Këngëtari i njohur shqiptar, Kujtim Prodani është ndarë nga jeta

[Albo]

Këngëtari i njohur shqiptar, Kujtim Prodani është ndarë nga jeta.

Ai ishte shtruar në sanatorium pasi ishte me Covid-19. Sot mësohet se ka ndërruar jetë.

Lajmin e kanë bërë të ditur familjarët e tij.

Në 30 dhjetor 2020 Prodani do të hidhte një foto në Facebook, ku shfaqej ne spital.

Prodani ka humbur jeten ne moshen 57-vjecare.

Ai ishte djali i artisteve Anita Take dhe Agim Prodani.



Syri

[Albo]

Një lajm i trishtë për vdekjen e këngëtarit të njohur Kujtim Prodani, i hidhëroi të gjithë pasditen e sotme.

Këngëtari, ishte i shtruar në spitalin e Sanatoriumit, ku po kurohej nga Covid-19, pas disa komplikacioneve që kishte shfaqur.

Fatkeqësisht, ai e humbi betejën me koronavirusin, dhe familja e tij ndau pak minuta më parë, lajmin e trishtë të vdekjes.

Kujtim Prodani, ngelet një nga emrat më të njohur të muzikës shqiptare, i cili krijoi vepra që do të jetojnë shumë gjatë mes nesh.

Gjatë karantinës, ai shfrytëzoi kohën e lirë, për të krijuar një tjetër vepër të tij.

Bëhet fjalë për një këngë dedikuar koronavirusit, të cilën këngëtari e publikoi në Prill të vitit të kaluar, pa e ditur se, ky virus i tmerrshëm, të cilit i dedikoi vargje dhe nota muzikore, do ta merrte përgjithmonë.

‘Ju flet Corona’ e titulloi ai këngën, kushtuar virusit që si për ironi të jetës, mbasditen e sotme, i mori jetën:



Teksti:

"Askush nuk ta mësoi si thyhet befas jeta

Ditë-natën ta jetosh në grimca pafundësie

As dashurinë ta ndash në vakte racionale

Më kot përpiqesh, nuk gjen dot manuale.

I mësove të gjitha si në lojra fëmijërie

Patinat e kuqe në park, xhirot larg në Mars!

Trenin, avionin, raketat dhe poezitë

Të gjitha i mësove, përmendësh, natyrisht.

E tani, rregulloren e vetmisë studion

I flakur në shtrat gjersa mendja fiket

Formulat magjike ti sjell ndërmend

Të zbulosh, në dëshpërim, prej meje si iket.

Dhe unë të shoh nga larg, të shoh edhe nga afër

Ashtu të trembur si në klasën e parë

Hyj brenda teje, syrin t’shkel si gringo

Frymën ta marr po desha e zemrën ta ndal!

Por frymën ma ndal pika jote e lotit

Fryma e nxehtë e të dashurës që të pret

Frymën ma ndal enigmë e shpirtit tënd që s’vdes...!

Unë tretem ngadalë në brishtësinë tënde,

I humbur n’betejën time përjetësisht

Ti mbetesh aty, mbi Tokë, me kujtimin tim gdhendur

Që si ëndërr e keqe të kujtoi

Të jesh njeri,

Thjeshtë njeri,

I mirë siç lind, Dashurisht njeri…!"

Syri.net

[Albo]

Ardian Trebicka tregon mesazhin e fundit me Kujtim Prodanin, 3 orë para se të vdiste

Këngëtari Ardian Trebicka me lot në sy, ka treguar në SYRI TV komunikimin e fundit që ka bërë me mikun e tij të ngushtë, kantautorin Kujtim Prodanit, vetëm 3 orë para se ai të ndërronte jetë.

Duke folur në Edicionin e Pasdites në SYRI TV, me gazetaren Armela Ferko, Trebicka është shprehur se, Prodani ishte një artist dhe shkruante për veten e tij.

Trebicka ka treguar se kishte komunikuar rreth orës 12:30 minuta të mesditës së sotme, ku Prodani i kishte thënë se po nisej për në Turqi.

‘Më thoshte se po nisej për Turqi dhe nëse do të arrinte të shpëtonte, do të më shkruante’, është shprehur Ardian Trebicka në SYRI TV.

‘E vuante artin në Shqipëri’, tha gjatë komunikimit telefonik me SYRI TV, këngëtari Ardian Trebicka.

Syri.net

[Albo]

‘Është flamë, por…’/ Mesazhet e fundit që Prodani shkëmbeu me mikun e tij

Këtë të mërkurë, kantautori i njohur Kujtim Prodani, në moshën 57-vjeçare iu “dorëzua” koronavirusit, duke u ndarë nga jeta.

Kujtim Prodani , prej disa javësh, merrte kujdes shëndetësor në spitalin “Shefqet Ndroqi” ndërsa së fundmi gjendja e tij ishte përkeqësuar.

Akademiku Vasil Sofokli Tole ka ndarë në llogarinë e tij në Facebook, një foto nga mesazhi i fundit që kishte shkëmbyer me kantautorin.

Nga sa shihet nga fotojha, Tole e pyet si ndihet ndërsa Prodani i thotë se virusi është një flamë, por shprehet i bindur se do t’ia hedhë.

Biseda:

Tole: Kujte si dukesh sot?

Prodani: “Vaso një flamë. Po do ta hedh. Shërbim i mrekullueshëm këtu. Gëzuar qofshi!”

Postimi i plotë:

Lajm i hidhur farmak, largimi i parakohshëm i Kujtim Prodanit, djalit artist të prindërve artistë, të mëdhenjve të muzikës sonë Agim Prodani dhe Anita Take.

Ishim kolegë e miq të mirë prej viteve studentore, ish studentë të kompozicionit në klasën e profesorit Kozma Lara. Në muzikën që shkroi e interpretoi vijoi traditën e Prodanëve në muzikë, duke e pasuruar atë me tingujt e shpirtit të tij të bardhë, të sinqertë e të qeshur.

Ishte optimist, deri në fund, si një akord mazhor! Iku në ditën e bardhë të Ujit të Bekuar!

Komunikimin e fundit me të e pata më 31 dhjetor, një fragment të të cilit po e vendos më poshtë!

Ngushellime vellait te tij, te afermve, miqve dhe komunitetit te muzikes per kete humbje pa kthim.

Lamtumirë artist! ????????



Syri.net