërore të Shqipërisë.

    Do të ketë një kosto për shtetin shqiptarë për avionët të cilët do të devijojnë trafikun mbi Shqipëri. E gjitha kjo për shkak të një inati personal të ministres Belinda Ballaku”
    , tha Goxhaj.



    burimi : faxweb.al

  2. #2
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Pezullimi i punës së kontrollorëve në Rinas, Dritan Goxhaj: Do ketë kosto për shtetin nëse avio

    Pinjollet e komunisteve shqiptare, djallizine e kane te trasheguar ne gjak nga baballaret e tyre. U ulen rrogat kontrolluesve te aeroportit Rinas, pasi nuk duan qe shqiptaret e diaspores te fluturojne ne Shqiperi e votojne ne zgjedhjet e 25 prillit. Emigrantet shqiptare nuk kercenohen dot me heqje nga puna, e nuk u blihet vota me 20 euro.

    Largoni djallin nga kreu i vendit me voten tuaj ne 25 prill. Dhe nese ai e shpura e tij nuk iken me deshire, te gjeje vrime miu ne Surel te fshihet...

    Albo

  3. #3
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Pezullimi i fluturimeve, reagojnë kontrollorët e “Albcontrol”: Jo vetëm për uljen e pagës, ja arsyeja kryesore

    Emri:  kontrolloret.jpg

Shikime: 189

Madhësia:  39.6 KB

    Kontrollorët e “Albcontrol” kanë reaguar përmes avokatit të tyre për pezullimin e fluturimeve në Aeroportin e Rinasit, pas ndërprerjes së punës nga ana e tyre.

    Avokati Rezart Kthupi tha se kontrollorët nuk e kanë braktisur vendin e punës, por nuk ushtrojnë detyrën. Sipas tij, ulje e pagës së kontrollorëve nuk është arsyeja e vetme dhe kryesore e ndërprerjes së punës, pasi kryesore është ndryshimi i procedurave operacionale.



    “E para, e kemi thënë që në fillim që kjo nuk është një grevë. Është një detyrim ligjor. Në momentin që kontrollorët ndihen në kushtet e paaftësisë për të ushtruar detyrën, ky është një detyrim ligjor që ligji shqiptar e njeh. Menjëherë nisën procedurat e shkarkimit nga puna. Kjo ka prodhuar stresin e gjithë kontrollorëve të tjerë, që mund të ndodhë të hiqen edhe ata nga puna.

    Nuk është vetëm cështja e uljes së pagës, është vetëm një nga arsyet, kryesore është ndryshimi i procedurave operacionale, që kanë të bëjnë me sigurinë që ofron ky shërbim. Nuk jemi në kushtet e braktisjes së punës, kontrollorët vijojnë të shkojnë në vendin e punës, por nuk ushtrojnë detyrën. Braktisja e vendit të punës është mos shkuarja në punë pa asnjë arsye. Kjo nuk është një cështje politike, nuk kemi asnjë lloj interesi të përfshihemi në politikë. Ka dy kërkesa shumë të thjeshta nga kontrollorët, që nuk janë të komplikuara dhe të vështira për shoqërinë.

    Ne gjykojmë që nuk ka hapësirë ligjore për të cuar kontrollorët për ndjekje penale. Nuk ka asnjë ligj të shkelur. Kontrollori ka detyrimin të saktësojë që nuk është i aftë për punë, e ka detyrim ligjor. Nëse njëra palë e quan këtë shkelje ligjore, ne nuk e zgjidhim dot”, tha avokati.

    Si jeni ndjerë kur jeni komentuar si sabotatorë të shtetit?
    Thjesht na është shtuar stresi. Njerëzit që janë pas meje ndjehen edhe më të stresuar. Ne kërkojmë respektimin e kontratës së punës, me parametrat dhe pagën që ka ajo. Largimi ose ndryshimi i orareve të punës sjell paaftësi ose vështirësi të kontrollorëve në ushtrimin e detyrës.

    Cfarë do të ndodhë nesër pas orës 10:00?
    Ne jemi ende në pritje të zgjidhjes së situatës. Pika e parë që u diskutua në takim me ministren ishte se ata që janë larguar nga puna, duhet të rikthehen. Këta njerëz, që u është filluar procedura e largimit, nuk rezultojnë të jenë në turne.

    (BalkanWeb)

  4. #4
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Pezullimi i punës së kontrollorëve në Rinas, Dritan Goxhaj: Do ketë kosto për shtetin nëse avio

    “Ju ulëm pagat nga 4 mijë USD, në 2.4 mijë”, Balluku ironizon kontrollorët dhe iu citon Kodin e Punës: Nuk mund të ushtroni grevë

    Emri:  balluku3322.jpg

Shikime: 178

Madhësia:  32.8 KB

    Gjatë konferencës nga aeroporti i Rinasit, pas dështimit të negociatave me kontrollorët, ministrja Belinda Balluku ironizoi, teksa tha se kontrollorët deklarojnë paaftësi, pasi iu është ulur paga nga 4 mijë dollarë në 2.4 mijë dollarë.

    Mes të tjerash, ministrja e Infrastrukturës dhe Energjetikës ju lexoi punonjësve të shërbimit ajror Kodin e Punës, në të cilin thuhet se ata nuk kanë të drejtë të ushtrojnë grevë.



    “Për shkak të uljes së rrogës, kemi pasur presion të vazhdueshëm nga kontrollorët, që kërkonin vendosjen e pagës së mëparshme. Ndërkohë që kompania është në pamundësi financiare. U mundova ta shpjegoj. Kompania e ka detyrim ligjor të mos ketë depozita, pra të mos krijojë fitim. Në fund të vitit, nëse kompania nuk ka përdorur paratë e deklaruara, është detyrim ligjor që ato t’iu kthehen kompanive ajrore. Alcontrol nuk ka të drejtë fitimi, pra e ka fitimin zero. Kompania nuk ka depozita për t’iu dhënë atyre para, dhe ato duhet të jenë të qartë për këtë. Nëse ata nuk kanë 4 mijë dollarë, stresohen dhe nuk punojnë dot. Duket si batutë, por nuk është batutë. Kështu që ata kanë vendosur të bëjnë një akt, duke deklaruar se janë të paaftë për të operuar, për shkak, siç thotë ky zotëria këtu, të vështirësive financiare.
    Nuk merren 4 mijë dollarë, por 2.4 mijë dollarë. Meqë atyre nuk iu dalin këto, kanë aplikuar për borxh te të afërmit. Shifeni se si një kontrollor thotë se është i paaftë për të punuar, pasi paga e tij 4 mijë dollarëshe, për shkak se kompania nuk ka para, është bërë 2 mijë e 490 dollarë. Për këtë, zotëria ka aplikuar për borxh te familjarët. Kodi i punës, në nenin 197/5 ka të sanksionuar qartë dhe thotë “Greva nuk mund të ushtrohet, kur ndërprerja e punës rrezikon jetën, ose shëndetin e shoqërisë”. Sipas Kodit të Punës, shërbimet e kontrollit të shërbimit ajror nuk mund të ushtrojnë grevë”, tha ministrja.

    (BalkanWeb)

  5. #5
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,326
    Postimet në Bllog
    7

    Për: Frika nga votat e emigrantëve: Qeveria Rama pezullon fluturimet në Rinas

    Në gjithë botën bëhen greva të tilla dhe nuk quhet cënim i sigurisë kombëtare .

  6. #6
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Greva e kontrollorëve të ‘Albcontrol’, Gjosha: Bllokimi i punës, paaftësi e qeverisë. E paimagjinueshme t’i largosh nga puna me një telefonatë

    Ish-ministrja e Integrimit, Klajda Gjosha ka reaguar në lidhje me grevën e kontrollorëve të Albcontrol në aeroportin e Rinasit, duke bërë kështu pezullimin e fluturimeve. Përmes një postimi në ‘Facebook’ Gjosha thekson se kontrollorët e Rinasit nuk mund të trajtohen si specialistët e Ministrive pasi e kanë të veçantë për profilin e punës që kryejnë.

    Sipas saj bllokimi i punës në aeroport, tregon jo vetëm paaftësinë e kësaj qeverisje, por dhe autoritarizmi e saj.

    REAGIMI I GJOSHËS
    Bllokimi i Rinasit tregon jo vetëm paaftësinë e kësaj qeverisje, por dhe autoritarizmi e saj. Kontrollorët e Rinasit nuk mund të trajtohen si specialistët e Ministrive pasi të veçantë për profilin e punës që kryejnë.
    U duhen 4 vjet të marrin një licence ndërkombëtare dhe vit për vit bëjnë testime teknike dhe psikologjike. T’i largosh nga puna me një telefonatë është e paimagjinueshme!
    Akoma më e paimagjinueshme është që pas 8 vjetësh qeverisje per një problem kaq banal të thuhet akoma pa lidhje “është faji i Saliut”.
    Në 25 Prill duhet ta largojmë sa më parë të paaftët dhe ata që mendojnë se pushteti është një mjet për të goditur qytetarët!

    Balkanweb

  7. #7
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Bllokimi i Rinasit/ Reagojnë kontrollorët e Kosovës: Qeveria të ulet në dialog, jo t’i etiketojë ‘armiq të popullit’

    Sindikata e Kontrolloreve të Trafikut Ajror të Kosovës (SINKON) ka reaguar në lidhje me grevën e kontrollorëve të Albcontrol ku për shkak të kësaj situate është pezulluar puna në aeroportin e Rinasit.

    Përmes një reagimi, SINKON është solidarizuar me kontrollorët e Albcontrol, ndërsa thekson se ata janë profesioniste të shquar me të cilët kanë bashkëpunim në mbi një dekadë.

    Zgjidhja e krizës sipas SINKON nuk arrihet duke tentuar të shndërrohen kontrolloret e trafikut ajror në “armikun e popullit”, apo duke u etiketuar si vegla politike.

    Reagimi i SINKON

    SINKON (Shoqata Sindikale e Kontrolloreve te Trafikut Ajror te Kosoves) e cila perfaqeson kontrolloret e trafikut ajror te Kosoves, me ane te kesaj shkrese deshiron te shprehe perkrahjen per kontrolloret e trafikut ajror prane ALBCONTROL.

    Permes ketij reagimi apelojme qe kontrolloret e trafikut ajror pjese e ALB CONTROL-it, jane profesioniste te shquar me te cilet kemi bashkepunim ne baza ditore tash e mbi nje dekade gje qe ka rezultuar me mbarevajtjen e sigurte te operimeve sipas kritereve me te larta evropiane.

    I gjithe opinioni shqiptar duhet te dije qe kontrolloret e trafikut ajror edhe ne kete kohe pandemie kudo ne bote jane staf esencial te cilet jane perkujdesur dhe ende perkujdesen per mbarevajten e trafikut ajror pa vonesa dhe pa pengesa ne zonen e pergjegjesise se tyre.

    Zgjidhja e krizes nuk arrihet duke tentuar te shnderrohen kontrolloret e trafikut ajror ne “armikun e popullit”, apo duke u etiketuar si vegla politike sa nga njera pale politike aq edhe nga pala tjeter politike, Kontrolloret jane profesioniste apolitik, qe nuk i takojne asnjerit kamp politik, jane personel qe ofrojne me perkushtim sherbimet e trafikut ajror 24/7/365, sherbime te cilat jo domosdoshmerisht jane te njohura per opinionin publik mirepo ata jane dhe do te jene aty cdohere ne sherbimin tuaj.

    Opinioni publik shqiptar duhet ta dije se jane vetem 60 kontrollore shqiptare te cilet jane gardianet e hapesires ajrore shqiptare, hapesire e cila tani rrezikon te ngelet e mbyllur per shkak te mosgatishmerise per t’u zhvilluar negociata per sanimin e kesaj situate.

    Me situata te tilla per shkak te gjendjes me Covid-19 jane perballur edhe shume shtete te tjera, te cilat me dialog ndermjet paleve kane arritur te gjejne zgjidhje.

    SINKON i ben thirrje Qeverise shqiptare qe te ulen ne tavolinen e dialogut me kontrolloret e trafikut ajror dhe te gjendet nje zgjidhje e cila nuk cenon profesionalizmin, dinjitetin dhe te ardhmen e kontrolloreve te trafikut ajror te Shqiperise.

    Syri

  8. #8
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Si po zhvatet Albcontrol/ Kriza financiare nisi që nga viti 2018

    Kompania e menaxhuar prej shumë vitesh nga ministrja aktuale e Infrastrukturës, Belinda Balluku rezultoi për shumë vite një kompani fitimprurëse. Por që nga viti 2018, ajo ka ka pësuar humbje të konsiderueshme financiare, pavarësisht se të ardhurat e saj kanë qenë në rritje.

    Greva e pashpallur e punonjësve të kompanisë Albcontrol vuri në dukje vështirësitë ekonomike të një kompanie nën pronësi publike, e cila është në pozicion monopol në treg, ofron një shërbim të domosdoshëm dhe megjithatë, prej vitesh rezulton me humbje.

    Ministrja e Infrastrukturës, Belinda Balluku deklaroi se kompania ishte detyruar të ulte pagat e punonjësve për shkak se të ardhurat e kompanisë kanë rënë si pasojë e pandemisë. Ajo e shpalli grevën “një grusht shteti”, ndërsa i deklaroi rrogat e punonjësve të kompanisë [4,400 dollarë në muaj] si shumë të larta.

    Balluku ka qenë drejtoreshë e kësaj kompanie që nga dita kur socialistët erdhën në pushtet në vitin 2013 dhe deri në ditën kur ajo u bë ministre e Infrastrukturës dhe Energjisë në janar 2019. Ajo nuk ka ngritur ndonjë pretendim për pagat e larta në kohën që drejtoi Albcontrol.

    Të dhënat e Albcontrol të publikuara në Qendrën Kombëtare të Biznesit sugjerojnë se kompania është përdorur nga të gjitha partitë politike në pushtet, si një vend në bordin e së cilës mund të vendosësh njerëz pa ndonjë lidhje të dukshme me trafikun ajror. Të dhënat financiare të kompanisë tregojnë gjithashtu se kriza financiare nuk është si pasojë e vetëm pandemisë, por është më e vjetër.

    Këto të dhëna tregojnë gjithashtu se shpenzimet e kompanisë për paga dhe trajtime të tjera për punonjësit nuk kanë ndryshuar gjatë viteve, të ardhurat kanë qenë në rritje, ndërsa humbjet janë krijuar nga rritja e shpenzimeve në një zë enigmatik të quajtur “shpenzime të tjera”.

    Albcontrol është kompania me numër identifikimi J61908011H dhe që ofron shërbimin e menaxhimit të trafikut ajror. Shqipëria është në një pozicion ku shumë avionë kalojnë tranzit dhe secili prej tyre paguan një tarifë për sistemin e radarëve dhe të kontrollorëve që koordinojnë lëvizjet e tyre për të shmangur përplasjet.

    Të ardhurat e kompanisë ishin 3.6 miliardë lekë (afro 29 milionë euro) në vitin 2019, viti i fundit kur bilanci është i disponueshëm për publikun. Të ardhurat janë rritur gradualisht; p.sh., në vitin 2014 ato ishin 3.2 miliardë lekë. Afro 1/3 e të ardhurave të kompanisë ose 1.3 miliardë lekë shkojnë për “shpenzime personeli”.

    Kompania realizoi fitime neto në masën 208 milionë lekë në vitin 2014 (rreth 1.7 milionë euro me kursin e sotëm), ndërsa në vitin 2017, fitimet e saj ranë në 48 milionë lekë (392 mijë euro).

    Në vitin 2018, kompania humbi afro 1 milionë euro, ndërsa në vitin 2019 humbjet u rritën në 2.3 milionë euro.

    Të ardhurat e kompanisë raportohet se janë goditur rëndë nga anulimi i mbi gjysmës së fluturimeve ajrore në Shqipëri dhe në botë, për shkak të pandemisë së koronavirusit të ri. Por telashet financiare të kompanisë kanë filluar së paku që nga viti 2018.

    Siç ndodh zakonisht në bordet e ndërmarrjeve nën pronësi publike, funksionarë të ndryshëm politikë janë ulur në këto borde, ndërkohë që lidhja dhe aftësia e tyre në çështje të menaxhimit të një kompanie kaq specifike nuk janë shumë të qarta. Të dhënat e publikuara në QKB tregojnë se Spartak Braho, ish-deputet i LSI dhe më pas socialist, ka qenë anëtar bordi në këtë kompani në kohën kur LSI ishte në aleancë me PD.

    Besart Kadia, i cili u bë zëvendësministër financash nga Rama, u bë edhe anëtar bordi i kompanisë më 25 nëntor 2020.

    Genci Gjonçaj, sekretar i Përgjithshëm i Kuvendit dhe gjithashtu ish-përfaqësues i Partisë Socialiste në KQZ, është anëtar bordi që nga viti 2017. Anëtare bordi janë edhe Albana Koçiu (drejtoreshë e DAP) apo Mirlinda Karçanaj, drejtoreshë e AKSHI.

    BIRN

  9. #9
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Greva e kontrollorëve në Rinas, PD: Për qeverinë, të gjithë janë fajtorë, përveç Ramës...

    Partia Demokratike ka reaguar gjatë ditës së sotme pas grevës së kontrollorëve në Rinas dhe qëndrimeve të Ramës dhe qeverisë së tij.

    “Ministrja që ishte 8 vite përgjegjëse për punëtorët, tani po na akuzon ne për një grevë”, tha në një deklaratë shtypi Alfred Rushaj duke shtuar se “kjo është fryma konstante e qeverisë Rama: Të gjithë janë fajtorë, përveç Ramës vetë dhe qeverisë së tij të dështuar”.

    E plotë:

    DEKLARATE E PARTISE DEMOKRATIKE, ALFRED RUSHAJ

    Ministrja na shpjegoi se për grevën në aeroport duhen fajësuar punëtorët dhe opozita.

    Ministrja që ishte 8 vite përgjegjëse për punëtorët, tani po na akuzon ne për një grevë.

    Ky është një mashtrim elektoral i Ramës për qytetarët shqiptarë.

    Kjo është fryma konstante e qeverisë Rama: të gjithë janë fajtorë, përveç Ramës vetë dhe qeverisë së tij të dështuar.

    Kur paga minimale në Shqipëri është më e ulëta në Europë – arsyeja është pandemia.

    Kur ai nuk mban dot asnjë premtim – arsyeja është tërmeti.

    Kur Shqipëria është në mesin e vendeve me vdekjet më të larta në Europë dhe spitalet po kolapsojnë – arsyeja është se qytetarët nuk janë mjaftueshëm të kujdesshëm dhe të mbrojtur.

    Kur Shqipëria gjobitet me një shumë astronomike prej 110 milion euro – arsyeja është pronari i televizionit dhe vetë kanali televiziv.

    Kur papunësia arrin kulmin e qindra mijëra të papunëve, Rama shpjegon se kjo vjen për shkakun tonë, vetë qytetarëve shqiptarë që nuk duan të punojnë.

    Por qytetarët shqiptarë e dinë tashmë ... është Rama dhe qeveria e tij e dështuar, vetëm ata janë përgjegjës për të gjitha dështimet. Vetëm ata janë përgjegjës për faktin që Shqipëria ka mbetur në vendnumëro për 8 vite.

    Dështimi i Shqipërisë është dështim i Ramës.

    Shqipëria duhet të ndryshojë, Shqipëria duhet të nisë të shpresojë sërish.

    25 prilli i jep fund justifikimeve të dobëta të Ramës.

    Shqipëria meriton një qeveri dhe një kryeministër që merr përgjegjësi për rezultatet dhe punon për Shqipërinë.

    Syri

  10. #10
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,326
    Postimet në Bllog
    7

    Shënim: Çfarë ndodhi me Rinasin, kush ka të drejtë?! Qeveria apo kontrollorët

    65 punonjës që deklarojnë se janë të stresuar. Një ministre që akuzohet se ka shfryrë inatet personale të kohës kur drejtonte Albcontrol dhe një akuzë e madhe për grusht shteti. Çfarë ndodhi në Rinas, aeroporti i vetëm në Evropë që është bllokuar në mes të pandemisë.

    TIRANË- Shqipëria është mbyllur ndërsa brenda 4-5 orësh një debat politik ka nisur duke kapur majat. Fakti është që Shqipëria prej disa orësh nuk ka shërbim ajror. Një avion u nis nga Athina dhe u la për 30 minuta në ajër dhe më pas u kthye mbrapsht. Qindra qytetarë shqiptarë enden rrugëve të botës pa marrë një zgjidhje, ndërsa shteti i është përveshur një lufte që në dukje është thelbësisht parimore, por e paqartë dhe e pakuptueshme.

    Por çfarë ka ndodhur?

    Prej disa ditësh, 65 kontrollorë të Albcontrol kanë paralajmëruar grevë dhe bojkot të punës në rast se 5 kërkesat e tyre nuk do të merreshin parasysh. Ata takuan edhe presidentin Ilir Meta, të cilit i shprehën indinjatën e tyre, ndërsa shprehen para mediave se janë të stresuar dhe se gjendja e tyre psikologjike është e rëndë pasi iu është ulur rroga me 43% për shkak të pandemisë.
    Por a iu lejohet greva një sektori kaq jetik? Dosja.al pa Kodin e Punës dhe në nenin 197, pika 5, thuhet qartësisht se greva nuk mund të ushtrohet në shërbimet e rëndësisë jetike, atëherë kur ndërprerja e punës, rrezikon jetën dhe sigurinë e popullatës. Në pikën ç, renditen edhe shërbimet e kontrollit të trafikut ajror.

    Kodi i Punës:

    Emri:  606da005dd1d0Screenshot_1.jpg

Shikime: 165

Madhësia:  37.9 KB

    Greva e punës këtyre kontrollorëve qartësisht nuk iu lejohet, por edhe për këtë është menduar alibia. Ata thonë se nuk janë në grevë por detyrim ligjor dhe se ata nuk kanë braktisur vendin e punës pasi ndodhen brenda Aeroportit.
    Çfarë është Albcontrol?
    Albcontrol është një shoqëri aksionare me kapital 100% shtetëror, pronë e Ministrisë së Zhvillimit Ekonomik, Turizmit,Tregëtisë dhe Sipërmarrjes. E krijuar në 1992, Albcontrol menaxhon dhe kontrollon hapësirën ajrore Shqiptare (FIR), në përputhje me standartet ndërkombëtare të lundrimit ajror. Por kush ka tjetër faj?
    Prej muajsh situata në ambientet e Albcontrol nuk është e njëjta. E kjo jo pa arsye. Pandemia e ka goditur këtë sektor më rëndë se të tjerët, ku fluturimet drejt Shqipërisë janë në numra të papërfillshëm krahasuar me periudhën para pandemisë. Kjo ka sjellë që rroga e tyre të mos jetë më 4400 dollarë por 2400 dollarë, një shifër që për shumë shqiptarë është e barazvlefshme me pagën vjetore dhe jo atë mujore.
    Por e kujt është përgjegjësia?

    Albcontrol ka një bord, i cili në këtë debat ka ngelur jashtë, pavarësisht se është autoriteti kryesor që merr vendime. Në media kemi parë vetëm ministren Belinda Balluku, dikur drejtuesja e këtij shërbimi, që sot deklaron se është e gjitha një tekë e kontrollorëve, e mbështetur nga politika. Por nëse ky grusht shteti është thelbësisht politik, kush ka përgjegjësi për rekrutimin në këtë rast të disa militantëve e jo të profesionistëve të fushës? A ka një përgjegjësi Belinda Balluku për disa kontrollorë që kanë shkuar në punë për të marrë e aspak për të dhënë?
    Ministrja e humbi qetësinë teksa fliste sot për stresin e ish-vartësve të saj. Ndërsa një tjetër akuzë publike, i lë qytetarët edhe më të paqartë. Dritan Goxhaj, kryetari i Sindikatës së Aviacionit Civil, tha sot se e gjitha është një kapriço personale e ministres Balluku.
    “Do të ketë një kosto për shtetin shqiptarë për avionët të cilët do të devijojnë trafikun mbi Shqipëri. E gjitha kjo për shkak të një inati personal të ministres Belinda Ballaku.”-tha Goxhaj, duke hedhur akuza se pushimet nga puna që kanë ndodhur në Albcontrol janë për shkak të inateve të vjetra të ministres, dikur drejtuese e institucionit, e sot po lënë pa shërbim dhe pa hapësirë ajrore Republikën.
    Akuzat për grusht shteti por kush e mbron hapësirën publike të Republikës?
    Janë 13 fluturime të anuluara që ishin parashikuar për ditën e sotme që janë pezulluar deri minimumi, ora 12:00 e ditës së nesërme. 5 kërkesa të pakonsultuara e kanë lënë shtetin pa shërbim ajror, të cilat janë:
    – Rikthim i kolegëve në punë;
    – Shfuqizim i vendimeve të bordit;
    – Rikthimi i pagës së plotë sipas kontratës kolektive;
    – Transparencë financiare e plotë për vitin 2020;
    – Një anëtar sindikate të jetë anëtarë bordi.

    Por cila është përgjigjia?

    Ministrja dhe qeveria i konsiderojnë këto kërkesa si shantazh duke përfshirë në një grusht shteti deri më tani “imagjinar” edhe dy figura kryesore të politikës shqiptare. Ilir Meta akuzohet si organizator i grushtit të shtetit pasi takoi disa ditë më parë kontrollorët bashkë me Sali Berishën. Ish-kryeministri u përfshi në këtë histori për shkak të postimeve të tij në rrjetet sociale.
    Edi Rama në kulmin e fushatës elektorale nga Përmeti, sërish nuk tentoi të ulet në bisedime me këta kontrollorë, për të kaluar së paku situatën dhe më pas për të parë rrugëzgjidhjet. Debati që mund të shuhej me negociim është ndezur dhe më tej, me kryeministrin që thotë se po bëhet një grusht shteti që po bllokon edhe ardhjen e vaksinave. Kjo çështje që mund të zgjidhej edhe dy ditë më herët u la e bllokuar deri më sot dhe përfundimi tashmë shihet qartë.
    Një vend në mes të Europës që ngelet pa akses në fluturime dhe trafik ajror për pagat e 65 personave që u punësuan nga vetë strukturat e këtij shteti dhe kanë pakënaqësi me ministren. Ajo që do të lehtësonte vërtetë shqiptarët e lënë nëpër aeroporte do të ishte nëse rezulton gënjeshtër fakti që e gjithë kjo zhurmë e madhe u bë për inatet personale të një ministreje me ish-vartësit e saj. Nëse është realisht e vërtetë, jemi vërtetë komb i pafat./dosja.al

  11. #11
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,326
    Postimet në Bllog
    7

    Për: Frika nga votat e emigrantëve: Qeveria Rama pezullon fluturimet në Rinas

    Ja disa prej shefat e kompanisë së kontrollit të trafikut ajror “Albcontrol”, që kanë lidhje familjare me shefat e politikës:
    Norbis Qazimi, vëllai nga nëna, i deputetit Fatmir Xhafaj
    Ana Shkëmbi, mbesa e gruas së deputetit Fatmir Xhafaj
    Ledio Ruçi, djali i Kryetarit të Kuvendit, Gramoz Ruçi
    Sonia Popa, anëtare Bordi, bashkëjetuese e Petrit Vasilit, Drejtore e Turizmit-Ministri
    Mirlinda Karcanaj, anëtare Bordi, shoqe e Linda Ramës dhe ortake në OJF, Drejtore e AKSHI
    Sulo Hadëri, anëtar Bordi, ish-Dekan i Fakultetit Ekonomik, që u ka dhënë “Doktoratura” e dypunësime si pedagogë, shefave të partisë.
    Genci Gjonçaj, anëtar Bordi, Sekretar i Përgjthshëm i Kuvendit
    Ardit Çollaku, anëtar Bordi shok i Olsi Ramës, Agjencia Kombëtare e Turizmit
    Redi Fino, djali i Bashkim Finos
    Stela Malaj, nusja e djalit të deputetes Nora Malaj
    Rovena Bregu, motra e Majlinda Bregut
    Florjan Gjiknuri, djali xhaxhait i (ish)ministrit Damian Gjiknurit
    Martin Sterkaj, djali deputetit Paulin Sterkaj
    Arlind Broci, djali i (ish) gjyqtarit Artan Broci
    Blerta Tusha, gruaja e Artur Bushit, kryebashkiak i Krujës
    Eneo Zguri, djali i ish kreut të KQZ, Klement Zguri
    Brisilda Spahiu (Celibashi), vajza e Nesim Spahiut, kryebashkiak i Skraparit
    Joana Bushi, ka koncesionin e shërbimeve të kontrollit në “Albcontrol”, me kompaninë “ICTS Albania-Integrated Services”, aktualisht Drejtore në ANTA-Rinas, ish-shefe kabineti e Edi Ramës në Bashkinë e Tiranës, grua e Eno Bushit, Drejtor Juridik i PS dhe avokat i Kryeministrit Edi Rama.

  12. #12
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Presidenti Meta: Kontrolli i Lartë i Shtetit të nisë auditim të plotë në shoqërinë “Albcontrol”

    Nisur nga situata tepër e rëndë e krijuar dhe veçanërisht rolit, që ka “Albcontrol” për administrimin dhe kontrollin e hapësirës ajrore të Republikës së Shqipërisë, e lidhur direkt me sigurinë kombëtare të vendit dhe me garantimin e shërbimeve për udhëtarët dhe qytetarët shqiptarë, Presidenti i Republikës, Ilir Meta, i është drejtuar sot zyrtarisht Kontrollit të Lartë të Shtetit, duke i kërkuar të fillojë pa vonesë një auditim të plotë në shoqërinë “Albcontrol” mbi:

    – mënyrën e menaxhimit të kësaj shoqërie;
    – respektimin e dispozitave ligjore në vendimmarrjet e organeve drejtuese;
    – përdorimin e fondeve publike;
    – respektimin e procedurave në marrëdhëniet e punës, si dhe
    – çdo aspekt tjetër që paraqet rrezik për veprimtarinë e sigurt dhe funksionimin normal të “Albcontrol”.

    Presidenti Meta po ndjek nga afër dhe me vëmendje zhvillimet lidhur me menaxhimin e situatës në “Abcontrol” dhe në aeroportin “Nënë Tereza”, dhe i kërkon autoriteteve respektive të marrin të gjitha masat, për të mos vënë në rrezik sigurinë e hapësirës ajrore në Republikën e Shqipërisë, për të rifilluar pa vonesë funksionimin e monitorimit ajror dhe të shërbimeve aeroportuale, duke respektuar të drejtat dhe detyrimet reciproke, pa tejkaluar në mënyrë shproporcionale me reagimin e tyre, përgjegjësitë ligjore mbi këtë rast.

    Presidenti i Republikës u bën thirrje për reflektim të gjithë aktorëve të përfshirë dhe është i gatshëm në çdo moment të thërrasë urgjent një tryezë për një zgjidhje sa më të shpejtë dhe të arsyeshme.

    Koha Jonë

  13. #13
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Andi Bushati: Rama nuk është më subjekt analizash për gazetarë, por për psikiatër

    Gazetari Andi Bushati thotë se akuzat e Edi Ramës sot për sabotim të ardhjes së vaksinave, nga greva në aeroportin e Rinasit, nuk janë çështje analizash gazetareske, por e psikiatërve.

    “Ky nuk nuk është subjekt për analizë gazetarësh, por për diagnozë psikiatrësh: një njeri që mendon se janë mbledhur bashkë Likja dhe Sala, të cilët më pas kanë rektutuar kontrollorët ajrorë, bashkë me të cilët po organizojnë një grusht shteti, për të penguar ardhjen e vaksinave që ka ndërmjetësuar Erdogani….”,- shkruan Bushati në Facebook.

    KJ
    "Babai i shtetit është Ismail "Qemali", e zbuloi Edvin shkencëtari!"

  14. #14
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    U tha se kontrollorët shqiptarë kanë rroga të majme, ja sa paguhen kolegët e tyre në Kosovë, Serbi dhe BE

    Emri:  kulla-ajrore-750x375.jpg

Shikime: 172

Madhësia:  17.4 KB

    Kryeministri Rama dhe Ministrja Balluku në vend që të ulen në dialog për zgjidhjen e kërkesave të kontrollorëve të Rinasit, zgjodhën ti shpallin ata “armiq të popullit” që u pinë gjakun shqiptarëve me rrogat e tyre të majme por që në fakt nuk kanë lidhje me buxhetin e shtetit dhe as taksat e shqiptarëve.

    Eksperti i trafikut ajror, Dritan Goxhaj, i ftuar në Ora News, thotë se vetë Ministrja Balluku që ka drejtuar Albkontroll për 6 vite nuk është ankuar asnjëherë për pagën 6 mijë euro të saj, teksa shton se në fakt sot kontrollorët nuk marrin 2 milionë e 449 lekë siç pretendon Ministrja por 1.5 milion lekë.

    Goxhaj: Ministrja e sotme ka qenë 6 vite drejtoreshë në këtë institucion dhe nuk është ankuar ndonjëherë për rrogën e saj 6 mijë euro por sot ankohet për rrogën e kontrollorëve që nuk marrin sa thotë Ministrja. Sot kontrollorët marrin 1.5 milion lekë të vjetra. Një kontrollor në Kosovë minimalja merr 4 mijë euro, në Serbi 5 mijë euro, kurse në Itali, në Bari, kontrollorët fillojnë nga 7 mijë euro. Në vendet e tjera më të zhvilluara fillojnë 8-9 mijë euro. Kontrollorët kanë disa nivele, nga niveli më i ulët te niveli më i lartë.

    Për Goxhaj, show i një ditë më parë i qeverisë me polici dhe ushtri në Rinas ishte i panevojshëm dhe se ato që konsuiderohen fluturime të emergjencës, si rasti me vaksinat, mund të ishte realizuar edhe me kontrollorët që kanë shpallur paaftësinë pasi e kanë detyrim ligjor.

    Goxhaj: Në këto momente hapësira jonë ajrore konsiderohet e mbyllur, nuk ka fluturime për dhe nga Shqipëria, nuk ka mbikalime mbi territorin e Shqipërisë. Duke qenë se kemi 5 kontrollorë që nuk kanë pranuar të firmosin paaftësinë ata mbajnë vetëm trafikun në rast emergjencash, trafik që mund ta mbanin edhe kontrollorët e tjerë që kanë shpallur paaftësinë për arsye se shpallja e paaftësisë nuk do të thotë braktisje e vendit të punës. Rregullorja për shpalljen e paaftësisë përcakton që kontrollori duhet të paraqitet në vendin e punës por nuk ofron shërbimin. Por në raste të emergjencës ai me ligj është i detyruar të ofrojë shërbimin, emergjencat humanitare dhe shëndetësore. Qeveria dje bëri një show, çoi policinë dhe ushtrinë dhe nuk i pranoi ata kontrollorë që shkuan të merrnin turnin të hynin dhe të qëndronin në kullën e kontrollit, të ishin prezent aty dhe emergjencat do të ndodhinin ashtu siç po ndodhin tani me vaksinat. Ata do ta bënin uljen pa problem.

    Goxhaj thotë se është absurde të arrestosh dikë që proteston për të drejtat e tij.

    Goxhaj: Kemi një kontratë që kompania në mënyrë të njënashme thotë nuk dua ta respektoj.Ti do të punosh për kaq sa them unë. Këtu kërkohet vetëm respektimi i kontratës, kontrollorët nuk kanë negociuar rrogë kur kanë hyrë në punë por e ka vendosur kompania. Respektimi i kontratës është respektimi i ligjit.

    Koha Jonë

  15. #15
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Vasili bën denoncimin e fortë: Rama po ndalon shqiptarët që jetojnë në Britani që të vijnë të votojnë

    Nënkryetari i Lëvizjes Socialiste për Integrim Petrit Vasili ka dalë me një denoncim të fortë në adresë të qeverisë “Rama”, e cila sipas tij, po pengon emigrantët shqiptarë që duan të vijnë në Shqipëri për të ushtruar të drejtën e tyre të votimit në zgjedhjet e 25 prillit.

    “Qeveria e rilindjes po ndalon shqiptarët që jetojnë në Britanine e Madhe qe të vijnë të votojnë!!

    Shqiperia vazhdon te bllokoje ne menyre skandaloze sërish fluturimet me Britanine e Madhe edhe për dy javë te tjera.

    Arsyetimi absurd i koronavirusit ka zero vlere,sepse ndërkohë Britania e Madhe ka numrin më të ulët në Europë të infektimeve dhe fataliteteve dhe numrin më të lartë të vaksinimeve.

    Nderkohe qe nuk ekziston ky bllokim i fluturimeve me shtete te tjera, qe kane shifra shume me te larta te infektimit nga Coronavirusit

    Për momentin në Britanine e Madhe fluturimet ndërkombëtare janë të ndaluara me ligj, përveç rasteve të emergjencave dhe PËR TË VOTUAR NË ZGJEDHJE.

    Ndersa Qeveria Britanike i lejon shqiptarët të udhëtojmë për të ushtruar të drejtën kushtetuese Komiteti i Ekspertëve të Edi Ramës po ndalon të drejtën themelore për të zgjedhur.

    Në Britanine e Madhe ka shumë votues të opozitës, që po pengohen të votojnë.

    Komiteti i Eksperteve te Edi Rames te heqe urgjentisht bllokimin e fluturimeve me Britanine e Madhe dhe te mos vazhdoje te behet më pjese e pisllekut politik te Edi Rames se tmerruar nga humbja”, deklaron Petrit Vasili.

    Koha Jonë

  16. #16
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Arrestimet/Unioni Europian i Kontrollorëve: Të tmerruar nga ajo që po ndodh në Shqipëri

    Unioni Europian i Kontrollorëve ka reaguar për grevën e Albcontrol në Shqipëri dhe arrestimin e 3 kontrollorëve. Sipas reagimit zyrtar, Unioni është i tmerruar nga lajmet e fundit në Shqipëri dhe i kërkon menjëherë shtetit të lirojë kontrollorët.

    Për Unionin Europian të Kontrollorëve, punonjësit e Albcontrol po protestojnë për të drejtat e tyre në një kohë kur kompania e tyre në mënyrë të njëanshme i uli rrogat dhe refuzoi t’i dëgjojë atyre çdo kërkesë që kishin.

    REAGIMI NGA UNIONI

    Vendosni menjëherë lirimin për kolegët tanë!


    Bruksel, 8 Prill 2021

    ATCEUC është tmerruar nga lajmet e fundit nga Shqipëria.

    Kontrolluesit e Trafikut Ajror të cilët vetëm të enjten e kaluar u takuan me Presidentin e tyre për të shprehur frikën dhe shqetësimet e tyre në lidhje me trajtimin e tyre në duart e punëdhënësit të tyre Albcontrol janë pushuar shkurtimisht dhe pastaj u arrestuan.

    Në një vend që aspiron të bëhet anëtar i BE është i papranueshëm që punëtorët thelbësorë, të rëndësishëm për sigurinë mund të pushohen nga puna dhe përfundimisht të arrestohen thjesht për kryerjen e detyrave të tyre në përputhje me rregulloret e BE-së ose për transmetimin e shqetësimeve të tyre publikisht kur punëdhënësi i tyre nuk pranoi të dëgjonte ose angazhohej me ta, një punëdhënës që në fund të fundit është përgjegjës për sigurinë të udhëtarëve që udhëtojnë nëpër qiellin shqiptar.

    Albcontrol ka ulur në mënyrë të njëanshme pagat e punonjësve të tyre deri në70% pa u konsultuar dhe as biseduar me Sindikatat të cilat përfaqësojnë të tyrepunëtorët.

    Albcontrol ka refuzuar çdo kërkesë nga Sindikatat për të negociuar një marrëveshje të përgjegjshme, kolektive për të zgjidhur këtë krizë, një pozicion i cili ka vendosi punonjësit e saj nën një stres të jashtëzakonshëm shtesë në mes të një globale

    kriza.Si mundet që Shqipëria ta shohë veten të denjë për një të ardhme të ndritur të re si BE anëtar kur është reagimi i tij ndaj punëtorëve që ndjekin të drejtat e tyre themelore për të vepruar në një mënyrë që të kujton një të kaluar të errët staliniste që shpresonim të ketë qenë varrosur, dhe arrestuar ata që i kundërshtojnë ata? Kjo është edhe më shqetësuese, kur kontrolluesit NUK veprojnë politikisht por kryejnë detyrat e tyre sipas rregulloreve kombëtare dhe evropiane.

    Anëtarësimi në BE kërkon që Shqipëria të respektojë jo vetëm Evropiane Rregulloret por edhe Konventa Evropiane për të Drejtat e Njeriut dhe

    Shtylla Evropiane e të Drejtave Sociale, ajo duhet të lërë pas të gjitha mënyrat e vjetra të kalojnë dhe përqafojnë plotësisht të drejtat e punëtorëve dhe përgjegjësitë e tyre ndaj siguria e aviacionit e bashkësive më të gjera evropiane (d.m.th. Këshilli i

    Europe, E.C.A.C.) në të cilën ata janë anëtarë. ATCEUC kërkon që çdo institucion i BE-së me marrëdhëniet në Shqipëri të përdorë ato ndikimi më i plotë për të ndihmuar Shqipërinë të shohë arrestimin e qytetarëve të saj që janë thjesht në përmbushjen e detyrave dhe të drejtave të tyre sipas Ligjit Kombëtar dhe Evropian në vend që të hynin në një dialog kuptimplotë dhe konstruktiv me ta të shihet si një shenjë se nuk është gati të anëtarësohet në Bashkimin Evropian dhe se lirimi dhe rikthimi i tyre është një hap themelor në rrugën drejt BE-së së plotë anëtarësimi.

    ATCEUC ka humbur të gjitha kontaktet me kolegët tanë shqiptarë dhe është thellësisht i mërzitur nga ky zhvillim dhe i shqetësuar për mirëqenien e tyre, ne kërkojmë që Autoritetet shqiptare lirojnë menjëherë kolegët tanë.

    Koha Jone

  17. #17
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,326
    Postimet në Bllog
    7

    “Godasim në prill, efekt politik”/ Përgjimet e kontrollorëve. Prokuroria: Plan i organizuar.

    Prokuroria ka në dorë prova të forta kundër organizatorëve të grevës që paralizoi për dy ditë transportin ajror në Shqipëri.

    Pavarësisht se kontrollorët dhe avokati i tyre mundohen të justifikojnë si një stres kolektiv dhe jo grevë, provat janë shumë kokëforta. Prokurorët kanë zbardhur bisedat në whatsapp mes një pjese të kontrollorëve të cilët që në prill të vitit 2020 po organizoheshin për të reaguar ndaj humbjes së një pjesë të pagave të tyre.

    Por në fund të vitit 2020 dhe në javët e para të 2021 ata nisën të marrin edhe mendimin dhe miratimin e kolegëve të tjerë me votim. Ndërsa kishin nisur të realizonin bisedime dhe takime për të zgjidhur kërkesat e tyre, zbulohet se në datën 12 mars mes dy kontrollorëve të quajtur Erjon dhe Emiljano është zhvilluar një bisedë në whatsapp në mbrëmjen e 12 marsit të këtij viti në të cilën thuhet:

    Erjon: Unë për vete nuk jam më e bë tani o nuk dua t’i prish punë. Për mua në fillim Prilli pas gjyqit. Trafiku (lëvizja e avionëve) është shtuar dhe zgjedhjet janë afruar.

    Emiljano: Mesi i Prillit është perfekt. Se goditja është më e madhe politikisht. Nuk kanë kohë të amortizojnë.

    Në komunikime flitet për dorëzimin në grup të letrave të paaftësisë e më pas për takimin e do zhvillohej me Presidentin Meta. Ja çfarë shkruajnë:

    Mimi: Takimi ne presidencë është kot. Meta si kryetar shteti do me e shfrytëzuar kundër Ramës.

    Erjon: Meta do ofrojë mbështetje mediatike vetëm që ti japim një kauzë më shumë. mund të na interesojë nëqoftëse na premton që po morën pushtetin të na kthejnë aty ku ishim.

    Këto biseda janë zbardhur nga prokuroria në momentin që u sekuestruan telefonat. Aty janë të zbardhura komunikimet ku diskutohej dhe planifikohej se çfarë do bënin nëse ndërprisnin punën, sepse qeveria do e kishte

    Top Channel

  18. #18
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Frika nga votat e emigrantëve: Qeveria Rama pezullon fluturimet në Rinas

    Pranga kontrollorëve / 13 eurodeputetë – KE: Qeveria shkeli ligjet europiane

    13 eurodeputetë i kanë dejtuar një letër Komisionit Europian në lidhje me situatën e krijuar disa ditë më parë në aeroportin e Rinasit, ku u arrestuan tre kontrollorë të trafikut ajror, për shkak të grevës dhe për rrjedhojë pezullimit të fluturimeve.

    Letra i është dërguar Komisioneres për Transportin Adina Valean, Komisionerit për Zgjerim Oliver Varhelyi dhe drejtorit të EASA-s, Patrick Ky.


    Sipas eurodeputetëve, kontrollorët ishin në të drejtën e tyre dhe se zëvendësimi me kontrollorë të huaj e të palicencuar ka vënë në rrezik fluturimet mbi hapësirën shqiptare.

    Ata i bëjnë thirrje KE-së të reagojë menjëherë për çështjen në fjalë, si dhe të vihen në kontakt me qeverinë shqiptare, që kjo e fundit të bëjë hapa pas dhe të futet në dialogë me kontrollorët.

    “Qeveria shqiptare është përpjekur të zgjidhë këtë situatë në kundërshtim me praktikat europiane, me dërgimin e ushtrisë, marrjen e kontrollorëve të huaj, burgosjen e disa prej kontrollorëve dhe kërcënimin e tyre se do të humbisnin vendin e punës”, – shkruhet ndër të tjera në letrën dërguar Komisionit Europian.

    Letra e Plotë:

    Ne jemi jashtëzakonisht të shqetësuar për një situatë në Shqipëri që është sjellë në vëmendjen tonë, që përfshin arrestimin e tre kontrollorëve të trafikut ajror.

    Në mes të një mosmarrëveshje rreth shkurtimeve të pagave, tre kontrollorë të trafikut ajror në aeroportin e Tiranës janë ndaluar pasi deklaruan, së bashku me të gjithë kolegët e tyre, se ishin përkohësisht të paaftë. Vendimi i tyre justifikohet sipas Konventës Ndërkombëtare për Aviacionin Civil, e cila ndalon që kontrolluesit e ajrit të ushtrojnë detyrën e tyre, nëse janë të vetëdijshëm se kanë probleme me gjendjen e tyre mjekësore, qoftë fizike apo mendore.

    Qeveria shqiptare është përpjekur të zgjidhë këtë situatë në kundërshtim me praktikat europiane, me dërgimin e ushtrisë, marrjen e kontrollorëve të huaj, burgosjen e disa prej kontrollorëve dhe kërcënimin e tyre se do të humbisnin vendin e punës.

    Përballë kësaj, kontrollorët shqiptarë që janë kthyer në punë e kanë bërë këtë nën një stres të jashtëzakonshëm shtesë, një situatë e qartë në kundërshtim me rregulloret evropiane të vendosura të sigurisë.

    Ministria Shqiptare e Transportit ka lejuar zëvendësimin e kontrolluesve të trafikut ajror të burgosur me personel të paautorizuar dhe të pakualifikuar,duke vendosur sigurinë dhe stabilitetin e shërbimeve të trafikut ajror mbi Shqipërinë në një rrezik të madh, për të mos përmendur rrjetin në tërësi.

    Kjo situatë është qartë në shkelje të Shtojcës 1 të Konventës së Çikagos dhe Evropës mbi rregulloret e trajnimit. Trajnimi për kontrollimin e hapësirës ajrore zakonisht zgjat nga një deri në dy vjet. Është e konfirmuar se qeveria shqiptare ka ftuar kontrolluesit turq të vijnë dhe të marrin kontrollin e hapësirës ajrore. Kjo ka një ndikim të rëndësishëm në sigurinë e hapësirës ajrore në Jug-Lindje, dhe pilotët e linjave ajrore duhet të kenë shumë kujdes kur kalojnë hapësirën ajrore shqiptare.

    Kjo situatë kërkon një reagim të fortë nga Komisioni Evropian dhe EASA. Ne i bëjmë thirrje Komisionit Evropian dhe EASA të vendosin procedura urgjente të sigurisë në mënyrë që të mos ketë ndërprerje të fluturimeve brenda hapësirës ajrore përreth Shqipërisë.

    Ne e nxisim Komisionin Evropian të vendosë kontakte me autoritetet shqiptare dhe t’i ftojë ata që të kthejnë pas veprimet e tyre, si dhe të përfshihen në një dialog me punëtorët, për t’u siguruar atyre një mjedis të sigurt pune dhe një hapësirë të sigurt ajrore.

    Ne e nxisim Komisionin Evropian të kujtojë qeverinë shqiptare për detyrimet e saj si pjesë e procesit të integrimit në përputhje me rregulloret e BE-së.

    Clare Daly

    Mick Wallace

    Gunnar Beck

    Luke Ming Flanagan

    Costas Mavrides

    Tatjana Zdanoka

    Ciaran Cuffe

    Dietmar Koster

    Marianne Vind

    Athanasios Konstantinoi

    Maeco Campomenosi

    Elena Kointoura

    Elena Lizzi

    MAPO

Tema të Ngjashme

  1. Rama bën publike planin për linjën hekurudhore Tiranë-Rinas-Durrës
    Nga ilia spiro në forumin Tema e shtypit të ditës
    Përgjigje: 3
    Postimi i Fundit: 07-03-2021, 00:28
  2. Përgjigje: 6
    Postimi i Fundit: 09-07-2015, 08:38
  3. Qeveria Rama pezullon kreditë për shtëpi për një vit
    Nga Albo në forumin Tema e shtypit të ditës
    Përgjigje: 37
    Postimi i Fundit: 11-01-2014, 09:23
  4. Qeveria amerikane pezullon avionin e ri Boeing 787
    Nga EuroStar1 në forumin Shkenca dhe jeta
    Përgjigje: 0
    Postimi i Fundit: 24-01-2013, 07:34
  5. Qeveria: Plan për riatdhesimin e emigrantëve
    Nga Kryeplaku në forumin Tema e shtypit të ditës
    Përgjigje: 19
    Postimi i Fundit: 01-03-2006, 22:11

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •