Rrjetet Sociale

[sirena_adria]

Refuzimi i rrjeteve sociale në krijimin e identitetit

Nga Ridona Berisha - Kultplus.com


Platformat e mediave sociale kanë një rëndësi në rritje në jetën tonë pasi ato janë vendet ku ne shfaqim përvojat tona të jetesës. Një rëndësi tjetër e tyre që vlen të përmendet është se ato shfaqin një larmi dimensionesh në lidhje me pozicionin tonë në jetën shoqërore virtuale dhe fizike. Kështu janë pikërisht këta dy faktor që bëjnë njerëzit të luajnë personazhe të caktuara në arenën sociale.

“Mediat sociale mundësojnë shprehjen, eksplorimin dhe eksperimentimin e identitetit: diçka e natyrshme për përvojën njerëzore”.

Përmes rrjeteve sociale individëve i’u mundësohet të paraqiten para të tjerëve dhe të përcaktojnë mënyrën se si ata do të donin të përceptoheshin, përveç se i ndihmon të lidhen dhe të ndërveprojnë me njerëzit e tjerë dhe të marrin pjesë në aktivitetet që ata dëshirojnë. Në rrjetet sociale komunikimi ofron mënyra për tu lidhur me të tjerët, po ashtu individët mund të përdorin ose jo emrat e tyre po edhe mund të hapin aq llogari sa ata duan. Janë pikërisht këto arsye që disa individ i nxitin në qasjen në rrjetet sociale duke krijuar llogari në emrat e tyre dhe duke qenë mjaft aktiv, duke shpenzuar një pjesë të konsiderueshme të kohës së tyre aty, por në anën tjetër mund të theksojmë se janë pikërisht këto disa nga arsyet që individ të tjerë të mos parapëlqejnë hapjen e rrjeteve sociale. Gjatë intervistimit të disa personave të cilët nuk kanë rrjete sociale ose kanë pasur por tani i kanë mbyllur, ata theksojnë se rrjetet sociale i marrin shumë kohë dhe shkaktojnë lodhje psikike.

“Një brez i shpërqendruar që nuk mund të përqendrohet në asgjë”. Në mungesën e rrjeteve sociale sipas tyre ata janë më të aftë të organizojnë ditët e tyre, kështu këtë kohë e shfrytëzojnë duke lexuar libra apo duke u marrë me ndonjë aktivitet tjetër që ju ndihmon.

“Me mbylljen e rrjeteve sociale tashmë unë shumë më mirë e organizoj kohën time, gjumin, leximin, të mësuarit etj”. Po ashtu theksojnë se kohën që e kanë humbur më parë në rrjetet sociale ata tani e shfrytëzojnë me miqtë dhe familjen, gjë që sipas tyre është shumë më e rëndësishme. Një arsye tjetër që ndikon në refuzimin e rrjeteve sociale është se individët në rrjetet sociale në të vërtetë nuk janë ata që janë në jetën reale, domethënë në jetën e tyre të përditshme. Në këtë rast një respondent është shprehur kështu: “Arsyeja kryesore ishte sepse jeta e rrjeteve sociale mua më duket e rreme”.

Personat në rrjetet sociale përpiqen të shfaqin një imazh të vetës që do të ishte i pëlqyer apo i favorizuar nga shoqëria dhe në këtë aspekt ne ndjehemi sikur po krijojmë identitete që nuk i përshtaten asaj që realisht jemi dhe bëjmë. “Pikërisht për shkak se rrjetet sociale përcjellin mënyrën e të jetuarit “lifestyle”, kjo sjell pasiguri tek të rinjtë por edhe tek të tjerët”. Kështu mund të shtojmë se rrjetet sociale ndikojnë negativisht në vetëbesimin tonë, këtë rast e lidhim me “like”, kjo nënkupton që disa persona bëhen shumë të varur nga pëlqimet që marrin në rrjetet sociale dhe në rastet kur ata nuk marrin pëlqime kjo i bën të humbasin vetëbesimin e tyre.

Në rrjetet sociale ne humbim një sens të të qënurit vetvetja. Duke përmbledhur të gjitha këto mund të theksojmë se rrjetet sociale krijojnë krizë identitare. Sipas tyre rrjetet sociale nuk janë aspak të mira për të njohur njerëz. Sa i përket pjesës që nëse ata ndihen më inferior në një shoqëri ku të gjithë kanë qasje në rrjete sociale, ata mendojnë që kjo nuk ju pengon aspak dhe që pothuajse po të njëjtat informacione ata mund t’i marrin nga gazetat apo televizioni.

“E kam rrethuar vetën me njerëz që më njohin më të vërtet, jashtë rrjeteve sociale dhe nuk më gjykojnë siç bëjnë disa të tjerë duke më thënë se njerëzit që nuk kanë rrjete sociale janë të prapambetur”. Pra duke e pasur parasysh që rrjetet sociale pasurojnë identitet tona, sipas tyre rrjetet sociale krijojnë identitete fallco tek ne, ndërsa joqasja në rrjete sociale të ndihmon të formosh një identitet të vërtetë, kështu ti vetë zgjedh për disa nga faktorët nga të cilët dëshiron të ndikohesh në aspektin e formimit të identitetit, duke qenë të aftë të zgjedhin vetë se çfarë është pozitive dhe negative nga shoqëria, në këtë rast theksohet shumë aspekti se ne mund të pasurojmë identitetet tona përmes ndërveprimit në jetën reale me familjen dhe miqtë e afërt. / KultPlus.com

https://www.kultplus.com/opinione/re...eteve-sociale/

[ilia spiro]

Rrjetet sociale jane mundesi alternative, mund t`i perdoresh ose jo, ne mjaft raste jane te dobishme. Nuk mendoj se duhen refuzuar perfundimisht. Identiteti jepet edhe duke qene ne rrjet. Vetem te mos tregosh ai/ajo qe nuk je.

