Festivale ne Shqiperi

**sirena_adria** · 09-07-2023, 20:11

Jeni gati për Gjon Mili Jazz Blues Festival? Ja artistët që do të performojnë në Tiranë

Në datat 12, 13 dhe 15 Korrik vjen në Tiranë festivali “Gjon Mili, Jazz & Blues”.

Shfaqjet më 12 dhe 13 do të zhvillohen tek Instalacioni Reja në kryeqytet dhe do të jenë të hapura për publikun, ndërsa më 15 Korrik në Korçë.

“Gjon Mili Jazz & Blues Festival” synon promovimin e figurës së Gjon Milit, si e vetmja urë lidhëse që kombi shqiptar ka me muzikën Jazz në periudhën e saj më të artë, duke e bërë pjesë të Trashëgimisë Kulturore dhe Artistike të Shqipërisë.

Zhvillimi i festivalit ka për qëllim të nxisë aktivitetin artistik dhe krijimtarinë në muzikën Jazz dhe Blues, duke motivuar muzikantët e rinj shqiptarë me anë të shkëmbimit artistiko – kulturor me muzikantë kombëtarë dhe ndërkombëtarë me eksperience.

Artisti shqiptar Gjon Mili, si mjeshtër dhe novator i fotografisë, ka kontribuar në të gjitha fushat sociale dhe kulturore në Shtetet e Bashkuara dhe, si rrjedhojë, në mbarë botën.

Si muzikant amator (luante oboen), ai pati një lidhje të veçantë me muzikën Jazz dhe arriti të dokumentojë tranzicionin midis dy periudhave më të rëndësishme të saj, Swing Era dhe Modern Jazz.

Gjithçka filloi në vitin 1943, kur Gjon Mili realizoi për revistën Life, dy nga setet e tij fotografikë më të famshëm “The Lindi Hop” dhe “Jam Session”. Falë këtyre artikujve Gjon Mili u lidh gradualishit me kulturën jazz dhe me promovimin e mëtejshëm të saj. Këtë e ka dëshmuar me filmat artistikë të realizuara në vitet ’40 – ’60 si: “Jammin the blues”, “Stompin for Mili” dhe “Improvisation”, filma të njohur të kinematografisë botërore me qëllim promovimin e muzikës jazz.

Koha Jonë

Artistët Performues në linkun në vijim: https://kohajone.com/jeni-gati-per-g...jne-ne-tirane/

**sirena_adria** · 25-07-2023, 06:34

Za Fest në Shkodër, muzikë dhe të ftuar specialë në festival

Zâ Festi jehoi edhe në edicionin e tij të 7-të në Shkodër.

Festivali që lindi me synimin për të promovuar vlerat e Shqipërisë, përmes muzikës, artit, mbështetjes në traditë dhe mbrojtjes së mjedisit, u zhvillua për tre netë me radhë, duke nisur nga oborri i Kullës se Sahati të Inglizit, për të përfunduar në kalanë Rozafa, me këngëtarë me famë botërore deri tek të ftuarit special.

“Pak e dinë jo të gjithë që jam nip shkodre, djali i këtij qyteti prandaj është kënaqësi shumë e madhe që jam këtu me ju. Pa ditur ku kemi qenë e ku kemi patur të mirat e të gabuarat tona nuk do të dimë të ndërtojmë të nesërmen”- tha Marin Mema, gazetar

“Është shumë e bukur e sidomos ky vendi. Jam pa fjalë. Është gjithçka fantastike. E njoh Vlashentin prej shume vitesh dhe me ka folur gjithmonë për vendin e tij. Tani jam e lumtur që e dëgjova dhe erdha për të zbuluar Shqipërine e tij,e cila është e mrekullueshme.”- tha Isabeal Sorling, këngëtare.

“Për mua është hera e parë në Shqipëri dhe duhet të them që ky vend, Shkodra është e mrekullueshme dhe kjo skenë një magji e vërtetë. Vlashenti më kontaktoi dhe krijuam lidhjet menjëherë, një kimi që dukej se njiheshim prej kohësh. Mund të them që është nisja e një miqësie. Përgjigjia e publikut sonte ishte fantastike dhe të shohësh që njerëz që nuk flasin gjuhën tende por këndojne me ty, është fantastike. Një eksperiencë që dua ta përsëris.”-tha Davide Shorty, këngetar.

Krijuesi i ZAFEST, Vlashen Sata, thotë se edhe këtë edicion, ky festival ia arriti qëllimit.

“Shumë përpjekje që t’ja dilnim dhe jam shumë i lumtur e më vjen shumë mirë që kemi arrit rezultatin. Është dëshira me mbajt nivelin, të ruajmë të mirën e të bukurë dhe më vjen mirë që njerëzit e kanë shijuar e përqafuar dhe i ka bërë mirë atyre dhe neve”- tha Vlashent Sata

ZAFEST, erdhi me mbështetjen e Ministrisë së Kulturës, Bashkimit Europian dhe ambasadës Franceze, Italiane dhe Suedeze.

/ TopChannel / KultPlus.com

https://www.kultplus.com/muzika/za-f...e-ne-festival/

**sirena_adria** · 01-08-2023, 05:54

Ngre siparin "Mik Festival" festivali i muzikës internacionale për të gjashtin vit në Korçë

29 Korrik, 2023

**sirena_adria** · 01-08-2023, 06:01

MIK festival, koncerti në Drenovë mes muzikës klasike dhe asaj tradicionale

31 Korrik, 2023.

**sirena_adria** · 02-08-2023, 07:31

ReMusica me dy koncerte në Himara International Music Festival

ReMusica Festival i drejtuar nga kompozitorja Donika Rudi do të ketë dy paraqitje në Himara International Music Festival.

Në pikën më të lartë të kalasë, në kalanë shekullore të Himarës në Shqipëri, “Lament of the Earth” nga kompozitorja Donika Rudi do të hapë festivalin Himara International Music Festival këtë të enjte, përcjell KultPlus.

“Lament of the Earth” është vepër kushtuar efekteve të ndryshimeve klimatike në Tokë dhe ngrohjes globale e mbështetur nga platforma IN SITU – European Platform for Artistic Creation in Public Space, në kuadër të projektit (UN)COMMON SPACES, të bashkëfinancuar nga Programi Creative Europe i Bashkimit Evropian / Teatri ODA.

Shfaqja do të prezantohet dy herë, në orën 19.30 dhe në orën 20.00.

LAMENT OF THE EARTH (Vajtimi i Tokës)është cikël i veprave audio-vizuale nga kompozitorja Donika Rudi kushtuar efekteve të ndryshimeve klimatike në Tokë, është thirrje për ndërgjegjësim dhe kujdes ndaj planetit tonë. Fokusi thelbësor i këtij cikli është shtjellimi i temës së ndryshimeve klimatike dhe eksperiencës tingullore për komunitetin e shurdhët. Vepra është ndërtuar duke u bazuar në grafikën e “warming stripes” apo shiritat e ngrohjes globale, të cilat vizualisht portretizojnë ndryshimin afatgjatë të temperaturës në sipërfaqen e Tokës. Në pjesën e parë vepra përqendrohet në tinguj organikë, kryesisht në një qetësi dhe harmoni me tekst të autores Doruntina Basha, përderisa kulminacioni arrihet me tinguj të transformuar, të deformuar dhe vajtimin e tokës, thirrjes për veprim nga sopranoja Kaltrina Miftari. Gjuha e shenjave dhe vallëzimi është pjesë integrale e këtij cikli, ku përmes lojës së lëvizjeve, vallëzimit dhe “visual vernacular” do interpretohet dhe përjetohet emocioni i tingullit. Vepra adreson atë që të gjithë ndjejmë por nuk e flasim, vërejmë por nuk e shohim, atë që na afekton por ne qëndrojmë indiferent.

Për këtë vepër me profesionalizmine tyre kanë punuar: Donika Rudi, kompozitore, Kaltrina Miftari, soprano, Agnes Nokshiqri, gjuha e shenjave/visual vernacular & vallëzim Doruntina Basha, teksti Hana Zeqa (Fight or Flight), kostumi / skenografia, Labinot Rudi, sound / zëri.

Gjithashtu, kompozitorja Donika Rudi ka bërë më dije për KultPlus se në këtë festival do të paraqiten edhe me një tjetër koncert nga ReMusica Vocal Ensemble.

Nën qiellin e hapur, midis shtëpive të vjetra dhe Kishës së Gjithë Shenjtorëve në fshatin e Himarës, koncerti i Ansamblit vokal ReMusica do të mbahet me datën 3 Gusht 2023.

Programi i ansamblit vokal ReMusica paraqet një zhytje të madhe në thesarin historik të muzikës shqiptare (deri vonë të panjohura për histiorografinë shqiptare ) të shekullit XIII dhe XIV me kompozitoret Gjergj Danush Lapacaj , Jan Kukuzeli (i cili njihet si reformator i notacioni të kishës lindore) dhe duke vazhduar deri te krijimtaria e kompozitorëve kosovarë si Mendi Mengjiqi, Memli Kelmendi dhe poashtu repertoari modern botëror.

Ky program i pasur, kryesisht me vepra të autorëve tanë do t’jepet me datën 3 Gusht 2023 në Himarë.

Ansambli vokal i Kosovës ReMusica është ansambël i formuar nga Festivali ReMusica dhe ai karakterizohet për repertoarin e tij të gjerë stilistik, duke filluar që nga muzika e vjetër – renesansë & barok, repertoari modern shqiptarë e deri tek repertoari botëror bashkëkohor. Nën udhëheqjen e dirigjentit Rafet Rudi, tetë profesionistë janë bashkuar për të shpalosur muzikën korale me një finesë, ndjeshmëri interpretative duke synuar një standard shumë kërkues.

/ KultPlus.com

https://www.kultplus.com/muzika/remu...usic-festival/

**sirena_adria** · 07-08-2023, 11:46

Muzikë elektronike në kala/ Çeço Fest zhvillohet edicioni i katërt në Gjirokastër

Në kalanë e Gjirokastrës është duke u mbajtur një prej eventeve më të njohura të muzikës elektronike në vend. “Çeço fest” një ngjarje muzikore rinore që vjen në edicionin e saj të katërt ka mbledhur qindra të rinj nga i gjithë vendi si dhe të huaj që kanë udhëtuar drejt Gjirokastrës për të ndjekur DJ-t e tyre të preferuar. Ritmet e muzikës elektronike për të disatën natë rresht i kanë ftuar pjesëmarrësit të vallëzojnë deri në agim.

DJ setet e mbrëmjeve po karakterizohen nga disa zhanre, me improvizime dinamike, teknikë inovative dhe pjesë nga albume të njohura si ai i DJ Andi Bros “ Love intro”, “ Midnight love” apo pjesë nga albumi “Dreams”

Më shumë se 15 artistë ndërkombëtarë dhe shqiptarë të muzikës elektronike duke kombinuar repertorin dhe ritmet kanë mundësuar që festa të zërë vend edhe në pazarin e Gjirokastrës në orët e pasdites. Emri i festivalit është një memorje për heroin shqiptar të përpjekjeve çlirimtare kundër otomanëve Çerçiz Topulli, lindur dhe rritur në Gjirokastër.

Krahas promovimit përmes imazheve filmike të figurës së Çerçiz Topullit portreti tij është bërë tani shumë popullor në bluza, kapele e çanta.

Lexo.al

https://lexo.al/2023/08/muzike-elekt...e-gjirokaster/

**sirena_adria** · 07-08-2023, 12:01

Çeço Fest 2021 | Official Aftermovie

**sirena_adria** · 08-08-2023, 07:01

“Shkodra Jazz Festival 2023”- Aktiviteti Muzikor që bashkon muzikantë të njohur nga Shqipëria dhe të huaj

Nisi “Shkodra Jazz Festival 2023”, aktiviteti muzikor që bashkon muzikantë të njohur nga Shqipëria, vende të rajonit e më gjerë.

Edicioni i 14-të i tij nis me “Rrok Akademi” masterclass për të rinj në instrumente dhe rryma të ndryshme muzikore e vijon me koncerte në qytet, duke na shoqëruar për 3 javë.

Projekti organizohet nga Shoqata Kulturore “Rrok Jakaj”, me mbështetjen e Bashkisë dhe partnerëve të tjerë dashamirës të artit e Shkodrës si qendër kulture.

Koha Jonë

https://kohajone.com/shkodra-jazz-fe...a-dhe-te-huaj/

**sirena_adria** · 11-08-2023, 20:49

https://gazetasi.al/nona-festivali-q...ria-ne-permet/

" Nona " - festivali që shkund brezin e tretë dhe mbledh Gjyshet në Përmet

**sirena_adria** · 14-08-2023, 07:47

"Divani Lunxhot", promovohen këngët popullore, kulinaria dhe punimet artizanale

Lunxhëria vijon të ruaje traditën duke mbledhur grupe te ndryshem popullore nga i gjithe vendi. Krahas këngës, promovohen edhe kulinaria dhe punimet artizanale.

Divani Lunxhot" rikthehet në edicionin e 9-të. Për dy netë me radhë vlerat më të arrira të folkut, etnografisë dhe traditës sonë popullore do të ngjiten në skenën e Dhoksatit, nëpërmjet interpretimit të rreth 16 ansambleve dhe grupeve popullore nga zona të ndryshme te vendit por edhe jashtë kufijve.

A2 CNN