Fatos Lulo rrëzohet nga Vettingu

[Neteorm]

Nuk ka justifikime të besueshme për pasurinë e tij në Kanada ndaj nuk do të jetë më pjesë e gjykatës kushtetuese. Gjyqtari Fatos Lulo (i pari djathtas) u bë kësisoj “viktima” e parë e sistemit të Vettingut, pas gjithë gjyqtarëve dhe prokurorëve që vetëdorëzuan postet për të mos i hyrë vetingut. Në fillim të kësaj jave, gjyqtari tjetër i Kushtetueses, Besnik Imeraj (i pari majtas), u çua për ndjekje penale pasi kishte dhënë dorëheqjen. Gjetjet e Komisionit të Pavarur të Kualifikimit ishin të tilla që kërkonin ndjekje penale, edhe pse Vettingu ndaj Besnik Imerajt u ndalua me kërkesë të tij.

Në rastin e Lulos, arsyeja e rrëzimit të tij shpjegohet kështu nga reporter.al:

Asetet për të cilat gjyqtari akuzohet se nuk është i aftë t’i shpjegojë më burimet e tij financiare përfshijnë pasuri të paluajtshme si një apartament në rrugën Sami Frashëri në Tiranë, një apartament në rr. e Durrësit, si dhe një zyrë në Rr. Ismail Qemali.

Gjithashtu, KPK ka vlerësuar si deklarim të rremë në ILDKPKI edhe dhuratën e marrë nga e motra Drita Lulo në vitin 2008 me vlerë 100 mijë USD, shitjen e një apartamenti në Toronto të Kanadasë me vlerë 160 mijë dollarë kanadez, një hua prej 480 mijë USD nga e motra e shlyer brenda vitit 2005 dhe një depozitë prej 400 mijë dollarë kanadez në Toronto, që sipas gjyqtarit Lulo ka ardhur nga puna e tij si emigrant në Kanada.

Sipas relatores Çiftja, informacionet e marra nga një numër institucionesh kishin krijuar bindjen se gjyqtari Lulo kishte mungesë burimesh financiare të ligjshme për asetet e deklaruara dhe ato përbënin deklarim të rremë. KPK i pati dhënë 15 ditë kohë gjyqtarit për t’u njohur me dosjen dhe për të dhënë shpjegime.

KPK është shkalla e parë e Vettingut. Gjyqtari Fatos Lulo do të ketë të drejtën të apelojë.

Kush është Fatos Lulo?

Lindur më 2.09.1961, në Tiranë. Është diplomuar në Universitetin e Tiranës, Fakulteti i Drejtësisë, në vitin 1988. Nga viti 1989 deri në fund të vitit 1992 ka punuar pranë Këshillit të Ministrave, në Komitetin e Punës dhe Përkrahjes Sociale, më pas Ministria e Punës, Emigracionit dhe Çështjeve Sociale. Në periudhën 1994-2004 ka ushtruar profesionin e avokatit. Në vitin 2004 u zgjodh nga Parlamenti i Shqipërisë si anëtar i Këshillit Kombëtar të Radios dhe Televizionit (KKRT). Në vitet 2005-2013 ka qenë anëtar i Gjykatës së Lartë. Në muajin maj të vitit 2013 është emëruar anëtar i Gjykatës Kushtetuese.
Burimi, faqja zyrtare e Gjykatës Kushtetuese

[aimilius]

epo shume mire e terheqte kemben zvarre se 98% e personave ne kete profesion jane trashur mire dhe meritojne burgun

[Neteorm]

Me vjen vertet mire qe disa njerez qe deri dje kishin imunitet te plote nga ligji sot po zhduken nje e na nje..

[Duke_Of_Arberia]

Eh mer Lazo djali. Nje trim bie e disa dhjetera ngrihen, e kemi dhe ne gen.
Thene ndryshe, hiqet nje i korruptuar qe s’e kishte teresisht nen kontroll rilindja dhe zevendesohet me te njejtin soj matrapazi, por kesaj here i kontrolluar teresisht nga rilindja.
Gezohu Lazo gezohu!!

[Ingenuous]

Nuk e njoh personalisht, por me sa info kam, vete e votoi kete katraure, pastaj keshtu e peson kur mbyll arsyen dhe voton per ti bere qefin “kryetarit”!

[SERAFIM DILO]

Si verifikim a veting koti duket. Duket sikur kan filluar me ate qe ka mé pak lek.

Edhe se eshte interesante qe nje gjyqtar i kushtetueses depozitat e tij bankare i mbaka ne Kanada.... Si te thuash besim tek bankat shqiptare zero.

[Albo]

Ironia e kesaj maskarade qe po behet nen petkun e "reformes ne drejtesi" eshte se: ja tek po pastrojme gjykatat nga gjykatesit e korruptuar, por ama Parlamentin e kemi te mbushur me 100 kriminele e mafioze te certifikuar boterisht qe fshihen ne Shqiperi dhe blene ate post deputeti per te fituar pikerisht, imunitetin nga ligji!

Shoku Rama, besoj se do t'ua rrisesh pazarin deputeteve te tu ne zgjedhjet e ardhshme apo jo?

Albo