Edhe Gjermania pezullon vaksinën AstraZeneca

[Albo]

Edhe Gjermania pezullon vaksinën AstraZeneca



Gjermania i bashkohet shteteve që kanë pezulluar përdorimin e vaksinës së koronavirusit të prodhuar nga kompania AstraZeneca, pasi disa prej atyre që e morën vaksinën pësuan mpiksje të gjakut në ditët dhe javët që pasuan.

Lajmi u bë i ditur nga mediat e huaja. “The Guardian” shkruan se Gjermania e ka pezulluar përdorimin e vaksinës së Oxford, AstraZeneca pas këshillës nga rregullatori i saj kombëtar për të hetuar mbi raportet e mpiksjes së gjakut që dyshohet se ajo shkakton.

Autoritetet gjermane thonë se vendimi u mor si masë paraprake.

Cilat vende e kanë pezulluar përdorimin e vaksinës së AstraZeneca?

Hollanda ndaloi përkohësisht përdorimin e kësaj vaksine, me 43,000 orare të anuluara si rezultat.

Disa orë më parë, Irlanda gjithashtu tha se do të ndalonte përdorimin e vaksinës AstraZeneca, bazuar në rishikimin e nxjerrë nga agjencia e barnave të Norvegjisë.

Danimarka, Norvegjia dhe Islanda i kanë pezulluar të gjitha vaksinat ndërsa investigojnë më tej.

Duke konfirmuar se kufizimet do të zgjasnin për 14 ditë, ministri i shëndetësisë i Danimarkës Magnus Heunicke tha: “Tani nuk është e mundur të konkludohet nëse ekziston një lidhje. Ne po veprojmë herët, duhet të hetohet plotësisht.”

Dhe Geir Bukholm, një zyrtar i lartë në Institutin Norvegjez të Shëndetit Publik, shtoi: “Ky është një vendim paralajmërues”.

Ndërkohë, Italia, Austria, Estonia, Letonia, Luksemburgu dhe Lituania kanë ndaluar vaksinimet nga një seri e veçantë prej një milion vaksinash.

Çfarë po thotë AstraZeneca?

AstraZeneca thotë se ka përfunduar një rishikim për të ekzaminuar se sa e sigurt është vaksina e saj – bazuar në të dhënat që mbulojnë 17 milion njerëz që janë vaksinuar në Mbretërinë e Bashkuar dhe BE.

Në një deklaratë, kompania shtoi: “Një rishikim i kujdesshëm i të gjitha të dhënave në dispozicion të sigurisë së më shumë se 17 milion njerëzve të vaksinuar në Bashkimin Evropian dhe Mbretërinë e Bashkuar me COVID-19, vaksina AstraZeneca nuk ka treguar prova të një rreziku në rritje të embolisë pulmonare, trombozë të venave të thella ose trombocitopeni, në çdo grup moshe të përcaktuar, gjini, ose në ndonjë vend të veçantë”.

Shifrat sugjerojnë se deri më tani kanë qenë 15 raste të trombozës së venave të thella dhe 22 raste të embolisë pulmonare – drejtuesit theksojnë se kjo është e krahasueshme me normat që shihen midis vaksinave të tjera të licencuara.

Raportet mujore të sigurisë po ndjekin shtrirjen e vaksinës dhe po bëhen të disponueshme në faqen e internetit të EMA.

Koha Jone

[Albo]

E rëndë në Kroaci/ 33-vjeçari ndërron jetë pasi mori vaksinën AstraZeneca



Një 33-vjeçar në Kroaci vdiq 12 ditë pasi u vaksinua me AstraZeneca, prandaj Agjencia Kroate e Barnave (HALMED) ka filluar një hetim.

Ditën e sotme, HALMED analizoi një raport të efekteve anësore që ka shkaktuar vaksina AstraZeneca dhe kontaktoi me institucionin shëndetësor ku ndodhi rasti i rëndë.

Në raport thuhet se pacienti kishte trombocitopeni dhe gjakderdhje.

Raporti thekson trombocitopeni dhe gjakderdhje, megjithatë, raporti është shumë i pakët dhe nuk përmban dokumentacion mbi shkakun e vdekjes, si dhe mbi rrjedhën dhe zhvillimin e ngjarjeve që çuan në vdekje.

Sjellim në kujtesë se tre ditë më parë një grua 91-vjeçare ndërroi jetë gjithashtu në Kroaci pasi mori vaksinën AstraZeneca.

Syri

[Albo]

AstraZeneca reagon pas akuzave: Nuk sjell trashje të gjakut, 17 mln vaksinime



Kompania farmaceutike AstraZeneca publikoi ​​një deklaratë duke përsëritur sigurinë e vaksinës së saj kundër koronavirusit të ri (COVID-19) bazuar në provat shkencore mes shqetësimeve për raportet e njerëzve që përjetojnë mpiksje të gjakut pasi marrin vaksinën.

Kompania tha se siguria ishte e një rëndësie të madhe për ta dhe se vazhdimisht monitorojnë sigurinë e vaksinës.


“Një rishikim i kujdesshëm i të gjitha të dhënave të disponueshme të sigurisë për më shumë se 17 milionë njerëz të vaksinuar në BE dhe Britani të Madhe me vaksinën kundër COVID-19 AstraZeneca nuk ka treguar prova të një rreziku në rritje të embolisë pulmonare, trombozës së venave (DVT) ose trombocitopenisë, në të gjitha grupmoshat e përcaktuar, gjini, grup ose në ndonjë vend të veçantë”, thuhet në deklaratë.

Më tej theksohet se deri më tani në të gjithë BE-në dhe në Britani të Madhe, ka pasur 15 raste të raportuara me DVT dhe 22 raste të embolisë pulmonare në mesin e atyre që kanë marrë vaksinat, bazuar në numrin e rasteve që kompania ka pranuar që nga 8 marsi.

“Kjo është shumë më e ulët sesa pritej të ndodhte natyrshëm në një popullatë të përgjithshme kaq të madhe dhe është e ngjashme me vaksinat e tjera të licencuara kundër COVID-19. Raporti mujor i sigurisë do të bëhet publik në faqen e internetit të Agjencisë Evropiane të Barnave në javën vijuese, në përputhje me masa të jashtëzakonshme të transparencës për COVID-19”, thuhet në deklaratë.

Kompania theksoi se në testet klinike, edhe pse numri i rasteve trombotike ishte i vogël, këto ishin më të ulëta në grupin e vaksinuar dhe se gjithashtu nuk ka pasur prova të rritjes së gjakderdhjes në mbi 60 mijë pjesëmarrës të regjistruar.

“Rreth 17 milionë njerëz në BE dhe Britani të Madhe tani kanë marrë vaksinën tonë, kurse numri i rasteve të raportuara të mpiksjes së gjakut në këtë grup është më i ulët se qindra raste që do të priteshin në mesin e popullatës së përgjithshme. Natyra e pandemisë ka çuar në rritjen e vëmendjes në raste individuale dhe ne po shkojmë përtej praktikave standarde për monitorimin e sigurisë së ilaçeve të licencuara në raportimin e rasteve të vaksinave, për të garantuar sigurinë publike”, deklaroi Ann Taylor, zyrtarja kryesore mjekësore e kompanisë.

“Për sa i përket cilësisë, gjithashtu nuk ka asnjë rast të konfirmuar në lidhje me ndonjë seri të vaksinave tona të përdorura në të gjithë Evropën, ose në pjesën tjetër të botës. Testime shtesë janë kryer dhe po kryhen nga ana jonë dhe në mënyrë të pavarur nga autoritetet shëndetësore evropiane, dhe asnjë nga këto ri-teste nuk kanë treguar arsye për shqetësim”, thuhet në deklaratë.

Është vërejtur se gjatë prodhimit të vaksinës, më shumë se 60 teste cilësore janë kryer nga AstraZeneca, partnerët e saj dhe nga më shumë se 20 laboratorë të pavarur testimi.

“Të gjitha testet duhet të plotësojnë kritere të rrepta për kontrollin e cilësisë dhe këto të dhëna u paraqiten rregullatorëve brenda secilit vend ose rajon për rishikim të pavarur përpara se ndonjë seri të lëshohet në vende”, thuhet në deklaratë.

Sipas deklaratës, kompania do ta mbante çështjen nën shqyrtim të ngushtë, por theksoi se provat e disponueshme nuk konfirmojnë se vaksina është shkaku.

“Për të kapërcyer pandeminë, është e rëndësishme që njerëzit të vaksinohen kur thirren ta bëjnë këtë”, thuhet më tej.

Anadolu Agency (AA) / MAPO

[Neteorm]

�� Agjencia Europiane e Barnave (EMA) konfirmon pas verifikimeve të kryera, Sigurinë dhe Efektshmërinë e vaksinës ASTRAZENECA.

Vaksinim, vaksinim, vaksinim për të këputur sa më shumë hallka të zinxhirit të infektimeve dhe për të dalë përfundimisht nga tuneli i pandemisë, ku ka nisur të duket drita./EdiRama