PDK: Albin Kurti po imiton liderin e revolucionit komunist rus, Lenin

[Albo]

Zëdhënësi i PDK-së krahason Kurtin me Leninin



Partia Demokratike e Kosovës ka krahasuar fushatën e kreut të Lëvizjes Vetëvendosje, Albin Kurti, me ato të ish-liderit komunist rus, Lenin.

Në një postim në Facebook, zëdhënësi i PDK-së, Avni Bytyçi, e ka cilësuar si kthim të komunizmit mënyrën e fushatës së VV-së për zgjedhjet e 14 shkurtit.

“Albin Kurti po mundohet të imitojë marshin e Leninit nëpër komuna, me demek populli është mbrapa tij. Njëjtë veproi Lëvizja Vetëvendosje në hapjen e fushatës duke i vendosur mindilat kuq në stilin e Titos, një paralajmërim se socializmi/komunizmi është duke u kthyer. Siç duket në këto zgjedhje do të ketë një betejë zgjedhore në mes të Demokracisë (liberale) dhe Social Demokracisë (socializmit/komunizmit)”, ka shkruar ai. “Populli i Kosovës e ka pasur fatin (e keq) të jetoj në të dyja sistemet. Por vetëm njëri ofron progres e mirëqenie, e këtu qytetarët duhet të zgjedhin, a dëshirojnë REPUBLIKË apo një babë!”

Të hënën ka nisur fushata elektorale në vend. Asnjë nga partitë nuk po i respekton masat e distancës siç kërkohet për luftimin e koronavirusit. Shumica e tyre kanë mbajtur tubime në hapësira të mbyllura, ndërsa në disa raste Lëvizja Vetëvendosje ka organizuar ecje nëpër qytete, duke bërë që të ketë turmë të madhe pas liderëve.

Bota Sot

[SERAFIM DILO]

Nje Lider qe te fitoj zgjedhjet duhet te kete dy cilesi,nje : 1) Besimi. 2) Duhet ti japi shprese votuesit,ta beje votuesin te enderroje,ti japi optimizem.

Ndryshe nga te gjithe liderat shqiptare Albin Kurti ka cilesine e pare qe eshte pak a shume moskorruptimi ose besimi se nuk eshte dhe do te jete i korruptuar. Dhe kjo duket edhe nga kritikat qe i bejne kundershtaret e tije,e kritikojn si leninist,marksist,diktator e me radhe...,pra Albin Kurti edhe kundershtaret e tije i ka bindur qe ata nuk mundet ta akuzojne apo te kritikojne per vjedhje a korrupsion. Ky eshte nje fakt i rralle per nje politikan qe meret prej shume kohe me politike,qe edhe kundershtaret e tije politike nuk e çojne nder mend ta akuzojne per korrupsion.