[NoName]

Nepermjet rrjeteve sociale te rinjte afektohen shume shpejt nga depresioni dhe nga ankthet e ndryshme.

[Neteorm]

Të mirat e rrjeteve sociale

Mediat sociale sot kanë hapur opsione të reja për zhvillimin e karrierës duke e bërë komunikimin dhe jetën më të lehtë. Ti mund të krijosh, të bashkëpunosh, të diskutosh për tema pafund, të bësh thashetheme me miqtë dhe të panjohurit, të gjesh shokun a shoqen e jetës, mundësitë janë të pafundme. Rreziku nëse nuk je i kujdesshëm gjithashtu mbetet i lartë.

Rrjetet sociale dhe informacionet, fotot që ndajmë në to, por edhe lidhjet që krijojmë mund të kthehen në burim shqetësimesh të pafund, deri dhe keqtrajtimesh, vjedhjesh e krime kundër personit. Vendosja e një balance midis jetës reale dhe asaj virtuale rekomandohet si çelësi i suksesit, për të mos e tepruar dhe parë mediat sociale si një përvojë të dobishme.

[Djellza Aliu]

Pajtohem, rrjetet sociale nuk jane problem per ata qe punojne dhe kane pune tjera per tu angazhuar

[sirena_adria]

NUK ËSHTË DHE AQ E THJESHTË…

3 këshilla të thjeshta për të reduktuar kohën në rrjetet sociale


Në teori, ju mund të dëshironi të bëni një detox nga rrjetet sociale, por e keni të vështirë.

“Jeta perfekte” e paraqitur në burimin e Instagram dhe TikTok mund të ndikojë në disponimin tuaj dhe shëndetin tuaj mendor, dhe kjo nuk është diçka e re pasi janë bërë dhjetëra studime që konfirmojnë se shumë herë shfaqja joreale mund të ndikojë tek përdoruesit që e bëjnë krahasime të padrejta.

Pra, nëse dëshironi të bëni një detoks gjatë këtyre festave por e keni të vështirë të fshini aplikacionin, atëherë mund të përpiqeni thjesht të kufizoni përdorimin e rrjeteve sociale.

Zvogëloni kohën që shpenzoni

Ka cilësime në telefonin tuaj që regjistrojnë kohën që kaloni në ekran ose mund të kufizoni kohën që kaloni në disa aplikacione.

Gjithashtu, kini kujdes që të mos kontrolloni celularin kur zgjoheni në mëngjes, ose anasjelltas, pak para gjumit. Në vend të kësaj, mendoni për këto si veprime që duhet t’i bëni rregullisht, të tilla si meditimi i shkurtër apo edhe ecja. Lëreni lëvizjen për disa orë të tjera gjatë ditës.

Çaktivizo njoftimet

Është një ide e mirë të çaktivizoni njoftimet. Fikni dridhjet / dritën / tingullin dhe thjesht kontrolloni të gjitha kur hyni në aplikacion gjatë ditës.

Bëni një pastrim

Ju keni kontroll të plotë mbi atë që shihni në furnizimin tuaj. Pra, hiqni ndjekjen e njerëzve që mendoni se nuk dëshironi të ndiqni më, ose vendosni “Në heshtje”. Në këtë mënyrë, furnizimi juaj do të jetë ai që dëshironi vërtet.


Konica.al

https://konica.al/2021/12/3-keshilla...jetet-sociale/

[sirena_adria]

Varësia e të rinjve shqiptarë ndaj rrjeteve sociale, po na tregon diçka apo kështu jetohet tani?

Kur shikon që të rinjtë janë të gatshëm të ndajnë çdo gjë të jetës së tyre dhe me këdo në llogaritë tyre në rrjetet sociale të mundon pyetja: a është ky një dimension i ri lirie ku ky brez shfaqet pa teklif si një libër i hapur apo është një një fenomen që po mundohet të na tregojë një problem.? Pse duan të jetojnë jetën e tyre edhe në rrjetet sociale dhe ndoshta më shumë aty, sesa realitetin?

“Nuk më vjen turp ta pranoj, më pëlqen që hedh një fotografi dhe njerëzit më komentojnë dhe më thonë sa bukur dukem. Kjo më bën të ndjehem mirë” -tregon Marsela, një e re që po bënte fotografi tek instalacioni Reja, në bulevardin qëndror në Tiranë.

Shumë të rinj dhanë të njëjtin “justifikim” për Gazetën “Si”. Donin të komentoheshin dhe të fitonin vëmendjen e ndjekësve të tyre. “Ku ka më mirë sesa të të shkruajnë njerëzit sa herë që hedh një story” tha Albjoni, një nga djemtë që po rrinin me shoqërinë e Marseles.
Përveç dëshirës për vëmendje, psikologe Aljona Jonuzi i tha Gazetes “Si” se është diçka që lidhet me vetëvlerësimin.
“Kam vënë re se të rinjtë kanë shumë mungesë vetëvlerësimi apo dhe vetëbesimi” tha Aljona. Sipas ekspertes kjo mungesë që tregohet në çdo moment si për shembull, njerëzit e mendojnë si të nevojshme të tregojnë në rrjetet sociale për një veshje që kanë blerë dhe të marrin miratimin e ndjekësve të tyre. E njëjta gjë ndodh dhe në momentin që dikujt i ndodh diçka e keqe.
“Duan ta tregojnë çfarë ka ndodhur në mënyrë që të tjerët ta ngushëllojnë.” Në të dyja rastet, ndjehen mirë kur personi tjetër thotë atë që personi në fjalë do dhe pret të lexojë.

Xhoi e Kristela, dy vajza rreth të 20-at, nga stacioni i autobusit në qendër e edhe deri në stacionin e terminalit folën vetëm për diçka- kishte hedhur këtë foto, ishte atje sepse e kishte bërë story, para disa ditësh kishte ikur në Durrës etj etj.

Dukej qartë që të dyja vajzat, dinin çdo gjë për një person vetem nëpërmjet rrjeteve sociale dhe postimeve që ai person bënte. Vajzat i thanë gazetës “Si” se kjo është një mënyrë e re komunikimi. Kur personi nuk mundet t’i tregojë vetë dikujt se ku ndodhet apo çfarë po bën, poston fotografi si një lloj sinjali.

Të njëjtën pranon dhe një tjetër i ri, Fabi i cili i tha Gazetës “Si” se sa herë që zihet me të dashurën e tij, poston fotografi apo këngë në instagram si një mënyrë për ti thënë asaj diçka, për të “komunikuar” me të. Shumë të rinj përveç se dëshirë për vëmendje, postimin e tepërt në rrjetet sociale e lidhin me pranimin dhe dashurinë që duhet të kenë për veten.

“Postoj fotografi të miat sepse dua që dikush të më thotë se jam e bukur. Kështu filloj dhe e besoj se jam e bukur” thotë Drilona, një vajzë 25 vjeçare e cila pranon se në ditë mund të postojë dhe 10 fotografi në instagram. Por për psikologen Aljona Jonuzi kjo mënyrë te jetuari ” se është diçka që lidhet me anën psikologjike të njerëzve. “Ne nuk dimë të jemi të lumtur me veten tonë.
Për shembull, shumë të rinj kanë probleme me pranimin e vetes ashtu siç janë dhe kanë nevojë për të marrë miratimin e të tjerëve, qofshin ato dhe njerëz që nuk i njohin fare. Kam parë një ulje të madhe vetëbesimi tek të rinjtë dhe një dëshirë akoma më të madhe për t’u pranuar nga të tjerët.” tha Aljona.

Po kush mund të ndihmojë në vetbesimin e të rinjëve?

Sipas psikologes, janë prindërit e këtyre adoleshentëve ato që nuk i mësojnë ato ta pranojnë veten ashtu siç janë dhe çka është më e rëndësishmja, ta duan veten aq sa mos të kenë nevojë për miratimin e të tjerëve.
Klara, një vajzë 23-vjeçare i tregoi Gazetës “Si” se çdo gjë e shikon me syrin “ta hedh në instagram, snapchat” sepse ashtu ndjehet e plotësuar. Ajo e pranon se i’u ka treguar ndjekësve të saj për çdo gjë që i ka ndodhur në jetë, e mirë apo e keqe qoftë pasi kjo e ndihmon të ndjehet më mirë, në të dyja rastet.
“Më ka ndodhur fatkeqësi dhe e kam treguar në instagram. Kam qenë e lumtur dhe kam bërë të njejtën gjë. Në këtë formë flasim dhe bisedojmë ne të rinjtë tashmë” thotë ajo.


Sorgena Leka

https://www.gazetaexpress.com/varesi...-jetohet-tani/

[sirena_adria]

TË VARUR NGA EKSPOZIMI I TEPËRT

Si e dëmtojnë rrjetet sociale jetën tuaj personale


A keni menduar ndonjëherë se pasiguritë që ju mundojnë në jetën tuaj mund të jenë rezultat i përdorimit kaq intensiv të mediave sociale?

Dy nga arsyet më të rëndësishme pse jeni aktiv në mediat sociale dhe që mund të jenë të dobishme për ju janë ndoshta sepse dëshironi të promovoni biznesin tuaj ose të komunikoni me një person shumë të afërt në anën tjetër të tokës.

Në çdo rast tjetër dhe në varësi të mënyrës se si i përdorni, ka shumë gjasa që ato të kenë një efekt negativ në jetën tuaj. Çfarë ndodh kur media pushton jetën tuaj të përditshme dhe marrëdhëniet tuaja personale?


Jeta personale

E ekspozoni shumë jetën tuaj personale dhe jepni çdo orë dhe moment vendodhjen se ku jeni, me kë jeni dhe çfarë bëni? Nuk ka asgjë më të mërzitshme dhe të kotë se sa të bëni postime të vazhdueshme për jetën tuaj personale.

E tëra çfarë mund të bëni është të tregoni se nuk keni jetë personale dhe se jeni të varur nga ekspozimi i tepërt.

Mbani diçka për veten tuaj

A keni menduar ndonjëherë se dikush do të ishte i interesuar të merrte palët e reja të këpucëve që keni marrë ose atë që hani? Por sigurisht jo.

Ka disa momente në jetën tuaj që duhet t’i mbani për vete. Mundohuni të dalloni çfarë është e rëndësishme dhe çfarë jo. E thënë thjesht, nuk keni pse të dëshironi të ndani ndonjë nga lajmet tuaja me miqtë tuaj në internet.

Na besoni, kjo nuk u intereson atyre.


Konica.al

https://konica.al/2022/03/si-e-demto...uaj-personale/

[sirena_adria]

STUDIMI: Përdorimi i Facebook dhe Instagram shkakton depresion

Si ndikojnë rrjetet sociale në trurin tonë? Prej vitesh, me qindra studime janë realizuar për të kuptuar se çfarë efektesh shkaktojnë në gjendjen tonë psikologjike këto hapësira të reja virtuale.

Në shifrat e vitit 2021 të publikuara nga kompania kërkimore Hootsuit del në pah se 58.4 për qind e popullsisë në të gjithë botën, janë përdorues të rrjeteve sociale.

Psikologia amerikane Amelia Aldao pohon se kjo kohë që harxhohet në rrjete, ka edhe efekte negative në shoqëri.

“Njerëzit që qëndrojnë për shumë gjatë në Facebook dhe Instagram, kanë tendencën që të jenë të palumtur dhe të depresionuar. Sa më shumë kohë shpenzojmë duke lundruar në rrjet, aq më shumë i shkaktojmë ankth vetes”.

Sipas studimit të fundit të Universitetit të Stanford në Kaliforni, heqja dorë nga rrjetet sociale do të kishte një impakt të jashtëzakonshëm, jo vetëm në shëndetin mendor, por edhe për ndërveprimin e një individi në shoqëri.

Këshilla e mjekëve është vetëm një: përdorim i medieve sociale, por i kufizuar, jo në çdo moment të ditës.



j.l. / Gazeta Dita

https://gazetadita.al/studimi-perdor...ton-depresion/

[sirena_adria]

Dy anët e rrjeteve sociale

Rrjetet sociale në kohët moderne, konsiderohen si pjesë e angazhimeve dhe jetës së përditshme. Jo rrallë, është trajtuar çështja nëse këto rrjete janë me të vërtetë sociale apo asociale, sidomos te të rinjtë, por secili ka interpretuar në formën dhe mënyrën e vet, që kryesisht niset nga qëllimi për çka dhe sa kohë përdoren ato nga të rinjtë.

Sipas psikologes Mira Gashi Aziri, i gjithë problemi bazohet se për çfarë arsye përdoren këto rrjete.

“Tashmë e dimë të gjithë si familja, si të rinjtë, si fëmijët, të gjithë i takojmë shekullit të teknologjisë dhe nuk mundemi assesi t’i shmangemi, por mënyra si e përdorim, atëherë na çon në njërën anë negative të rrugës apo në tjetrën pozitive të rrugës sepse nuk mund t’i shohim rrjetet sociale ose vetëm si negativitet ose vetëm anët pozitive”, tha psikologja Mira Gashi Aziri për Radion Evropa e Lirë.

Ajo thotë se pikëpamjet për anët pozitive dhe negative krijohen duke e bazuar nga këndvështrimi i përdorimit i tyre. Një anë pozitive, thekson ajo, padyshim që është mundësia e marrjes së informacioneve të ndryshme.

“Sa i përket pjesës psikologjike, efektet negative janë sepse te njerëzit që rrjetet sociale i përdorin në masë të tepruar bëhen më asocial. Kështu, ata mund të afektohen shumë nga depresioni nga ankthet e ndryshme”, thotë ajo.

“Në anën tjetër kur ne jemi konstruktiv kur ne e dimë se çka po duam të kërkojmë, atëherë e shohim edhe anën pozitive të rrjeteve sociale sepse përmes tyre bëhen promovime të ndryshme, bëhen platforma të ndryshme, mësohet shumë prej tyre. Komunikimi është më i lehtë, është shumë e lehtë për kërkime të ndryshme, qoftë shkencore, qoftë sociale, do të thotë i kapim më shpejtë anët pozitive. Pra, e tëra varet nga mënyra e përdorimit”, thekson Mira Gashi Aziri.

Në anën tjetër, ekspertja nga agjencia e rrjeteve sociale, “Hallakate”, Diora Binxhiu, tha për Radion Evropa e Lirë se varësia ndaj rrjeteve sociale në ditët e sotme mund edhe të menaxhohet.

“Varësia ndaj rrjeteve sociale në përgjithësi është shumë e menaxhueshme sepse tash kemi edhe aplikacione dhe vet telefoni, e sidomos pajisja iPhone-i, e mundëson që të ndalësh kohën se sa po i shfrytëzon rrjetet sociale”, tha Binxhiu.

Diora Binxhiu tha po ashtu se qasja në informata është më e lehtë dhe kjo ndikon që të rinjtë të interesohen më shumë për marrjen e informatave nga rrjetet sociale apo në një burim tjetër.

“Qasja në informata është shumë më e lehtë tash sesa që ishte ndonjëherë dhe çdo gjë që ty të intereson ose dëshiron të kuptosh, e ke menjëherë. Kur dëshiron ta kërkosh ndonjë restorant apo qoftë ndonjë hotel, apo diçka tjetër, nëse ai nuk ka prezencë online, atëherë është thjeshtë, si të themi i i vdekur për shkak se ty të është bërë si primare, si burim primar, ku t’i shkon dhe kërkon informata për atë edhe krijohet një varësi sepse për çdo gjë pastaj do të kërkosh përgjigje”, u shpreh Binxhiu.

Egzona Krasniqi është studente në Fakultetin e Filozofisë, në vitin e tretë. Ajo thotë se rrjete sociale, kryesisht i përdorë për qasje dhe komunikim me miqtë e saj, kështu duke mos mohuar faktin se ndonjëherë edhe e tepron me kohën që ajo e kalon në to.

“Koha që kaloj në rrjete sociale varet nga ditët dhe koha e lirë që e kam, kryesisht i përdori, varet se cilin rrjet social, por zakonisht qasem në to për punë ose për komunikim me miq. Normal, koha që e kaloj është e bollshme sa të shpenzoj kohë që nuk është nevoja dhe mendoj që ndikon keq në atë që po bëhemi njerëz virtual dhe të ndarë nga bota reale. Rrjetin social Facebook e shfrytëzoj më së shumti për punë, kurse Instagramin dhe Snapchat-in e kam për një qasje më të lehtë me shoqëri”, tha Krasniqi.

Sidoqoftë, rrjetet sociale janë bërë tashmë një nga format më të përdorura për njerëzit për të komunikuar me familjen, miqtë dhe kolegët.

Por, përveç të gjithë përfitimeve, njohësit e teknologjisë dhe krimeve kibernetike, vazhdimisht tërheqin edhe vërejtjen për rrezikun e madh që kanë rrjetet sociale për sigurinë dhe privatësinë, sidomos të atyre personave që ekspozojnë së tepërmi të dhëna personale nëpër këto rrjete.


Evropa e Lire

https://www.evropaelire.org/a/dy-ane.../30214059.html

[sirena_adria]

Pse e braktisa Facebook-un dhe Instagram-in, dhe pse nuk do të rikthehem më kurrë

Nga Charlotte Grainger

Në dhjetorin e vitit 2017, vetë studiuesit e Facebook vunë publikisht në dyshim nëse faqja mund të ishte potencialisht një kërcënim për shëndetin mendor të publikut. Tashmë kisha disa muaj që mendoja nëse do të hiqja dorë apo jo prej kësaj platforme. Por ky lajm ishte vendimtar për mua. I braktisa rrjetet sociale.

Dhe arsyeja ishte shumë e thjeshtë. Vitet e fundit, ka pasur shumë studime, se si një shkëputje nga mediat sociale të përmirëson ndjeshëm mirëqenien tuaj. Unë i lexoja me durim dhe mbaja shënim secilën prej tyre që e hasja, dhe çdo herë bëhesha pak më e zhgënjyer dhe disi më dyshuese për efektet e saj.

Njëkohësisht, kisha vënë re se mënyrat se si i përdorja mediat sociale, ishin bërë befas një pjesë integrale e ekzistencës sime. Dhe kjo ishte diçka, të cilën nuk kisha llogaritur kurrë.Kështu, pasi lexova atë që po thoshin studiuesit e Facebook, vendosa të bëja të vetmen gjë që munda për të çliruar veten nga e gjithë kjo. Nuk çaktivizova vetëm llogarinë timë nëFacebook, por dhe atë në Instagram. Ja pse kjo lëvizje ishte 100 për qind mënyra më e mirë për ta nisur vitin e ri.

Kam më pak arsye për t’i zvarritur gjërat që kanë rëndësi për mua

Unë jam një profesioniste e pavarur. Ndaj nëse nuk punoj, nuk paguhem. Prandaj, është e drejtë të thuhet se Facebook dhe Instagram po ndikonin negativisht në punën time, dhe guxoj ta them edhe mbi të ardhurat e mia. Dita ime e zakonshme e punës ishte pak e shumë kjo: kafe, kontroll i emaileve, nisja të shkruaja, kontrolloja Facebook-un, i përgjigjeshatelefonatave, kontrolloja Instagramin, vazhdoja të shkruaja, kontrolloja Facebook-un…

Pra çdo detyrë e lidhur me punën zvarritej për shkak të angazhimit me mediat sociale. Tani që llogaritë në to nuk janë më të aksesueshme, unë nuk kam më mundësi t’i kontrolloj ato. Ndaj arrij të bëj shumë më tepër punë, dhe kam kohë për të bërë punë shtesë, si p.sh. t’i përgjigjem më shumë emaileve, dhe të bisedoj me klientët e mundshëm. Gjithsesi, është një përvojë e vështirë, pasi dëshira për t’u rikthyer sërish më shfaqet disa herë në ditë, gjë që mund të jetë një shenjë se isha e ndërvarur nga përdorimi i mediave sociale.

Nuk më intereson çfarë bëjnë njerëzit e tjerë

Më vjen turp ta pranojë se më interesonte shumë të mësoja se çfarë po bënin të gjithë në rrethin tim shoqëror. Edhe nëse takoheshin vetëm për kafe apo kishin bërë check-in në kinema, pyesja veten se përse nuk isha në listën e të ftuarve, dhe do të filloja të ndihesha shumë e shqetësuar për të gjithë.

Injoranca është vërtetë lumturi. Por do të doja që këtë gjë ta kisha zbuluar më herët. Kur nuk jeni me ta, nuk ka asgjë veçanërisht të dobishme ose produktive të dish se çfarë po bëjnë njerëzit. Për momentin, nuk e kam as idenë më të vogël se çfarë po bëjnë njerëzit që njoh. Dhe e dini çfarë? As që më intereson. Unë jam duke u marrë me punët e mia, dhe ata po ashtu. A nuk ekzistonte jeta sociale edhe para rrjeteve sociale?

Njerëzit që kanë rëndësi për mua, më kontaktojnë ende

Frika ime më e madhe nga shkëputja përgjithmonë nga rrjetet sociale, ishte se nuk do të kisha asnjë mënyrë për të mbetur në kontakt me njerëzit përreth meje. Nga ngjarjet tek grupet, Facebook ofron një mënyrë shumë të lehtë për të qëndruar në kontakt me rrethet tuaja sociale. Kisha përshtypjen se nëse nuk do të kisha më një profil, do ta kisha të vështirë tëruaja marrëdhëniet e mia, dhe do të isha gjatë gjithë kohës jashtë ciklit figurativ. Fatmirësisht, asgjë nuk mund të ishte më larg të vërtetës. Miqtë e mi dhe anëtarët e familjes që kanë më shumë rëndësi për mua, u përshtatën shumë shpejt me ndryshimin.

Meqë nuk arrita të bëja njoftimin e madh “Unë po largohem nga Facebook!”, disa prej tyre me kontaktuan shumë shpejt për të mësuar se çfarë më kishte ndodhur. Në dy javët e fundit, kam pasur më shumë tekste dhe mesazhe se kurrë më parë. E vërteta është se Facebook-u nuk krijon miqësi; është thjesht një platformë. Kur ta braktisni, njerëzit që kanë rëndësi do të jenë ende aty.

Ftesat që marr janë më të sinqerta

Sa shumë ftesa përmes Facebook që merrja dikur! Të ftoheshe në klube e grupime të tëpafundme çdo ditë ishte rraskapitëse. Shumicën e kohës, këto ftesa nuk ishin kërkesa të sinqerta për pjesëmarrjen time, por një mënyrë për të rritur numrat në faqet e ngjarjeve apo për të shitur bileta para kohe. Sot nuk më mungojnë ftesat për aktivitete të ndryshme, madje ato janë plotësisht të sinqerta.

Ndihem e lirë ta jetoj momentin

Nuk e kisha kuptuar më parë, por në disa aspekte, unë e jetoja jetën time për hir të rrjetevesociale. Kur dilja për të ngrënë me miqtë ose familjen, bëja gjithmonë një pauzë për t’i bërë një foto ushqimit të shpejtë që po hanim për ta hedhur në Instagram. Sa herë që takoja dikë për të biseduar, do të përdorja Facebook-un për të në check–uar në cilindo bar apo kafene që frekuentonim.

Historia ime në Instagram, ishte vazhdimisht plot me video dhe foto që dokumentonin jetën time të përditshme. Ishte një varësi, një sëmundje. Tani që nuk jam më e detyruar të përditësoj jetën time, gjërat janë pak më ndryshe. Unë ulem për të ngrënë një vakt diku, dhe shoh se si duket pjata për veten time, dhe për askënd tjetër.

Takohem dhe bisedoj me miqtë e mi realisht. Bëj gjëra dhe i shijoj ato pa e menduar fare se sa bukur do të duken në Story-n tim në Instagram. Është çliruese në një mënyrë që nuk e kisha menduar kurrë se mund të ishte, dhe të paktën tani për tani, e dua faktin që po e jetoj jetën time për kënaqësinë time, dhe jo për mediat sociale.


/ “Reader Digest” – Bota.al

https://bota.al/pse-e-braktisa-faceb...ehem-me-kurre/

[sirena_adria]

Rrjetet sociale: Cirku i zilisë, luksit, dukjes

Mediat sociale janë një vitrinë e mrekullueshme virtuale ku të gjithë, madje edhe përdoruesit me 100 ndjekësa, jo vetëm influencuesit, duket se kanë jetën perfekte. Ose të paktën ata zgjedhin me kujdes se çfarë të ndajnë për jetën e tyre, duke u përpjekur t’i japin pamjen më rozë të mundshme. Ose më të lakmueshme.

Nuk ka asgjë të keqe të ndash gjëra të çmuara dhe momente të bukura. Ndoshta nëse do të flisnim me një antropolog, do të gjenim gjurmë të këtyre sjelljeve edhe te njerëzit e shpellave. Eshtë një sjellje shumë njerëzore.

Me që ra fjala tek shpellat, a e mbani mend Facebook-un në kulmin e tij? Ishte viti 2008, kur i mbushnim postimet me fotografi perëndimesh të mahnitshme, monumentesh të kapura nga disa kënde. E bënim për të ndarë kënaqësinë, apo për t’u bërë të lakmueshëm?

Ndërsa sot, rrjetet sociale të sotme kanë pësuar një përmirësim ose përkeqësim, në varësi të këndvështrimit. Shumë influencues të viteve 2000 e shndërruan ndarjen e gjërave të bukura në një obsesion të vërtetë, duke kufirin çdo ditë pak më tutje. Dhe tani, postimi në rrjetet sociale është kthyer në një formë komunikimi të ethshëm, që po bie ndesh me shijet, parimet dhe emocionet e një pjese të publikut.

Nuk është më e qartë se sa është strategji dhe sa fsheh një shkëputje nga bota reale me gjithë shëmtinë dhe kontradiktat e saj. Dhe kështu për këta njerëz bëhet normale që të priten falas në një hotel me 5 yje sepse u prishet kondicioneri në shtëpi, apo të kujtohen se kanë harruar një çantë 3000 euro në gardërobë. Nga i dimë ne këto gjëra?

Sepse kanë qenë vetë ata që na i kanë rrëfyer në rrjetet sociale.

Shkëputja nga realiteti qëndron në të menduarit se krijimi i përmbajtjes është një ide e mirë.

Jeta bombastike e disa influencuesve po arrin padyshim nivele groteske, por mos u gënjeni nga flluska. Bashkëpunimet e shumta me të cilat mburren dhe ndjekësit e tyre adhurues, tregojnë se gjërat po u ecin ende shumë mirë. Pushime në hotele me pishina përrallore. Udhëtime në klasin e parë, dreka dhe darka në restorante të famshme. Gjithçka për dukje dhe … para.

Një cirk i vërtetë ekspozimi, ku çdo postim është një tryezë e artë dhe çdo histori një akrobaci përsosmërie. Po ndjekësit, ku janë në gjithë këtë cirk? Si ka ndryshuar marrëdhënia e tyre me këtë lloj influencuesi, me kalimin e kohës?

Faza 1. Lejuan të mashtroheshin, të bindur se pas asaj atmosfere përsosmërie kishte një mundësi edhe për ta, një formulë magjike e arritshme për të gjithë.

Faza 2. Kur njerëzit filluan të kuptojnë se për të pasur atë jetë, ato objekte, ato buzëqeshjet dhe ata trupa të, një dush pëlqimesh dhe komentesh nuk mjaftonte, diçka filloi të plasaritet. Dhe kështu, ndjekësi, nga njëra anë mendonte për postimet e tyre dhe nga ana tjetër jetën e vet të papërsosur, duke pyetur: po unë, ku kam gabuar?

Dhe më pas vazhdonte të “shfletonte”, duke shpresuar se postimi tjetër do të përmbante zgjidhjen përfundimtare për të.

Faza 3. Një tjetër vizitë të ekspozuar në rrjete nga influencuesja, në suitën me pamje nga deti që kushton sa gjashtë rroga mujore, dhe admirimi kthehet në zhgënjim me shpejtësinë e dritës.

Duke parë vazhdimisht atë që nuk mund të kemi, ndihemi si spektatorë të pafuqishëm, si të bllokuar në një mëngjes të pafundëm të hënë, pas së dielës së pushimit.

Një nga neologjizmat e shumta që kanë lindur si kërpudha në këtë epokë të mediave sociale është paranoja e krahasimit, ajo ndjenjë zhgënjimi dhe pakënaqësie që jep krahasimi i vazhdueshëm i jetës së tënde, me ato që shfaqen në rrjetet sociale.

Disa studime kanë eksploruar ndikimin e mediave sociale në uljen e kënaqësisë prej pushimeve në epokën e mediave sociale. Studimi i publikuar në Frontiers in Psychology thekson se përdorimi intensiv i Instagramit lidhet me rritjen e ankthit social dhe një perceptim inferioriteti.

Sa më shumë të shfletoni në rrjete udhëtimet e njerëzve të tjerë, aq më pak do të jeni në gjendje të shijoni udhëtimet tuaja. Të dhënat treguan se njerëzit në fakt priren ta krahasojnë veten me imazhet e përsosura të të tjerëve, shpesh të idealizuara, duke zhvilluar ndjenja të pamjaftueshmërisë dhe zhgënjimit.

Kështu, çdo video e një plazhi tropikal bëhet një grusht në stomak, çdo foto në një restorant me disa yje nuk na bën më të ëndërrojmë, përkundrazi na kujton se nuk do ta shijojmë kurrë atë skenë. Edhe nëse i kemi, do të duhet t’i përdorim ato para për pagesën e hipotekës ose për të paguar kopshtin.

Dhe kështu, produkti është një rritje e numrit të ndjekësve, që shfryjnë të gjithë zemërimin dhe frustrimin e tyre, në komente, apo në mesazhe. Dhe që gjithnjë e më shumë, marrin mbrapsht përgjigje: “je ziliqar”, apo “je e sëmurë”, prej influencuesve arrogantë.

Ata nuk janë njerëz të “çmendur që kanë nevojë për trajtim”. Në një periudhë historike në të cilën ekonomia po lëkundet dhe e ardhmja duket më e pasigurt se horoskopi apo parashikimi i motit të kësaj klime të çmendur, të shesësh jetë luksoze, por mbi të gjitha pa kokëçarje duke u dukur, është si të hedhësh kripë mbi një plagë të hapur.

Njerëzit janë lodhur duke u ndjerë të përjashtuar, të lodhur nga të qenit spektatorë të një teatri që përfaqëson vetëm një elitë të vogël. Ndodh në politikë, ndodhi në ekonomi, po ndodh në rrjetet sociale që me 5 miliardë përdoruesit e tyre, janë një përfaqësim i mirë i botës.

Sigurisht, një audiencë që nuk zhvillon mendimin kritik, është më e prirur të ndjekë pa u menduar një influencnues, të blejë çdo produkt të sponsorizuar dhe të ndajë e të përforcojë çdo mendim sikur të ishte Ungjill. Kjo jo vetëm që garanton një ndjekje më besnike, por lehtëson mundësitë e fitimit të parave, sepse siç e dimë, delet e bindura janë më fitimprurëse.

Prandaj, çdo zë jashtë korit shuhet menjëherë, etiketohet si humbës dhe futet në indeksin e elitës së mediave sociale dhe një pjese të madhe të ndjekësve besnikë.

Prandaj, është e domosdoshme të “stërvitim” sensin tonë kritik. Të kuptojmë se jetët e përsosuras që shohim në mediat sociale nuk janë vetëm të paarritshme si një mirazh në shkretëtirë. Jo, ato as nuk ekzistojnë. Janë një film që na ka pëlqyer dhe kaq.


/ Bota.al

https://bota.al/rrjetet-sociale-cirk...luksit-dukjes/

[AdmiraL]

Rrjetet Sociale jan bere si semundje per kete shoqeri.

Cdo person qe ka telefon te menqur, dora i shko spari qe te instaloj keto rrjete sociale se sa te instaloj whatsapp apo viber qe te kontaktoj me dike(familje).

Po qe se mundemi qe te largohemi nga keto do te ishte shum mire, por zor.

[Jetmiraaa]

Rrjetet sociale.
Hap Instagramin edhe i shoh të gjithë me pushime.
Duke pirë pije të shtrenjta me pamje nga deti .
E duke ngrënë dreka e darka të shtrenjta.
Vras mendjen se ku i gjejnë gjith kta lek.
Unë punë/punë.
E nuk po gjej derman .

[sirena_adria]

Si rrjetet sociale po na bëjnë më të vetmuar dhe më të trishtuar…

Përdorimi i përditshëm i rrjeteve sociale për dy orë ose më gjatë i dyfishon shanset për t’u ndjerë të vetmuar

Rezultatet e një anketimi nga psikologët amerikanë tregojnë se rrjetet sociale si Facebook, Twitter, Pinterest, Instagram, Snapchat dhe Tumblr i bëjnë njerëzit të ndihen të vetmuar e të izoluar. Përdorimi i përditshëm i rrjeteve sociale për dy orë ose më gjatë i dyfishon shanset për t’u ndjerë të vetmuar ose të izoluar, ndërkaq ekspozimi ndaj imazheve të ndryshme mund të shkaktojë ndjenja të inatit dhe xhelozisë.

Autorët e studimit theksojnë se ajo çfarë shohim në rrjete sociale jo domosdoshmërisht mund të jetë arsyeja se përse ndihemi keq, por mund të jetë një nga faktorët sepse i nxit emocionet që ndiejmë. Sipas teorive të prezantuara në rezultatet e studimit, thuhet se aq më shumë kohë që shpenzojnë njerëzit në rrjete sociale, aq më pak kanë kohë të bashkëveprojnë në jetën reale.

Përdorimi i rrjeteve sociale mund të kontribuojë edhe në ndjenja të përjashtimit, kjo ndodh kur përdoruesit e rrjeteve sociale shohin fotografitë e miqve në ndonjë organizim në të cilin ata nuk kanë qenë të ftuar. Shkencëtarët thonë se kjo është një temë e rëndësishme për t’u studiuar pasi problemet mendore dhe izolimi social mes të rinjve është në nivel epidemik.

Rikujtojmë se, jetojmë në kohë të çuditshme, kur për disa njerëz një status në internet mund të jetë më i rëndësishëm se ajo që ndodh në jetën e vërtetë. Ne e vlerësojmë jetën e të tjerëve bazuar në fotot e shpërndara në faqet e tyre në rrjetet sociale apo nga ajo se çfarë ata shkruajnë për veten. Dhe shpesh gjykimet tona janë të gabuara. Por çiftet e lumtura në fakt nuk e bëjnë publike gjithë jetën e tyre në rrjetet sociale dhe kjo për disa arsye. Kur njerëzit janë të lumtur në marrëdhënien e tyre ata janë të përkushtuar më tepër për të jetuar momentin.


Gazeta Shqip

https://gazeta-shqip.com/ndryshe/si-...-te-trishtuar/

[ilia spiro]

Si rrjetet sociale po na bëjnë më të vetmuar dhe më të trishtuar…

Përdorimi i përditshëm i rrjeteve sociale për dy orë ose më gjatë i dyfishon shanset për t’u ndjerë të vetmuar

Rezultatet e një anketimi nga psikologët amerikanë tregojnë se rrjetet sociale si Facebook, Twitter, Pinterest, Instagram, Snapchat dhe Tumblr i bëjnë njerëzit të ndihen të vetmuar e të izoluar. Përdorimi i përditshëm i rrjeteve sociale për dy orë ose më gjatë i dyfishon shanset për t’u ndjerë të vetmuar ose të izoluar, ndërkaq ekspozimi ndaj imazheve të ndryshme mund të shkaktojë ndjenja të inatit dhe xhelozisë.

Autorët e studimit theksojnë se ajo çfarë shohim në rrjete sociale jo domosdoshmërisht mund të jetë arsyeja se përse ndihemi keq, por mund të jetë një nga faktorët sepse i nxit emocionet që ndiejmë. Sipas teorive të prezantuara në rezultatet e studimit, thuhet se aq më shumë kohë që shpenzojnë njerëzit në rrjete sociale, aq më pak kanë kohë të bashkëveprojnë në jetën reale.

Përdorimi i rrjeteve sociale mund të kontribuojë edhe në ndjenja të përjashtimit, kjo ndodh kur përdoruesit e rrjeteve sociale shohin fotografitë e miqve në ndonjë organizim në të cilin ata nuk kanë qenë të ftuar. Shkencëtarët thonë se kjo është një temë e rëndësishme për t’u studiuar pasi problemet mendore dhe izolimi social mes të rinjve është në nivel epidemik.

Rikujtojmë se, jetojmë në kohë të çuditshme, kur për disa njerëz një status në internet mund të jetë më i rëndësishëm se ajo që ndodh në jetën e vërtetë. Ne e vlerësojmë jetën e të tjerëve bazuar në fotot e shpërndara në faqet e tyre në rrjetet sociale apo nga ajo se çfarë ata shkruajnë për veten. Dhe shpesh gjykimet tona janë të gabuara. Por çiftet e lumtura në fakt nuk e bëjnë publike gjithë jetën e tyre në rrjetet sociale dhe kjo për disa arsye. Kur njerëzit janë të lumtur në marrëdhënien e tyre ata janë të përkushtuar më tepër për të jetuar momentin.


Gazeta Shqip

https://gazeta-shqip.com/ndryshe/si-...-te-trishtuar/

Jane show gjithcka, ata mund te jene te keputur ekonomikisht dhe dalin per t`u dukur duke shpenzuar si biznesmene, mos u ve shume rendesi. Persa i takon vetmise, rrjetet sociale jane pasoje e vetmise jo shkak i saj

[Vinjol]

Por**a e m adhe grris breket e reja kshu eshte nji s hprehje
1 dit Bos
364 Dite buke e kos

[sirena_adria]

Qëndroni me orë të tëra në rrjetet sociale? Psikologët bëjnë thirrje të keni kujdes nga ‘popcorn brain’

Në një botë ku teknologjia na rrethon çdo ditë, është e lehtë që të biem pre e zakoneve si shfletimi i pandërprerë në rrjetet sociale.

Një psikolog ka bërë disa paralajmërime të rëndësishme për ata që kalojnë orë të tëra duke bërë ‘scroll’ në rrjetet sociale. Një nga termat që po fiton popullaritet është “popcorn brain”. Ky term i referohet tendencës sonë për të kaluar shpejt nga një informacion në tjetrin, ashtu si grimcat e kokrrave të misrit skuqen në një tigan. Dr. Daniel Glazer, një psikolog klinik, shpjegon se ky fenomen është rezultat i zakonit tonë për të kërkuar rezultate të menjëhershme dhe stimuj, duke na bërë të vështirë përqendrimin dhe angazhimin në aktivitete që kërkojnë më shumë kohë dhe vëmendje.

A e ke ndjerë ndonjëherë që po shfleton në një aplikacion dhe pas disa minutash kupton se po shihni të njëjtën përmbajtje që keni parë pak minuta më parë? Kjo është një shenjë e qartë se po e humbni ndjeshmërinë ndaj stimulimeve të vazhdueshme dhe po zhvilloni një varësi të pashmangshme ndaj përmbajtjes së menjëhershme në rrjetet sociale. Dr. Glazer thekson se shumë aplikacione janë dizajnuar për të inkurajuar këtë sjellje, duke përdorur mekanizma stë ndryshëm. Ky lloj dizajni e bën të lehtë për ne të kalojmë nga një aktivitet në tjetrin pa e kuptuar, duke krijuar një cikël të zakonshëm të shpërqendrimit.

Nëse dëshiron të ndryshosh këtë situatë dhe të përmirësosh përqendrimin tënd, ja disa hapa që mund të ndjekësh:
1.Cakto disa orë gjatë ditës ku nuk do të përdorësh asnjë pajisje dhe rrjet social. Kjo do t’ju ndihmojë të rikuperoni përqendrimin.
2.Kur përdor telefonin për të dërguar një email, përqendrohu vetëm në atë detyrë. Mos lejo që njoftimet dhe aplikacionet të të shpërqendrojnë.

Rikujto se truri është një organ që mund të ri-adaptohet dhe përmirësohet. Prandaj, ndihmo veten të rikuperosh përqendrimin dhe të jetosh një jetë më të shëndetshme e më produktive.


Javanews.al

https://javanews.al/qendroni-me-ore-...popcorn-brain/