Close
Duke shfaqur rezultatin -19 deri 0 prej 6
  1. #1
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Donald Lu dhe Romana Vlahutin na lanë shëndenë-Skandalet për të cilat do mbahen mend

    Donald Lu dhe Romana Vlahutin, dy ambasadorët e gjendur gjithnjë kur i kërkonte Edi Rama do largohen nga Shqipëria. Çuditërisht, informacionet për largimin e tyre, njëri me gjasë drejt Krigistanit, me urdhër të SHBA-ve dhe tjetrës i dihet se kush do t’ia zërë vendin, Luigji Soreca, u bënë publike në të njëjtën ditë.
    Nuk jemi fort të qartë për rolin e ambasadorit amerikan Lu në Kirgistan, por në Shqipëri ambasadori Lu ia lejoi vetes t’i bënte presion ish-kryeprokurorit Adriatik Llalla për hetimet ndaj “Bankers”-it, madje këto ditë mori edhe rolin e gjykatësit, duke thënë se nuk do largohej nga Shqipëria pa bërë drejtësi.
    Është e vështirë të përzgjedhësh në numrin e madh të skandaleve që kanë shoqëruar ambasadorët Lu dhe Vlahutin në Shqipëri, por le të rikujtojmë edhe njëherë ato më pikantet.
    Skandali i Vilës së Romana Vlahutinit
    Skandali i blerjes së një vile me vlerë 1,6 milionë euro nga ambasadorja e Bashkimit Europian në Tiranë, Romana Vlahutin, në një zonë rezidenciale të kryeqytetit, hapi një valë polemikash.
    Për këtë arsye eurodeputetja gjermane Ingeborg Grassle njëherazi Kryetarja e Komisionit të Kontrollit të Buxhetit në Parlamentit Evropian i dërgoi një letër Frederica Mogherinit, ku i drejtonte 11 pyetje për blerjen e vilës nga Vlahutin në Tiranë. Shefja e Shërbimit të Jashtëm Frederica Mogherini i ka adresuar pyetjet e eurodeputetes pranë delegacionit të BE-së në Tiranë, për të marrë përgjigje më të saktë.
    Delegacioni i BE-së në Tiranë i ktheu përgjigje eurodeputetes duke i saktësuar se nuk ka patur asnjë abuzim, por gjithçka është kryer konform rregullave dhe standarteve. Në përgjigjen e kthyer nga zyra e Bashkimit Evropian në Tiranë për eurodeputeten gjermane ajo që bie në sy ishte një përgjigje e paparë më parë. Sipas stafit të zonjës Vlahutin afër me vilën 1,6 milionë euro, ndodhej një vilë tjetër me çmim më të ulët, por që nuk i përmbushte kushtet e sigurisë.
    Zyra e BE-së deklaronte se vila tjetër ishte me dritare të pafortifikuara, me mure të ulëta dhe e rrezikuar nga tërmetet. Prandaj kjo blerje megjithëse me çmim më të ulët nuk u aprovua, dhe u zgjodh vila tjetër me çmim 1,6 milion euro.
    Ky ishte një arsyetim interesant. Duket sikur Delegacioni i BE-së në Tiranë, ishte kthyer në një qendër shkencore sizmike, madje qendër tepër e specializuar, aq sa mund të dallonte edhe efektet e tërmetit në dy vila të ndryshme të së njëjtës lagje.
    Më pas u bë e njohur se Vlahutini ishte vënë zyrtarisht nën hetim në Bruksel për abuzimin me fondet e BE-së dhe shkeljen e rregullave të rekrutimit. Lajmi u konfirmua për Hashtag.al nga një burim diplomatik i mirëinformuar pranë një ambasade të rëndësishme të BE-së në Tiranë.
    Zyra e investigimit të vjedhjeve të buxhetit dhe shkeljes së praktikave të BE-së (OLAF), ka zyrtarisht nën hetim zonjën Vlahutin. I njëjti burim ofroi dhe detaje mbi çështjet për të cilat zonja Vlahutin po hetohet nga zyra e OLAF-it, duke thënë se nuk ishte thjesht çështja e blerjes së vilës dhe se po verifikoheshin edhe ndryshime të organigramës në strukturën e prokurimeve në zyrën e BE-së në Tiranë.
    Rezultonte se zonja Vlahutin ka përqendruar procedurat e prokurimit, ndërsa disa ish-drejtorë të misionit në Tiranë janë shmangur prej saj ose janë pushuar nga funksioni, bazuar në arsyetime të dyshimta.
    Në proces verifikimi ishin dhe disa emërime të reja që ka kryer zonja Vlahutin. Përshembull e motra e drejtoreshës së qendrës C.O.D në Kryeministri, është punësuar në zyrën e BE-së në Tiranë nëpërmjet një procedure që dyshohet si nepotike. “Ka të dhëna për të paktën 5 punonjës së zyrës së BE-së të punësuar prej zonjës Vlahutin dhe që rezultojnë lidhje nepotike e Kryeministrit të vendit, zotit Edi Rama, ose rrethit të tij”, – shprehej burimi diplomatik.
    Dyshja e puthjes së famshme
    Ambasadori Donald Lu ka dhënë prova në të kaluarën se është investuar personalisht për të dalë në mbrojtje të koleges së tij Vlahutin dhe delegacionit të BE-së në Tiranë.
    Kjo u vu re kur Hashtag.al publikoi lajmin se shefi i misionit Euralius, zoti Rainer Deville ishte shkarkuar nga detyra për një gafë në përkthimin e ligjit të Vettingut, ambasadori amerikan doli publikisht dhe e quajti të pavërtetë lajmin.
    Dalja e zotit Lu i dha mbështetje provizore dyshes Deville-Vlahutin, por pak më vonë u konfirmua çdo e dhënë e raportuar nga Hashtag.al dhe rezultoi se ambasadori Lu kishte konsumuar një mashtrim publik, sepse shefi i Euralius ishte shkarkuar vërtetë nga detyra që mbante.
    Por ndonëse zoti Lu dhe zonja Vlahutin nuk lënë rast pa shfaqur protagonizmin e tyre mbi reformën në drejtësi, ecuria ka vënë në dyshim serioz integritetin profesional të ambasadorëve.
    Përshembull zoti Lu ka regjistruar disa dështime dhe gafa spektakolare. Ai është i vetmi ambasador amerikan në rajon që është përgënjeshtruar nga shefja e tij Nuland.
    Ambasadori Lu pretendoi se reforma në drejtësi do bëhej pa opozitën dhe nisi të lobonte individualisht disa deputetë të opozitës, por pak më vonë Victoria Nuland mbërriti në Tiranë dhe i vuri kryq për 5 minuta përpjekjeve ekstravagante dhe disa javore të zotit Lu. Ishte ndoshta dështimi më arbitrar i një ambasadori amerikan në Tiranë.
    Zoti Lu u bë palë në procesin e reformës në drejtësi dhe mashtroi opinionin publik shqiptar gjatë një proteste ku ai pretendoi se kishte dalë të protestonte me shoqërinë civile, por siç doli më pas, rezultonte se në fakt zoti Lu kishte protestuar me disa militantë të Partisë Socialiste të thirrur nga Musa Ulqini.
    Zoti Lu kërcënoi dhe shantazhoi publikisht opozitën dhe kryetarin e saj Lulzim Basha kur ky i fundit çoi për shqyrtim në Kushtetuese ligjin e Vettingut.
    Një shantazh i paprecedentë, dalje nga binarët diplomatikë dhe përpjekje për të ndalur opozitën në ushtrimin e një të drejtë ligjore të saj. Do guxonte zoti Lu të shantazhonte opozitën amerikane nëse ajo do bënte një ankimim në gjykatë?
    Ndonëse shfaqet si ‘merakli i reformës në drejtësi’, ekzistojnë gjasat që zoti Lu ta ketë implikuar ambasadën në një skandal potencial të konfliktit të interesit. Sepse fondi prej 9.5 milionë dollarësh i USAID për drejtësinë i është akorduar një kompanie të administruar nga zonja Delina Fico. Bashkëshorte e një ministri të rilindjes dhe palë politike në proces.
    Skandali i Bankersit-Presioni dhe Emaili
    Më 24 korrik 2015, ambasadori i SHBA-ve në Tiranë Donald Lu, i dërgoi Prokurorit të Përgjithshëm të Shqipërisë Adriatik Llalla një e-mail kompromentues duke i sugjeruar kryeprokurorit që të ndryshonte akuzat ndaj koorporatës ‘Bankers Petroleum’.
    Kjo koorporatë asokohe ishte në epiqendër të hetimeve pasi disa shpërthime nëntokësore të zhvilluara në zonat hidrokarbure kishin shkatërruar shtëpitë dhe pronat në Patos-Marinzë.
    E-mail-i i siguruar ekskluzivisht nga Hashtag.al, zbuloi se që në fillim ambasadori Lu bën të qartë se është tepër i shqetësuar mbi fatin e këtyre hetimeve dhe se e kishte personale këtë punë.
    “Nuk mund ta theksoj mjaftueshëm se sa i shqetësuar jam personalisht për pasojën e ndjekjes penale të këtyre punonjësve të Bankers Petroleum nga prokurori i Fierit”, shkruante Lu në email.
    Fill më pas ambasadori bën dhe kërkesën e tij, duke i kërkuar në mënyrë flagrante kryeprokurorit Llalla që të mos ngrinte akuza penale ndaj Bankers Petroleum por të mjaftohej me ca gjoba administrative.
    Lexoni me vëmendje se si ky ambasador i ka shkruar kryeprokurorit të Shqipërisë, duke u përpjekur ta instruktojë se çfarë akuzash duheshin shmangur dhe çfarë akuzash duhej të ngrinte prokuroria ndaj Bankers:
    “Në çdo vend tjetër, do të prisnim të shihnim gjoba dhe penalitete administrative. Akuzat penale janë të pazakonta”, – shkruante ambasadori.
    Më tej në letër ambasadori vijon me tezën se ndëshkimi ligjor i koorporatës Bankers Petroleum mund të ndikonte në largimin e investitorëve të huaj që sipas ambasadorit po i gjurmonte për t’i sjellë në Shqipëri ministri Gjiknuri.
    Pasi i ka shprehur kryeprokurorit Llalla se është i interesuar personalisht për hetimet e Bankers, pasi i ka kërkuar në mënyrë flagrante prokurorisë të konvertojë akuzën nga akuzë penale në gjobë administrative, ambasadori Lu e mbyll letrën duke u përbetuar për sinqeritetin e vet, e duke shtuar se ai dyshonte se hetimet ndaj koorporatës Bankers Petroleum ishin të nxitura nga korrupsioni dhe trysnia politike.
    Ky e-mail i rivendosur në kontekst e kompromenton rëndë zotin Lu, i cili në muajt pasardhës u bë protagonist i reformës në drejtësi, ndërsa në kanale konfidenciale zoti Lu rezulton se i ka shërbyer oligarkëve, kompanive private, duke i kërkuar prokurorisë të mbrojë personat e dyshuar për krimin e Patos-Marinzës dhe shpërthimet e ndodhura atje.
    Adriatik Llalla u shpall zyrtarisht si i pari prokuror ‘non grata’ në SHBA, kjo falë një procedure personale, inatçore të nisur dhe ndjekur nga Donald Lu.
    Por i njëjti ambasador që fliste e përbetohej çdo javë për reformën në drejtësi dhe luftën kundër korrupsionit, rezultoi i kapur gafil, pasi i kërkoi kryeoprokurorit Llalla të mbronte koorporatën Bankers Petroleum duke konvertuar akuzat dhe duke zhvlerësuar krimin e ndodhur në Patos-Marinzë.
    Bashkëpunimi me Sorosin dhe fshehja e dokumenteve
    Shoqata Judical Watch pasi i kërkoi Ambasadës Amerikane në Tiranë informacione mbi bashkëpunimin e ambasadës me fondacionin Soros, publikoi përgjigjen e ambasadës, nga një vëzhgim i dokumentit me 32 faqe rezulton se ambasada ka fshehur shumicën e dokumentacionit duke i klasfifikuar si akte që nuk mund të bëhen publike.
    Ndërkohë presidenti i shoqatës Judical Watch Tom Fitton ka thënë se“Ambasadori i SHBA në Shqipëri, Donald Lu, i emëruar nga administrata Obama, ka qenë i lidhur ngushtë me Sorosin dhe qeverinë socialiste në Shqipëri.
    Në maj 2017, Lu ndihmoi të minojë planet e partive opozitare shqiptare për të protestuar ndaj zgjedhjeve të ardhshme parlamentare duke deklaruar se SHBA do të pranonin rezultatet e zgjedhjeve edhe në qoftë se partitë e opozitës refuzuan të merrnin pjesë. Lu është përshkruar në shtypin e SHBA si “një forcë shtytëse prapa reformave gjyqësore të Shqipërisë”.
    “George Soros është një miliarder dhe ai nuk duhet të marrë mbështetjen e taksapaguesve për të avancuar axhendën e tij radikale të majtë për të minuar lirinë këtu brenda dhe jashtë vendit“.
    Judical Watch dispononte një material me 32 faqe ku tregohet se Administrata Obama i jep paratë e takasapaguesëve amerikanë për financimin e miliarderit George Soros i cili i përdor këto para për financimin e aktiviteteve të partive të majta në Shqipëri, përfshirë dhe punën që qeveria socialiste po bën për miratimin e reformës të shumëdiskutuar në drejtësi./Hashtag.al
    Shënim: Meqë Donald Lu e kishte shumë qejf “Gjuhën Shqipe”, titulli mban një shprehje tipike shqiptare. Në ish-republikën sovjetike besohet që do ketë etje për të mësuar gjuhën kirkize, ose rusishten në rastin më të keq.
    Trimi mirë me shokë shumë!!!!!!

  2. #2
    not exist Maska e skender76
    Anëtarësuar
    10-06-2003
    Vendndodhja
    Sa me larg Shqiperise...
    Postime
    4,784

    Për: Donald Lu dhe Romana Vlahutin na lanë shëndenë-Skandalet për të cilat do mbahen mend

    Dikur nje mbret premtoi se kush do bente qe nje vez e zier te qendronte ne kembe mbi tavoline (pa mjete ndihmese) do e bente minister te drejtesise.
    Flala mori dhene, erdhen njerez nga te gjitha anet, provuan, llogarite, por askush nuk ia doli.
    Ne fund fare, nje plak, afrohet merr vezen dhe e ve ne tavoline duke e goditur pak (sa per ta thyer ne fund) dhe veza qendroi ne kembe.



    Prandaj o Duke, Lu-ja meriton monument afer atij te Skenderbeut.
    paqen, e sjell vetem drejtsia

  3. #3
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Donald Lu dhe Romana Vlahutin na lanë shëndenë-Skandalet për të cilat do mbahen mend

    Jam dakort me ty Skender, nje vrime ne veze beri...
    Meqe merr simboliken e vezes, ne mos gaboj nje histori qe mendohet te kete ndodhur ne nje takim me njerez nga Ameriko Vespuçi, pikerisht ashtu siç donte Rama e beri te qendroje vezen mbi tavoline Lu-ja.
    Pra beri nje reforme ovale, qe ta vendosi Rama vezen ne tavoline nga cilido kulm qe do t’i interesoje atij!
    Nese Vespuçi zbuloi kontinentin amerikan, Lu-ja zbuloi laboratore kokaine, drejtore policie qe paketonin gjethe kanabisi. I dha madje levdata LlVE ketyre rrufjaneve.

    Jam dakort qe meriton t’i ngrihet nje lapidar Lu-se, por jo ne qender te Tiranes prane Skenderbeut.
    T’ia ndertojme ne Surrel Skender, qe ta shohi Tiranen nga larte...
    Trimi mirë me shokë shumë!!!!!!

  4. #4
    not exist Maska e skender76
    Anëtarësuar
    10-06-2003
    Vendndodhja
    Sa me larg Shqiperise...
    Postime
    4,784

    Për: Donald Lu dhe Romana Vlahutin na lanë shëndenë-Skandalet për të cilat do mbahen mend

    Citim Postuar më parë nga Duke_Of_Arberia Lexo Postimin
    Jam dakort me ty Skender, nje vrime ne veze beri...
    Meqe merr simboliken e vezes, ne mos gaboj nje histori qe mendohet te kete ndodhur ne nje takim me njerez nga Ameriko Vespuçi, pikerisht ashtu siç donte Rama e beri te qendroje vezen mbi tavoline Lu-ja.
    Pra beri nje reforme ovale, qe ta vendosi Rama vezen ne tavoline nga cilido kulm qe do t’i interesoje atij!
    Nese Vespuçi zbuloi kontinentin amerikan, Lu-ja zbuloi laboratore kokaine, drejtore policie qe paketonin gjethe kanabisi. I dha madje levdata LlVE ketyre rrufjaneve.

    Jam dakort qe meriton t’i ngrihet nje lapidar Lu-se, por jo ne qender te Tiranes prane Skenderbeut.
    T’ia ndertojme ne Surrel Skender, qe ta shohi Tiranen nga larte...
    Duke,

    Luja u tregu plak me mend...
    Ai pati vullnetin e mire, dhe me mjetet qe kishte (nje parlament rrugacesh) e theu pak vezen ne fund... duhet te nisej nga nje pike...
    paqen, e sjell vetem drejtsia

  5. #5
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Donald Lu dhe Romana Vlahutin na lanë shëndenë-Skandalet për të cilat do mbahen mend

    Citim Postuar më parë nga skender76 Lexo Postimin
    Duke,

    Luja u tregu plak me mend...
    Ai pati vullnetin e mire, dhe me mjetet qe kishte (nje parlament rrugacesh) e theu pak vezen ne fund... duhet te nisej nga nje pike...
    U be pale me llumin e politikes Skender. Ky eshte rezultati dhe kjo e kompromenton edhe e diskretiton me shume se ajo tufa rrugeçerve qe t’i permend...
    Mbasi nuk la rast pa duartrokitur e vleresuar arritjet imagjinare te Tahirit, tani ne fund te mandatit hipen e shetit Xhafen me makinen e ambasades amerikane. Kinezërira qe vetem Lu mund t’i bente!!!
    Trimi mirë me shokë shumë!!!!!!

  6. #6
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Donald Lu dhe Romana Vlahutin na lanë shëndenë-Skandalet për të cilat do mbahen mend

    Prokurori i Tahirit në ndihmë të Donald Lusë

    Në një zhvillim, në dukje rutinë, drejtuesi i Prokurorisë së Shkodrës, Anton Martini, u transferua para disa ditësh prokuror në Prokurorinë e Krimeve të Rënda. Ky emërim është një tjetër veprim i paligjshëm në vazhdën e emërimeve, shkarkimeve dhe ndryshimeve strukturore të paligjshme të Prokurorës së Përkohshme të Përgjithshme Arta Marku, qysh pas ardhjes së saj në mënyrë antikushtetuese në krye të sistemit të prokurorisë.

    Emërimi i Martinit është domethënës për faktin se për të hetuar korrupsionin e politikanëve të lartë dhe krimin e organizuar po emërohet dikush mbi të cilin ka hije dyshimi për aktivitetin e tij në të shkuarën.

    Anton Martini është prokurori që ngriti akuzat e rënda për tradhëti dhe nxjerrje të sekreteve shtetërore kundër Dritan Zaganit dhe që urdhëroi arrestimin e tij. Tashmë, është e qartë se këto akuza u hartuan me ndërhyrjen direkte dhe në shërbim të ish-Ministrit Saimir Tahiri—si shef i antidrogës së Fierit, Zagani raportoi tek shefat e tij aktivitetin e trafikut të drogës të vëllezërve Habilaj duke përdorur makinën tashmë të famshme të Tahirit.

    Me anë të akuzave të sajuara të ngritura nga Martini, Dritan Zagani u mbajt për disa muaj i burgosur, por më në fund Gjykata e Krimeve të Rënda i hodhi poshtë akuzat e Martinit duke e reduktuar çështjen në shpërdorim detyre dhe duke ja kaluar hetimet Prokurorisë së Fierit.

    Përdorimi i Martinit nga Tahiri jo vetëm që solli persekutimin e padrejtë të Dritan Zaganit, por praktikisht garantoi vazhdimin e aktivitetit të trafikut nga vëllezërit Habilaj nën mbrojtjen e Saimir Tahirit—Martini kishte “eleminuar”, kështu, rrezikun e bërjes publike të veprimtarisë së tyre kriminale. Vetë Zagani ka komentuar ashpër para pak muajsh fjalën e përhapur që atëherë se Martini mund të vihej në krye të Krimeve të Rënda.

    Rasti tjetër i debatueshëm i Anton Martinit ka qenë hetimi për mbi gjashtë muaj i kryebashkiakut të Durrësit Vangjush Dako për bashkëpunim me grupe kriminale për të manipuluar zgjedhjet e vitit 2017. Në këtë hetim, Martini në mënyrë të pashpjegueshme nuk përfshiu si provë një sërë përgjimesh të bisedimeve telefonike ndërmjet Dakos dhe elementëve kriminalë, ku diskutoheshin favoret që Dako do t’ju ofronte kriminelëve me kontrata dhe fonde publike në shkëmbim të sigurimit nga ana e tyre të votave në favor të PS-së. Ky veprim i Martinit, praktikisht e shkatërroi hetimin ndaj Dakos dhe hetimi vazhdon të mbetet i bllokuar.

    Premtimi i reformës në drejtësi ishte se sistemi do të pastrohej nga ndikimi politik, nga korrupsioni, inkriminimi dhe paaftësia. Por realiteti është se i gjithë sistemi i prokurorisë është i kapur dhe në shërbim të interesave politike dhe private. Ndaj Martini, në vend të ishte të paktën nën hetim të brendshëm për rastin Zagani, ai tashmë është njeri i besuar i Arta Markut dhe atyre që e kontrollojnë atë.

    Në fakt, një polic gjyqësor i tha Exit.al në mënyrë anonime se, Anton Martini është sjellë tek Krimet e Rënda me një objektiv konkret: marrjen përsipër të hetimeve të Adriatik Llallës dhe arrestimin e tij. Është shërbimi i fundit që Arta Marku dhe Edi Rama po i bëjnë ambasadorit amerikan Donald Lu.

    Lu është propozuar si Ambasador i SHBA-ve në Kirgizistan dhe pritet të dalë në seancë dëgjimore para Komitetit të Punëve të Jashtme të Senatit të SHBA-ve në mes të muajit korrik. Prioriteti i Lusë, tashmë, është të sigurohet se gjatë seancës dëgjimore nuk do të ketë supriza.

    Shqetësim kryesor mbeten akuzat publike të ish-Prokurorit të Përgjithshëm Llalla, sidomos ato për pengimin e hetimeve ndaj Bankers Petroleum, për mungesë mbështetje në luftën kundër drogës dhe mbrojtje të deputetëve të inkriminuar socialistë. Këto akuza janë bërë zyrtarisht nga Llalla edhe në një dëshmi me shkrim për Komitetin e Punëve të Jashtme të Kongresit Amerikan—dëshmia me shkrim e Llallës u paraqit nga Kongresmeni Dana Rohrabacher, Kryetar i Nënkomitetit të Mbikqyrjes dhe Hetimeve në Komitetin e Punëve të Jashtme të Kongresit dhe është pjesë e rekordeve zyrtare të Kongresit Amerikan.

    Mënyra më e mirë që Lu të përballojë pa problem pyetje të mundshme në lidhje me këto akuza është që Adriatik Llalla të jetë i arrestuar në momentin kur Lu do të dalë para Senatit, në mes të korrikut. Nëse Llalla është një “zyrtar i korruptuar dhe i diskredituar”, sikurse Lu e ka etiketuar atë publikisht, atëherë edhe akuzat e Llallës ndaj Lusë janë të pabesueshme dhe lehtësisht të diskreditueshme para senatorëve amerikanë.

    Për këtë qëllim, këto ditë të fundit të qëndrimit të tij në Tiranë—Lu ka mbyllur të gjitha detyrimet dhe do të largohet nga Shqipëria menjëherë pas pritjes për Ditën e Pavarësise që Ambasada amerikane do të japë më 29 qershor—në bashkëpunim me Arta Markun, Lu po luan kartën e fundit për të siguruar arrestimin e Llallës, përdorimin e prokurorit që u përdor nga Tahiri për të arrestuar padrejtësisht Zaganin.

    Hetimi i Adriatik Llallës ka qënë që në krye hetim politik. Pavarësisht nëse Llalla është apo jo i korruptuar, madje edhe nëse supozohet se ai vërtet është i korruptuar, procesi ndaj tij duhet të jetë proces i drejtë.

    Por në të vërtet procesi ndaj tij ka qënë tërësisht i nxitur dhe i ndikuar nga Ambasadori Lu, i cili e ka sulmuar, akuzuar dhe shpallur fajtor Llallën publikisht më shumë se një herë—në shkelje të çdo standardi të drejtësisë dhe në shkelje të çdo standardi diplomatik. Madje akuzat e hetimit ndaj Llallës u bënë të ditura publikisht për herë të parë nga Lu. Nga ana tjetër, disa media të financuara apo të lidhura me Ambasadën Amerikane gjithashtu kanë zhvilluar një fushatë sistematike keqinformimi dhe lajmesh fallco ndaj Lallës.

    Por edhe pse Llalla po hetohet prej muajsh nga Prokuroria e Krimeve të Rënda, pas hetimeve të mëparshme disa mujore të Prokurorisë së Durrësit, prokurorët nuk kanë zbuluar fakte apo prova që mund të justifikojnë ngritjen e akuzave zyrtare ndaj Lallës. Për këtë arsye, asnjë nga shumë prokurorët që është marrë me këtë çështje nuk ka mundur të lëshojë urdhër arresti për Llallën.

    Për shkak të mungesës së provave, ata i kanë rezistuar trysnisë së madhe të kohëve të fundit nga ambasadori amerikan për arrestimin e Llallës—trysni e ushtruar kryesisht nga oficeri i misionit të ODPAT-it Gjon Junçaj, njeriu i zakonshëm me anë të të cilit Ambasadori Lu realizon prej muajsh ndërhyrjen e tij në çështjet e prokurorisë. Një burim pranë prokurorisë pohoi për Exit.al se Gjonçaj nga njëra anë kërcënon me veting prokurorët, nga ana tjetër premton mirënjohjen e qeverisë amerikane nëse prokurorët veprojnë siç kërkon ambasadori amerikan.

    Përballë rezistencës së prokurorëve, pasi emëruan në krye të Prokurorisë së Krimeve të Rënda Donika Prelën, shoqen e ngushtë të Arta Markut—emërim që u përshëndet direkt nga Ambasadori Lu—tani Lu dhe Marku kanë vendosur të përdorin Martinin për të bërë arrestimin e Llallës, fillimisht duke e emëruar atë në Prokurorinë e Krimeve të Rënda dhe pastaj duke ja kaluar atij përgjegjësinë e hetimeve të Lallës.

    Nëse do të ndodhë, do të jetë një përdorim skandaloz i drejtësisë shqiptare për interesa private nga Ambasadori Lu dhe një tjetër shenjë e një sistemi prokurorie të shkatërruar dhe të kthyer në një institucion privat në shërbim të interesave politike.
    Trimi mirë me shokë shumë!!!!!!

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •