Close
Duke shfaqur rezultatin -19 deri 0 prej 3
  1. #1
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Pasojat e keqqeverisjes: Të rinjtë dhe intelektualët po e braktisin Shqipërinë në masë

    “Emigracioni i intelektualëve”, Gjosha: Qeveria të reflektojë për situatën! Ndryshimet në kabinet, Rama i detyruar!

    Emri:  klajda-gjosha.jpg

Shikime: 536

Madhësia:  36.1 KB

    Ish-ministrja e Integrimit, Klajda Gjosha, e ftuar në rubrikën “Opinion” në studion e lajmeve në News24 foli për largimet masive nga vendi, si të intelektualëve por edhe të të rinjve, ndërsa i kërkoi qeverisë të reflektojë për situatën.

    “Ajo që ka ndodhur vitet e fundit është diçka që nuk e ekemi parë më parë. Në vitet e fundit është rrënuar arsimi, është degraduar. Po largohet shumë shtresa e mesme se është edhe shtresa më e prekshme. Paguan 23% të taksave në vend. Të rinjtë po ashtu janë të parët që duan të largohen.



    Të gjitha raportet ndërkombëtare flasin për këtë ikje të madhe. Nuk jemi në luftë, por Shqipëria është në paqe. Duhet punuar në lidhje me këtë gjakderdhje siç do ta quaja unë. Qeveria ta analizojë pse po ikin shqiptarët”,- tha ajo.

    E pyetur të vlerësojë ndryshimet e fundit në kabinetin e Ramës, Gjosha u shpreh: “Ne po shkojmë drejt zgjedhjeve, është fundi i mandatit, s’kanë mbetur më vedime të rëndësishme për të marrë. I ka bërë këto ndryshime për shkak të zgjedhjeve. Në MEPJ ka qënë një figurë jo politike e padukshme. Ndaj edhe është i detyruar të zëvendësojë figurat e tij brenda PS. Nuk mendoj se askush s’ka dhënë dorëheqje, është gjithçka e këkruar nga kryeministri vetë.

    E vlerësoj faktin që në MEPJ është një grua, se si mund të jetë zonja Xhaçka është për tu parë se s’ka qënë ndonjëherë në krye të diplomacisë. Për mua jemi drejt fundit, s’kanë çfarë mund të bëjnë ndryshe”.

    Sa për vaksinën kundër Covid, Gjosha u shpreh e gatshme ta bëjë atë ndonëse e ka kaluar Covid, por gjithmonë kur t’i vinte radha.

    “Kam parë konfuzion si për shifrat ashtu edhe si kudo tjetër që kemi një kryeministër që shkon në SHBA për të marrë vaksinën dhe se pastaj nuk dinte datën kur do vinte. Unë uroj që të vijnë sa më shpejt dhe në një numër më të madh, se 500 mijë doza më duken pak për të frenuar përhapjen. Ne jemi shumë vonë, një pjesë e madhe është prekur nga virusi. Kur të jetë radha ime, patjetër që edhe unë do ta bëj vaksinën”.

    (BalkanWeb)

  2. #2
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Pasojat e keqqeverisjes: Të rinjtë dhe intelektualët po e braktisin Shqipërinë në masë

    Vasili: Rama ka vënë në zbatim strategjinë e zezë të shpopullimit të Shqipërisë. Koha për reflektim!

    Përmes një deklarate për mediat, nënkryetari i LSI-së, Petrit Vasili shprehet se Shqipëria është vendi i parë në botë për emigracionin e të rinjve. Ky sipas tij është një ndër faktet më tragjiku, i cili tregon strategjinë e zezë të shpopullimit të Shqipërisë nga Edi Rama.

    Vasili shton se, është koha për reflektim dhe dënim deri në fund të krimit shtetëror të kryer nga të gjitha nivelet e shtetit.

    DEKLARATA PËR MEDIA E NËNKRYETARIT TË LSI, PETRIT VASILI

    Të nderuar qytetarë dhe qytetare.
    Në këtë fillim viti 2021 të gjithë ne së bashku duhet të jemi më të qartë se kurrë ndonjëherë në rrugën që duhet të ndjekim në raport me këtë kryeministër dhe me këtë qeveri që meritojnë vetëm një fjalë: mashtruese!

    Edi Rama ka pretenduar pak sekonda më parë për gjoja propagandë lidhur me largimin e qytetarëve shqiptarë. Nuk ka asnjë propagandë në këtë drejtim, janë tregues të qartë, kokëfortë, të pamëshirshëm të katastrofës ekonomike ku e ka futur Edi Rama Shqipërinë, katastrofë, e cila i ka bërë shqiptarët që Shqipëria t’i duket vend i huaj dhe jo atdheu i tyre. Jo sepse nuk e duan Shqipërinë, por sepse toka e djegur që ka krijuar Edi Rama, grabitja e pafund e tij ua ka bërë të tillë.

    Shqiptarët për fat të keq kanë një kryeministër, i cili për fat të keq në kohën e pandemisë më të rëndë që ka goditur Shqipërinë në 100 vitet e fundit, në vend të bëjë detyrën e tij e t’i ndihmojë shqiptarët, bën të kundërtën. Konrektisht testimet e shqiptarëve, që do të thotë diagnoza për pandeminë e koronavirusit, numri i saj bie më shumë se gjysma, në një kohë që nuk ka as vaksinë, kemi hyrë në muajt e dimrit të pohuar nga vetë qeveria si muajt më të vështirë e nga 2700-2800 testime, bëhen vetëm 1200, me strategjinë e famshme, të zezë për të fshehur shifrat, për të ulur numrat dhe fiktivisht për të paraqitur pamje të gënjeshtra, mashtruese ashtu sikurse bënë në marsin, prillin, majin kur mbyllën Shqipërinë, shkatërruan bizneset dhe nuk bënë asgjë të mirë për pandeminë. Pra, në vend që të bëjnë më të mirën, bëjnë të kundërtën.
    Sa i takon shqiptarëve. Faktet, jo të opozitës shqiptare, por të institucioneve ndërkombëtare tregojnë që Shqipëria është vendi i katër në botë për largimin e njerëzve të aftë për punë, njerëz të çmuar për zhvillimin e Shqipërisë që largohen nga vendi. Edhe njerëz që paguhen jo keq, sepse klime është mbytëse për shkak të një qeverie taksidarë, që bën presion, që kërkon të grabisë gjithçka nga pagat e tyre dhe ua bën jetën të pamundur.

    Shqipëria është vendi i dytë në botë për azil kërkimet, pas Sirisë dhe ky është një tregues i tmerrshëm, kokëfortë, i vërtetë. Nuk është çështje propagande, por është fakt i pakundërshtueshëm. Fakt që ka ndodhur për shkak të një qeverisjeje më të ligën që Shqipëria ka pasur për shkak të një njeriu të vetëm që është Edi Rama.
    Shqipëria është vendi i parë në botë për emigracionin e të rinjve, një fakt më tragjiku, i cili është vetëm një fakt që tregon strategjinë e zezë të shpopullimit të Shqipërisë nga Edi Rama.

    Shqipëria është vendi i parë në Evropë edhe për emigracionin e të miturve, sipas të dhënave të vetë UNICEF-it. Kush ka bërë propagandë më largimin e shqiptarëve? Ka qenë vetëm Edi Rama. Po i kujtoj Edi Ramës këtu dhe nuk pretendoj që as të skuqet, e as të zverdhet, pasi është një kryeministër pa cipë, sepse kujtoj gjithë shqiptarët, që kur u liberalizuan vizat ishte Edi Rama dhe tërë aradhja e tij që parashikuan të dëshpëruar që 1 milion shqiptarë do të iknin nga Shqipëria. Po cilat qenë të vërtetat? Në atë kohë ju rikujtoj shumë mirë që Evropa ishte në recension ekonomik, në vështirësi të mëdha e megjithatë shqiptarët nuk ikën. Dhe Komisionerja për Çështjet e Brendshme të Evropës, Cecilia Malmström, një vit më pas, në analizën që iu bë Shqipërisë e konsideroi Shqipërinë një histori suksesi, ndryshe nga Serbia dhe Maqedonia në atë kohë, ku qytetarët e tyre largoheshin në masë. Këto kanë qenë të vërtetat. Ndërsa ky njeri bashkë me segmente të tij që i ka edhe aty bashkë në Partinë Socialiste lobonte me euro-deputetë për të mos ta marrë liberalizimin shqiptarët. Se për të ishte më mirë që shqiptarët të rrinin jashtë dyerve të ambasadave, të poshtëruar nën pengun e mafies së vizave etj-etj, vetëm e vetëm që të mos figuronte si sukses i qeverisë së kohës, që ishte një sukses shumë i merituar, i pashlyeshëm, historik në historinë e shqiptarëve dhe ky u lutej euro-deputetëve që aman mos ua jepni liberalizimin e vizave, se do të ikin 1 milionë shqiptarë. Shqiptarët nuk ikën atëherë, por ikin tani, për shkak të tij.

    Është fare e qartë që ministri i Jashtëm i Shqipërisë, i shkarkuar nga Parlamenti dje me 95 vota, arriti një sukses ‘të jashtëzakonshëm’ që Shqipërisë nuk iu hapën negociatat. Ky u shiti propagandën e radhës, u dha dekoratat ambasadorëve për një arritje imagjinare dhe që nga momenti i marrjes së tepsisë dhe kusisë nga ky në vitin 2017, nga 5 kushte që vendi kishte për hapjen e negociatave, ka sot plot 15 të tilla dhe njëri më i rëndë nga tjetri që lidhen me zgjedhjet e lira e të ndershme të pambajtura, me krimin zgjedhor, me paranë e pisët, me korrupsionin, me mos ngritjen e gjykatave të tjera të penguara qëllimisht nga ky, pra me asfiksimin dhe shpartallimin e shtetit shqiptar.

    Foli sot në këtë paradën e palltove të kthyera apo ku dështakët këmbejnë vendet e njëri-tjetrit për suksese në çështjen e tërmetit. Çështja e tërmetit dhe përballja me të ishte dështim që në momentin tragjik kur ndodhi e deri në zhvillimet e tij. Asnjë nga ne nuk ka harruar se si trupat e emergjencës civile shqiptare, të drejtuar nga një ministri dështake nuk kishin as mjetet me minimale për të përballuar tragjedinë, jo vetëm që s’kishin një qen që ti detektonte, por s’kishin as pajisjet për të dalluar kufomat. Ju e keni parë vetë që sakrifikonin duke punuar me duar, sepse nuk kishin asnjë lopatë në dorë. Këto skena ishin në sytë e gjithë shqiptarëve, falë mediave që i transportuan dhe sigurisht që ne u jemi mirënjohës të tërë atyre miqve që erdhën nga jashtë për tu dhënë një dorë këtyre të paaftëve që edhe drejton e Emergjencave Civile e emëruar pasi tërmeti kishte ndodhur, megjithëse ligji kishte hyrë me kohë në fuqi. Këto janë të vërteta që s’i lëviz topi.

    Shqiptarët dinë gjithashtu që ky kryeministër u premtoi që fundi i vitit 2020 do ti gjente në shtëpitë e reja dhe e dinë shumë mirë që as 10 për qind nuk janë rindërtuar, vetëm disa shtëpi tek – këtu lart e poshtë që shërbejnë vetëm e vetëm që ky të shkojë të bëjë shoë-n e radhës dhe dhjetëra të tjerë janë akoma në çadra, ku medias duhet tu jemi mirënjohjes për transmetimin dhe pasqyrimin e tyre, dhe nuk u është dhënë as më e vogla ndihmë.

    Pra, një dështim katastrofik, ndërkohë që nuk kanë munguar miliardat për koncesionet dhe për oligarkët miq të tij.

    Sigurisht që në këtë fillim viti ne nuk mund të mohojmë ‘meritat’ e zeza të Edi Ramës, tradhtia me shitjen e detit, e pashlyeshme, e paparë në 109 vjet shtet shqiptar.
    Kemi parë votime moniste në pluralizëm, që s’i ka parë as Shqipëria e asnjë vend i Evropës. Vetëm ky demagog dhe bandit poliitk i vuri këtë damkë të zezë Shqipërisë, të pashlyeshme gjithë jetën. Do të mbetet dhe do të kujtohet si kryeministri i marrë, mafioz dhe i kapur që bëri votime moniste në Shqipëri.

    Gjithashtu nuk do të harrohet kurrsesi dhe është një çështje e hapur që do ti shkohet patjetër deri në fund, gjallë a vdekur, cilat do qofshin Prokuroritë, dosjet e turpshme 184 dhe 339 ku banditët e pushtetit vërviteshin te kutia e votimit, vidhnin e grabisnin e se si i gjithë shteti me drejtorë, me ministra e deputetë vërviteshin për të grabitur votat, të cilat populli nuk ua jep sepse nuk i do këta njerëz në qeverisje.

    Patjetër një nga gjërat ‘më madhore’, më të rënda, më shkatërrimtare ka qenë dhe mbetet fashistizimi i ekonomisë shqiptare përmes koncesioneve miliardere. Janë shpenzuar miliarda, dalin miliarda nga xhepat e shqiptarëve për investime imagjinare që nuk bëjnë asgjë tjetër veçse mbushin xhepin e qeverisë, mbushin xhepin e atyre që kanë dhënë emrin e tyre borxh për ca para dhe për ti lënë Shqipërisë një gropë të tmerrshme financiare vetëm e vetëm me parimin: Pas nesh, qameti! Këtë parim e ka pasur kjo qeveri dhe këto të vërteta janë të pakundërshtueshme, shumë të qarta dhe kushdo shqiptar që do ti harronte qoftë edhe një sekondë të vetme, do të bënte një krim ndaj vetes, ndaj fëmijëve, ndaj të ardhmes së këtij vendi pasi gropa e tmerrshme financiare, mafia e koncesioneve, tradhtia e shitjes së Shqipërisë janë tre këmbët ku mbahet perustia e një pushteti mafioz e tradhtar, të korruptuar deri në themel e pa shërim, i cili përveç propagandës gebelsiane, që u merr orë e minuta të tëra televizioneve pa kuptim, sesi palltot e kthyera tre muaj para largimit pa kthim të tyre ndërrojnë njëri-tjetrin, nuk bëjnë asnjë gram punë për shqiptarët.
    Është koha për reflektim dhe koha për një reflektim të fortë, pasi jo vetëm largimi por edhe dënimi deri në fund i krimit shtetëror të kryer nga të gjitha nivelet e shtetit nga Edi Rama me të tijët, është një gjë e cila duhet të jetë një objektiv i patjetërsueshëm.
    Koha është tani dhe asnjë minutë më vonë.
    Faleminderit të gjithëve.

    Balkanweb
    "Babai i shtetit është Ismail "Qemali", e zbuloi Edvin shkencëtari!"

  3. #3
    Ushtar i larte Maska e Neteorm
    Anëtarësuar
    04-01-2011
    Vendndodhja
    127.0.0.1
    Postime
    2,327
    Postimet në Bllog
    7

    “Shtetëzimi” i emigracionit

    Kosta Barjaba

    Ditët e fundit është risjellë në vëmendjen e publikut tema e emigrimit. Kthim azilkërkuesish, ikje e figurave publike, reflektime të atyre që janë ikur, por edhe atyre që janë kthyer. Të gjitha këto i kanë dhënë emigrimit një ngjyrim politik. Të cilin në kohën e sotme, as e ka dhe as duhet ta ketë.

    1. Ç’LLOJ EMIGRANTËSH PRODHON SHQIPËRIA?

    Pa asnjë dyshim, Shqipëria është vendi me fluksin e emigrimit ndër më të lartët në Europë. Të paktën një në tre-katër shqiptarë kanë emigruar, në mënyrë të përkohshme apo me synimin për të mos u kthyer. Ky numër, edhe pse jo normal, nuk duhet të na habisë. Në vitet 1990 Shqipëria prodhoi flukset më të larta migruese, sepse për gati gjysmë shekulli regjimi komunist e kishte bllokuar në mënyrë hermetike daljen nga vendi. Dhe siç ndodh me ligjet e natyrës, ashtu ndodh edhe në shoqëri.

    Presioni i lartë prodhon lëvizje të fuqishme, madje edhe shpërthime. Kjo analogji shkon përtej emigrimit. Po për të njëjtën arsye, kemi pasur ritmin më të lartë të urbanizimit në Europë. Urbanizimi i përshpejtuar ndodhi jo se gjatë këtyre viteve bëmë çudira në qytete, por sepse politika totalitariste e pasaportizimeve kishte bllokuar lëvizjen brenda vendit dhe në vitin 1990 dy në tre shqiptarë ishin ngujuar, donin apo nuk donin, në fshat. Në vitin 1990 i kishim të gjitha arsyet si popull të emigronim masivisht, për shkak të bllokimit politik.

    Pas gati tre dekadave, asnjë prej arsyeve të asaj kohe nuk është më. Gradualisht shqiptarëve u janë dhënë shumica e të drejtave të lëvizjes së lirë në hapësirën europiane. Duhet thënë se jemi ndër popujt që e kemi shpërdoruar më pak këtë të drejtë. Duam apo nuk duam, tani Shqipëria prodhon emigrantë të një lloji tjetër. Që më shumë ikin për shkak të projekteve të tyre dhe mundësive më të mëdha në vendet perëndimore, në gjuhën e studiuesve, faktorëve tërheqës. Pa mohuar ata që ikin për shkak se nuk gjejnë hapësirat e duhura në vend, thënë ndryshe, faktorëve shtytës. Që më shumë ikin për një punë, jetë e shkollim më të mirë dhe jo për shkaqe politike.

    2. POLITIZIMI DHE “SHTETËZIMI” I EMIGRANTËVE

    Sot, tingëllon e tejkaluar që emigrimi të interpretohet politikisht. Nuk gjen asnjë vend tjetër ku ndodh kjo. Emigrimi është tashmë një projekt individual ose familjar, që zhvillohet në kontekstin e lirisë europiane të lëvizjes. Kjo ndodh madje edhe në vendet ku qeverisja shkëlqen. Prirjen për të emigruar duhet të mësohemi ta shohim si një mundësi emancipimi. Jo vetëm si një akt dëshpërimi. Në këtë të ashtuquajtur “shtetëzim” të emigrimit nuk janë “dorëjashtë” as qeveritë.

    Ato kanë “luajtur” me emigrantët politikisht, duke i trajtuar ata si klientë apo rezerva elektorale. Politikanët janë mësuar të flasin për emigrantët politikisht, me një mentalitet shtetëror dhe jo zhvillimor. Samiti i Diasporës i vitit 2016 shënoi të paktën përpjekje serioze qeveritare për t’u ngritur mbi retorikat dhe vendosur emigrimin në të njëjtin bosht funksional me zhvillimin e vendit. Kjo sjellje e qeverive, ndoshta është imponuar jo vetëm nga kultura jonë e ekzagjeruar etatiste, por edhe nga boshllëku që ka lenë sektori privat në krijimin e sinergjive me potencialet sipërmarrëse të diasporës.

    Është fakt që shumica e nismave për emigrantët janë qeveritare, jo private. Kjo i bën ato afat-shkurtra, të paqëndrueshme, madje pa ndonjë ndikim të dukshëm në zhvillimin e vendit. Edhe politikave të reja për migracionin, pas samitit të Diasporës, sektori privat iu përgjigj në mënyrë asimetrike, të pamjaftueshme. “Të pafajshëm” në “shtetëzimin” e çështjes janë vetëm emigrantët.

    Shumica e tyre kanë ndërtuar projektet individuale e familjare, janë përpjekur, kanë fituar ose dështuar, kanë rritur e shkolluar fëmijët, janë emancipuar, janë plakur e kanë dalë në pension, janë bërë qytetarë, madje edhe shtetas europianë, kanë ndihmuar Shqipërinë me sa kanë mundur. Direkt ose indirekt. Ata kanë ndryshuar shumë në krahasim me 27 vjet më parë. Ndërsa politikanët e këtushëm kanë mbetur po ata: të zhurmshëm, retorikë dhe inefiçentë.

    Me një ndjenjë të pandryshuar paternalizmi ndaj emigrantëve. Natyrisht, ka pasur e do të ketë edhe emigrantë të zhurmshëm, që vetëpolitizohen e “vetështetëzohen”, që dështimet e tyre i përjetojnë si dështime të Shqipërisë (por sukseset jo). Por këto janë çështje individuale, as politike, as shtetërore, as kombëtare. Individët e suksesshëm nuk i prodhojnë qeveritë, ata vetëbëhen.

    3. PËR TË SUKSESSHMIT QË KTHEHEN DHE NDESHEN ME NE, OBSKURANTISTËT

    Qindra-mijëra emigrantë janë kthyer në Shqipëri, paralel me ata që kanë ikur e ikin. Janë kthyer emigrantë të suksesshëm, që kanë hapur në Shqipëri sipërmarrjet e tyre ose janë vetëpunësuar me burimet e tyre modeste. Janë kthyer edhe mjaft prej tyre që nuk ia kanë dalë dot. Duhet thënë se mjaft prej tyre kanë qenë në vëmendje të politikave qeveritare.

    Por janë kthyer, pa zhurmë e bujë, edhe mjaft ish-studentë të lauruar në universitet perëndimore, disa dhjetëra prej tyre madje në universitetet e famshme, të cilëve shumica prej nesh u ka dëgjuar vetëm emrin. Nuk është se kemi bërë ndonjë gjë të madhe për ta, përveç retorikës. Këtu po, ka vend që çështja të “shtetëzohet”. Për ta duhet të krijohen korsi preferenciale punësimi e rekrutimi, nëse dëshirojmë ta modernizojmë administratën, ta bëjmë atë eficiente dhe perëndimore. Kredencialet e tyre shkëlqejnë para obskurantizmit, mentaliteteve, procedurave e praktikave të disave prej nesh. Atyre po ua di vlerën sektori privat. Por do t’i jepnin më shumë Shqipërisë, nëse sektori publik do të hapej për ta.

    4. PËR SHKENCËTARËT EKSELENTË QË NA NDEROJNË NË PERËNDIM

    Mjaft shkencëtarë shqiptarë të shquar, për ne të pazëshëm, shkëlqejnë në institucionet perëndimore. Por që mbajnë një sy në vendin e tyre. Ata nuk u bien daulleve, kur shënojnë suksese. Ashtu siç nuk fajësojnë Shqipërinë kur mund të ndodhë, që në fakt nuk u ka ndodhur kurrë, të mos ia dalin në ambiciet e tyre. Pesë anëtarë të Akademisë së Shkencave të Shqipërisë janë korifej të fushave të tyre në Perëndim.

    Kardiologu Adnan Kastrati është ndër personalitetet më të shquar të Qendrës Gjermane të Zemrës në Universitetin e Mynihut në Gjermani. Nazim Gruda, ndër shkencëtarët më të mirë të bujqësisë në Gjermani dhe në Europë, u bën nder universiteteve të Bonit, Berlinit dhe Humbold e deri në SHBA. Arben Merkoçi është ndër shkencëtarët më prodhimtarë e më të cituar të nanoteknologjisë në Spanjë dhe në Europë. Shkencëtari Arjan Durrësi është ndër personalitetet e Shkencave të Teknologjisë së Informacionit në Universitetin dhe shtetin e Indianës.

    Albert Doja, më i shquari antropolog shqiptar, lauruar profesor i universiteteve në Francë, i është rikthyer pasionit të tij si profesor titullar në Universitetin Lille. Por mund të shkojmë edhe përtej Akademisë. Kur kam takuar për herë të parë Laura Mersinin, fizikanten shqiptare të Universitetit të Karolinës së Veriut, jam habitur jo vetëm me thellësinë e dijeve të saj teorike, si autore e një hipoteze, sot në vëmendjen e kozmologjisë botërore, por edhe me modestinë dhe përkushtimin për Shqipërinë.

    Në Miçigan të SHBA shkëlqen një shqiptar shumëdimensional, Nevrus Nazarko: ndër financierët më të shquar të shtetit, funksionar i lartë publik në administratën amerikane dhe profesor universiteti. Ka edhe shumë të tjerë, të cilët kontribuojnë globalisht, por nuk u ndahet shpirti nga Shqipëria, pavar- ësisht se këtu nuk gjejnë dot hapësira për të ushtruar dijet e tyre.

    Burimi: Panorama
    Ndryshuar për herë të fundit nga Albo : 07-01-2021 më 14:09

Tema të Ngjashme

  1. Përgjigje: 0
    Postimi i Fundit: 18-12-2017, 14:53
  2. Ndëshkoni në atë masë sa jeni ndëshkuar ju”‏
    Nga teuhid në forumin Komuniteti musliman
    Përgjigje: 0
    Postimi i Fundit: 07-01-2016, 17:09
  3. Protesta kundër keqqeverisjes, Opozita: Bashkë të rrëzojme Berishën!
    Nga Korcar-L1 në forumin Tema e shtypit të ditës
    Përgjigje: 46
    Postimi i Fundit: 30-12-2007, 10:16
  4. Të rinjtë braktisin librat...
    Nga Davius në forumin Grupmoshat e komunitetit
    Përgjigje: 3
    Postimi i Fundit: 12-06-2007, 13:56
  5. Angli:Refuzimet ne mase!!
    Nga Shpirt Njeriu në forumin Emigracioni
    Përgjigje: 5
    Postimi i Fundit: 06-09-2004, 06:38

Fjalët Kyçe për Temën

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •